য়ুনিফাইদ পেমেন্ট ইন্টরফেস – শীজিন্নবগী খুদমশীং অমসুং সেম্পলশীং

ৱাহৌদোক

লৈবাক অসিদা লৈবা রিটেল পেমেন্ট সিষ্টেম পুম্নমকপু কোনশিল্লিবা ওর্গানাইজেসন (umbrella organisation) ওইরিবা নেসনেল পেমেন্টস কোর্পোরেসন ওফ ইন্দিয়া (NPCI)না, স্মার্টফোন শিজিন্নবা অমসুং মোবাইল দেটা শিজিন্নবা হেনগৎহনগদবা নেক্স জেনেরেসন ওনলাইন পেমেন্ট সোল্যুসন অমা ওইরিবা য়ুনিফাইদ পেমেন্ট ইন্টরফেস (UPI) অসি হৌদোকখ্রে। UPIনা য়ুজরশীংবু খুদক্কী ওইবা পীথোক-পীশিনগী ত্রাঞ্জেক্সন অসি অপনবা য়াউদনা পাংথোকপা ঙমহল্লি অমসুং মসিনা মীয়াম্বু শেল পীবগী থবক্তা অহোংবা পুরক্কনি।

UPIগী মরমদা

ফংগদৌরিবা মীওই অদুনা স্মার্টফোন অমদগী পেমেন্ট রিক্বেষ্ট অদু পীবা ঙম্বা মরম্না UPI অসি য়ুনিক পেমেন্ট সোল্যুসন অমা ওই। মসিনা “ভর্চুএল এদ্রেস” অদুবু শেল থাবগী অমসুং লৌশিনবগী পেমেন্ট আইদেন্টিফায়র অমা ওইনা মথৌ তৌহল্লি অমসুং ক্লিক অমদা ফেক্টর 2গী ওথেন্টিকেসনগা লোয়ননা থবক পাংথোকই। মসিনা মখল-মখা কয়াগী থবকশীংদা হায়বদি মান্নবা গ্রুপশীংদা বিল শেয়র তৌবনচিংবগী ত্রাঞ্জেক্সন পীথোক-পীশিনগী মতম শেম্নবগী ওপশন অমসু পীরি। মীওই অমনা ওনলাইন সোপিং ৱেবসাইটশীংদগী প্রদক্ট লৌবা মতমদা শেলয়েক ওইনা পীবগী মহুত্তা UPI এপ অসি শীজিন্নবা য়াই অমসুং য়ুটিলিটি বিলশীং, কাউন্টরগী পেমেন্টশীং, বারকোড (স্কেন তৌরবা শেল পীবা)তা য়ুম্ফম ওইবা পেমেন্টশীং, ডোনেসনশীং, স্কুল ফিশীং অমসুং অসিগুম্বা অতৈ য়ুনিক ওইবা কেসশীংনচিংবগী চাদিংনচিংবা পীবা য়াই।

ইন্টরফেস অসি 24*7*365কী ফন্দ ত্রান্সফর সর্ভিস পাংথোকপা য়াবা NPCIগী ইমিদিএট পেমেন্ট সর্ভিস (IMPS)কী এদভান্স ওইবা ভর্সননি। UPIনা ইমেইলগা মান্নবা ভর্চুএল এদ্রেস অমনা বেঙ্ক কষ্টমর অমবু মশক খংদোক্নবগী খুদোংচাবা পীগনি। মসিনা কষ্টমর অমবু তোঙান-তোঙানবা বেঙ্কশীংদা মল্টিপল একাউন্ট লৈহনবা অমসুং মসিগী মল্টিপল ভর্চুএল এদ্রেসশীং লৈবা য়াহনগনি। কষ্টমরগী দেটা অরোনবা ওইনা থম্নবগীদমক, কষ্টমরগী মশাগী বেঙ্কখক্তদা নত্তনা অতৈদা একাউন্ট নম্বর মেপ তৌনবা মফম লৈরোই। মসিনা কষ্টমর অদুবু মহাক্কী ফাইনান্সিএল এদ্রেস অদু অতৈগা লোয়ননা নিংতম্না শেয়র তৌবা য়াহনগনি। কষ্টমর অমনা ভর্চুএল এদ্রেসকীদমক মোবাইল নম্বর অদু অতেনবা মমীংগী মহুত্তা, হায়বদি 1234567890@sbiগুম্না শীজিন্নবা য়াগনি।

