নামা শোয়রবা ছাত্রশীংগীদমক পীবা পোষ্ট-মেত্রিক স্কোলারশিপ

পান্দমশীং

স্কিম অসিগী পান্দমশীংদি :

1. নামা শোয়রবা ছাত্রশীংবু মখোয়না ক্লাস IX অমসুং Xগী মতুংদা মখা তমথবদা মতেং পাংদুনা মরক্তা তম্বা তোকপগী থৌওং, মরুওইনা ইলিমেন্টরিদগী সেকেন্দরি থাক্তা লাকপা মতমদা থোকপা হন্থহনবসিনি।
2. ক্লাস IX অমসুং Xদা অমসুং এজুকেসনগী প্রি-মেত্রিক থাক্তা নামা শোয়রবা ছাত্রশীংবু শরুক য়াবা হেনগৎহনবসিনি।
3. নামা শোয়রবা ছাত্রশীংনা মহৈ-মশীং তম্বা অমসুং মতিং লৈনা হিংবদা ফিজিকেল, ফাইনান্সিএল, সাইকোলোজিকেলগী ওইবা অপন-অরাক কয়া থেংনবা মরম্না সমাজদা মখোয়গী পুন্সি হিংনবা শেন্দানবা অমসুং মখোয়গীদমক্তা সমাজদা মতিং থোকপা মফম অমা ফংবা ঙমজনবা মখোয়বু মতেং পাংবিবসিনি। করিগুম্বা মতমদা অসিগুম্বা ছাত্রশীং অসি মখোয়গী লৈজরিবা মতিং অদু ফুদোকপা ঙমহন্দে অমসুং মরমসিদগী মখোয়না খুদোংচাবা অদু লৌবা ঙমদে।
4. UGCনা মশক খংলবা গ্রেজুএট অমসুং পোষ্ট গ্রেজুএটকী কোর্স পুম্নমক পোষ্ট-মেত্রিক স্কোলারশিপকী মখাদা কোন্সিনগনি।

স্কোপ

স্কিম অসিগী মখাদা পীরিবা স্কোলারশিপশীং অসি ভারত্তা ক্লাস IX, X, XI, XII অমসুং পোষ্ট-মেত্রিকুলেসন দিপ্লোমা/সর্টিফিকেটশীং অমসুং বেচলরগী দিগ্রি নত্ত্রগা দিপ্লোমা অমসুং  UGCনা শকখংলবা য়ুনিভর্সিটি অমহেক্তদগী মাষ্টরগী দিগ্রি তম্নবা, পর্সনস ৱিথ দিসএবিলিটিজ (মান্নবা তঞ্জা, প্রোটেক্সন ওফ রাইটস এন্ড ফুল পার্টিসিপেসন) এক্ট, 1995 অমসুং নেসনেল ত্রষ্ট ফোর দি ৱেলফেয়র ওফ পর্সনস ৱিথ ওটিজম, সেরেব্রেল পালসি, মেন্টেল রিটার্দেসন এন্ড মলটিপল দিসএবিলিটিজ এক্ট, 1999 অমসুং/ নত্ত্রগা চৎনরিবা মরি লৈনবা লিগেল ষ্টেট্যুট অমহেক্তনা কোন্সিল্লবা নামা শোয়রবা ছাত্রশীংদা পীগনি।

ভারতকী নাগরিকশীংখক্তনা স্কোলারশিপশীং অসিগীদমক্তা ইলিজিবল ওইগনি। স্কিম অসিগী মখাদা স্কোলারশিপ অসি মিনিষ্ট্রি ওফ সোসিএল জষ্টিস এন্ড এম্পাৱরমেন্ট ওফ পর্সনস ৱিথ দিসএবিলিটি, গবর্ণমেন্ট ওফ ইন্দিয়ানা পীগনি।

