প্রাইম মিনিষ্টরস স্কোলারশিপ স্কিম ফোর সেন্ত্রেল আর্মদ পুলিস ফোর্সেস এন্ড আসাম রাইফলস

ৱাহৌদোক

প্রাইম মিনিষ্টরস স্কোলারশিপ স্কিম (PMSS) অসি নেসনেল দিফেন্স ফন্দগী লমজিং মখাদা, সেন্ত্রেল আর্মদ পুলিস ফোর্সেস অমসুং আসাম রাইফলস (CAPFs & AR) পর্সোনেলগী মচা-মশুশীং অমসুং লুখ্রাবীশীংনা হায়র টেক্নিকেল অমসুং প্রোফেসনেল এজুকেসন লৌনবা পুক্নিং থৌগৎনবগীদমক একাদেমিক চহি  2006-07দগী হৌদোকখি।

স্কোলারশিপকী মশীং

PMSSকী মখাদা নুপীমচা অমসুং নুপামচা অনিমক্কী চপ মান্ননা সেঙ্কসন তৌরবা অপুনবা স্কোলারশিপ 2000 অসি মমাংগী চহিগী রিন্যুএল কেসশীংগী মথক্তা, একাদেমিক চহি খুদিংগী ওইনা পীগনি।

ইলিজিবিলিটি

• মথৌ পাংথোক্লিঙৈ/ ইলেক্সন দ্যুটিদা লৈখিদ্রবা CAPFs অমসুং AR পর্সোনেলগী মচাশীং/ লুখ্রাবীশীং, গবর্ণমেন্টকী সর্ভিসনা দায়ত্ব ওইবা মরমশীংদগী শোয়নাইহল্লবা পর্সোনেলগী মচাশীং অমসুং গেলেন্টরি এৱার্দ ফংলবা এক্স- CAPFs অমসুং AR পর্সোনেলগী মচাশীং।
• রিটায়ার তৌরবা অমসুং থবক তৌরিবা CAPFs অমসুং AR পর্সোনেলগী মচাশীং/ লুখ্রাবীশীং (ওফিসরগী রেঙ্কতগী হন্থবা পর্সোনেল)।
• পেরা- 8 (B)গী মখাদা পীরিবা গাইদলাইনশীংগী মতুংইন্না ইঞ্জিনিয়রিং, মেদিসিন, দেন্টেল, ভেটরিনরি, BBA, BCA, B. ফার্মা, B.SC (নর্সিং, এগ্রিকলচর, অসিনচিংবা), MBA অমসুং MCA অসিনচিংবগী লমদা ফার্ষ্ট প্রোফেসনেল দিগ্রি প্রোগ্রাম তম্লিবশীং।
• অনৌবা এপ্লিকান্টকী ওইনদি মিনিমম এন্ত্রি ক্বালিফিকেসন (MEQ), হায়বদি 10+2/ দিপ্লোমা/ গ্রেজুএসন নত্ত্রগা মান্নবা থাক্তা য়ামদ্রবদা মার্ক 60% ফংবা। নত্ত্রগা রিন্যুএল কেটেগোরিদা এপ্লাই তৌরিবা এপ্লিকান্টশিংগী ওইনদি, মখোয়না তম্লিবা প্রোফেসনেল কোর্সশীং অদুগী একাদেমিক চহি খুদিংদা য়ামদ্রবদা মার্ক 50% ফংদুনা পাস তৌবা হায়বসি তঙাইফদবা অমনি।
• কেন্দিদেটনা স্কোলারশিপ রিন্যু তৌবগী এপ্লিকেসন পীশিনবদা থেংথবা লৈরবদি, হিরম অসিগীদমক্তা চহি অমখক্কী ওইবা অহেনবা মতম অমা পীবা য়াই।

প্রিফরেন্স পীবগী মথং-মনাউ

অনৌবা কেটেগোরিগী মখাদা ইলিজিবল ওইরবা এপ্লিকান্টশীংদগী ফংবা এপ্লিকেসনশীং অদু মখাদা পীরিবা প্রিফরেন্স পীবগী মথং-মনাউ অসিদা অমসুং MEQদা মখোয়না ফংবা মার্কশীংগী পর্সেন্টেজদা য়ুম্ফম ওইদুনা শোর্টলিষ্ট শেমগনি:-

