প্রোটেক্সন ওফ চিলদ্রেন ফ্রোম সেক্সুএল ওফেন্সেস এক্ট (এজুকেসন)

ৱাহৌদোক

অঙাংশীংদা চত্থবা সেক্সুএল এব্যুজ অমসুং সেক্সুএল এক্সপ্লোইটেসনগী শাথীরবা ক্রাইমশীংবু মমায় অনি লোংদবা অমসুং হেন্না অকনবা আইনগী ওইবা প্রোভিজনশীংগী খুত্থাংদা মায়পাক্না ঙাকথোক্নবগীদমক, মিনিষ্ট্রি ওফ ৱুমেন এন্দ চাইল্ড দিভেলপমেন্টনা প্রোটেক্সন ওফ চিলদ্রেন ফ্রোম সেক্সুএল ওফেন্সেস (POCSO) এক্ট, 2012 অসি পুথোকখিবনি।

মরুওইবা মশকশীং

• এক্ট অসিনা অঙাং অমা হায়বসি চহি তরানিপালগী মখাদা লৈবা মীওই অমহেক্তবুনি হায়না তাক্লি, অমসুং অঙাং অদুদা অফবা ফিজিকেল, ইমোসনেল, ইন্টেলেকচুএল অমসুং সোসিএল দিভেলপমেন্ট শোয়দনা লৈহন্নবগীদমক তাংকক খুদিংদা অঙাং অমগী খ্বাইদগী ফবা স্বার্থ অমসুং য়াইফবা লৈহনবা হায়বসি খ্বাইদগী মরুওইবনি হায়না লৌরি।
• মসিনা পেনিত্রেতিভ অমসুং নন-পেনিত্রেতিভ এসোল্টশীং য়াউনা সেক্সুএল এসোল্টকী তোঙান-তোঙানবা মওংশীং, অমসুং সেক্সুএল হরাসমেন্ট অমসুং পোর্নোগ্রাফিবু শন্দোক্না তাক্লি, অমসুং এব্যুজ তৌবীরবা অঙাং অদু কোক্কী ওইবা অনাবা লৈবা নত্ত্রগা এব্যুজ অদু অঙাং অদুনা থাজবা য়াবা মীওই অমা, হায়বদি ইমুং মনুংগী মীওই, পুলিস ওফিসর, ওজা নত্ত্রগা দোক্টর অমনা চত্থবা ওইরবদি সেক্সুএল এসোল্ট অদুবু “হেন্না তমথীবা” ওইনা লৌগনি।
• সেক্সুএলগী ওইবা হিরমগীদমক অঙাংশীংবু লল্লোনবা মীওইশীংসু এক্ট অসিদা পল্লিবা প্রোভিজনশীংগা মরি লৈননা চৈরাক পীবা য়াই। এক্ট অসিনা ওফেন্স অদুগী শাথীবা চাং অদুগী মতুংইন্না পীগদবা অকনবা চৈরাক অদু, মেক্সিমম ওইনা মপুন্সি চুপ্পগী ওইনা কৈশুমশংদা থবক শুহল্লগা থম্বা অমসুং ফাইন লৌবা ওইবা য়াই।