ইলিজিবিলিটিগী কন্দিসনশীং

ময়ামগী ওইবা কন্দিসনশীং

• স্কোলারশিপশীং অসি ভারতকী নাগরিকশীংখক্কীদমক ওইগনি।
• দিসএবিলিটিগী চাং 40%দগী হন্থবা ছাত্রশীং (ষ্টেট গবর্ণমেন্ট/UTশীংগী মরি লৈনবা মেদিকেল ওথোরিটিনা সর্টিফাই তৌরবা) অসি ইলিজিবল ওইরোই।
• চপ মান্নবা মমা-মপা অমগী নামা শোয়রবা অঙাং অনিদগী হেন্না স্কিম অসিগী কান্নবা লৌবা য়ারোই। করিগূম্বা অনিশুবা অঙাং অদু ফাইবোক ওইরবদি স্কিম অসিগী মখাদা পীরিবা স্কোলারশিপ অসি অঙাং অনিমক্তুদা পীগনি।
• ক্লাস অমহেক্তদা তম্নবগী স্কোলারশিপ অসি চহি অমখক্কী ওইগনি। করিগুম্বা ছাত্র অমনা ক্লাস অমা হঞ্জিনবা তারবদি, নুপামচা/নুপীমচা অদুনা ক্লাস অদুগী ওইনা অনিশুবা (নত্ত্রগা থংনবা) চহি অদুগীদি স্কোলারশিপ ফংলোই।
• স্কিম অসিগী মখাদা স্কোলারশিপ ফংলিবা মীওই অমনা অতৈ অতোপ্পা স্কোলারশিপ/ষ্টাইপেন্দ অমত্তা ফংলোই। করিগুম্বা অতৈ অতোপ্পা স্কোলারশিপ/ষ্টাইপেন্দ অমা পীরকপা তারবদি, ছাত্র অদুনা মঙোন্দা হেন্না কান্নগদবা য়েংদুনা, স্কোলারশিপ/ষ্টাইপেন্দ অনিদুগী মরক্তগী অপাম্বা অমা খনবা য়াই অমসুং মহাক্না ইনষ্টিট্যুসন অদুগী মকোক্কী খুত্থাংদা স্কোলারশিপ/ষ্টাইপেন্দ পীরক্লিবা ওথোরিটি অদুদা খংহনবা তাই। নুপামচা/নুপীমচা অদুনা অতোপ্পা স্কোলারশিপ/ষ্টাইপেন্দ অমা লৌবগী তাংদগী স্কিম অসিগী মখাদা ছাত্রশীংদুদি স্কোলারশিপ অমত্তা পীররোই। অদুম ওইনমক ছাত্র অদুনা ষ্টেট গবর্ণমেন্ট নত্ত্রগা অতোপ্পা সোর্স অমহেক্তনা পীবা লেম্না পীবা লৈফম নত্ত্রগা লাইরিকশীং, ইক্যুইপমেন্ট লৈনবা লৈনবগী চাদিংদা মতেং ওইনবা গ্রান্ট অমা নত্ত্রগা মতম খরগী ওইবা শেল-থুমগী মতেং অমা, স্কিম অসিগী মখাদা পীরিবা স্কোলারশিপকী শেনফমগী মথক্তা পীরক্লবদি লৌবা য়াগনি।
• সেন্ত্রেল গবর্ণমেন্ট/ ষ্টেট গবর্ণমেন্টদগী ফংবা শেলগী মতেংনা প্রি-একজামিনেসন ত্রেনিং সেন্টর অমহেক্তদগী কোচিং লৌরিবা স্কোলারশিপ হোল্ডরশীংদি কোচিং প্রোগ্রাম অদুগী মতম পরিং অদুগী ওইনা কোচিং স্কিমশীংগী মখাদা ষ্টাইপেন্দ ফংনবগী ইলিজিবল ওইরোই।