শীজিন্নবগী খুদমশীং

য়ুনিফাইদ পেমেন্ট ইন্টরফেসনা পেমেন্টশীং অদু শেল পীগদৌরিবা মীওই নত্ত্রগা ফংলিবা মীওই অদুনা পেমেন্টশীং পীবা হৌবা য়াহল্লি। লৌগদৌরিবা মীওই অদুনা পীথোক-পীশীনগী থবক্তু হৌবা মতমদা, পেমেন্ট রিক্বেষ্ট অদু NPCIগী খুত্থাংদা এপ্লিকেসন অমা ইনিসিএট তৌদুনা শেল পীগদৌরিবা মীওই অদুদা এপ্রুভেলগীদমক থাই। অদুম ওইনমক, অকক্নবা থৌওংশীংদা, হায়বদি শেল পীগদৌরিবা মীওই অদুগা খুদক্তা কনেক্ট তৌবা ওইথোক্লবদি, শেল ফংগদৌরিবা মীওই অদুনা পেমেন্ট রিক্বেষ্ট অমা শেল পীগদৌরিবা মীওই অদুদা থাই অমসুং শেল পীগদৌরিবা মীওই অদুনা মহাক্কী অকুপ্পা মরোলশীং অদুগা লোয়ননা পেমেন্ট রিক্বেষ্ট অদু ইনিসিএট তৌরগনি।

মসিনা অপন-অরাক য়াউদবা পেমেন্ট এক্সপিরিএন্স অমা ফংবা ঙমহল্লি। মখোয় অসিগী খুদম খরগী মনুংদা, PSP নেটৱার্ককী খুত্থাংদা কলেক্ট রিক্বেষ্ট অমা থাবগী মহুত্তা চপ মান্নবা দিভাইস অদুমক্তদা মার্চেন্ট এপ অদুনা PSP এপতা রিক্বেষ্ট থাবা য়াহনবা  ইন-এপ পেমেন্টশীং অসিসু চল্লি। অতোপ্পা খুদম অমদি শেল পীরিবা অমসুং ফংগদৌরিবা অনিমক্না তোঙান-তোঙানবা দিভাইস শিজিন্নরবসু, লোকেল ওইনা ইনফোর্মেসন পীনবা য়াবগী মওংদা নক্না লৈনবা মতমদা শিজিন্নবা য়াবা প্রোক্সিমিটি পেমেন্টশীং অসি পনবা য়াই।

খুদম 1: য়ুজর অদুগী মোবাইল অদুমক্তদা অপন-অরাক য়াউদনা পাংথোকপা য়াবা ইন-এপ পেমেন্ট

অশোক ছাত্র অমনি অমসুং অপাম্বা মুভি লৈবা য়াহনবা ভিদিও এপ্লিকেসন (মাই ষ্টার) অমা শিজিন্নৈ।

• মাই ষ্টার এপ্লিকেসননা UPI পেমেন্ট লিঙ্ক অদু তাক্লিবা মওংদা শেম্মী অমসুং URL অদুদা য়াউরিবা মথৌ তাবা পেরামিটরশীংগা লোয়ননা এন্দ্রোইদ ইন্টেন্ট হৌদোকই।
• DiBank PSP এপ অসি UPI লিঙ্ক/ইন্টেন্ট লৌশিন্নবা রেজিষ্টর তৌবা মরম্না, মসিনা এপ অদু হৌহল্লি অমসুং লিঙ্ক/ ইন্টেন্টদগী মাংজৌননা হাপচিল্লবা ভেল্যু পুম্নমক্কা লোয়নবা পে স্ক্রিন্দা অশোকপু চুমদ্রিংনা পুই।
• অশোকনা ইনফোর্মেসন অদু স্ক্রিন্দা ভেরিফাই তৌই অমসুং পেমেন্ট অদু মপুং ফাহন্নবা পে অদুদা ক্লিক তৌই।

