POS সিষ্টেমশীং সেক্যুওর ওইহনবা

পোইন্ট ওফ সেল (POS) হায়বসি রিটেল ত্রাঞ্জেক্সন অমা পাংথোক্লিবা মফম অমনি অমসুং মার্চেন্ট অদুনা কষ্টমর অদুনা পীফম থোকপা শেনফম হোৎলি, শেনফম অদু তাকই, কষ্টমর অদুগীদমক্তা ইনভোইস অমা শেম্বী, অমসুং কষ্টমর অদুগীদমক্তা পেমেন্ট পীনবা ওপসনশীং তাকই। মসি কষ্টমর অমনা মার্চেন্ট অদুদা পোৎ-চৈশীংগা ওন্থোক্নবা নত্ত্রগা সর্ভিস অমা পীবগীদমক্তা পেমেন্ট অমা পীরিবা পোইন্ট অমসু ওই। পেমেন্ট অদু ফংলবা মতুংদা, মার্চেন্ট অদুনা ত্রাঞ্জেক্সন অদুগীদমক্তা, মহৌশানা প্রিন্ট তৌরবা রিসিপ্ট অমা ইসু তৌই, অদুবু মসি ইলেক্ত্রোনিক্কী মওংদা পীবা হেনগৎলক্লি।

POS সিষ্টেমশীং অসিদা হার্দৱায়র অমসুং হার্দৱায়র অদুনা কেপচর তৌরিবা ইনফোর্মেসন অদুদা করি তৌগদগে তাক্লিবা সোফটৱায়রসু য়াউই। কঞ্জুমরশীংনা ক্রেদিট নত্ত্রগা দেবিট কার্দ অমা POS সিষ্টেম অমদা শিজিন্নবা মতমদা, কার্দকী মেগ্নেটিক ষ্ট্রাইপ অদুদা ষ্টোর তৌরিবা ইনফোর্মেসন অদু এটেচ তৌরিবা দিভাইস অদুনা লৌশিল্লি অমসুং প্রোসেস তৌই। মেগ্নেটিক ষ্ট্রাইপ অদুদা ষ্টোর তৌরিবা দেটা অদুবু ত্রেক 1 অমসুং ত্রেক 2 দেটা হায়না কৌই। ত্রেক 1 দেটা অসি তশেংবা একাউন্ট অদুগা মরি লৈনবা ইনফোর্মেসন অদুবুনি অমসুং মসিগী মনুংদা কার্দহোল্ডরগী মমীং অমসুং একাউন্ট নম্বরনচিংবা আইটেমশীং য়াউই। ত্রেক 2 দেটাদা ক্রেদিট কার্দ নম্বর অমসুং এক্সপিয়ারি দেটনচিংবা ইনফোর্মেসনশীং য়াউই।

POS সিষ্টেমশীংদা কিহল্লকপশীং

1. স্কিমিং – স্কিমিং হায়বসি হুরানবশীংনা শিজিন্নবা ভিক্টিম অমগী পর্সোনেল ইনফোর্মেসন কেপচর তৌনবা ইলেক্ট্রোনিক মেথদ অমনি। স্কিমর হায়বসি ক্রেদিট/ দেবিট কার্দ অমবু স্কেন তৌবা অপিকপা দিভাইস অমনি অমসুং মসিনা মেগ্নেটিক ষ্ট্রাইপ অদুদা য়াউবা ইনফোর্মেসন অদু ষ্টোর তৌশিল্লি। স্কিমিং অসি ব্যুজিনেস অমদা আইন্না য়াবা মওংদা ত্রাঞ্জেক্সন অমা তৌরিঙৈদা থোকপা য়াই।
2. POS মালৱায়র-পোইন্ট-ওফ-সেল মালৱায়র (POS malware) হায়বসি রিটেল চেকআউট পোইন্ট ওফ সেল সিষ্টেমদগী দিভাইস মেমোরি অদু পাদুনা ক্রেদিট কার্দ অমসুং দেবিট কার্দ ইনফোর্মেসন অদু লৌনবগী পান্দমদা POS টরমিনেলশীংদা তার্গেট তৌবদা সাইবর ক্রিমিনেলশীংনা শিজিন্নবা মাং-তাক্নিংঙাই ওইবা সোফটৱায়র (মালৱায়র) মখল অমনি।