এক্ট অসিনা কোনশিল্লিবা ওফেন্সশীংগী চৈরাকশীং

• অঙাং অমদা পেনিত্রেতিভ ওইবা সেক্সুএল এসোল্ট (সেক্সন 3) চত্থবা — চহি তরেত্তগী তাদবা অদুবু মপুন্সিগী ওইনা শাংদোকপা য়াবা কৈশুমশংদা থম্বা অমসুং ফাইন লৌবা (সেক্সন 4)
• তমথীবা পেনিত্রেতিভ ওইবা সেক্সুএল এসোল্ট (সেক্সন 5) — চহি তরাদগী তাদবা অদুবু মপুন্সিগী ওইনা শাংদোকপা য়াবা কৈশুমশংদা লৈবা অমসুং ফাইন লৌবা (সেক্সন 6)
• সেক্সুএল এসোল্ট (সেক্সন 7) হায়বদি পেনিত্রেসন তৌদনা সেক্সুএল কন্টেক্ট তৌবা — চহি অহুমদগী তাদবা অদুবু চহি মঙাফাউবা শাংদোকপা য়াবা অমসুং ফাইন লৌবা (সেক্সন 8)
• ওথোরিটিদা লৈবা মীওই অমনা চত্থবা তমথীবা সেক্সুএল এসোল্ট (সেক্সন 9) — চহি মঙাদগী তাদবা অদুবু চহি তরেৎফাউবা শাংদোকপা য়াবা অমসুং ফাইন লৌবা (সেক্সন 10)
• অঙাং অদুগী সেক্সুএল হারাসমেন্ট (সেক্সন 11) — চহি অহুম অমসুং ফাইন লৌবা (সেক্সন 12)
• পোর্নোগ্রাফিগী থবক্কীদমক অঙাং শিজিন্নবা (সেক্সন 13) — চহি মঙা অমসুং ফাইন লৌবা অমসুং মতুং তাবদা কনভিক্সন ফংলবদি চহি তরেৎ অমসুং ফাইন লৌগনি সেক্সন 14 (1)

