সাইবর স্বাছতা কেন্দ্র
সাইবর স্বাছতা কেন্দ্র
“সাইবর স্বাছতা কেন্দ্র” (বোটনেট ক্লিনিং এন্ড মালৱায়র এনালাইসিস সেন্টর) হায়বসি মিনিষ্ট্রি ওফ ইলেক্ট্রোনিক্স এন্ড ইনফোর্মেসন টেক্নোলোজি (MeitY)গী মখাদা পায়খৎপা, ভারত্তা লৈরিবা বোটনেট ইনফেক্সনশীং খংদোক্তুনা সেক্যুওর ওইবা সাইবর স্পেস অমা শেম্ননবা, অমসুং মখা তানা ইনফেক্সনশীং লৈরকপা থীংননবা এন্ড য়ুজরশীংগী সিষ্টেমশীং নোটিফাই তৌনবা, ক্লিনিং য়াহন্নবা অমসুং সেক্যুওর ওইহন্নবা ভারত সরকারগী দিজিটেল ইন্দিয়া ইনিসিএটিভকী শরুক অমনি।
“সাইবর স্বাছতা কেন্দ্র” (বোটনেট ক্লিনিং এন্ড মালৱায়র এনালাইসিস সেন্টর) অসি BOTশীং/ মালৱায়র কেরেক্টরিষ্টিকশীং এনালাইজ তৌনবা অমসুং নাগরিকশীংদা ইনফোর্মেসন পীদুনা BOTশীং/ মালৱায়র লৌথোকপা ঙমহন্নবা ইন্দিয়ান কম্প্যুটর এমর্জেন্সি রেস্পোন্স টিম (CERT-In)না ওপরেট তৌবনি। মসিগী মথক্তা, “সাইবর স্বাছতা কেন্দ্র”না নাগরিকশীংগী মরক্তা, মখোয়গী দেটা, কম্প্যুটরশীং, মোবাইল ফোনশীং অমসুং হোম রাউটরগুম্বা দিভাইসশীং সেক্যুওর ওইহন্নবগী মরমদা পাক-শন্না খংহন্নবা থবক্তা মীৎয়েং থমগনি।
খুৎশম্ননা চৎমিন্নরিবা পার্টনরশীং (Collaborative Partners)
বোটশীংনা ইনফেক্ট তৌরবা সিষ্টেমশীং খংদোক্নবা অমসুং এন্ড য়ুজরশীংদা মখোয়গী সিষ্টেমশীংগী ইনফেক্সনগী মতাংদা খংহন্দুনা অমসুং মখোয়গী সিষ্টেমশীংদু ক্লিন তৌথোকপদা মতেং পাংনবগীদমক, “সাইবর স্বাছতা কেন্দ্র”না দিপার্টমেন্ট ওফ টেলিকম্যুনিকেসনস, ইন্টরনেট সর্ভিস প্রোভাইদরশীং, এন্টিভাইরস কম্পনিশীং অমসুং একাদেমিয়াগা খুৎশম্ননা চৎমিন্নরি।
“সাইবর স্বাছতা কেন্দ্র”দা থৌদোকশীংগী পাউ পীবা
য়ুজর, সিষ্টেম এদমিনিষ্ট্রেটর পুম্নমক্না, মখোয়গী সিষ্টেমশীং/ নেটৱার্কশীংদা মাং-তাক্নিংঙাই ওইবা থৌওংশীংগী মতাংদা, থৌদোক অদু এনালাইজ তৌনবা অমসুং মথৌ তাবা সপোর্ট পীবীনবগীদমক্তা, মতিক চাবা লোগশীংগা লোয়ননা CERT-In হেল্প দেস্কতা লৈবা “সাইবর স্বাছতা কেন্দ্র” (বোটনেট ক্লিনিং এন্ড মালৱায়র এনালাইসিস সেন্টর)দা, থৌদোকশীংগী রিপোর্ট তৌবা য়াই। সাইবর স্বাছতা কেন্দ্রনা সর্ভিসশীং অদু শেল চংদনা পীগনি।
করিগুম্বা য়ুজর অদুনা মহৌশাগা মান্নদবা মওং-মতৌ, হায়বদি সিষ্টেম অদুনা মশক-মওং খংদবা কম্যুনিকেসন অমা থারবা, অনআইদেন্টিফাই ওইবা দেটা কঞ্জ্যুম্পসন লৈরবা, মশা-মথন্তনা ইনষ্টোল তৌজবা এপ্লিকেসন/ সোফটৱায়র অসিনচিংবা লৈরবদি, কম্প্যুটর/ দিভাইস অদু খুদক্তা, মালৱায়র/ বোটনেট ইনফেক্সনশীং খংদোক্নবা তোঙান-তোঙানবা এন্টিভাইরস ভেন্দরশীংনা লেম্না নত্ত্রগা শেল লৌদুনা পীরিবা এন্টিভাইরস স্কেন্নরশীং নত্ত্রগা রেস্ক্যু দিস্কশীং শিজিন্নদুনা খুদক্তা স্কেন তৌথোক্কদবনি।
মতৌ করম্না য়ুজরশীং অদুদা চেক্সিন্নবা (alerted) খংহনগদগে?