খুদম 2: য়ুমদগী DTH পেমেন্ট পীবা

• নদীমনা মহাক্কী ময়ুমদা DTH সবস্ক্রাইব তৌই অমসুং ওন-দিমান্দ সবস্ক্রিপসনগীদমক পেমেন্ট অমা পীবা পাম্মী।
• নদীমনা চেনেল অদু খল্লি অমসুং “হৌজিক লৈয়ু” হায়বদুদা ক্লিক তৌই।
• DTHনা অকুপ্পা মরোলশীংদু QR কোদ অমগা লোয়ননা UPI পেমেন্টকীদমক উৎলকই।
• নদীমনা মহাক্কী UPI এপ্লিকেসন অদু মহাক্কী মোবাইলদা হাংদোকই অমসুং QR কোদ অদু TV স্ক্রিন্দা স্কেন তৌই।
• UPI এপ্লিকেসন অদুনা মহাকপু ষ্টেন্দর্দ UPI লিঙ্ক য়াউবা QR কোদ অদুদগী মাংজৌননা লৈরবা ভেল্যু পুম্নমক্কা লোয়ননা পে স্ক্রিন্দা চুমদ্রিংনা পুই।
• মহাক্না ইনফোর্মেসন অদু স্ক্রিন্দা ভেরিফাই তৌই অমসুং পেমেন্ট অদু মপুং ফাহন্নবগীদমক পে অদুদা ক্লিক তৌই।
• মহাক্কী মোবাইলদা মহাক্না কনফার্মেসন অমা ফংই অমসুং TV চেনেল অদু মহাক্না য়েংনবগীদমক মশা মথন্তনা টর্ন ওন তৌজরকই।

ইমপ্লিমেন্টেসন সেম্পলশীং

হায়পরলিঙ্ক

য়ুজর অদুনা মহাক্কী মোবাইল ফোন্দা ই-কমর্চ ৱেবসাইট অমদা (রোহিট ষ্টোর্স)তা চৎলে অমসুং ওর্দর অমা তৌরে। পেমেন্ট অদুবু মপুং ফাহন্নবা, য়ুজর অদুনা ক্লিক তৌবা য়াগদবা লিঙ্ক অমা ৱেবসাইট অদুনা জেনেরেট তৌরে। স্পেসিফিকেসন অদুগী মতুংইন্না, লিঙ্ক অদুদা শেল ফংগদৌরিবদুগী অকুপ্পা মরোল, ত্রাঞ্জেক্সন রিফরেন্স (ওর্দর আইদি), অমসুং পীগদবা শেলফম অদু য়াউই।

খুদম ওইনা:

upi://paypa=zeeshan@npci&pn=Zeeshan%Khan&mc=0000&tid=cxnkjcnkjdfdvjndkjfvn&tr=4894398 cndhcd23&tn=Pay%to%rohit%stores&am=1010&cu=INR&refUrl=https://rohit.com/orderid=9298yw 89e8973e87389e78923ue892

য়ুজর অদুনা মহাক্কী মোবাইল ব্রাউজরদা লিঙ্ক অদুদা ক্লিক তৌবা মতমদা, মদুনা লোকেল PSP এপ্লিকেসন শেম্মী অমসুং মদুদা য়ুজর অদুনা অকুপ্পা মরোলশীং অদু কনফার্ম তৌবা অমসুং পেমেন্ট অদু মপুং ফাহনবা য়াগনি।

দিজাইনগী সিমপ্লিসিটি, হায়পরলিঙ্ককা কোন্নবা য়ুজরগী ফেমিলারিটি, অমসুং শেয়র তৌবদা লায়বা মরম্না অসিগুম্বা লিঙ্কশীং অসি জেনেরেট তৌদুনা ই-মেইল, চাট অমসুং সোসিএল মেদিয়ানচিংবা মল্টিপল কম্যুনিকেসন চেনেলশীংদা শেয়র তৌবা য়াই।