রিপোর্ত তৌরবা ওফেন্সশীং ত্রাইএল তৌবগা মরি লৈনবা প্রোভিজনশীং

• এক্ট অসিগী মখাদা ওফেন্সশীংগী ত্রাইএল তৌনবগীদমক, জুদিসিএল প্রোসেসকী তাংকক খুদিংদা অঙাং অদুগী ইন্তরেষ্ট অদুবু খ্বাইদগী মরুওইনা লৌদুনা অখন্নবা কোর্টশীং লিংখৎনবা এক্ট অসিনা খংহল্লি।
• এক্ট অসিনা রিপোর্তিং, ইভিদেন্সকী রেকোর্দিং, ইনভেষ্টিগেসন অমসুং ওফেন্সশীং ত্রাইএলগী অঙাংশীংগা চুনগদবা প্রোসিদ্যুওরশীং লৈহন্নবা খংহল্লি। মসিগী মনুংদা মখাগীশীংসি চল্লি:
• অঙাং অদুগী ষ্টেটমেন্ট অদু অঙাং অদুগী ময়ুমদা নত্ত্রগা মহাক্না পাম্বা মফমদা, সব-ইন্সপেক্টর অমগী থাক্তগী তাদবা নুপী পুলিস ওফিসর অমনা রেকোর্দ তৌবা।
• মরম অমা হেক্তগীদমক অঙাং অমত্তা পুলিস ষ্টেসনদা ফাজিন্দুনা থমদবা।
• অঙাং অদুগী ষ্টেটমেন্ট রেকোর্দ তৌরিঙৈদা পুলিস ওফিসর অদু য়ুনিফোর্ম শেত্তবা।
• অঙাং অদুগী ষ্টেটমেন্ট অদু অঙাং অদুনা ঙাংবদুগুম্না রেকোর্দ তৌবা।
• অঙাং অদুনা মথৌ তাবা মতুংইন্না ইন্টরপ্রিটর নত্ত্রগা ত্রান্সলেটর নত্ত্রগা এক্সপর্ট অমগী মতেং লৌবা।
• করিগুম্বা অঙাং অদু মীমান্নদবা ওইরবদি অখন্নবা এজুকেটর নত্ত্রগা অঙাং অদুগী পাউ ফাউনবগী মওং-মতৌ খংবা মীওই অমহেক্তগী মতেং লৌবা।
• অঙাং অদুগী মেদিকেল একজামিনেসন অদু অঙাং অদুগী মমা-মপা নত্ত্রগা অঙাং অদুনা থাজবা থম্বা মীওইগী মমাংদা লৌবা।
• করিগুম্বা ভিক্টিম অদু অঙাং নুপীমচা ওইরবদি, মেদিকেল একজামিনেসন অদু নুপী দোক্টর অমনা চত্থবা। 13 ত্রাইএল মনুংদা অঙাংদুবু তোইনা ব্রেক পীবা। অঙাংদুবু জবান পীনবা হঞ্জিন হঞ্জিন কৌদবা।
• কেসশীংগী ইন-কেমেরা ত্রাইএলদা কা-হেনবা মওংদা ৱাহং হংদবা নত্ত্রগা কেরেক্টর হাত্তবা।
• এক্ট অসিনা মরম অমহেক্তনা ওইদুনা মায়পাকখিদবা এটেম্প ওইরবসু পাংথোক্নবগী অনিংবা অদুবু ওফেন্স অমা ওইনা মশক খংই অমসুং চৈরাক পীবা মথৌ তাই।
• ওফেন্স অমা পাংথোক্নবগী এটেম্প অদু এক্ট অসিগী মখাদা ওফেন্স অদু পাংথোকপগীদমক পীগদবা চৈরাক অদুগী তংখায় ফাউবা পীবা য়াই।
• ওফেন্স অদু পাংথোক্নবা ইনশীনবগীদমক চৈরাক লৈগনি, অমসুং মদু ওফেন্স পাংথোকপগী চৈরাক্তুগা চপ মান্নগনি।
• এক্ট অসিনা ওফেন্স অমা পাংথোকপদা রিপোর্ত শোয়দনা তৌনবা খংহল্লি অমসুং করিগুম্বা তৌদ্রবদি মীওই অমবু থা তরুক্কী ওইনা কৈশুমশংদা থম্বা নত্ত্রগা/ অমসুং ফাইনসু লৌবা য়াই। 18. করিগুম্বা পুলিস / স্পেসিএল জুবেনাইল পুলিস য়ুনিটনা ওফেন্স পাংথোকপা অমা রিপোর্ট তৌরক্ত্রবদি এক্ট অসিগী মখাদা চৈরাক ফংগনি [সেক্সন- 2141)]
• পেনিত্রেতিভ সেক্সুএল এসোল্ট, হেন্না তমথীবা পেনিত্রেতিভ সেক্সুএল এসোল্ট, সেক্সুএল এসোল্ট অমসুং হেন্না তমথীবা সেক্সুএল এসোল্টকী শাথীবা ওফেন্সশীংগী ওইনদি প্রমান পীবগী পোৎলুম অসি এক্যুজ অদুদা ওইনা থাংগৎলি। প্রোভিজন অসি অঙাংশীংগী চমজবা অমসুং খুদোংথীহনবা য়াবদু য়েংদুনা শেম্বনি।
