ভারত ইন্টরফেস ফোর মনি (BHIM)

ভারত ইন্টরফেস ফোর মনি (BHIM) হায়বসি নহাক্কী মোবাইল ফোনগী খুত্থাংদা য়াংনা, সেক্যুওর ওইনা, থাজনিংঙাই ওইবা কেসলেস পেমেন্টশীং পাংথোকপা ঙমহন্নবা থৌরাং অমনি। BHIM অসি ই-পেমেন্টশীং বেঙ্কশীংগী খুত্থাংদা হকথেংননা পাংথোক্নবগীদমক য়ুনিফাইদ পেমেন্ট ইন্টরফেস (UPI)তা য়ুম্ফম ওই। মসি অতৈ য়ুনিফাইদ পেমেন্ট ইন্টরফেস (UPI) এপ্লিকেসনশীং, অমসুং বেঙ্ক একাউন্টশীংগা ওপরেট তৌমিন্নবা য়াই। য়ুনিফাইদ পেমেন্ট ইন্টরফেস (UPI) অসি  IMPS ইনফ্রাষ্ট্রকচরগী মথক্তা শেম্বা ইনষ্টেন্ট পেমেন্ট সিষ্টেম অমনি অমসুং মসিনা নহাকপু পার্টি অনিগী বেঙ্ক একাউন্ট অমহেক্তগী মরক্তা খুদক্কী ওইবা মওংদা শেল ত্রান্সফর তৌবা য়াহল্লি। BHIM অসি নেসনেল পেমেন্ট কোরপোরেসন ওফ ইন্দিয়া (NPCI)না দিভেলপ তৌবনি।

ভিদিও অসিনা BHIM এপ শিজিন্নবগী থৌওংগী মরমদা শন্দোক্না তাক্লি।

BHIM শিজিন্নবগী মাংজৌননা মথৌ তারিবশীং

1. ইন্টরনেটকী এক্সেস লৈবা স্মার্টফোন।
2. ভারত্তা লৈবা বেঙ্ক একাউন্ট অমা।
3. নহাক্কী মোবাইল নম্বর অদু নহাক্কী বেঙ্ক একাউন্ট অদুগা লিঙ্ক তৌনবা তাই। মসিগীদমক্তা, চানবীদুনা নহাক্কী বেঙ্ক অদু কন্টেক্ট তৌবীয়ু।
4. নহাক্কী একাউন্ট অদু UPI এক্টিভেট তৌবা মথৌ তাই নত্ত্রগা নহাক্কী দেবিট কার্দ অমা লৈবা মথৌ তাই। নহাক্কী বেঙ্কনা UPI সপোর্ট তৌব্রা হায়বদু খংনবগীদমক্তা, মফমসিদা ক্লিক তৌবীয়ু।
5. Bharat Interface for Money app দাউনলোদ তৌবিয়ু (এন্দ্রোইদ ফোনশীংগীদমক্তা)

পীরিবা সর্ভিসশীং

ভারত ইন্টরফেস ফোর মনিগী খুত্থাংদা নহাক্না মখাদা পীরিবা ত্রাঞ্জেক্সনগী মখলশীং অসি পাংথোকপা য়াই।

1. পেমেন্ট এদ্রেসকী খুত্থাংদা শেল রিক্বেষ্ট তৌবা নত্ত্রগা থাবা।
2. আধার নম্বরদা শেল থাবা।
3. মোবাইল নম্বরদা শেল রিক্বেষ্ট তৌবা নত্ত্রগা থাবা।
4. MMID, মোবাইল নম্বরগী খুত্থাংদা শেল থাবা।
5. IFSC কোদ, একাউন্ট নম্বরগী খুত্থাংদা শেল থাবা।
6. মসিগী মথক্তা, নহাক্না মার্চেন্ট পেমেন্টশীংগীদমক্তা স্কেন অমসুং পে ওপশন শিজিন্নবা য়াই।

