নামা শোয়রবশীংগী এমপ্লোয়মেন্ট রিজর্ভেসনশীং
নামা শোয়রবশীংগী এমপ্লোয়মেন্ট রিজর্ভেসনশীং
নামা শোয়রবা মীওইশীংগী রিজর্ভেসনশীং
ভারত সরকারনা সেন্ত্রেল গবর্ণমেন্ট মিনিষ্ট্রিশীং, পব্লিক সেক্টর অন্দরতেকিংসীং অমসুং বেঙ্কশীংদা শকখংলবা গ্রুপ ‘C’ অমসুং গ্রুপ ‘D’গী পোষ্টশীংদা নামা শোয়রবশীংগীদমক অহাংবা ফমশীংগী 3% খাক্তুনা থম্লি। স্কিম অসিনা কান্নবা পীরিবা নামা শোয়রবশীংগী কেটেগোরি অদুদি মমিৎ তাংবা, মনা পংবা অমসুং শরুদা শোয়রবশীং অসিনি অমসুং কেতেগোরি খুদিংমক্কী রিজর্ভেসন অসি 1%নি।
গ্রুপ 'A' নত্ত্রগা গ্রুপ 'B' পোষ্টশীংদা নামা শোয়রবশীংগী রিজর্ভেসন অসি কেদর অদুদা লৈরিবা গ্রুপ 'A' নত্ত্রগা গ্রুপ 'B' পোষ্টশীংগী মথংশিৎনা দাইরেক্ট রিক্রুইটমেন্ট কোটাদা ফংলিবা অহাংবা ফম মশীং অদুদা য়ুম্ফম ওইগনি। ইষ্টাব্লিসমেন্ট অদুদা লৈরিবা গ্রুপ 'A' অমসুং গ্রুপ 'B' তোঙান তোঙানবা রোষ্টরশীংদি মেইন্টেইন তৌগদবনি।
ষ্টেট অমসুং U.T. গবর্ণমেন্ট কয়ানসু নামা শোয়রবশীংগীদমক থবক্কী রিজর্ভেসন কয়া পীরি। প্রাইভেট সেক্টরশীংদদি নামা শোয়রবশীংগীদমক থবক্কী রিজর্ভেসন পীগদবনি হায়বগী তঙাইফদবা লৈতে। অদুম ওইনমক, প্রাইভেট সেক্টরগী এমপ্লোয়র কয়ানা নামা শোয়রবশীংদা থবক পীনবা হৌরক্লে।
নামা শোয়রবশীংগী অহাংবা থবক লৈরিবশীং মেন্সিন্নবা, অখন্নবা রিক্রুইতমেন্ট দ্রাইভ কয়া তোঙান তোঙানবা দিপার্টমেন্টশিংনা মতম মতমগী ওইনা পাংথোক্লি।
নামা শোয়রবশীংগীদমক ভারত সরকার অমসুং পব্লিক সেক্টর অন্দরটেকিংশীংগী ইষ্টাব্লিশমেন্টশীংদা লৈরিবা গ্রুপ খুদিংমক্কী পোষ্টশীং মশক খংদোক্লে। অকুপ্পা মরোলগীদমক, মফমসিদা ক্লিক তৌবীয়ু।
নামা শোয়রবশীংদা পীবা খুদোংচাবা /কান্নবশীং
দিপার্টমেন্ট ওফ পর্সোনেল এন্ড ত্রেনিংনা মতম মতমগী ওইনা নামা শোয়রবশীংদা পীরিবা খুদোংচাবশীং/কান্নবশীংগা মরি লৈনবা OMশীং অমসুং ওর্দর কয়া পীদুনা খংহল্লি।
- থবক মশক খংদোকপা – ভারত সরকারগী মিনিষ্ট্রি/দিপার্টমেন্টশীং, মখোয়গী এটেচ তৌবা অমদি সবোর্দিনেট ওফিসশীং, সেন্ত্রেল পব্লিক সেক্টর এন্টরপ্রাইজশীং, কেন্টোনমেন্ট বোর্দশীং অসিনচিংবনা মরুওইনা গ্রুপ B, C অমসুং Dদা লৈরিবা পোষ্টশীংনা মশীং য়াম্বা মরমনা করম্বনা মখোয়না কোম্না থবক তৌবা ঙমগদগে হায়বদু খংদোকপা মথৌ তাই। অসিগুম্বা মীওইশীং অসিনা মশক খংদোক্লবা থবকশীং অসিদা য়ারিবমখৈ থবক তৌহন্নবা হোৎনগদবনি। করিগুম্বা মরি লৈনবা PWD ওফিসর অদুনা মখোয়না অতোপ্পা থবকশীংদসু মথৌ ফজনা তৌবা ঙম্লবদি মখোয়দা অকক্নবা থবক্তুখক্তমক তৌনবা হায়রোইদবনি।