পোষ্ট-মেত্রিক স্কোলারশিপকীদমক্তা

1. স্কোলারশিপশীং অসি রিকগনাইজ তৌরবা ইনষ্টিট্যুসনশীংদা পোষ্ট-সেকেন্দরি কোর্সশীংগী রিকগনাইজ তৌরবা পোষ্ট-মেত্রিক্যুলেসনগী ষ্টদি পুম্নমক্তা পীগনি। মসিদা য়াউরোইদবশীংদি: “স্কোলারশিপশীং অসি এয়রক্রাফট মেইন্টিনেন্স এঞ্জিনিয়ারগী কোর্সশীং অমসুং প্রাইভেট পাইলোট লাইসেন্স কোর্সশীং, ত্রেনিং-শিপ দফরিন (হৌজিক্না রাজেন্দ্র)গী কোর্সশীং, মিলিটরি কোলেজ, দেহরাদুনগী ত্রেনিংগী কোর্সশীং অমসুং ভারতকী অমসুং রাজ্যগী থাক্কী প্রি-ইকজামিনেসন ত্রেনিং সেন্টরশীংগী কোর্সশীং অসিগীদি স্কোলারশিপ অসি পীরোই।”
2. শকখংলবা য়ুনিভর্সিটি নত্ত্রগা বোর্ড ওফ সেকেন্দরি এজুকেসন অমদগী মেত্রিক্যুলেসন নত্ত্রগা হায়র সেকেন্দরি নত্ত্রগা অতৈ হায়র ইকজামিনেসন পাস তৌরবা কেন্দিদেটশীংখক্তমক ইলিজিবল ওইগনি।
3. পোষ্ট-গ্রেজুএট দিগ্রি/ দিপ্লোমা/ সর্টিফিকেটকী থাক্তা লৈবা কোর্সশীং অসিসু স্কিম অসিগী মখাদা কোনশিল্লি।
4. এজুকেসনগী ষ্টেজ অমা পাস তৌরবা মতুংদা তোঙানবা সবজেক্ট অমদা চপ মান্নবা ষ্টেজ অদুদা মহৈ-মশীং তম্লিবা ছাত্রশীং। খুদম ওইনা, অতোপ্পা সবজেক্টশীংদা B.A. তম্লবগী মতুংদা B.Com তম্বশীং ইলিজিবল ওইরোই। অদুম ওইনমক, B.A./B.Sc./B.E. অসিনচিংবা পাস তৌরবা মতুংদা L.L.B/B.Ed./B.El.Ed. তম্লিবা ছাত্রশীংদি স্কিম অসিগী মখাদা পোষ্ট-মেত্রিক স্কোলারশিপ লৌনবগীদমক   B.A. নত্ত্রগা M.A. গী মতুংদা B.Com. তম্বশীং ইলিজিবল ওইরোই।
5. মতম অমত্তদা মান্নদবা কোর্স অনি তম্লিবা ছাত্রশীংনা, করিগুম্বা কোর্সশীং অদু তম্লনবগী অয়াবা অদু মরি লৈনবা এজুকেসনেল ওথোরিটি অদুগী রুলস/ রিগুলেসনশীংগী মখাদা পীরবদি, কোর্সশীংদুগী মরক্তা অমহেক্তগী স্কোলারশিপ ফংবা য়াগনি।
6. মল্টিপর্পোজ হায় স্কুলগী ক্লাস XIIকী হায়র সেকেন্দরি স্কুল কোর্সশীং অসি লেপ্তনা চত্থরিবা স্কুল কোর্স ওইবা মরম্না ক্লাস XI তম্লিবা ছাত্রশীং অসি ইলিজিবল ওইরোই। অদুম ওইনমক, অসিগুম্বা কোর্সশীংগী ক্লাস Xগী ইকজামিনেসন অসি মেত্রিক্যুলেসনগা মান্ননা লৌরবা অমসুং ক্লাস Xগী ইকজামিনেসন পাস তৌরবা মতুংদা অতোপ্পা কোর্সশীং তম্লবদি, অসিগুম্বা ছাত্রশীং অসি পোষ্ট-মেত্রিক্কী ছাত্রশীংনি হায়না লৌগনি অমসুং স্কোলারশিপ লৌনবগীদমক ইলিজিবল ওইগনি।
7. আর্টস/ সাইন্স/ কমর্সতা অন্দর গ্রেজুএট/ পোষ্ট-গ্রেজুএট ইকজামিনেসন পাস তৌরবা নত্ত্রগা ফেল ওইরবা মতুংদা ছাত্রশীংনা রিকগনাইজ তৌরবা প্রোফেসনেল নত্ত্রগা টেক্নিকেল সর্টিফিকেট/ দিপ্লোমা/ দিগ্রি কোর্সশীং তম্লবা অমসুং ইলিজিবল ওইরবদি স্কোলারশিপশীং পীগনি। গ্রুপ ‘I’দা লৈবা কোর্সখক নত্তনা অতৈদা মখা তানা ফেল ওইবা য়ারোই।
8. করেস্পোন্দেন্স কোর্সশীং তম্লিবা ছাত্রশীংসু ইলিজিবল ওইগনি। করেস্পোন্দেন্স হায়বসিদা দিষ্টেন্ট অমসুং কন্তিন্যুইং এজুকেসন অসি মনুং চনগনি।
9. থবক ফংলবা ছাত্রশীংনা করিগুম্বা মখোয়গী ইনকম অদুগা মখোয়গী মমা-মপা/গার্জিয়ান অদুগী পুন্সিল্লবা ইনকম অদুনা প্রেস্ক্রাইব তৌরিবা মেক্সিমম ইনকম সিলিং অদুদগী হেন্দ্রবদি কম্পলসরি ওইনা পীগদবা নন-রিফন্দেবল ফি পুম্নমক রিইম্বর্স তৌবা য়াউনা পোষ্ট-মেত্রিক স্কোলারশিপ অসিগীদমক ইলিজিবল ওইগনি।