খংজিনগদবা

• CAPFশীংদা মখোয়গী নুপী/ NOKশীং অদু থবক পীরবা ফাউবদা, লৈখিদ্রবা CAPF/AR পর্সোনেলগী মচাশীং অসি মখোয়গী প্রাইওরিটিগী মতুংইন্না কেটেগোরি “A” দগী “F” ফাউবগী মখাদা স্কোলারশিপ পীনবা খন্নগনি।
• কেটেগোরি A দগী E ফাউবগীদি রেঙ্ককী অথীংবা লৈরোই।
• CAPFs অমসুং AR (এসিষ্টেন্ট কমান্দেন্ট অমগী তোলোপ্তি ফংদবা অমসুং ইন্সপেক্টরগী তোলোপ ফংবা মীওইশীং)গী লোকেল রেঙ্ক পায়রিবা, এসিষ্টেন্ট কমান্দেন্টকী মচাশীং অদু  PMS পীনবগীদমক্তা কেটেগোরি “F” অমসুং “G”দসু ইলিজিবল ওইগনি।
• স্কোলারশিপ অসি ইমুং অমদা অঙাং অনিখক্কী ওইনা পীগনি অমসুং মসি বেনিফিসরি অমসুং মখোয়গী মরি লৈনবা CAPF অমসুং ARনসু শোয়দনা ঙাক্কদবনি।
• এপ্লিকান্টশীং অদু লুহোংবা লুহোংদবগা মরি লৈনদনা PMSSকীদমক ইলিজিবল ওইগনি।

স্কোলারশিপকী মতম

চহি অমদগী মঙা ফাউবা (এপ্লিকান্ট অদুনা তম্লিবা কোর্সকী মতমগী অমসুং মরি লৈনবা রিগুলেতরি বোদি অদুনা এপ্রুভ তৌবগী মখা পোন্না)।

স্কোলারশিপকী শেনফম

• নুপীমচাশীংগী ওইনা থা অমদা লুপা 2250/-, হায়বদি খল্লবা মতুংদা নুপীমচা খুদিংদা চহিগী ওইনা লুপা 27000/- পীগনি।
• নুপামচাশীংগী ওইনা থা অমদা লুপা 2000/-, হায়বদি খল্লবা মতুংদা নুপামচা খুদিংগী চহিগী ওইনা লুপা 24000/- পীগনি।

PMSSকী মখাদা ওনলাইন ওইনা এপ্লাই তৌরিবা এপ্লিকান্টশীংগী গাইদলাইনশীং

এপ্লাই তৌদ্রিঙৈগী মমাংদা, এপ্লিকান্টশীংদা মখাদা পীরিবা ইনষ্ট্রক্সনশীং/ গাইদলাইনশীং অসি চেক্সিন্না পাগদবনি:-

