মাইক্রো ATMশীং সেক্যুওর ওইহনবা

মাইক্রো ATMশীং সেক্যুওর ওইহনবা

মাইক্রো ATMশীং অসি মিনিমেল পাৱর শীজিন্নদুনা, GPRSগী খুত্থাংদা সেন্ত্রেল বেঙ্কিং সর্ভরশীংদা কনেক্ট তৌদুনা ওপরেসনেল কোষ্টশীং য়াম্না হন্থহন্দুনা থবক তৌবা পোইন্ট ওফ সেল (PoS) দিভাইসশীংনি। মাইক্রো ATM সোল্যুসননা বেঙ্ক শিজিন্নদবা খুঙ্গংগী মীওইশীংবু য়াম্না ইফেক্টিভ ওইবা মওং অমদা মাইক্রো বেঙ্কিং সর্ভিসশীং কোম্না এক্সেস তৌবা ঙমহল্লি। মাইক্রো ATMশীং অসি আধার এনেবল পেমেন্ট সিষ্টেমশীংদা পাক-চাউনা শিজিন্নৈ।

মাইক্রো ATMনা সপোর্ট তৌগদবা বেসিক ওইবা ইন্টরওপরেবল ত্রাঞ্জেক্সন মখলশীং অদুদি মখাগীসিনি:

1. দিপোজিট
2. ৱিদ্রোয়েল
3. ফন্দ ত্রান্সফর
4. বেলেন্স ইনক্বারি অমসুং মিনি-ষ্টেটমেন্ট

মাইক্রো ATMনা ইন্টরওপরেবল ত্রাঞ্জেক্সনশীংগীদমক মখাদা পীরিবা ওথোন্টিকেসনগী পাম্বৈশীং অসি সপোর্ট তৌগনি:

1. আধার + বাইওমেত্রিক
2. আধার + OTP
3. মেগ্নেটিক ষ্ট্রাইপ কার্দ + বাইওমেত্রিক
4. মেগ্নেটিক ষ্ট্রাইপ কার্দ + OTP
5. মেগ্নেটিক ষ্ট্রাইপ কার্দ + বেঙ্ক PIN

মাইক্রো ATMশীং শিজিন্নবদা লৈবা থ্রেটশীং

দেটাগী ওইবা খুদোংথীবশীং (Data Vulnerabilities)

POS দেটাগী ওইবা খুদোংথীবশীংগী মতাংদা, মেমোরিগী দেটা; ত্রাঞ্জিটকী দেটা; রেষ্টতা লৈবা মতমগী দেটা য়াউনা অকক্নবা এরিয়া অহুমদা পুক্নিং চংগদবনি।

হিরম অসিদা দেটা ইন মেমোরি হায়বসিনা খংনহল্লিবসি কার্দ অদুবু POI (পোইন্ট ওফ ইন্টরফেস নত্ত্রগা অতৈ ইনপুট দিভাইস খরা) অমগী খুত্থাংদা POS সিষ্টেমদা কার্দ ত্রেক দেটা অদু পুশিল্লকপদুবুনি। করিগুম্বা এটেক্কর অমনা   POS সিষ্টেম অমগী এক্সেস লৈখ্রবদি দেটা ইন মেমোরি অসি ওইথোক্তবগী মওংদা লৈ। মহৌশাগী ওইনা,  POS সিষ্টেমদা লৈবা দেটা ইনপুট অদু তশেংবা টেক্সট ওইনা লৈহনবনা এটেক্করশীং অমসুং মেমোরি স্ক্রেপরশীংবু য়াম্না মায় পাকহনগনি। রিস্ক অসি হন্থহন্নবগী লম্বী অদুদি য়ারিবমখৈ থুনা কার্দ দেটা অদু এনক্রিপ্ট তৌবা অমসুং সিষ্টেম অদুগী মনুংদা মদুনা লৈরিবমখৈ শোয়দনা এনক্রিপ্ট তৌদুনা থম্বসিনি। পোইন্ট তু পোইন্ট এনক্রিপসন (P2PE) অসি মেমোরিদা লৈবা দেটা অদু এনক্রিপ্ট তৌবগী ইসু অসি কোকহনবদা শীজিন্নবা য়াই।

স্কিমিং

স্কিমিং অসি ক্রেদিট কার্দ/ দেবিট কার্দ ইনফোর্মেসন হুরানবদুবুনি। হুরানবশীংনা ভিক্টিমগী ক্রেদিট কার্দ নম্বর অদু কার্দ এক্সেপ্টেন্স স্লোট অদুগী ময়া নক্না অপিকপা ইলেক্ট্রোনিক দিভাইস অমা শীজিন্নদুনা খংদোকপা ঙম্মী অমসুং ভিক্টিমগী ক্রেদিট কার্দ নম্বর চামা চামা থমজিনবা ঙম্মী।

