সাইবরক্রাইম – তোইনা হংবা ৱাহংশীং

সাইবরক্রাইম হায়বসি করিনো?

ইন্টরনেট অসি দিভেলপ তৌখিবা মতমদা, ইন্টরনেটপু পুথোক্লিবা মীওইশীং অদুনা, ইন্টরনেট মশামক্না ফত্তবা য়াওল অমদা ওন্দুনা মদুবু ক্রমিনেলগী থবক থৌরমশীংদা লান্না শিজিন্নরক্তুনা অমদি মদুবু কন্ত্রোল তৌনবগী আইন মথৌ তারক্কনি হায়বদি খঞ্জিল্লুবা তৌখিদে। ঙসিদি, সাইবরস্পেসতা নুংনাংনিঙাই ওইবা থৌওং কয়া লৈরক্লি। সাইবরক্রাইম হায়রগা সাইবরস্পেসতা লৈরিবা ক্রিমিনেলগী ৱাখল্লোন অমগা লোয়ননা পাংথোকপা থৌওং পুম্নমকপু খংনগনি। মখোয় অদু মমাংঙৈগী মওংদা (conventional sense) পাংথোকপা নত্ত্রগা অনৌবা মেদিয়ম লাকপগা লোয়নবা অনৌবা মওংদা পাংথোকপা অনিসিগী মনুংদা অমা ওইবা য়াই। ইন্টরনেটকী শকউদবা মওং-মতৌ লৈবা (anonymous nature) অসিনা, ক্রিমিনেলগী থবক-থৌওং কয়াদা নিংতম্না শিজিন্নরকপগী ওইথোকপা লৈরে, অমদি লৌশিং-গ্যান লৈরবা মীওইশীংনা ইন্টরনেটকী অসিগুম্বা শক্লোন অসি সাইবরস্পেসতা ক্রিমিনেলগী থবক-থৌওংশীং পাংথোকপদা য়াম্না লান্না শিজিন্নরি। সাইবরক্রাইমগী লম অসি নৌনা থোরকপনি অমসুং নোংমা নোংমগী সাইবরস্পেসতা পাংথোকপা অনৌবা মওংগী ক্রিমিনেল এক্টিভিটিশীং উবা ফংলক্লি।

সাইবরক্রাইমগী ওইবা মপুংফাবা ৱাহন্থোক অমা লৈরব্রা?

সাইবরক্রাইমগী মতাংদা মপুংফাবা ৱাহন্থোক অমখক্তং লৈবা য়ারোই। অদুম ওইনমক, মীওইবগী অৱা-নুংঙাইগী ৱাখনবু (human sensibilities) শোকহল্লিবা থৌওং অমহেক্তবুসু লম অসিগী মনুংদা চলহনবা য়াই। ইন্টরনেটতা ফংলিবা চাইল্ড পোর্নোগ্রাফি (অঙাংশিংবু অকাম্পেৎকী ফোটো নত্ত্রগা ভিদিওদা শীজিন্নবা) অসিসু সাইবরক্রাইমগী খ্বাইদগী শাথীবা ক্রাইমশীংগী মনুংদা অমনি। মসিগা মান্ননা, অপিকপা অঙাংশীংবু ইন্টরনেট শিজিন্নদুনা হক্তিন্নবগী থৌওংদা চিংশিন্নবা হোৎনরিবা, ওনলাইন পেদোফাইল (ইন্টরনেটকী খুত্থাংদা, অঙাংশীংগা হক্তিন্ননবা মীতাবা মীওইশীং)শীং অসিসু অতৈগুম্না সাইবরক্রিমিনেল অমনি।

সাইবরক্রাইমগী তোঙান-তোঙানবা কাংলুপশীং অদু করি করিনো?