য়ুজর অমগী কম্প্যুটরদা বোট অমনা (ভিক্টমশীংগী মেছিনবু কম্প্রোমাইজ তৌহনবা অমসুং মদুবু মখা তাবা মাং-তাক্নিংঙাই ওইবা থবক-থৌরমশীংদা শিজিন্নবা ঙম্বগী মপাঙ্গল লৈবা সোফটৱায়র অমা) ইনফেক্ট তৌরকপা য়াই অমসুং মহাক্কী নোলেজ নত্ত্রগা অয়াবা য়াউদনা মাং-তাক্নিংঙাই ওইবা সর্ভরশীংদা কনেক্ট তৌখিবা য়াই। সাইবর সেক্যুরিটি কম্পনিশীং, লো এনফোর্সমেন্ট এজেন্সিশীং অমসুং কম্প্যুটর এমর্জেন্সি রেস্পোন্স টিমশীংনা অসিগুম্বা মাং-তাক্নিংঙাই সর্ভরসীংবু এনালাইজ নত্ত্রগা ইনভেষ্টিগেট তৌবগা লোয়ননা অসিগুম্বা এক্টিভিটি অসিগী খোঙ্গুল লি। অসিগুম্বা এনালাইসিস অসিদা য়ুম্ফম ওইদুনা, য়ুজরগী IP এদ্রেস অমবু অকক্নবা বোট/ মালৱায়র অমনা ইনফেক্ট তৌরে হায়বা খংদোকই।
“সাইবর স্বাছতা কেন্দ্র” (বোটনেট ক্লিনিং এন্ড মালৱায়র এনালাইসিস সেন্টর)না, বোটনেটগী শরুক ওইরিবা অমসুং মাং-তাক্নিংঙাই ওইবা এক্টিভিটিশীং পাংথোক্লিবা ইনফেক্ট তৌরবা সিষ্টেমশীংগী IP এদ্রেসশীং তাক্তুনা ISPশীংদা এলর্ট (চেক্সিন ৱারোল) অমা থাই। মসিগী মতুংদা ISPশীংনা রেজিষ্টর তৌরবা IP এদ্রেসকী মতেংনা ইনফেক্ট তৌরবা সিষ্টেম(শীং)গী মপু(শীং)দা পাউ পী।
ইনফেক্ট তৌরবা মেছিনদা য়াউরিবা অকক্নবা বোটশীং/ মালৱায়র খংদোক্নবা অমসুং ক্লিন তৌনবগীদমক্তা, য়ুজর অদুনা রিমুভেল টুল (removal tool) অমা শিজিন্নবা য়াই। অসিগুম্বা টুলশীং অসিনা য়ুজরশীংবু এন্টিভাইরস সিগ্নেচরশীংগী মায়োক্তা মেছিন অদুগী স্কেন অমা, স্কেন তৌরিবা মেছিন অদুদা মালৱায়র খংদোক্নবা অমসুং মালৱায়র অদুবু লৌথোক্নবগীদমক ওটোমেটেদ ওইবা মওংদা রন তৌবা য়াহল্লি।
সোর্স : সাইবর স্বাছতা কেন্দ্র
মরি লৈনবা রিসোর্সশীং
অকোনবা শেমদোকখিবা : 10/23/2019