সোসিএল ইঞ্জিনিয়ারিং

সোসিএল ইঞ্জিনিয়ারিং হায়বসিদা থাজবা (gaining trust) লৌবা চংই – মরম অদুনা নমথাক তৌরিবা মীওই অদুনা ষ্টাফকী মেম্বর অমগুম্না উহল্লি। মসিগী মতুংদা নমথাক তৌরিবা মীওই অদুনা কষ্টমর অদুদা কার্দকী অতেক-অকায় লৈব্রা হায়বদু চেক তৌনবা হায়। নমথাক তৌরিবা মীওই অদুনা মহাক্কী শিকার (prey) অদুদগী মহাক্কী থাজবা অদু তোঙান-তোঙানবা থৌওংশীং শিজিন্নদুনা হায়বদি ATM শীজিন্নরুবদা মায় পাক্তবা কষ্টমরদা নত্ত্রগা মাইক্রো ATM মেছিন শীজিন্নবা হৈতবা অমসুং মতেং মথৌ তাবা কষ্টমরদা মতেং পীবনচিংবা থৌওংশীং শিজিন্নদুনা লৌনবা হোৎনৈ।

মাইক্রো ATMশীং সেক্যুওর ওইনা শীজিন্ননবগী খ্বাইদগী ফবা প্রাক্টিসশীং

• মাইক্রো ATM শীজিন্নদ্রিঙৈ মমাংদা, চানবীদুনা ATMগী ইন্সর্সন পেনেলদা অঙকপা পোৎ-চৈশীং লৈব্রা হায়বদু য়েংবীয়ু (স্কিমিংগী থৌওং লৈহন্দনবা),
• PIN এন্টর তৌরিঙৈ মতমদা PIN পেদ অদু খুমজিল্লু। রিভিয়ু তৌরবা মতুংদা ত্রাঞ্জেক্সন রিসিপ্টশীং অদু সেক্যুওর ওইবা মওংদা মাংহল্লু।
• ATM PIN চাং নাইনা হোংদোকউ।
• বেঙ্ক ষ্টেটমেন্টশীং কুপ্না য়েংশিল্লু, অমসুং ওথোরাইজ ওইদবা চার্জশিং নত্ত্রগা ৱিদ্রোয়েলশীং খুদক্তা খংহল্লু।
• ক্রেদিট কার্দ নম্বর ইবা চে-চাংশীং শেগায়দুনা মাংহল্লু। (বিলনচিংবা)।
• লৈফম হোংলবদি মাংজৌননা ক্রেদিট/ দেবিট কার্দ ইসু তৌরিবশীংদুদা খংহল্লু।
• বেঙ্কদগী হকথেংননা ফংবা কার্দ অদু করিগুম্বা অতেক-অকায় য়াউরবা নত্ত্রগা সিল অদু হাংদোকলবদি লৌগনু।
• PIN নম্বর অদু ক্রেদিট/ দেবিট কার্দ অদুদা ইশিনগনু।
• ক্রেদিট কার্দ নম্বর/ATM PIN অদু মীওই অমত্তদা খংহনগনু।
• কার্দ অদু কনামত্তদা, করিগুম্বা মীওই অদুনা বেঙ্ককী মীওইনি হায়রবফাউবদা পীগনু।
• মাইক্রো ATM মেছিন অদু শীজিন্নবদা নহাকপু মতেং পাংলিবা শকখংদবা মীওইশীংনা হায়বদা চৎকনু।
• শকখংদবা/ নন-ভেলিদেটেদ সোর্সশীংদা ত্রান্সফর তৌবা/ একাউন্টকী অকুপ্পা মরোলশীং খংহনবা তৌগনু।
• চিংনবা য়াবা ত্রাঞ্জেক্সন অমহেক্তা লৈরকপদা নত্ত্রগা কার্দ মাংখিবা থোক্লবদি, সর্ভিস প্রোভাইদর/ বেঙ্ক অদু খুদক্তা কন্টেক্ট তৌ।
• সর্ভিস প্রোভাইদরশীংদমক্তা খ্বাইদগী ফবা প্রেক্টিসশীং পীয়ু।
• মাইক্রো ATM অদুনা কনফিদেন্সিএল দেটা অমত্তা নেটৱার্কতা এনক্রাইপ্ট তৌদনা ত্রান্সমিট তৌরোইদবনি।
• মাইক্রো ATM অদুনা, ইন এক্টিভ ওইনা লৈরবা মতম খরগী মতুংদা ওপরেটর অদু মশা মথন্তনা লোগআউট তৌদুনা লোক তৌজগদবনি।
• মাইক্রো ATM সোফটৱায়র, এপ্লিকেসন, এন্টিভাইরস পুম্নমক চাং নাইনা অপদেট তৌদুনা থমগদবনি।
• কষ্টমর অদুদা বেসিক ওইবা ফঙ্কসনশীং অমসুং সেক্যুরিটিগী খ্বাইদগী ফবা প্রেক্টিসশীংগী মতাংদা তাকপী-তম্বীগদবনি।

সোর্স: infosecawareness.in