মাইনোরিটি কম্যুনিতিশীংগী মনুং চনবা ছাত্রশীংদা পোষ্ট-মেত্রিক স্কোলারশিপ পীবা

পান্দম

স্কিম অসিগী পান্দম অসি শেলমিৎলোন্দা শোত্থরবা মাইনোরিটি কম্যুনিটিশীংগী লাইরিক-লাইশু ফবা মহৈরোইশীংদা স্কোলারশিপ পীদুনা হায়র এজুকেসন হেন্না ফংনবা অমসুং থবক ফংনবগী চাং হেনগৎহন্নবা মখোয়দা হায়র এজুকেসন পীনবগীদমক স্কোলারশিপ পীবনি।

স্কিম অসিনা কোনশিল্লিবশীং

মাইনোরিটি কম্যুনিটিদা পীরিবা পোষ্ট-মেত্রিক স্কোলারশিপ অসিনা ইন্দষ্ট্রিএল ত্রেনিং ইনষ্টিট্যুট/ ইন্দষ্ট্রিএল ত্রেনিং সেন্টরশীংদা টেক্নিকেল/ ভোকেসনেল কোর্সশীং অমসুং মাইনোরিটি কম্যুনিটিশীংগী ওইবা মেরিট-কম-মিন্সতা য়ুম্ফম ওইবা স্কোলারশিপ স্কিমগী মখাদা কোনশিন্দবা কোর্সশীং য়াউনা, ভারত্তা লৈবা গবর্ণমেন্ট/ শকখংলবা প্রাইভেট স্কুলশীং/ কোলেজশীং/ য়ুনিভর্সিটিশীং/ ইনষ্টিট্যুটশীংদা ক্লাস XIদগী Ph.D (XI, XII, টেক্নিকেল/ ভোকেসনেল, অন্দর গ্রেজুএট, পোষ্ট গ্রেজুএট, M.Phil অমসুং Ph.D) ফাউবগী মনুংদা, তম্লিবা ছাত্রশীংদা স্কোলারশিপ পীরি। স্কোলারশিপ অসি LLB, MBA, MCA, BE অমসুং MBBSকীদি ফংলোই। (অহেনবা অকুপ্পা মরোলগীদমক ৱেবসাইত্তা য়েংবীয়ু: www.minorityaffairs.gov.in)

দিষ্ট্রিব্যুসন

মরি লৈনবা ষ্টেট গবর্ণমেন্ট/ য়ুনিয়ন টেরিটোরি এদমিনিষ্ট্রেসন নত্ত্রগা মখোয়গী দেজিগনেটেদ এজেন্সিশীংনা মেন্টিনেন্স এলাউএন্স অদু ছাত্রগী বেঙ্ক একাউন্টশীংদা, অমসুং এদমিসন অমসুং কোর্স/ তুইসন ফি অদু মরি লৈনবা স্কুল/কোলেজ/ য়ুনিভর্সিটি/ ইনষ্টিট্যুট অদুগী বেঙ্ক একাউন্টতা হাপচিনগনি। স্কোলারশিপ অদুগী 30% দি নুপীমচা ছাত্রীশীংগীদমক্তা খাক্কনি। করিগুম্বা ইলিজিবল ওইবা নুপীমচা ছাত্রীশীংগী মশীং মতিক চানা ফংদ্রবদি খাক্তুনা থম্লিবদুগী লেমহৌবা স্কোলারশিপশীংদু ইলিজিবল ওইবা নুপামচা ছাত্রশীংদা পীথোকপা য়াই।

ইলিজিবিলিটি

• মুসলিম/ খৃষ্টান/ সিখ/ বুধিষ্ট/ পার্সি ওইবা ছাত্রশীং ইলিজিবল ওইগনি।
• মমাংগী ফাইনেল ইকজামিনেসনদা মার্ক 50% অমসুং মদুগী মথক্তা ফংবা ছাত্রশীং।
• নুপামচা/ নুপীমচাদুগী মমা-মপা/ গার্জিয়ানগী সোর্স পুম্নমক্তগী লাকপা চহিগী ইনকম অদু লুপা লাখ 2দগী হেন্দবা ওইগদবনি।
• এপ্লাই তৌনবগীদমক দে স্কোলার অমসুং হোষ্টেলর অনিমক ইলিজিবল ওইগনি।