• মিনিমম এন্ত্রি ক্বালিফিকেসন (MEQ) : PMSSকী মখাদা স্কোলারশিপকীদমক ইলিজিবল ওইনবগীদমক, এপ্লিকান্ট অমনা MEQ, হায়বদি  10+2/ দিপ্লোমা/ গ্রেজুএসনদা য়ামদ্রবদা মার্ক 60% ফংবা তাই। তোঙান-তোঙানবা প্রোফেসনেল কোর্সশীংদা চংনবগী MEQ অসি খেৎনৈ। খুদম ওইনা, MBBSকী MEQ অসি 10+2 নি অদুগা BE/B.Techকী ওইনদি 10+2/ দিপ্লোমা ওইগনি। B. Ed অমসুং MBAগী ওইনদি গ্রেজুএসন ওইগনি।
• খংজিনগদবা: -
• দিপ্লোমা কোর্স লোয়রবা মতুংদা লেটরেল এন্ত্রিগী খুত্থাংদা টেক্নিকেল/ প্রোফেসনেল বেচলর দিগ্রি কোর্স (BE/B.Tech অসিনচিংবা)কী 2শুবা চহিদা মীং চল্লবা অঙাংশীং অদু PMSকীদমক ইলিজিবল ওইগনি।
• CBSEদগী XIIকী ইকজাম পাস তৌরক্লবা এপ্লিকান্টশীংগী ওইনদি, সবজেক্ট মঙাদা মার্ক 500গী মনুংদা খ্বাইদগী হেন্না ফংবা মার্কশীং অদু MEQদা মার্ক্কী পার্সেন্টেজ ওইনা হোৎকনি।
• PMSSগী মখাদা এপ্লিকেবল ওইবা কোর্সশীং :
• ওল ইন্দিয়া কাউন্সিল ফোর টেক্নিকেল এজুকেসন (AICTE), মেদিকেল কাউন্সিল ওফ ইন্দিয়া (MCI), য়ুনিভর্সিটি গ্রান্ট কমিসন (UGC)গুম্বা মরি লৈনবা গবর্ণমেন্ট রিগুলেটরি বোদিশীংনা মশক খংলবা ফার্ষ্ট প্রোফেসনেল দিগ্রি কোর্সশীং, হায়বদি BE, B Tech, BDS, MBBS, B.Ed., BBA, BCA, B ফার্মা, B.Sc. (নর্সিং, এগ্রিকলচর, অসিনচিংবা)।
• PMSSগীদমক এপ্লিকেবল ওইবা প্রোফেসনেল দিগ্রি কোর্সশীংগী অকুপ্পা মরোল অদু শন্দোক্না তাক্লিবা গাইদলাইন অদুদা পিরি।
• ইন্টিগ্রেটেদ কোর্সশীংগী স্কোলারশিপ – PMSS অসি ফার্ষ্ট প্রোফেসনেল দিগ্রি কোর্সশীংদতা পীগনি। মসি B.Ed.কীদি এপ্লিকেবল ওইগনি অদুবু BA+ B.Ed.কীদি ওইরোই, অমুকসু মসি LLB গীদি এপ্লিকেবল ওইগনি অদুবু BA+LLBগীদি ওইরোই। ইন্টিগ্রেটেদ ME/M.tech/ M. Pharmaগী ওইনদি, স্কোলারশিপ অসি অহৌবা চহি অহুম/ মরি অদুগী ওইনা পীগনি।
• বেঙ্ক একাউন্ট
• ইলিজিবিলিটি ক্রাইটেরিয়া মপুং ফারবা অমসুং PMSSকী মখাদা এপ্লাই তৌরিবা এপ্লিকান্টশিংনা, মখোয়গী একাউন্টতা স্কোলারশিপকী শেনফম অদু চুমদ্রিংনা ত্রান্সফর তৌবা য়ানবগীদমক, ইলেক্ট্রোনিক ক্লিয়ারিং সিষ্টেম (ECS)/ কোর বেঙ্কিং য়াউবা এক্টিভ অমসুং ভেলিদ ওইরিবা একাউন্ট অমা নেসনেলাইজ বেঙ্ক অমহেক্তদা লৈবা তাই।
• মাইনর একাউন্ট ওইবা তারবদি মদু মেজর একাউন্টতা ওন্থোকপা তাই।