সাইবরক্রাইমশীং অসি, মীওইশীংগী, লন-থুমগী অমসুং গবর্ণমেন্টকী মায়োক্তা চত্থবা সাইবরক্রাইম হায়না মরুওইবা কাংলুপ (কেটেগোরি) 3দা খায়দোকপা য়াই।

মীওইশীংগী মায়োক্তা চত্থবা সাইবরক্রাইমগী মতাংদা অহেনবা ইনফোর্মেসন খরা পীবীয়ু।

মীওইশীংগী মায়োক্তা চত্থবা সাইবরক্রাইমশীংগী মনুংদা তোঙান-তোঙানবা মখলগী ক্রাইমশীং হায়বদি অঙাংগী অকাম্পেৎকী ফোটো নত্ত্রগা ভিদিও থাদোক-থাজিন তৌবা, কম্প্যুটর অমা শীজিন্নদুনা ই-মেইল অমসুং সাইবর ষ্টোল্কিং (ইন্টরনেটকী খুত্থাংদা মীওই অমবু কোয়শেন-শেন্নবা)গুম্বা থৌওং অমা পাংথোক্তুনা মীওই অমহেক্তদা নুংঙাইতবা, অকিবা পীবসিসু চল্লি।

পোর্নোগ্রাফি (অকাম্পেৎকী লাইরিক, ফোটো-ভিদিও), মওং চাদনা হকচাং উত্থোকপা, অমসুং অঙাংগী অকাম্পেৎকী ফোটো-ভিদিও য়াউনা অকাম্পেৎকী ওইবা মেটরিএলশীং পীথোক-পীশিন তৌবা, চাইথোকপা, থাগৎপা অমসুং শন্দোকপা হায়বসি হৌজিক্কী ওইনা মীয়াম্না খংনরবা খ্বাইদগী মরুওইবা সাইবরক্রাইমশীংগী মরক্তা অমা ওইরে। অসিগুম্বা ক্রাইম অমনা মীওইবা খুন্নাইদা পীরকপা য়াবা অমাং-অতা অদুদি ফোংদোকপদা লোয়রোই। করিগুম্বা কন্ত্রোল তৌহৌদ্রবদি হৌরক্লিবা নহারোলশিংনা (জেনেরেসন) মশা-মরেং ফন্না শাৎপা থীন্থহনগদবা অমসুং মখোয়দা কোকপা ঙম্লরোইদবা চৈথেং (দাগ) অমসুং অশোকপসু থম্বীরমগদবা সাইবরক্রাইম অমনি।

সাইবর হারাসমেন্ট (ইন্টরনেটকী খুত্থাংদা পুক্নিং-ৱাখল নুংঙাইহন্দবা) অসিসু সাইবরক্রাইম অমরা?

সাইবর হারাসমেন্ট অসিসু ময়েকশেংবা সাইবরক্রাইম অমনি। হারাসমেন্ট মখল কয়া সাইবরস্পেসতা থোকপা য়াই অমসুং থোক্লি, নত্ত্রগা সাইবরস্পেস শিজিন্নদুনা পাংথোক্লি। হারাসমেন্ট হায়বসি নুপা-নুপীগী, জাত-বিজাতকী, ধর্মগী, নত্ত্রগা অতৈ হিরম অমহেক্তগী ওইবা য়াই। অসিগুম্বা হারাসমেন্ট চত্থরিবা মীওইশিং অদুসু সাইবরক্রাইমগী মরাল লৈ। ক্রাইম অমা ওইনা সাইবর হারাসমেন্টনা ঐখোয়বু নেটিজেনশীংগী (ইন্টরনেট শিজিন্নরিবা মীওইশীং) লনাইগী অরোন-অথুপ (প্রাইভেসি) মাংহনবগা মরি লৈনবা অতোপ্পা এরিয়া (লম) অমদা পুশিল্লি। ইন্টরনেট শিজিন্নরিবা মীওইশীংগী লনাইগী অরোন-অথুপশীং মাংহনবা হায়বসি য়াম্না শাথীবা মওংগী সাইবরক্রাইম অমনি। ইন্টরনেটকী মেদিয়মনা নেটিজেনশীংদা পীরিবা, নুপী নত্ত্রগা নুপা অদুগী মশাগী ওইবা লনাইগী মরুওইবা অরোন-অথুপ অদু অতোপ্পা কনাগুম্বা মীওই অমনা লানশিল্লকপা হায়বসি কনাগুম্বা মীওই অমত্তনা পামদে।

লন-থুমগী মায়োক্তা চত্থবা সাইবরক্রাইমশীং অদু করি করিনো?

