রেনসমৱায়র

রেনসমৱায়র হায়বসি করিনো?

রেনসমৱায়র হায়বসি নহাকপু নহাক্কী PC শিজিন্নবা থীংবা, নত্ত্রগা নহাক্কী ফাইলশীং নহাক্না শিজিন্নবা য়াহল্লোইদবা মওংদা এনক্রিপ্ট তৌবা ঙম্বা মালৱায়র মখল অমনি। নহাক্কী PC অদু নহাক্না অমুক হন্না শিজিন্নবা য়াদ্রিঙৈগী মমাংদা নহাক্না শেল পীবা, সর্ভে মপুং ফাহনবা, নত্ত্রগা অতৈ এক্সনশীং পাংথোকপা মথৌ তাই হায়না নঙোন্দা চেক্সিন-ৱা পীরকপসু য়াই।

রেনসমৱায়রনা নহাক্কী PCদা অতৈ অতোপ্পা মালৱায়র (ভাইরসশীং য়াউনা) লাকপা য়াবা সোর্স অমহেক্তদগী লাকপা য়াই। মসিগী মনুংদা মখাদা পীরিবশীংসি য়াউগনি:

• শাফদবা, চিংননিংঙাই ওইবা, নত্ত্রগা শাশিন্নবা ৱেবসাইটশীংদা চংবা।
• নহাক্না খংদবা নত্ত্রগা নহাক্না থাজরুদবা মীওইশীংদগী লাকপা ইমেইলশীং অমসুং ইমেইল এটেচমেন্টশীং হাংদোকপা।
• ইমেইল, সোসিএল মিদিয়া পোষ্ট, ইনষ্টেন্ট মেসেঞ্জর চাট, অসিনচিংবদা য়াউবা মাং-তাক্নিংঙাই ওইবা নত্ত্রগা ফত্তবা লিঙ্কশীংদা ক্লিক তৌবা।

রেনসমৱায়রনা করি পাংথোকপগে?

লোকস্ক্রিন রেনসমৱায়র অমসুং এনক্রিপসন রেনসমৱায়র হায়না তোঙান-তোঙানবা মখলশীংগী রেনসমৱায়র লৈ।

লোকস্ক্রিন রেনসমৱায়র (Lockscreen ransomware) না নহাক্কী PC নত্ত্রগা ফাইলশীং নহাক্না এক্সেস তৌবা থীংবা ফুল-স্ক্রিন মেসেজ অমা উৎলি। মদুনা নহাক্কী PC অদু এক্সেস তৌনবগীদমক নহাক্না শেল পীবা (“রেনসম” অমা) তাই হায়না খংহল্লি।

এনক্রিপসন রেনসমৱায়র (Encryption ransomware)না নহাক্কী ফাইলশীং হোংদোক্কনি, মরম অদুনা নহাক্না মখোয়দু হাংদোকপা ঙম্লোই। মদুনা থৌওং অসি ফাইলশীং অদু এনক্রিপ্ট তৌদুনা পাংথোকই।

অদুম ওইনমক, মখোয় পুম্নমক্না নহাকপু নহাক্কী PC অদু নোর্মেল ওইনা শিজিন্নবদগী থীংগনি, অমসুং নহাক্না নহাক্কী PC অদু শিজিন্নবা য়াদ্রিঙৈদা নঙোন্দা করিগুম্বা খরা পাংথোক্নবা খংহল্লক্কনি। মখোয়না PC য়ুজর অমহেক্তদা, হায়বদি হোম কম্প্যুটর, এন্টরপ্রাইজ নেটৱার্ক অমদা লৈবা এন্দপোইন্টশীং, নত্ত্রগা গবর্ণমেন্ট এজেন্সি নত্ত্রগা হেলথকেয়র প্রোভাইদর অমনা শিজিন্নবা সর্ভরশীংগী মরক্তগী অমহেক্তবু টার্গেট তৌবা ঙম্মী। রেনসমৱায়রনা মখাদা পীরিবশীংসি পাংথোকপা ঙম্মী:

• নহাকপু নহাক্কী সোফটৱায়র এক্সেস তৌবা থীংবা।
• ফাইলশীং নহাক্না শিজিন্নবা য়াদনবা মওংদা এনক্রিপ্ট তৌবা।
• অকক্নবা এপশীং রন তৌবা (নহাক্কী ৱেব ব্রাউজরনচিংবা) লেপহনবা।