• এপ্লিকেসন ফোর্ম মেন্সিনবা মতমদা বেঙ্ককী অচুম্বা মরোলশীং অমসুং মরি লৈনবা দোক্যুমেন্টশীং হায়বদি কেন্সেল তৌরবা ক্রোস তৌরবা ব্লেঙ্ক চেক অমগী চেনা অমা, অমসুং একাউন্ট নম্বর অমসুং একাউন্ট হোল্ডর অদুগী মমীং য়াউবা পাস বুক্কী কোপি অমা মথৌ তাগনি।
• মথৌ তারিবা দোক্যুমেন্টশীং – PMSSকী মখাদা এপ্লাই তৌনবগীদমক এপ্লিকান্ট অদুনা মরি লৈনবা কেটেগোরি অদুদা তঙাইফদনা মখাদা পীরিবা দোক্যুমেন্টশীং অসি সবমিট তৌবা/ অপলোদ তৌবা মথৌ তাগনি:-
• অনৌবা এপ্লিকান্ট
• থবক তৌরিবা পর্সোনেলগী ওইনদি প্রেস্ক্রাইব তৌরিবা ফোর্মেট অদুদা H.O.Oনা ইসু তৌবা সর্ভিস সর্টিফিকেট।
• প্রেস্ক্রাইব তৌরিবা ফোর্মেট অদুদা কোলেজ/ ইনষ্টিট্যুসন/ য়ুনিভর্সিটিগী রেজিষ্ট্রার/ দিন/ প্রিন্সিপাল অদুনা ইসু তৌবা বোনাফাইদ সর্টিফিকেট।
• ব্লেঙ্ক ক্রোস চেককী কেন্সেল তৌরবা চেনা অমা অমসুং একাউন্ট নম্বর অমসুং একাউন্ট হোল্ডর অদুগী মমীং শেংনা য়াউবা পাস বুক্কী কোপি।
• এপ্লিকান্টশীংনা তঙাইফদনা, স্কেন তৌরবা ক্লাস X অমসুং MEQগী মার্ক শিট অদু মখাদা পীরিবা সর্টিফিকেটশীং অসিদগী এপ্লিকেবল ওইবদুগা লোয়ননা অপলোড তৌবা মথৌ তাই।
• পোকপগী তাং ভেরিফাই তৌনবগীদমক ক্লাসX নত্ত্রগা মান্নবা ইকজাম পাস তৌবগী সর্টিফিকেট।
• MEQগী মতুংইন্না ক্লাস XII/ দিপ্লোমা/ গ্রেজুএসন নত্ত্রগা মান্নবা থাক্কী মার্ক শিট।
• PPO/দিসচার্জ সর্টিফিকেট/ বুক (কেটেগোরি A দগী F ফাউবগী ওইনা তঙাইফদবনি)।
• দিপেন্দেন্ট সর্টিফিকেট (কেটেগোরি A দগী F ফাউবগী ওইনা তঙাইফদবনি)।
• দিসএবিলিটি সর্টিফিকেট (কেটেগোরি B অমসুং Dগী ওইনা তঙাইফদবনি)।
• দেথ সর্টিফিকেট (কেটেগোরি A অমসুং Cগী ওইনা তঙাইফদবনি)।
• গেলেন্টরি এৱার্দকী সর্টিফিকেট (কেটেগোরি Eগী ওইনা তঙাইফদবনি)।
• রিন্যু তৌনবগীদমক্তা
• থবক তৌরিবা পর্সোনেলগী ওইনদি প্রেস্ক্রাইব তৌরিবা ফোর্মেট অদুদা H.O.Oনা সর্ভিস তৌগদবা সর্ভিস সর্টিফিকেট।
• প্রেস্ক্রাইব ফোর্মেট অদুদা কোলেজ/ ইনষ্টিট্যুসন/ য়ুনিভর্সিটিগী রেজিষ্ট্রার/ দিন/ প্রিন্সিপালনা ইসু তৌবা বোনাফাইদ সর্টিফিকেট।
• ব্লেঙ্ক ক্রোস চেককী কেন্সেল তৌরবা মনা অমা অমসুং একাউন্ট নম্বর অমসুং একাউন্ট হোল্ডরগী মমীং শেংনা উৎলবা পাস বুক্কী কোপি অমা।
• এপ্লিকান্টশীংনা মরি লৈনবা কোলেজ/ ইনষ্টিট্যুটকী প্রিন্সিপালনা এটেষ্ট তৌরবা মমাংগী একাদেমিক চহিদা পাস তৌখিবগী মার্ক শিটকী স্কেন তৌরবা কোপি অদু অপলোদ তৌবা মথৌ তাই।