QR কোদ

QR কোদতা অঙৌবা বেকগ্রাউন্দ অমদা স্কোয়ারগী মওং অমদা শেম্বা অমুবা মোদ্যুলশীং য়াউই। এনকোদ তৌরিবা ইনফোর্মেসন অদু দেটাগী ষ্টেন্দার্দ ওইরবা মখল (“মোদ”) মরিনা (ন্যুমরিক, অলফান্যুমরিক, বাইট/ বাইনরি, কাঞ্জি) শেম্বা, নত্ত্রগা দেটা অমহেক্তগী ভর্চুএল ওইবা সপোর্ট তৌবা এক্সটেন্সনশীংনা শেম্বা ওইবা য়াই।

QR কোদশীং অসি UPIগা লোয়ননা প্রোক্সিমিটি পেমেন্টশীংগীদমক শিজিন্নবা য়াই। মার্চেন্ট এপ্লিকেসনশীং শেমগৎলিবা দিভেলপরশীংনা মমাংগী সেক্সনদা লৈখিবা স্পেসিফিকেসনগা মপুং ফানা কমপ্লাইন্ট ওইবা URL অমা জেনেরেট তৌগদবনি অমসুং মদুগী মথংদা URL অদুগীদমক QR কোদ অমা শেমগদবনি।

PSPশীংনা খংজিনগদবা

QR কোদশীং অসিগী সিমপ্লিসিটি, ওপননেস, অমসুং পাক শন্না এক্সেপ্ট তৌনবা অমসুং প্রিন্ট তৌবা য়াবা, PoS দিভাইসশীং অমসুং তোঙান-তোঙানবা স্ক্রিন কয়াদা দিসপ্লে তৌবা, অসিনচিংবনা মরম ওইদুনা PSP এপ্লিকেসনশীংবু মখোয়গী UPI এপ্লিকেসনগী মনুংদা QR কোদ স্কেন ওপশন অমা য়াউহন্নবা পুক্নিং থৌগৎলি। মসিনা কষ্টমরশীংবু স্কেন তৌবা অমসুং শেল পীবদা সিঙ্গল এপ অমা শিজিন্নবা য়াহনগনি।

অতৈশীং

UPI লিঙ্ক তৌবা হায়বসি প্রোটোকোল চেক্সিন্না য়েংবা মরম্না মার্চেন্ট/ প্রোক্সিমিটি দিভাইসশীংগী মরক্তা ইনোভেটিভ ওইবা মেকানিজমশীং লৈহন্দুনা কষ্টমর ফোনদা UPI ইন্টেন্ট থাবা য়াহল্লি। খুদম ওইনা, মার্চেন্ট PoS এপ্লিকেসন অমনা UPI লিঙ্ক  (মমাংগী সেক্সন্দা লৈখিবা স্পেসিফিকেসনগী মতুংইন্না) অমা শেম্বা য়াই অমসুং সাওন্দ শিজিন্নদুনা কষ্টমর দিভাইসতা থাবা য়াই। কষ্টমর PSP এপ নত্ত্রগা য়ুটিলিটি এপ অমনা সাওন্দ অদু তাবা ঙম্মী, মদু লিঙ্ক ওইনা ওন্থোকপা ঙম্মী অমসুং পেমেন্ট অদু পাংথোক্নবা কষ্টমর ফোন্দা UPI এপ্লিকেসন হৌবা ঙম্মী। খংজিনগদবনি য়ুজরশীংবু QR কোদশীং অসি স্কেন তৌবা, লিঙ্ক হৌদোকপা, সাউন্দ শিজিন্নদুনা অতৈ ত্রান্সফর প্রোটোকোলশীং অয়াবা পীবা, অসিনচিংববু য়াহনবা 3শুবা পার্টি জেনেরেল পরপোজ য়ুটিলিটি এপ্লিকেসনশীং লৈবা য়াই। অসিগুম্বা এপশীংনা লিঙ্কশীং অসি থাদুনা ইন্টেন্টশীং অসিবু তাগদবা চুনবা এপশীং হৌদোকপা প্রোক্সি য়ুটিলিটি অমগুম্না থবক তৌবা য়াই।

সোর্স: নেসনেল পেমেন্ট কোর্পোরেসন ওফ ইন্দিয়া