রেনসমৱায়রনা নহাক্কী PC নত্ত্রগা ফাইলশীং এক্সেস তৌবা য়ানবগীদমক নহাক্না শেল পীনবা (“রেনসম” অমা) দিমান্দ তৌরক্কনি। মখোয় খরনা নহাকপু সর্ভেশীং মপুং ফাহন্নবা হায়রকপসু য়াই। রেনসমৱায়রনা হায়রকপা শেনফমদু পীবনা নত্ত্রগা হায়রিবদু পাংথোকপনা নহাক্কী PC নত্ত্রগা ফাইলশীংদু অমুক হন্না এক্সেস তৌবা য়াগনি হায়বগী অরেপ্পা (guarantee) লৈতে।

সোর্স : মাইক্রোসোফট মালৱায়র প্রোটেক্সন সেন্টর

নৌনা থোকখিবা রেনসমৱায়রগী এটেকশীং (Recent ransomware attacks)

ইং 2017গী মে থাদা, “ৱানাক্রাই” কৌবা রেনসমৱায়র অমা পাক-শন্না শন্দোক্লক্লে হায়না রিপোর্ট তৌনখি। ৱানাক্রাইনা, ইনফেক্ট তৌরবা ৱিন্দোজ সিষ্টেমশীংদা লৈবা ফাইলশীং এনক্রিপ্ট তৌই। রেনসমৱায়র অসিনা ৱিন্দোজ সিষ্টেমশীংদা লৈবা সর্ভর মেসেজ ব্লোক (SMB)কী ইমপ্লিমেন্টেসনশীংগী অশোনবা অমা (vulnerability) শিজিন্নদুনা শন্দোকই। মসিগী থৌওং অসিবু ETERNALBLUE (এটরনেলব্লু) হায়না কৌই।

ৱানাক্রিপ্ট নত্ত্রগা ৱানাক্রাই কৌবা রেনসমৱায়রনা কম্প্যুটরগী হার্দ দিস্ক দ্রাইভ অদু এনক্রিপ্ট তৌই অমদি মদুগী মথংদা চপ মান্নবা LAN অদুদা লৈবা কম্প্যুটরশীংগী মরক্তা মথং-মথং (laterally) শন্দোকখি। রেনসমৱায়র অসি ইমেইলশীংদা থারকপা মাং-তাক্নিংঙাই ওইবা এটেচমেন্টশীংগী খুত্থাংদসু শন্দোকই।

ইন্দিয়ান কম্প্যুটর এমর্জেন্সি রেস্পোন্স টিম (CERT-In)না হিরম অসিদা য়াম্না মরুওইবা চেক্সিন-ৱা অমা খংহনখ্রে। মদুবু য়েংনবগীদমক্তা, মফমসিদা ক্লিক তৌবীয়ু।