BHIM এপ শিজিন্ননবগী খোংথাংশীং

1. Bharat Interface for Money app (এন্দ্রোইদ ফোনশীংগীদমক্তা) দাউনলোদ তৌবীয়ু। BHIM এপ অসি হৌজিক্কী ওইনদি এন্দ্রোইদ (4.1.1 ভর্সন অমসুং মসিগী মথক) খক্তদা ফংলি। মসি অতৈ প্লেটফোর্মশীংদসু য়াম্না থুনা ফংহল্লক্লগনি। সপোর্ট তৌরিবা লোলশীং অসি হিন্দি অমসুং ইংলিসনি। মতুং তারকপা মতমদা অহেনবা লোলশীংসু হাপচিল্লক্কনি।
2. মোবাইল নম্বরগী ভেরিফিকেসন – নহাক্কী মোবাইল নম্বর অদু নহাক্কী বেঙ্ক একাউন্টগা লিঙ্ক তৌরব্রা হায়বদু ভেরিফাই তৌনবগীদমক্তা, BHIM এপনা নহাক্কী মোবাইল নম্বরদা SMS অমা থাই। ফোনগী SMS এক্সেস তৌবা য়ানবগী অয়াবদু এপতা পীয়ু।
3. নহাক্কী UPI-PIN সেট তৌ (UPI পর্সোনেল আইদেন্টিফিকেসন নম্বর) – মসি নহাক্না এপ অসিদা অহানবা ওইনা রেজিষ্ট্রেসন তৌবা মতমদা শেম্বা দিজিট 4দগী 6 ফাউবগী অরোনবা কোদ অমনি। বেঙ্ক ত্রাঞ্জেক্সন পুম্নমক ওথোরাইজ তৌনবা নহাক্না UPI-PIN অসি এন্টর তৌবা মথৌ তাই। নহাক্কী UPI PIN অদু নহাক্না খল্লিবা একাউন্ট অদুগী ওইনা মেইন মেন্যু-বেঙ্ক একাউন্টস-সেট UPI-PINদা চত্তুনা শেম্বা য়াই। নহাক্কী দেবিট/ ATM কার্দকী অরোইবা দিজিট 6 অদু এক্সপিয়ারি দেট অদুগা কোন্ননা এন্টর তৌনবা খংহল্লক্কনি। মদুদগী নহাক্না OTP অমা ফংগনি অমসুং মদু নহাক্না এন্টর তৌদুনা নহাক্কী UPI PIN অদু শেম্মু। করিগুম্বা নহাক্না অতৈ  UPIশীংগীদমক UPI-PIN অমা হান্ননা শেম্লবা ওইরবদি মদু নহাক্না BHIMদসু চপ মান্ননা শিজিন্নবা য়াগনি।
• খংজিনগদবা – বেঙ্কশীংনা ইসু তৌবা MPIN অদু UPI UPI-PINদগী তোঙাল্লি, চানবীদুনা ভারত ইন্টরফেস ফোর মনি এপতা অনৌবা UPI-PIN অমা জেনেরেট তৌবীয়ু।
• খংজিনগদবা – চানবীদুনা নহাক্কী UPI-PIN অদু মীওই অমত্তদা খংহনগনু। ভারত ইন্টরফেস ফোর মনিনা নহাক্কী UPI-PINগী অকুপ্পা মরোল অদু থমজিন্দে নত্ত্রগা পাদে অমসুং নহাক্কী বেঙ্ককী কষ্টমর সপোর্টনা মদুগী মরমদা কৈদৌঙৈদা হংলক্লোই।
4. নহাক্কী পেমেন্ট এদ্রেস শেম্মু – পেমেন্ট এদ্রেস অসি মীওই অমগী বেঙ্ক একাউন্টপু অকক্ননা মশক তাক্লিবা এদ্রেস অমনি। খুদম ওইনা, ভারত ইন্টরফেস ফোর মনিগী পেমেন্ট এদ্রেস অসি xyz@upiগী ফোর্মেত্তা লৈ। নহাক্কী পেমেন্ট এদ্রেস অদু পেমেন্টশীং রিসিভ (বেঙ্ক একাউন্ত নম্বর/ IFSC কোদ অসিনচিংবশীংগী মথৌ তাদে) তৌনবগীদমক মীওই অমহেক্তদা শেয়র তৌনবা য়াই। নহাক্না মীওই অতৈদা মখোয়গী পেমেন্ট এদ্রেস শিজিন্নদুনা শেল থাবসু য়াই। নহাক্না অহেনবা পেমেন্ট এদ্রেস অমা কনফিগর তৌনবগীদমক প্রোফাইল সেক্সনদা ভিজিত তৌদুনা নহাক্কী নশাগী ওইবা পেমেন্ট এদ্রেস অমা শেম্বা য়াই। নহাক্কী VPA অমুকপু শেমখ্রবদি, নহাক্না QR কোদ স্কেন তৌদুনা, শেল থানবা, ফংনবা নত্ত্রগা পীনবগী ওপশনশীং উবা ফংগনি।