সাইবরক্রাইমশীংগী অনিশুবা কেটেগোরি অদুদি লন-থুমগী মওং পুম্নমক্কী মায়োক্তা পাংথোকপা সাইবরক্রাইমশীংনি। ক্রাইমশীং অসিগী মনুংদা সাইবরস্পেসকী খুত্থাংদা ওথোরাইজ ওইদবা মওংদা কম্প্যুটরদা লানশিনবা, কম্প্যুটরদা অকায়-অতোই থোকহনবা, মাং-তাক্নিংঙাই ওইবা প্রোগ্রামশীং থাবা, অমসুং কম্প্যুটরদা য়াউবা ইনফোর্মেসনবু ওথোরাইজ ওইদবা মওংদা লৌবা অসিসু চল্লি।

হেক্কিং (hacking) অসি সাইবরক্রাইম অমরা?

হেক্কিং (Hacking) অমসুং ক্রেক্কিং (cracking) অসি মীওইবনা হৌজিক ফাউবা খংলিবা খ্বাইদগী হেন্না শাথীবা সাইবরক্রাইমশীংগী মনুং চল্লি। শকখংদবা মীওই অমনা নহাক্কী কম্প্যুটর সিষ্টেমশীংদা, নহাক্কী নোলেজ অমসুং অয়াবা য়াউদনা থুগাইদুনা চংলক্লগা, য়াম্না মরুওইবা অরোন-অথুপকী দেটা অমসুং ইনফোর্মেসন শীজিন্নবা নত্ত্রগা ওন্থোকপা হায়বসি য়াম্না কিনিঙাই ওইবা থৌওং অমনি। মসিগী মথক্তা হেন্না নুংনাংনিঙাই ওইরিবদি, পৃথীবী অসিদা হেক্কিং তৌবা ঙম্লোইদবা কম্প্যুটর সিষ্টেম অমত্তা লৈতবসিনি। পৃথীবী অসিদা লৈরিবা সিষ্টেম অমহেক্তবু অমসুং খুদিংমকপু হেক তৌবা (hacked) ঙম্মী হায়বসি পুম্নমক্না য়েৎনবা লৈতনা য়ান্নরবা ৱাফম্নি। ই-বে, য়াহু, এমাজোন অমসুং অতৈ কমর্সিএল সাইট কয়াদা হন্দক্তা লৈখিবা সর্ভিস এটেকশীং অদু, তপ্না তপ্না য়াম্না শাথীনা খুদোংথীনিঙাই ওইরক্লিবা সাইবরক্রাইমশীংগী অনৌবা কেটেগোরি অমনি। মীওই অমনা মহাক্কী লৈজরিবা প্রোগ্রামিংগী হৈ-শিংবদু শিজিন্নদুনা অমদি নমথাক্কী অনিংবগা লোয়ননা, কম্প্যুটর নত্ত্রগা নেটৱার্ক অমদা অনওথোরাইজ ওইবা মওংদা এক্সেস তৌবা হায়বসি য়াম্না শাথীবা ক্রাইম অমনি। মসিগা মান্ননা, কম্প্যুটর সিষ্টেমশীংদা পাক-চাউনা অমাং-অতা থোকহনগদবা মাং-তাক্নিংঙাই ওইবা কম্প্যুটর প্রোগ্রাম শেম্বা অমসুং শন্দোকপা হায়বসিসু সাইবরক্রাইমগী অতোপ্পা মখল অমনি। সোফটৱায়র পাইরেসি (সোফটৱায়র হুরান্দুনা চাইথোকপা) অসিসু, আইন্না য়াদবা অমসুং অনওথোরাইজ ওইবা হুরাল্লকপা সোফটৱায়রগী কোপিশীং চাইথোক্লিবা মীওই কয়ানা চত্থবা সাইবরক্রাইমগী তশেংবা মশক অমনি।

গবর্ণমেন্টগী মায়োক্তা চত্থবা সাইবরক্রাইম হায়বসি করিনো?