• আইনবু লান্না শিজিন্নবা থীংনবা, অরানবা কমপ্লেন্ট তৌবা নত্ত্রগা ফত্তবা অনিংবগা লোয়ননা অরানবা ইনফোর্মেসন পীরবদি চৈরাক ফংনিঙাই ওই। অসিগুম্বা চৈরাক অসি রিপোর্ট তৌরক্নবা পুক্নিং থৌগৎপা ওইনা খরা য়াংবা মওংদা (থা তরুক) পী। করিগুম্বা অরানবা কমপ্লেন্ট অমা অঙাং অমগী মায়োক্তা তৌরবদি, চৈরাক অদু ৱাংগনি (চহি অমা) (সেক্সন 22)।
• মিদিয়ানা অঙাং অদুগী আইদেন্টিতি অদু স্পেসিএল কোর্ট অদুগী অয়াবা য়াউদনা খংহনবা য়াদে। মিদিয়ানা প্রোভিজন অসি থুগায়বগী চৈরাক অসি থা তরুক্তগী চহি অমফাউবা ওইবা য়াই (সেক্সন 23)।
• খোংজেল য়াংবা ত্রাইএল লৈহন্নবগীদমক, এক্ট অসিনা অঙাং অদুগী ইভিদেন্স অদু নুমিৎ 30নিগী মনুংদা রেকোর্দ তৌনবা খংহল্লি। অমুকসু, স্পেসিএল কোর্ট অদুনা ত্রাইএল অদু য়ারিবমখৈ চহি অমগী মনুংদা লোইশিন্নবা তৌগদবনি (সেক্সন 35)।
• অঙাং অদুগী রিলিফ অমসুং রিহেবিলিতেসন পীনবা, কমপ্লেন্ট অদু স্পেসিএল জুবেনাইল পুলিস য়ুনিট (SJPU) নত্ত্রগা লোকেল পুলিসতা হেক পীরকপগা, মখোয়না অঙাং অদুদা কেয়র অমসুং প্রোটেক্সন হায়বদি, অঙাং অদুবু সেলতর হোম নত্ত্রগা খ্বাইদগী নকপা হোস্পিতাল অমদা রিপোর্ট তৌবা মতুং পুং কুনমরিগী মনুংদা এদমিট তৌনবগী খুদক্কী ওইবা থৌরাং তৌগদবনি। SJPU নত্ত্রগা লোকেল পুলিসনসু চাইল্ড ৱেলফেয়র কমিটিদা কমপ্লেন্ট অদু রেকোর্দিং তৌবা পুং 24গী মনুংদা, অঙাং অদুগী অশাংবা মতমগী ওইবা রিহেবিলিতেসনগীদমক থৌদোক অদু রিপোর্ত তৌবা মথৌ তাই।
• এক্ট অসিনা সেন্ত্রেল অমসুং ষ্টেট গবর্নমেন্টশীংদা তেলিভিজন, রেদিও অমসুং প্রিন্ট মিদিয়া য়াউনা মিদিয়াগী খুত্থাংদা, মীয়াম, অঙাং অমসুং মখোয়গী মমা-মপা অমসুং গার্জিয়ানশীংদা এক্ট অসিগী প্রোভিজনশীং খংহন্নবা শন্দোক্নবগী থৌরাং তৌনবা খংহল্লি।
• থৌওং অমনা এক্ট অসিগী মখাদা অমসুং সেক্সন 166A, 354A, 354B, 354C, 354D, 370,370A, 375, 376, 376A, 376C, 376D, 376E নত্ত্রগা ইন্দিয়ান পেনাল কোদ 509গী (1860গী 45) মখাদা চৈরাক ফংনিঙাই ওইরবদি মতম অদুদা চৎনরিবা আইন অমহেক্তদা পীরিবা অদুগী মতুং ইন্দনা, অসিগুম্বা ওফেন্স অসিগী মরাল লৈরবা মীওই অদুবু এক্ট অসিগী মখাদা নত্ত্রগা ইন্দিয়ান পেনাল কোদকী মখাদা, অনিসিগী মনুংদা অহেনবা চৈরাক অদু লৌদুনা পীগনি।
• এক্ট অসিগী প্রোভিজনশীং অসি অতৈ আইনশীংগী প্রোভিজনশীংগী মথক্তা হাপচিনবনি অমসুং ককথদুনা শেম্বা নত্তে। করিগুম্বা চয়েৎনবা লৈরক্লবদি এক্ট অসিগি প্রোভিজনশীংনা অতৈ প্রোভিজন অমহেক্তগী মথক্তা লৈগনি।
• POCSO এক্ট অসি হিংহৌরবা অঙাংশীং অমসুং এদল্ট ওইবা ওফেন্দরশীংদা চৎনগনি। করিগুম্বা অঙাং অনিনা অমগা অমগা সেক্সুএলগী মরি লৈনরবদি, নত্ত্রগা অঙাং অমনা এদল্ট অমদা সেক্সুএল ওফেন্স অদু চত্থরবদি, জুবেনাইল জষ্টিস (কেয়র এন্ড প্রোতেক্সন ওফ চিলদ্রেন) এক্ট, 2000 অসি চৎনগনি।