শেল ত্রান্সফর তৌনবগীদমক্তা

নহাক্কী UPI এনেবল তৌরবা বেঙ্ক একাউন্ট অদুদগী  BHIM মনি এপ শিজিন্নদুনা নহাক্না শেল থাবা য়াই।  করিগুম্বা নহাক্কী বেনিফিসরিগী বেঙ্ক একাউন্ট অদুসু UPIদা লিঙ্ক তৌরবা ওইরবদি, নহাক্না ত্রান্সফর তৌনবগীদমক মখোয়গী মোবাইল নম্বর নত্ত্রগা পেমেন্ট এদ্রেস অদু শিজিন্নবা য়াই। মসি নত্ত্রবসু, নহাক্না IFSC কোদ, বেঙ্ক একাউন্ট নত্ত্রগা MMID, মোবাইল নম্বর অদু শেল থানবগীদমক্তা শিজিন্নবা য়াই।

ইনগদবা থৌওং (Process to be followed)

BHIM মনি এপ হোম স্ক্রিনদগী,

• সেন্দ মনি ওপশন অদুদা ক্লিক তৌবীয়ু।
• ফংগদৌরিবা মীওই অদুগী মোবাইল নম্বর নত্ত্রগা পেমেন্ট এদ্রেস (নহাক্না মদু নহাক্কী কন্টেক্ট লিষ্টতগী খনবা য়াই নত্ত্রগা এন্টর তৌবা য়াই) নত্ত্রগা আধার নম্বর অদু এন্টর নত্ত্রগা সেলেক্ট তৌ।
• নহাক্না থাবা পাম্লিবা এমাউন্ট অদু এন্টর তৌ।
• নহাক্কী দিফোল্ট বেঙ্ক একাউন্ট অদু খল্লো।
• UPI PIN এন্টর তৌরো অমসুং থারো।

মসি নত্তবা মওংদসু, নহাক্না QR কোদ অমা স্কেন তৌবসু য়াই অমসুং ‘স্কেন অমসুং পে’ ওপশনগী খুত্থাংদা শেল পীবসু য়াই।

নহাক্না ত্রাঞ্জেক্সন অমা মপুংফানা হেক পাংথোকপগা, নহাক্না মায়পাকপগী ষ্টেটস অমা ভারত ইন্টরফেস ফোর মনি স্ক্রিনদা য়েংবা ফংগদবনি অমসুং নহাক্কী বেঙ্কতগী SMS অমা ফংগদবনি। করিগুম্বা কেস খরদদি, ওপরেটর ইসুশীংনা মরম ওইদুনা মসি মতম হেন্না চংবা য়াই। করিগুম্বা নহাক্কী কনফার্মেসন অদু নহাক্না পুং অমগী মনুংদা ফংদবা তারবদি চানবীদুনা নহাক্কী বেঙ্কতা লৈরিবা ঐখোয়গী কষ্টমর সপোর্টতা কন্টেক্ট তৌবীয়ু। নহাক্না হান্না পাংথোকখিবা অমসুং পেন্দিং ওইনা লৈরিবা ত্রাঞ্জেক্সনশীং য়েংনবগীদমক্তা, হোম স্ক্রিন  ত্রাঞ্জেক্সন হিষ্টরিদা চৎলু।

শেল রিক্বেষ্ট তৌনবগীদমক্তা

BHIM মনি এপ হোম স্ক্রিনদগী,

• রিক্বেষ্ট মনি সেলেক্ট তৌ।
• ফংগদৌরিবা মীওই অদুগী মোবাইল নম্বর নত্ত্রগা পেমেন্ট এদ্রেস (নহাক্কী কন্টেক্ট লিষ্টতগী নহাক্না খনবা য়াই নত্ত্রগা মদু এন্টর তৌবসু য়াই) নত্ত্রগা আধার নম্বর অদু এন্টর নত্ত্রগা সেলেক্ট তৌ।
• নহাক্না রিক্বেষ্ট তৌবা পাম্লিবা এমাউন্ট অদু এন্টর তৌ।
• সেন্দ (Send) ক্লিক তৌ।

পেমেন্ট অদু ফংদ্রিফাউবা ত্রাঞ্জেক্সন অসি পেন্দিং ওইদুনা লৈগনি। শেল অদু নঙোন্দা ত্রান্সফর তৌরক্লবা মতমদা নঙোন্দা খংহল্লক্কনি।

নহাক্কী QR কোদ অদু শেয়র তৌদুনা নহাক্না শেল রিক্বেষ্ট তৌবসু য়াই। হোম স্ক্রিন->প্রোফাইল-> একাউন্ট খল্লু হায়বসিদা চত্তুনা QR কোদ লৌবীয়ু।

BHIM এপকী মতাংদা FAQশীং

BHIM এপতা FAQশীং এক্সেস তৌনবগীদমক্তা, মফমসিদা ক্লিক তৌবীয়ু।

সোর্স: NPCI