খংজিনগদবা 1: মথক্তা পীখ্রিবা স্কিম অসিগী পেরা 5.3(i) (ইলিজিবিলিটিগী কন্দিসনশীং)দা পনখ্রে মদুদি স্কোলারশিপ অসি অসি রিকগনাইজ তৌরবা ইনষ্টিট্যুসনশীংদা রিকগনাইজ তৌরবা পোষ্ট-মেত্রিক্যুলেসন নত্ত্রগা পোষ্ট-সেকেন্দরি কোর্স পুম্নমক তম্বদা পীগনি অমসুং গ্রুপ (I দগী IV ফাউবা) শেম্লিবা কোর্সশীংগী লিষ্ট অসি চাউরাকপা তাকপনি অমসুং মসি য়াম্না কুপ্পা নত্তে। ষ্টেট গবর্ণমেন্টশীং/ য়ুনিয়ন টেরিটোরি এদমিনিষ্ট্রেসনশীংনা, মখোয় মশানা মখোয়গী থাক্তা চুনবা কোর্সশীংগী গ্রুপ শেম্বগী পাঙ্গল পীরি।

স্কোলারশিপকী ভেল্যু

পোষ্ট-মেত্রিক স্কোলারশিপ: মপুংফাবা কোর্সকী মতম ফাউবা পীগদবা পোষ্ট-মেত্রিক স্কোলারশিপকী ভেল্যুগী মনুংদা মখাদা পীরিবশীং অসি চল্লি:-

• মেইন্টিনেন্স এলাউএন্স,
• নামা শোয়রবা ছাত্রশীংগীদমক্তা, মপুংফাবা কোর্স অদুগী মতম ফাউবা পীগদবা অহেনবা এলাউএন্স, অমসুং
• কম্পলসরি ওইবা নন-রিফন্দেবল ফিশীং রিইম্বর্স তৌবা,
• ষ্টদি তুর চার্জশীং,
• রিপোর্টশীং/প্রোজেক্টশীং শেম-শানবগীদমক তাইপিং/ প্রিন্টিং চার্জশীং,
• করেস্পোন্দেন্স কোর্সশীং তম্লিবা ছাত্রশীংগীদমক বুক এলাউএন্স,
• অকক্নবা কোর্সকীদমক বুক বেঙ্ককী ফেসিলিটি,

অকুপ্পা মরোল মখাদা পীরি:

মেইন্টিনেন্স এলাউএন্স

ছাত্র অদুগী নামা শোয়বদুগী মখাপোন্না পীগদবা অহেনবা এলাউএন্সশীং

• মমীৎ তাংবা স্কোলারশীংগীদমক্তা পীরিবা রিদর এলাউএন্স: কোর্সশীংগী গ্রুপ পুম্নমক্তা থা অমদা লুপা 240/- পীগনি।
• ত্রান্সপোর্ট এলাউএন্স: নামা শোয়রবা ছাত্রশীংগীদমক, করিগুম্বা ছাত্র অদুনা এজুকেসনেল ইনষ্টিট্যুসন অদুগী লৈফমদা লৈরিবা হোষ্টেলদা লৈত্রবদি থা অমদা লুপা 160/-গী ওইবা ত্রান্সপোর্ট এলাউএন্স পীগনি। পর্সনস ৱিথ দিসএবিলিটিজ (মান্নবা তঞ্জা, প্রোটেক্সন ওফ রাইটস এন্দ ফুল পার্টিসিপেসন) এক্ট, 1995কী মতুংইন্না নামা শোয়রবা হায়বসি মমীৎ তাংবা, শেংনা উবা ঙমদ্রবা, লেপ্রোসিদগী নাবা ফরকপা, না তাথীবা, চৎপদা শোয়নাইবা, মেন্টেল রিটার্দেসন অমসুং মেন্টেলগী অনাবা লৈবা মীওইশীংনি হায়না খংহল্লি।
• এস্কোর্ট এলাউএন্স: লো এক্সট্রিমিটি দিসএবিলিটিগা লোয়নবা শাথীনা হেন্দিকেপ ওইরবা দে স্কোলার ছাত্রশিংগী ওইনা থাদা লুপা 160/-গী এস্কোর্ট এলাউএন্স পীরি।
• স্পেসিএল এলাউএন্স: হেল্পর অমগী মথৌ তারবা এজুকেসনেল ইনষ্টিট্যুসন অমগী হোষ্টেলদা লৈবা শাথীনা ওর্থোপেদিক্কী হেন্দিকেপ ওইরবা ছাত্র অমদা মতেং পীবা ইমপ্লোয়ি অমহেক্তদা স্পেসিএল এলাউএন্স ওইনা থাদা লুপা 160/- পীগনি।
• কোচিং এলাউএন্স: মেন্টেল্লি রিটার্দেদ অমসুং মেন্টেল্লি নারবা ছাত্রশীংদা এক্সট্রা কোচিংগীদমক থাদা লুপা 240/-গী ওইবা এলাউএন্স পীগনি।

(B) দগী (D) ফাউবগী প্রোভিজনশীং অসি লেপ্রোসিদগী ফরকপা ছাত্রশীংদসু চৎনগনি।

কম্পলসরি ওইবা নন-রিফন্দেবল ফিশীংগী রিইম্বর্সমেন্ট

• এনরোলমেন্ট/ রেজিস্ত্রেসন, তুইসন, গেমস, য়ুনিয়ন, লাইব্রেরি, মেগাজিন, মেদিকেল একজামিনেসন অমসুং স্কোলার অদুনা ইনষ্টিট্যুসন নত্ত্রগা য়ুনিভর্সিটি/ বোর্ড অদুদা শোয়দনা পীফম থোকপা অতৈ ফিশীং স্কোলারশীং অদুদা পীগনি। অদুম ওইনমক কোসন মনি, সেক্যুরিটি দিপোজিটনচিংবা রিফন্দেবল ওইবা দিপোজিটশীংদি য়াউরোই।

খংজিনগদবা: রিকগনাইজ তৌরবা ইনষ্টিট্যুসনশীংদুনা লৌবা রিকগনাইজ তৌবা কোর্সশীং অদুবু লেম্না অমসুং শেল পীদুনা তমগদবা সিটশীংগীদমক্তা শোয়দনা পীফম থোকপা নন-রিফন্দেবল ফি অদু মরি লৈনবা ষ্টেট/ সেন্ত্রেল গবর্ণমেন্ট ওথোরিটিনা এপ্রুভ তৌরবা ফি ষ্ট্রকচর অদুগী মতুংইন্না মপুং ফানা রিইম্বর্স তৌবা য়াই।