- রিক্রুইটমেন্ট মতুং অমসুং প্রোমোসন মমাংগী ত্রেনিং – নামা শোয়রবা মীওইশীংগী ইন্দক্সন ত্রেনিং প্রোগ্রাম অদু অতোপ্পা কর্মচারিশীংগা পুন্না পাংথোকমিন্নগদবনি। নামা শোয়রবা মীওইশীংগিদমক রিক্রুইটমেন্ট মতুং অমসুং প্রোমোসন মমাংগী ত্রেনিং প্রোগ্রামশীং শিনবা মথৌ তাই।
- এইদশীং/এসিষ্টিভ দিভাইসশীং পীবা – মখোয়গী ইফিসিএন্সি হেনগৎহন্নবগীদমক নামা শোয়রবশীংদা হায় টেক/খ্বাইদগী নৌবা টেক্নোলোজিশীংগী এসিষ্টিভ দিভাইসশীং (লো ভিজন এইদশীং, বেত্তরি য়াউবা তাবা ঙম্নবগী খুৎলায়শীং য়াউনা), অখন্নবা ফর্নিচর, মখোং পানবা চৌক্রিশীং (কর্মচারি অদুনা মথৌ তারবদি মোটোর পানবা), সোফটৱায়র স্কেনরশীং, কম্প্যুটর অমসুং অতৈ হার্দৱায়র, অসিনচিংবা পীগদবনি।
- থবক মফমদা এক্সেসিবিলিটি অমসুং থাক মান্নবা অকোয়রোন লৈহনবা – PWD এক্টকী মখাদা PWDশীংনা এক্সেসিবিলিটি অমসুং থাক মান্নবা অকোয়রোন লৈহন্নবা সরকারগী ওফিসশীং য়াউনা পব্লিক বিল্ডিংশীং শেমদোক-শাদোক্নবগী গাইদলাইন্সকী মথক্তা, সরকারগী ওফিস পুম্নমক্না PWD কর্মচারি খুদিংমক্তা থাক মান্নবা অমসুং এক্সেসিবল ওইবা থবক্কী অকোয়রোন পীনবা প্রোভিজন পীবগী মথক্তা মখোয়গী থবক্কী ষ্টেসনশীং অমসুং কমন ওইবা য়ুটিলিটি এরিয়া হায়বদি টোইলেট, কেন্টিনশীংদা এক্সেস লৈহনগদবনি।
- সরকারগী একোমোদেসনশীংদা প্রিফরেন্স পীবা - দাইরেক্টোরেট ওফ এষ্টেটসনা নামা শোয়রবা মীওইশীংদা মখোয়গী পোষ্টিং মনাক নক্না একোমোদেসন পীবগা লোয়ননা গ্রাউন্দ ফ্লোরগী একোমোদেসন পীনবা খন্নগদবনি।
- স্পেসিএল কেজুএল লিভ – কেলেন্দর চহি অমদা নুমিৎ 4গী ওইবা স্পেসিএল কেজুএল লিভ পীনবগী প্রোভিজন অমা নামা শোয়রবা সেন্ট্রেল গবর্নমেন্টকী কর্মচারিগীদমক পীরি। মখা তানা, মিনিষ্ট্রি ওফ সোসিএল জষ্টিস এন্ড এম্পাৱরমেন্টনা শিনবা নামা শোয়রবশীংগা মরি লৈনবা কনফরেন্স/সেমিনারশীং/ত্রেনিংশীং/ৱার্কশোপশীংদা শরুক য়াবা ঙম্নবগীদমক নুমিৎ 10গী ওইবা স্পেসিএল কেজুএল লিভকী প্রোভিজন অমসু লৈ।
- ত্রান্সফর/পোষ্টিংদা খুদোংচাবা পীবা - য়ারিবমখৈ, নামা শোয়রবা মীওইশীংদি রোটেসনেল ত্রান্সফর পোলিসি/ত্রান্সফরদা য়াউহল্লোইদবনি অমসুং মশাগী হান্নগী থবক অদুদা তিং লৈনা থবক তৌবা ঙম্নবা থম্বীগদবনি। মখা তানা, লৈঙাক্কী তঙাইফদবা লৈত্রবদি নামা শোয়রবশীংবু ত্রান্সফর/প্রোমোসনদা অহেনবা খুদোংচাবা পীগদবনি।
মপুংফাবা OMশীং অমসুং নোতিফিকেসনশীংগীদমক্তা, মফমসিদা ক্লিক তৌবীয়ু।
পীরিবা কন্সেসনশীং