সাইবরক্রাইমশীংগী অহুমশুবা কেটেগোরি অসি গবর্ণমেন্টকী মায়োক্তা চত্থবা সাইবরক্রাইমগা মরি লৈনৈ। সাইবর টেরোরিজম হায়বসি কেটেগোরি অসিদা লৈবা ক্রাইমগী তশেংবা মশক অমনি। ইন্টরনেট চাউখৎলকপসিনা, সাইবরস্পেসকী মেদিয়ম অসি মীওইশীং অমসুং গ্রুপশীংনা ইন্টরনেসনেলগী গবর্ণমেন্টশীংবু কিহনবদা অমসুং লৈবাক অমগী নাগরিকশীংবু কিহনবদসু শিজিন্নৈ হায়বা উৎলি। মীওই অমনা গবর্ণমেন্ট অমনা নত্ত্রগা মিলিটরিনা চলাইবা ৱেবসাইট অমদা থুগায়দুনা চংশিনখিবা মতমদা ক্রাইম অসি মশা মথন্তনা টেরোরিজমদা ওল্লকই।

হৌজিক্তি সাইবরক্রাইমগী মতাংদা মপুংফাবা আইন অমা লৈরব্রা ?

সাইবরক্রাইম অসি নৌনা লাকপা অখন্নবা লম অমা ওইবা মরম্না, সাইবরলোশীং শেম্বদা, সাইবরক্রাইম থীংনবা অমসুং কন্ত্রোল তৌনবগী মরি লৈনবা লিগেল মেকানিজম অদু মশাগী ওইবা মফমদা হাপচিন্নবগীদমক দিভেলপমেন্ট কয়া লৈরকপা তারি। হৌজিক ফাউবগী ওইনদি, পৃথীবীগি মফম অমহেক্তদা সাইবরক্রাইমগী মপুংফাবা আইন লৈত্রি। মরম অসিদগী, FBIগুম্বা ইনভেষ্টিগেটিং এজেন্সিশীংনা (থীজিন-হুমজিনবগী এজেন্সিশীং) সাইবরস্পেস অসি কা-হেন্না লুবা লম অমনি হায়রি। সাইবরক্রাইম মখল কয়া অসি, লৈবাক খরদদি, মখোয়গী হৌজিক চৎনরিবা আইনশীংনা মচেৎ নত্ত্রগা মপুম ওইনফাউ কোনশিন্দবা ইন্টরনেট লোনা য়ৌশিন্দবা অমম্বা শরুক (grey area) অদুদা চন্দুনা লৈরি।

লৈবাক কয়াগী জুরিসদিক্সনশীংগী মনুংদা সাইবরক্রাইমগী মতাংদা শেম্বা সাইবরলো থম্বগী মরুওইবা লৈ হায়না উৎপা কেস লৈবা য়াউখিব্রা?

“আই লভ য়ু” হায়বা ভাইরসকী থৌদোক অদুনা লৈবাক কয়াগী তোঙান-তোঙানবা জুরিসদিক্সনশীংদা সাইবরক্রাইমগী মতাংদা শেম্বা সাইবরলোশীং থম্বা মথৌ তাই হায়বা উৎখ্রে। ফিচর অসিগী ৱেব পব্লিকেসন লৈখিবা মতমদা, “ফিলিপিন্সনা “লভ বগ” কম্প্যুটর ভাইরস শেম্মী হায়না চিংনরিবা মীওই অদু হৌজিক ফাউবা ফাদ্রি মরমদি কম্প্যুটর ক্রাইমগা মরি লৈম্বা আইনশীং লৈবাক অসিদা লৈতে” হায়না সিনিয়র ওইরবা পুলিস ওফিসর অমনা হায়খি, হায়না রিয়ুটরস (Reuters)না রিপোর্ট তৌখি। মসিনা তাক্লিবদি, সাইবরক্রাইমগা মরি লৈনবা আইন অমত্তা ফিলিপিন্সতা লৈতে হায়বসিনি। নেসনেল ব্যুরো ওফ ইনভেষ্টিগেসননা ‘লভ বগ’ কম্প্যুটর ভাইরস পুথোক্লিবা মীওইনি হায়না চিংনরিবা মীওই অদু আইননা য়াবা মওংদা ফাবা লুনা থোকখি। মতৌ অসুম্না, সাইবরক্রাইমগা মরি লৈনবা সাইবরলোশীং শেম্বগী তঙাইফদবদু য়াম্না অথুবা মতমদা পাংথোকপগী মথৌ তাবা লৈরকই।

সাইবরক্রাইমশীংগা মতাংদা য়ুনাইটেদ ষ্টেটসকী কোর্টশীংনা য়েংলিবা মীৎয়েংদু করিনো?