রেনসমৱায়র এটেকশীং থীংনবা পাংথোক্কদবা খ্বাইদগী ফবা থৌরাংশীং

• দেটা নত্ত্রগা সিষ্টেমগী অমাং-অতাগী চাং হন্থহন্নবা অমসুং রিকভরি প্রোসেস অদু য়াংনা পাংথোকপদা মতেং ওইনবগীদমক্তা মরুওইবা ইনফোর্মেসন পুম্নমক্কী বেকঅপশীং চাং নাইনা পাংথোক্কদবনি। হেন্না ফবদি, দেটা অসি তোখায়বা দিভাইস অমদা থমগদবনি অমসুং বেকঅপশীংদি ওফলাইন ওইনা থমগদবনি।
• রেনসমৱায়র সেম্পল অয়াম্বনা কোর্পোরেট ইমেইল বোক্সশীংদা মায়পাক্না য়ৌবদা শিজিন্নরিবা ইমেইল স্পুফিং (email spoofing) খংদোক্তুনা স্পাম থীংনবা দিজাইন তৌরিবা ইমেইল ভেলিদেসন সিষ্টেম অমা ওইরিবা সেন্দর পোলিসি ফ্রেমৱার্ক (SPF), দোমেইন মেসেজ ওথেন্টিকেসন রিপোর্টিং এন্ড কনফোর্মেন্স (DMARC), এন্ড দোমেইন কিজ আইদেন্টিফাইদ মেইল (DKIM) অসি নহাক্কী দোমেইনগীদমক্তা শেম্মু।
• নহাক্কী কন্টেক্ট লিষ্টতা য়াউবা মীওইশীংনা থারকপা ওইরবসু, পামদবা (unsolicited) ই-মেইলশীংদা লাকপা এটেচমেন্টশীং হাংদোক্লোইদবনি, অমসুং পামদবা ই-মেইল অমদা য়াউরকপা URL অমদা, করিগুম্বা লিঙ্ক অদু অশেংবা মাল্লবসু কৈদৌঙৈদা ক্লিক তৌরোইদবনি। তশেংবা URLশীংগী ওইনদি, ই-মেইল অদু ক্লোজ তৌ অমসুং ওর্গানাইজেসনগী ৱেবসাইট অদুদা ব্রাউজরগী খুত্থাংদা হকথেংননা চংগদবনি।
• এন্টরপ্রাইজ এনভাইরনমেন্টদা পাৱরশেল/ WSCRIPT পাংথোক্কনু। ইনষ্টোলেসন তৌবা অমসুং এদভান্স লোগিং, স্ক্রিপ্ট ব্লোক লোগিং, অমসুং ত্রান্সক্রিপসন এনেবল তৌরবা পাৱরশেল (PowerShell)গী খ্বাইদগী নৌবা ভর্সন (হৌজিক্কী ওইনদি v5.0 ওইরি) শিজিন্নবা কাউরোইদবনি। মোনিটরিং অমসুং এনালাইসিসকীদমক্তা এসোসিএট তৌরিবা লোগশীংদু সেন্ত্রেলাইজ লোগ রিপোজিটরি অমদা থাগদবনি।
• %APPDATA%, %PROGRAMDATA% অমসুং %TEMP% পাথশীংদগী রন তৌরকপা বাইনরিশীং ব্লোক তৌনবগীদমক এপ্লিকেসন হ্ৱাইটলিষ্টিং (whitelisting)/ ষ্ট্রিক্ট ইমপ্লিমেন্টেসন ওফ সোফৱায়র রেষ্ট্রিক্সন পোলিসি (SRP) লৈহনগদবনি। মহৌশানা, রেনসমৱায়র সেম্পলনা লোকেসনশীং অসিদা দ্রোপ তৌই অমসুং মসিদগী মথৌ পাংথোকই। এন্দপোইন্ট ৱার্কষ্টেসন পুম্নমক্তা এপ্লিকেসন হ্ৱাইটলিষ্টিং হাপচিল্লু।
• নেটৱার্কতা ৱেব অমসুং ইমেইল ফিল্টরশীং শিজিন্নৌ। দিভাইসশীং অসি অখংবা ফত্তবা দোমেইনশীং, সোর্সশীং অমসুং এদ্রেসশীং স্কেন তৌনবা কনফিগর তৌ; মেসেজশীং রিসিভ অমসুং দাউনলোদ তৌদ্রিঙৈদা মখোয় অসি হান্না ব্লোক তৌশিল্লু। ইমেইল, এটেচমেন্ট পুম্নমক স্কেন তৌ, অমসুং মমীং লৈবা এন্টিভাইরস সোল্যুসন অমা শিজিন্নদুনা হোষ্ট অমসুং মেইল গেটৱে অনিমক্তা দাউনলোদ তৌ।
• মাইক্রোসোফট ওফিস প্রদক্টশীংদা লৈবা মেক্রোশীং (macros) দিসএবল তৌ। ওফিস প্রদক্ট খরদি ওর্গানাইজেসন অমগী মপান্দগী লাকপা মেক্রোশীং দিসএবল তৌবা য়াহল্লি অমসুং ওর্গানাইজেসন অদুনা মেক্রোশীংবু আইন্না য়ানা শীজিন্নবগী মখা পোল্লকপা মতমদা হায়ব্রিদ এপ্রোচ (hybrid approach) অমা পিবা ঙম্মী। ৱিন্দোজগী ওইনদি, অকক্নবা সেটিং খরনা, ইন্টরনেটতগী লাকপা মেক্রোশীংনা রন তৌবদগী ব্লোক তৌবা ঙম্মী।