- নামা শোয়রবা মীওই অমনা ক্লরিকেল পোষ্ট পায়নবগী ক্বালিফাই ওইরবা অদুবু তাইপ তৌবা ঙমদে হায়না মেদিকেল বোর্দ নত্ত্রগা বোর্দ লৈত্রবদি সিভিল সর্জন অমনা সর্টিফাই তৌরবদি তাইপিং ক্বালিফিকেসন তঙাইফদবা ওইহল্লোইদবনি।
- নামা শোয়রবশীংনা ক্লরিকেল অমসুং সবোর্দিনেট কেদর পোষ্টশীংদা থবক তৌবগী অপর এজ লিমিট অসি চহি 10 কোমথোক্কনি।
- পব্লিক সেক্টর বেঙ্কশীং অমসুং ফাইনান্সিএল ইনষ্টিট্যুসনশীংদা লৈবা ক্লরিকেল পোষ্ট অমসুং অতোপ্পা কেদরশীংদা থবক চংনবগী এপ্লিকেসন অমসুং একজামিনেসন ফি অসি মথৌ তাহল্লোই।
- নামা শোয়রবা মীওইশীং অসি থবক লৌরিবা ওথোরিটিশীংনা মেদিকেল একজামিনেসন লৌবগী মথৌ তাহল্লোই অদুবু মখোয়গী ফিজিকেল ফিটনেস অদু গ্রুপ ‘C’ অমসুং ‘D’গী পোষ্টশীং লৌরিবা নামা শোয়রবশীংগী স্পেসিএল এমপ্লোয়মেন্ট এক্সচেঞ্জশীংদা এটেচ তৌরিবা মেদিকেল বোর্দশীংনা পীবা রিপোর্ট অদুদা য়ুম্ফম ওইগনি। থবক খনবা মতমদা খল্লিবা ওথোরিটিশীং অমসুং মেদিকেল বোর্দশীংনা নামা শোয়রবা মীওই অদুবু মীনুংশীগা লোয়ননা খন্নগনি। মখা তানা করিগুম্বা গ্রুপ ‘C’ অমসুং ‘D’গী কর্মচারি অদু মহাক্না পায়রিবা পোষ্ট অদুগীদমক অনফিট ওইরদুনা লৌথোকপা তারবসু মদুগা ফম মান্নবা অতোপ্পা মহাক্না চান্নগদবা ফম অমগীদমক দাইরেক্ট রিক্রুইটমেন্ট কোটাদা এমপ্লোয়মেন্ট এক্সচেঞ্জগী থবক খন্নবগী কন্দিসন কোমথোক্তুনা পীনবা খন্নগদবনি।
- নামা শোয়রবা মীওইশীংগীদমক অইবা চাংয়েং পাংথোক্নবগী গাইদলাইনশীং ইসু তৌরে। অকুপ্পা মরোলগীদমক্তা, মফমসিদা ক্লিক তৌবীয়ু।
- নামা শোয়রবশীংনা মশানা মশাবু থবক পীজনবগী অমসুং অতৈ প্রদক্টিভ এক্টিভিটিশীং লৌখৎনবগীদমকা, নেসনেলাইজ বেঙ্কশীংনা চহিদা 5% গী শেন্দোই লৌদুনা দিফরেন্সিএল রেট ওফ ইন্টরেষ্ট স্কিমগী মখাদা শেন্থং পীরি। অকুপ্পা মরোলগীদমক, মফমসিদা ক্লিক তৌবীয়ু।
- মিনিষ্ট্রি ওফ পেত্রোলিয়ম এন্ড নেচরেল গ্যেসনা মখল খুদিংমক্কী পব্লিক সেক্টর ওইল কম্পনিশীংদা নামা শোয়রবশীংগীদমক দিলরশীপ/এজেন্সিশীংদা চাদা তরেৎ মখায়গী চাংদা খাক্তুনা থম্লি। মসিগা মান্ননা মিনিষ্ট্রি অসিনা লান্দা নত্ত্রগা শান্তিগী মতমগী মিলিটরি এক্সনশীংদা মতম চুপ্পগী ওইনা নত্ত্রগা শাথীনা শোয়নাইহল্লবা দিফেন্সকী মীওইশীংগীসু চাদা তরেৎ মখায়গী চাংদা খাক্তুনা থম্লি।
- লৈঙাক্কী ওইনা অকায়বা লৈত্রবদি নামা শোয়রবা অঙাংবু শেন্নরিবা মীওই ওইরবদি সরকারগী কর্মচারি অমবু রুতিন ওইবা ত্রান্সফর/রোটেসনেল ত্রান্সফর অদুদগী কোমথোক্কনি।
মরি লৈনবা রিসোর্সশীং
অকোনবা শেমদোকখিবা : 10/23/2019