ষ্টদি তুরগী চার্জশীং

• ছাত্র অদুনা চাদিং তৌখিবা ত্রান্সপোর্টেসন চার্জগুম্বশীং অসি প্রোফেসনেল অমসুং তেক্নিকেল কোর্সশীং তম্লিবা স্কোলারশীংদা, করিগুম্বা ষ্টদি তুর অদু স্কোলার অদুনা তম্লিবা কোর্স অদু মপুং ফাহনবদা চংদবা য়াদবনি হায়না ইনষ্টিট্যুসন অদুগী হেড অদুনা সর্টিফাই তৌরবদি, চহিদা য়াম্লবদা লুপা 1600/- ফাউবগী ষ্টদি তুর চার্জশীং পীগনি।

প্রোজেক্ট রিপোর্টশীং/ থেসিস শেম-শান্নবগীদমক্তা পীরিবা তাইপিং/ প্রিন্টিং চার্জশীং

• ইনষ্টিট্যুসন অদুগী হেড অদুনা রিকমেন্দ তৌরকপগী মতুংইন্না য়াম্লবদা লুপা 1600/- গী ওইবা প্রোজেক্ট রিপোর্ট/ থেসিস তাইপিং/ প্রিন্টিং চার্জশীং পীগনি।

করেস্পোন্দেন্স/ দিষ্টেন্স এজুকেসন কোর্সশীংদা তম্লিবা ছাত্রশীংদা পীরিবা বুক এলাউএন্স

• অসিগুম্বা কোর্সশীং অসি তম্লিবা ছাত্রশীংসু লুপা 1200/- পীগদবা এনুএল ফি অসি চংদবা য়াদবা/ প্রেস্ক্রাইব তৌরবা লাইরিকশীংগী ওইনা, কোর্স ফিশীং রিইম্বর্স তৌবগী মথক্তা পীগনি।

বুক বেঙ্কশীং

1. নামা শোয়রবা ছাত্রশীংনা পোষ্ট-মেত্রিক স্কোলারশিপ ফংলিবা ইনষ্টিট্যুট পুম্নমক্তা বুক বেঙ্কশীং লিংখৎকনি। মহৌশানা, চপ মান্নবা কেটেগোরিদা লৈবা নামা শোয়রবা ছাত্র অনিগী ওইনা টেক্সট বুক্কী সেট অমা শেল পীদুনা লৈশিনগনি। অদুম ওইনমক, চপ মান্নবা মখলগী নামা শোয়রবা ছাত্র অনি ফংদ্রবদি লাইরিকশীংগী সেট অমা অসিগুম্বা ছাত্র অসিগীদমক শিজিন্নবা য়াহনবা য়াই। ছাত্রগী নামা শোয়বগী মওং-মতৌ খেৎনবগী মতুংইন্না তোঙান-তোঙানবা লাইরিকশীংগী সেট লৈশীনগনি।
2. বুক বেঙ্কশীং লিংখৎনবা কোর্সশীং অকুপ্পা মরোল অদু, লাইরিক্কী সেট অমমমগী ওইনা তৌবা য়াবা চাদিংগা লোয়ননা মখাদা পীরি:

1. ছাত্রশীংগী কান্ননবগীদমক্তা IT-এনেবল তৌরবা লাইব্রেরিশীং লিংখৎনবা ইনষ্টিট্যুসনশীংবু পুক্নিং থৌগৎকনি।
2. ত্রান্সপোর্টেসননচিংবা কন্টিঞ্জেন্সিশীং য়াউনা লাইরিকশীংগী ষ্টোরেজ অমসুং কন্টিঞ্জেন্সিশীং, লাইরিকশীং থম্নবা ষ্টিল অলমিরাগী মমলগী ওইনা মখাদা পীরিবা খরচশীং অসি শিজিন্নবা য়াই:
• লুপা 2000 নত্ত্রগা তশেংবা মমল, অনিসিগী মরক্তা তাথবদু।
• গ্রান্টকী 5% দি বাইন্দিং, ফি তুবা অসিনচিংবগী চাদিংগীদমক খাক্তুনা থম্বা য়াই।

স্কোলারশিপ অসিগী অহেনবা ইনফোর্মেসনগীদমক্তা, মফমসিদা ক্লিক তৌবীয়ু।

সোর্স: নেসনেল স্কোলারশিপ পোর্টেল