POSCO রুলস 2012তা তাক্লিবা পুলিসকী মথৌশীং

• প্রোতেক্সন ওফ চিলদ্রেন ফ্রোম সেক্সুএল ওফেন্সেস রুলস 2012কী রুল 4(1)গী মতুংইন্না পুলিসনা ওফেন্স অমা পাংথোকপগী নত্ত্রগা এতেম্প তৌবা নত্ত্রগা পাংথোক্লম্বা য়াবগী ইনফোর্মেসন ফংলবদি কমপ্লেন্ট তৌরক্লিবা মীওই অদুদা (i) মমীং অমসুং ফম (ii) লৈফম অমসুং তেলেফোন নম্বর (iii) মহাকপু সুপরভাইজ তৌরিবা ওফিসর অদুগি মমীং, ফম অমসুং কন্টেক্ট তৌনবগী অকুপ্পা মরোলশীং পীবা হায়বসি পুলিস ওফিসিএল অদুগী মথৌনি।
• প্রোতেক্সন ওফ চিলদ্রেন ফ্রোম সেক্সুএল ওফেন্সেস রুলস 2012কী রুল 4 (2)গী মতুংইন্না ওফেন্স অমা পাংথোকপগী নত্ত্রগা এটেম্প তৌবগী নত্ত্রগা পাংথোক্লম্বা য়াবগী ইনফোর্মেসন ফংলবদি পুলিস ওফিসিএল অদুনা মখাদা পীরিবশীংসি পাংথোকপা হায়বসি মহাক্কী মথৌনি :
• FIR রেজিষ্টর তৌবা।
• FIR অদুগী কোপি অমা কমপ্লেন্ট তৌরক্লিবা মীওইদুদা ফংহনবা।
• করিগুম্বা অঙাং অদু মেদিকেল এমর্জেন্সিদা লৈরবদি থেংথবা তৌদনা মদুগী খুদোংচাবা ফংহনবা।
• অঙাং অদুবু মমা-মপা নত্ত্রগা অঙাং অদুনা থাজজবা মীওই অমহেক্তগা লোয়নদুনা হোস্পিটালদা পুবা।
• ফোরেন্সিক একজামিনেসনগীদমক্তা সেম্পল শোয়দনা লৌবা।
• সপোর্ট তৌনবা মীওই অমা, আইনগী পাউতাক অমসুং উকিল অমনা মহুৎশিনবগী অধিকার লৈ হায়বদু অঙাং অমসুং মহাক্কী মমা-মপাদা খংহনগদবনি।
• প্রোতেক্সন ওফ চিলদ্রেন ফ্রোম সেক্সুএল ওফেন্সেস রুলস 2012কী রুল 4 (3)গী মতুংইন্না অঙাং অমবু ইমুং, লৈমিন্নরিবা ইমুং নত্ত্রগা  চংজফম ইমুং অদুগী মীওই অমনা নমজা-নমথেক্লবা অমসুং অঙাং অদু মমা-মপাগী সপোর্ট য়াউদনা নত্ত্রগা ময়ুম লৈতবা ওইরবদি SJPU নত্ত্রগা পুলিসনা অঙাং অদুবু চাইল্ড ৱেলফেয়র কমিটিগী মমাংদা পুং 24গী মনুংদা অঙাং অদু কেয়র অমসুং প্রোতেক্সন মথৌ তারে হায়বগী মরমশীং অমসুং চাইল্ড ৱেলফেয়র কমিটি অদুনা অকুপ্পা এসেসমেন্ট অমা পীবীনবগী রিক্বেষ্ট অমা, অইবা ওইনা পীগদবনি। রুল 4(7)কী মতুংইন্না অকুপ্পা এসেসমেন্ট অমা শেম্লবা মতুংদা চাইল্ড ৱেলফেয়র কমিটি অদুনা অঙাং অদুদা সপোর্ট তৌনবা মীওই অমা পীগনি।
• প্রোতেক্সন ওফ চিলদ্রেন ফ্রোম সেক্সুএল ওফেন্সেস রুলস 2012কী রুল 4(9)গী মতুংইন্না পুলিসনা পুং 24গী মনুংদা স্পেসিএল কোর্ট অদুদা অঙাং অদুদা পীরিবা সপোর্ত তৌনবা মীওই অদু অইবা ওইনা পীদুনা খংহনগনি।