POS সিষ্টেমশীং সেক্যুওর ওইনা শিজিন্ননবগী খ্বাইদগী ফবা প্রেক্টিসশীং

• POS সিষ্টেমশিংগী মপুশীং অমসুং ওপরেটরশীংনা POS সিষ্টেমশীংগী সেক্যুরিটি হেনগৎহন্নবা অমসুং অনওথোরাইজ ওইনা এক্সেস তৌবা থীংনবগীদমক খ্বাইদগী হেন্না ফবা প্রাক্টিসশীং ইনগদবনি।
• ওর্গানাইজেসনশীং/ সর্ভিস প্রোভাইদরশীংগীদমক:
• POS সোফটৱায়র এপ্লিকেসনশীং অপদেট তৌ: POS এপ্লিকেসন সোফটৱায়র য়াউনা POS সিষ্টেম পুম্নমক চাং নাইনা অপদেট তৌবীগদবনি।
• এন্টিভাইরস শিজিন্নবীয়ু: এন্টিভাইরস প্রোগ্রামশীং অদু POS নেটৱার্ক অমদা ইফেক্টিভ ওইনবগীদমক মদু লেপতনা অপদেট তৌনবা খংহল্লি।
• ফায়রৱাল অমা ইনষ্টোল তৌবীয়ু: মপান্দগী লাকপা এটেকশীংদগী POS সিষ্টেমশীংবু ঙাকথোক্নবা ফায়রৱালশীং শীজিন্নগদবনি। ফায়রৱাল অমনা POS সিষ্টেম অমবু হেকরশীং, ভাইরসশীং, ৱার্মশীংদগী লাকপা ত্রাফিকশীং স্ক্রিনিং তৌদুনা অনওথোরাইজ এক্সেস লৈহনবদগী, নত্ত্রগা মসিবু কম্প্রোমাইজ তৌনবা অখন্ননা শেম্লবা অতৈ মালৱায়রশীংদগী  ঙাকথোকই।
• ইন্টরনেতকী এক্সেস অথীংবা থম্মু: POS দিভাইসশীংদা অন-ওথোরাইজ ত্রাফিক লিমিট লৈহন্নবা রাউতর কনফিগুরেসনদা এক্সেস কন্ত্রোল লিষ্টশীং এপ্লাই তৌ।
• রিমোট এক্সেস য়াহনগনু: সাইবর ক্রিমিনেলশীংনা POS সিষ্টেমশীংদা নেটৱার্কশীং অসিদা এক্সেস ফংনবগীদমক রিমোট এক্সেস কনফিগুরেসনশীং লৈহল্লকপা য়াই।  POS সিষ্টেমশীংগী অনওথোরাইজ এক্সেস লৈবা থীংনবা, মতম পুম্নমক্তা POS নেটৱার্কতা রিমোট এক্সেস য়াহল্লোইদবনি।
• লোগ পুম্নমক রিভিয়ু তৌবীয়ু: POS সর্ভিসশীং পীরিবা ওর্গানাইজেসনশীং অমসুং মার্চেন্টশীংনা চাং নাইনা মশক খংদবা নত্ত্রগা মরম লৈতবা এক্টিভিটি অমহেক্তা লৈব্রা হায়বদু সিষ্টেম লোগ পুম্নমক্তা রিভিয়ু তৌগদবনি।
• ওপন, পব্লিক নেটৱার্ক লান্না কার্দ হোল্ডর দেটা ত্রান্সমিসন তৌবদা এনক্রিপ্ট তৌবীয়ু।

মার্চেন্টশীংগীদমক্তা

• POS সোফটৱায়র এপ্লিকেসনশীং অপদেট তৌবীয়ু: POS এপ্লিকেসন সোফৱায়র য়াউনা POS সিষ্টেম পুম্নমক চাং নাইনা অপদেট তৌবীগদবনি।
• লোগ পুম্নমক রিভিয়ু তৌবীয়ু: POS সর্ভিসশীং পীরিবা ওর্গানাইজেসনশীং অমসুং মার্চেন্টশীংনা চাং নাইনা অনৌবা নত্ত্রগা মরম খংদবা এক্টিভিটি অমহেক্তগীদমক সিষ্টেম লোগ পুম্নমক রিভিয়ু তৌগদবনি।
• একাউন্ট লোক আউট পোলিসি: চুমদবা লোগইন এটেম্পগী মশীং অদু 'N' ওইরকপদা একাউন্টশীং লোক আউট তৌগদবনি।
• POS সিষ্টেমশীং অসি রিটেলরশীংনা জেনেরেল ইন্টরনেট এক্সেসকীদমক শীজিন্নরোইদবনি।
• অকনবা পাসৱার্দশীং শীজিন্নৌ: POS দিভাইস মপু পুমমক্না মখোয়গী POS সিষ্টেম পুম্নমক্কী পাসৱার্দশীং, য়ুনিক ওইবা একাউন্ট মমীং অমসুং কমপ্লেক্স ওইবা পাসৱার্দশীং শিজিন্নদুনা চাং নাইনা হোংবীগদবনি।
• মার্চেন্টশীংনা মখোয়গী ৱাই-ফাই অমসুং ইন্টরনেট কনেক্সন পুম্নমক শোয়দনা সেক্যুওর ওইহনগদবনি। মার্চেন্টশীংনা কা হেন্না জেনেরিক ওইবা অদুবু য়ুনিক ওইবা নেটৱার্ক মমীং অমা শিজিন্নদুনা নেটৱার্ক অদু ইচম চম্বা অমসুং কোম্না উবা ফংলোইদবা ওইহনবা য়াই। মসিগী মথক্তা, মার্চেন্টশীংনা মখোয়গী ৱাই-ফাই নেটৱার্ককী সিগ্নেলগী মপাঙ্গল অদু মোদুলেট তৌদুনা শীজিন্নরিবা এরিয়া নত্ত্রগা দুকান নত্ত্রগা বিল্ডিং অদুদগী হেন্না পাক-শলহন্দবা য়াই।
• POS সিষ্টেমশীংগা ইলেক্ট্রোনিক / মেগ্নেটিক দিভাইস অমত্তা এটেচ তৌহল্লোইদবনি। PIN নম্বরশীং অদু অরোনবা মওংদা এন্টর তৌগদবনি।
• মার্চেন্টশীংনা মতম লৈবা খিবিক্তা POS সিষ্টেমশীং অদু মমীং লৈরবা দিলরশীংদগী লৈগদবনি।
• করিগুম্বা চিংননিংঙাই ওইবা ত্রাঞ্জেক্সন অমহেক্তা লৈরকপা মতমদা, সর্ভিস প্রোভাইদর / বেঙ্কতা খুদক্তা কন্টেক্ট তৌবীগদবনি।

রিফরেন্স: http://www.cert-in.org.in/

সোর্স: infosecawareness.in