• ফাইল, দিরেক্টরি, অমসুং নেটৱার্ক শেয়র পর্মিসনশীং য়াউনা, খ্বাইদগী য়ামদবা প্রিভিলেজবু ৱাখন্দা থমদুনা এক্সেস কন্ত্রোলশীং কনফিগর তৌ। করিগুম্বা য়ুজর অমনা অকক্নবা ফাইলশীং পাবখক্তগী মথৌ তারবদি, মখোয়না ফাইলশীং, দিরেক্টরিশীং নত্ত্রগা শেয়রশীং অদুদা ইনবগী এক্সেস লৈহল্লোইদবনি।
• সিষ্টেম পুম্নমক্তা অপদেট তৌরবা এন্টিভাইরস সোফটৱায়র হাপ্পু।
• এনহান্স মিটিগেসন এক্সপিরিএন্স টুলকিট, নত্ত্রগা মসিগা মান্নবা হোষ্ট-লেভেল এন্টি-এক্সপ্লোইটেসন টুলশীং ইনষ্টোল তৌবা ফৈ।
• exe, pif, tmp, url, vb, vbe, scr, reg, cer, pst, cmd, com, bat, dll, dat, hlp, hta, js, wsf, হায়রিবা ফাইল মখলশীং অসিগী এটেচমেন্টশীং ব্লোক তৌ।
• দেটাবেজগী বেকঅপ ফাইলশীংগী কন্টেন্টশীংদা, দেটা রেকোর্দশীং নত্ত্রগা এক্সটরনেল ইলিমেন্টশীং (লোন্না চংলকপা/ মাং-তাক্নিংঙাই ওইবা স্ক্রিপ্টশীং)গী অনওথোরাইজ ওইবা এনক্রিপ্ট তৌরবা কন্টেণ্ট লৈব্রা হায়বদু চাং নাইনা চেক তৌগদবনি।
• ওপরেটিং সিষ্টেম থার্দ পার্টি এপ্লিকেসনশীং (MS ওফিস, ব্রাউজরশীং, ব্রাউজর প্লগইনশীং) অদু খ্বাইদগী নৌবা পেটচশীং (latest patches)নগা লোয়ননা অপ-টু-দেট ওইনা থমগদবনি।
• ৱেব ব্রাউজ তৌবা মতমদা শাফবা থৌওংশীং ইনগদবনি। ৱেব ব্রাউজরশীং অদু চুনবা কন্টেণ্ট কন্ত্রোলশীং শিজিন্নদুনা মতিক চানা সেক্যুওর ওইহনগদবনি।
• সেক্যুরিটি জোনশীংদা নেটৱার্ক সেগমেন্টেসন অমসুং সেগ্রেগেসন (Network segmentation and segregation) লৈহনবনা অরোনবা অমসুং মরুওইবা (critical) সর্ভিসশীং ঙাকথোকপদা মতেং পাংই। ফিজিকেল কন্ত্রোল অমসুং ভর্চুএল লোকেল এরিয়া নেটৱার্কশীংগা লোয়ননা এদমিনিষ্ট্রেটিভ নেটৱার্ক অদু ব্যুজিনেসকী প্রোসেসশীংদগী তোখায়হল্লু।
• রিমোট ওইবা দেস্কটোপ কনেক্সনশীং দিসএবল তৌ, প্রিভিলেজ খ্বাইদগী য়ামদবা একাউণ্টশীং শিজিন্নহল্লু।
• দেটাবেজ, ওথেন্টিকেসন অমসুং সেন্সিটিভ সিষ্টেমশীংদা শিজিন্নরিবা কোদশীং/ স্ক্রিপ্টশীংগী ইন্টিগ্রিটি শোয়দনা লৈহল্লু। দেটাবেজশীংদা য়াউরিবা ইনফোর্মেসনগী ইণ্টিগ্রিটি চাং নাইনা চেক তৌগদবনি।
• পামদবা সোফটৱায়র এপ্লিকেসনশীং ইনষ্টোল অমসুং রন তৌনবা য়ুজরশীংগী এবিলিটিশীং (পর্মিসনশীং)গী রেষ্ট্রিক্সন লৈহল্লু।
• ৱার্কষ্টেসনশীংদা পর্সোনেল ফায়রৱালশীং এনেবল তৌ।
• এক্সটরনেল দিভাইস (USB দ্রাইভ) শিজিন্নবগী অকক্নবা পোলিসি অমা চেৎনা চৎনহল্লু।
• দেটা-এট-রেষ্ট অমসুং দেটা-ইন-ত্রান্সমিট এনক্রিপসন শিজিন্নৌ।
• ক্রিটিকেল ওইবা নেটৱার্ক/ সিষ্টেমশীং, মরুওইনা CERT-IN এম্পেনেল তৌরবা ওদিটরশীংদগী লাকপা দেটাবেজ সর্ভরশীংগী ভলনরেবিলিটি এসেসমেন্ট এন্ড পেনিত্রেসন টেষ্টিং (VAPT) অমসুং ইনফোর্মেসন সেক্যুরিটি ওদিট পাংথোকউ। ওদিটশীং অদু চাং নাইনা হঞ্জিন্দুনা (regular intervals) পাংথোকউ।
• ইন্দিভিজুএল নত্ত্রগা ওর্গানাইজেসনশীংনা রেনসম পীবদা পুক্নিং থৌগত্তে, মরমদি মসিনা ফাইলশীং অদু থাদোরক্কনি হায়বগী অরেপ্পা থাজবা (guarantee) পীদে। নমথাক লাংগী অসিগুম্বা খুদমশীং অসি হেক লৈরকপগা CERT-In অমসুং লো এনফোর্সমেন্ট এজেন্সিশীংদা রিপোর্ট তৌগদবনি।

সোর্স : সাইবর স্বাছতা কেন্দ্র