য়ুনাইটেদ ষ্টেটস ওফ আমেরিকাদা লৈবা কোর্টশীংনদি মাংজৌননা, সাইবরস্পেসতা চত্থরিবা তোঙান-তোঙানবা মখলগী নমথাক (fraud) অমসুং সাইবরক্রাইমশীংবু মশক খংদোকখ্রে (cognizance)। তোঙান-তোঙানবা সাইবরক্রাইমশীংনা অৱাবা তাহল্লবা মীওইশীংগী (ভিক্টিম) অৱা-অনা ফহন্নবা হিদাক্তি লৈতে অদুবু মখোয়না মখোয়গী মাং-তাকখিবা, অৱাবা তাখিবশিংদুগী ৱাকৎ ফাইল তৌবা য়াই নত্ত্রগা ক্রাইম তৌরিবা মীওই অদু ফাদ্রিবা ফাউবা ঙাইরবা মতুংদা মখোয়বু চৎনরিবা নত্ত্রগা নৌনা শেম্লিবা আইনগী মখাদা ৱায়েনবা য়াই। অদুবু আইনশিংদু মপুং ফাবা আইনদি নত্তে। অদুম ওইনমক, হিরম অসিদা থবক কয়া পাংথোকপা মথৌ তারি। ক্রাইম তৌনবা অনৌবা লম্বী কয়া পুথোকপদা মীওইবগী ৱাখল অসি য়াম্না খুমাং চাউশিনবগুম, মসিগা চপ মান্ননা, অনৌবা মচাক পুথোকপগী মীওইবগী হৈ-শীংবা অসিনা, সাইবরক্রাইমশীংবু কন্ত্রোল তৌনবা অমসুং থীংনবা হেন্না মশক থোকপা, মপাঙ্গল কনবা আইনগী লম্বীশীং পুথোক্নবা মায়কৈদা খোংজেল য়াংনা চংশিনবা তাই।

করিগীদমক্তা ঐখোয়না সাইবরক্রাইম থেংনবা মথৌ তারিবনো?

ঐখোয়না মতম পুম্নমক্তা নিংশিংগদবদি সাইবরস্পেস হায়বসি, লেপ্পা লৈতনা চাউখৎলক্লিবা টেক্নোলোজিশীংগী কান্নবশীংদগী ঐখোয়গী পুন্সিদা ফংলিবা কমন হেরিটেজ (common heritage) অমনি। সাইবরস্পেস অসি মালেম অপুনবা অসিগী লাইফলাইন (পুন্সি) ওইরি অমসুং ঙসিদি মসি হন্দোকপা য়াদবা (irreversible) থাক অমদা লৈরবনি। হায়রিবা সাইবরস্পেস অসিদা অপন-অরাক নত্ত্রগা সাইবরক্রাইম অমত্তা লৈহন্দনবা হোৎনবা হায়বসি নেটিজেন পুম্নমক্কী তঙাইফদবা ইথৌ ওইরিবনি। রবিন্দ্র নাথ টেগোরগী ৱাহৈশীং অসি ঙসিগী ফিভমসিদা হায়বা তারবদি, “সাইবরস্পেস অসি অকিবা নত্ত্রগা ক্রাইম অমত্তা য়াউদবা ওইহল্লবা মতমদুদা, ইকোক অসি ৱাংনা থাংগৎপা ঙমগনি, লৌশিং-গ্যান অসি অফা-অপুন্নবা লৈতবা মতমদা, অমদি চোকথবা নাইদবা পাম্বোমশীং অসিনা খ্বাইদগী মপুংফাবা লম্বীরোমদা, ….. নিংতম্লবা সাইবরগী সর্গগী মায়কৈদা তিংথোকপা ঙমগনি, ওহ ইপা ইবুংঙো, ঐখোয়গী মীওইবা জাতিসে মীৎকপ থোকহনবীরো।”

সোর্স: ISEA