• প্রোতেক্সন ওফ চিলদ্রেন ফ্রোম সেক্সুএল ওফেন্সেস রুলস 2012কী রুল 4(11)গী মতুংইন্না পুলিসনা মমা-মপা, সপোর্ট তৌরিবা মীওই, গার্জিয়ান অমহেক্তদা কেস অদুগী মতাংদা অমসুং মরাল লৈরবা মীওই অদু ফারে হায়বগী অমসুং তোঙান-তোঙানবা এপ্লিকেসনশীং ফাইল তৌবগী অকুপ্পা মরোলশীং খংহনগনি।
• প্রোতেক্সন ওফ চিলদ্রেন ফ্রোম সেক্সুএল ওফেন্সেস রুলস 2012কী রুল 4(12)গী মতুংইন্না পুলিসনা মখাদা পীরবশীংসি মমা-মপা নত্ত্রগা সপোর্ট তৌরিবা মীওই নত্ত্রগা গার্জিয়ান অদুনা খংহনগনি :
• মেদিকেল সর্ভিসশীং ফংহনবগী মতাংদা
• ক্রিমিনেল প্রোসিক্যুসনগী চংলিবা প্রোসিদ্যুওরগী ষ্টেপশীংগী মতাংদা
• ভিক্টিমগী কম্পেসেসন ফংহনবগী মতাংদা
• ওফেন্দর অদু ফাবগী মতাংদা
• ওফেন্দর অদুগী মায়োক্তা চার্জ ফাইল তৌবগী মতাংদা
• কোর্টকী প্রোসিদিংসকী তাংগী মতাংদা
• ওফেন্দর অদুগী বেল নত্ত্রগা থাদোকপগী মতাংদা
• ৱায়েন পীবগী মতাংদা
• ওফেন্দর অমদা চৈরাক পীবগী মতাংদা
• প্রোতেক্সন ওফ চিলদ্রেন ফ্রোম সেক্সুএল ওফেন্সেস রুলস 2012কী রুল 5(3)গী মখাদা মেদিকেল প্রাক্টিসনর অমত্তনা আইনগী নত্ত্রগা মেজিষ্টরিএল রিক্যুইজিসন নত্ত্রগা অতোপ্পা দোকুমেন্টেসন অমত্তবু মেদিকেল কেয়র পীনবগী মাংজৌননা মথৌ তাই হায়রোইদবনি।
• করিগুম্বা পুলিস / স্পেসিএল জুবেনাইল পুলিস য়ুনিটনা এক্ট অসিগী মখাদা ওফেন্স অমা পাংথোকপগী রিপোর্ট পীদ্রবদি চৈরাক ফংনিঙাই ওই [সেক্সন - 21 - (1) প্রোতেক্সন ওফ চিলদ্রেন ফ্রোম সেক্সুএল ওফেন্সেস এক্ট 2012 ]
• করিগুম্বা পুলিস ওফিসর অমনা ইন্দিয়ান পেনাল কোদকী সেক্সন 326-A, সেক্সন 326-B , সেক্সন 354, সেক্সন 354—B, সেক্সন 370, সেক্সন 370-A, সেক্সন 376,সেক্সন 376- A, সেক্সন 376-B, সেক্সন 376-C, সেক্সন 376-D, সেক্সন 376-Eগী মখাদা কেস অমা রেজিষ্টর তৌদ্রবা নত্ত্রগা ওফেন্স অদু মশক খংদে হায়রবদি মদু চৈরাক ফংনিঙাই ওইবা মরালনি। [সেক্সন 166 – ইন্দিয়ান পেনাল কোদ অমা]

মরি লৈনবা রিসোর্সশীং

1. দি প্রোতেক্সন ওফ চিলদ্রেন ফ্রোম সেক্সুএল ওফেন্সেস এক্ট, 2012
2. দি প্রোতেক্সন ওফ চিলদ্রেন ফ্রোম সেক্সুএল ওফেন্সেস রুলস, 2012
3. মোদেল গাইদলাইন্স অন্দর প্রোতেক্সন ওফ চিলদ্রেন ফ্রোম সেক্সুএল ওফেন্সেস POCSO এক্ট, 2012