PMSSগী মখাদা ইলিজিবল ওইদবা অমসুং মনুং চন্দবা কেটেগোরিশীং

• কলম 4 (প্রিফরেন্সকী মথং-মনাউ)গী মখাদা পল্লিবা কেটেগোরি A দগী G ফাউবগী মনুং চন্দবা এপ্লিকান্টশীং। PMSS অসি য়ুনিফোর্ম শেৎলিবা/ লান্মী ওইরিবা CAPFs অমসুং AR পর্সোনেলশীংগী মচাশীং/ লুখ্রাবীশীংগীদমক্তা শেম্বনি। CAPFs অমসুং ARগী সিভিলিয়ান এমপ্লোয়িশীংদি স্কিম অসি মখাদা ইলিজিবল ওইদে।
• করেস্পোন্দেন্স/ দিষ্টেন্স লর্নিংগী খুত্থাংদা প্রোফেসনেল কোর্সশীং চত্থরিবা এপ্লিকান্টশীং।
• অতোপ্পা স্কোলারশিপ স্কিমগী কান্নবা/ ষ্টাইপেন্দ অমসুং শেলগী কান্নবা ফংলিবা এপ্লিকান্টশীং।
• PMSSকী মখাদা হান্ননা স্কোলারশিপ ফংলিবা এপ্লিকান্টশীং।
• দিগ্রি ফংলোইদবা কোর্সশীং হায়বদি দিপ্লোমা কোর্সশীং নত্ত্রগা MBA, MCAখক নত্তনা মাষ্টর দিগ্রি প্রোগ্রাম চত্থরিবা এপ্লিকান্টশীং।
• UGC এক্টকী মখাদা এপ্রুভ তৌদবা নত্ত্রগা AICTEনা মশক খংদবা অমসুং NBA এক্রেদিটেদ কোর্সশীং (ইঞ্জিনিয়রিং দিগ্রি কোর্সকীদমক্তা) লৈতবা নত্ত্রগা মেদিকেল কাউন্সিল ওফ ইন্দিয়ানা (মেদিকেল দিগ্রি কোর্সকীদমক্তা) এপ্রুভ তৌদবা কোলেজ/ ইনষ্টিট্যুট/ য়ুনিভর্সিটিদা মশা মথন্তা মীং চঞ্জরবা এপ্লিকান্টশীং।
• মীরমদা লাইরিক তম্লিবা এপ্লিকান্টশীং।
• খল্লবা ছাত্র অদুনা কোর্স/ কোলেজ হোংদোক্লবা অমসুং মথংগী একাদেমিক চহি অদুদা নৌনা এদমিসন তৌরবদি মহাক্কী স্কোলারশিপ অদু মতম চুপ্পগী ওইনা রিজেক্ট তৌগনি।

স্কোলারশিপকী শেনফম পীবা

PMSSকী মখাদা পীরিবা স্কোলারশিপকী শেনফম অসি একাদেমিক চহি 2015-16গী মতুং তারকপদদি, ফ্রেস অমসুং রিন্যুএল কেটেগোরিশীংদা খল্লবা এপ্লিকান্টশীংগী ওইনদি খল্লবা এপ্লিকান্টশীংগী বেঙ্ক একাউন্ট অদুদা চুমদ্রিংনা পব্লিক ফাইনান্স মেনেজমেন্ট সিষ্টেম (PFMS)গী খুত্থাংদা গবর্ণমেন্টকী দাইরেক্ট বেনিফিট ত্রান্সফর (DBT) প্রোগ্রামগী মখাদা ক্রেদিট/ ত্রান্সফর তৌই। মসিগীদমক্তা, বেনিফিসরি অদুগী বেঙ্ক একাউন্ট অদু আধার নম্বরগা সিদ তৌবা মথৌ তাই। এপ্লিকান্ট অদুনা ভেলিদ ওইবা বেঙ্ক একাউন্ট অদুগী অকুপ্পা মরোল অদু মেন্সিনবা তাই।

করম্না এপ্লাই তৌগনি

• একাদেমিক চহি 2015-16গী মতুংদদি, CAPFs অমসুং ARগী ওইবা প্রাইম মিনিষ্টরস স্কোলারশিপ স্কিম (PMSS) অসি নেসনেল স্কোলারশিপ পোর্টেল (NSP) গী খুত্থাংদা পাইখৎকনি।
• মসিগীদমক্তা, ইলিজিবল ওইবা এপ্লিকান্ট পুম্নমক্না নেসনেল স্কোলারশিপ পোর্টেল (NSP) ৱেবসাইত্তা ওনলাইন ওইনা চহি খুদিংগী দিসেম্বরগী তাং 31 ফাউবদা এপ্লাই তৌবা মথৌ তাই।
• এপ্লিকেসন পুম্নমক স্ক্রুটিনি অমসুং কম্পাইলেসন তৌরবা মতুংদা, CAPFs অমসুং ARনা মদু চহি খুদিংগী মার্চকী তাং 15 ফাউবদা চিয়ারমেন, ৱেলফেয়র এন্ড রিহেবিলিটেসন বোর্ড, CAPFs, নিয়ু দিল্লিদা থাগনি। অরোয়বা ওইনা কম্পাইল তৌরবা কেন্দিদেটশীংগী লিষ্ট অদু WARBনা শেমগনি অমসুং চহি খুদিংগী এপ্রিলগী তাং 15 ফাউবদা PMOদা সবমিট তৌনবগীদমক MHAদা ফোরৱাদ তৌগনি।

গাইদলাইনগী অকুপ্পা মরোলগীদমক্তা, মফমসিদা ক্লিক তৌবীয়ু।

সোর্স: নেসনেল স্কোলারশিপ পোর্টেল (NSP)