খনবগী মওং-মতৌ

মাইনোরিটিশীংগীদমক্তা খাক্তুনা থম্লিবা স্কোলারশিপকী মশিং অসি য়ামদে অমসুং অকক্নৈ। খ্বাইদগী নেম্না ইনকম লাকপা BPLগী ইমুং-মনুংশীংদগী লাকপা ছাত্রশীংদা মথং-মথং ৱাংখৎপগী মওংদা (ascending order) হেন্না খুদোংচাবা পিগনি। অনৌবা এপ্লিকেসনশীং খন্নদ্রিঙৈদা রিন্যু তৌনবগী এপ্লিকেসনশীং মপুংফানা হান্না খন্নবা লোইশীনগনি।

স্কোলারশিপকী কন্দিসনশীং

1. স্কোলারশিপ অসি মমাংগী ফাইনেল ইকজামিনেসনদা মার্ক 50% দগী তানা ফংদবা নত্ত্রগা মান্নবা গ্রেডতা ফংবা ছাত্রশীংদা পীগনি অমসুং মখোয়গী মমা-মপা/ গার্জিয়ানশীংগী সোর্স পুম্নমক্তগী লাকপা চহিগী ইনকম অদু লুপা লাখ 2.00দগী হেন্দবা ওইগদবনি। SC অমসুং STগী স্কোলারশিপকা মান্নদবা মওংদা, মাইনোরিটিশীংগীদি অকক্নবা স্কোলারশিপ মশীং লৈ অমসুং মরম অদুনা খনবগী প্রিফরেন্স লৈজৈ। খ্বাইদগী নেম্না ইনকম লাকপা BPLগী ইমুং-মনুংশীংদগী লাকপা ছাত্রশীংদা মথং-মথং ৱাংখৎপগী মওংদা হেন্না খুদোংচাবা পিগনি। অনৌবা এপ্লিকেসনশীং খন্নদ্রিঙৈদা রিন্যু তৌনবগী এপ্লিকেসনশীং মপুংফানা হান্না খন্নবা লোইশীনগনি।
2. করিগুম্বা ছাত্র অমনা মমাংগী ফাইনেল ইকজামিনেসনদা মার্ক 50% নত্ত্রগা মান্নবা গ্রেড ফংবা ঙমদ্রবদি এৱার্দ অসি মখা তানা পীরোই। স্কোলারশিপ অসি সর্টিফিকেট/ দিগ্রি/ এম ফিল দিগ্রি/ দোক্টরেট দিগ্রি ফংবদা চংবা নোর্মেল ওইবা মতমদুদগী হেন্না পীরোই।
3. স্কোলারশীপশীং অসি ইমুং অমদা ছাত্র অনিদগী হেন্না পীরোই।
4. ছাত্রশীং অদু স্কুল চাং নাইনা কাবা ওইগদবনি অমসুং মসিগীদমক্তা স্কুল/ কোলেজ/ য়ুনিভর্সিটি অদুগী কম্পিতেন্ট ওথোরিতি অদুনা নিতি-নিয়ম অমা লেপকদবনি।
5. ষ্টেট/ UT অদুগী ওথোরাইজ তৌরবা ওফিসর অমনা ইসু তৌবা ইনকম সর্টিফিকেট অমা পীশিনবা তাই। ইনকম সর্টিফিকেট অদু চহি অমা চৎনগনি।
6. একাদেমিক চহি অমগী কোর্স মনুংদা ইনষ্টিট্যুসন অমদগী অতোপ্পা অমদা, অখন্নবা ফিভম খরদা অমসুং ছাত্রদুগী একাদেমিক করিয়রগী ইন্টরেষ্টতা নত্ত্রবদি হোংবা অসি য়াহল্লোই।
7. করিগুম্বা ছাত্র অমনা স্কুলগী দিসিপ্লিন নত্ত্রগা স্কোলারশিপ অসিগী তর্ম অমসুং কন্দিসন অমহেক্তা থুগাইরবদি, স্কোলারশিপ অসি সস্পেন্দ নত্ত্রগা কেন্সেল তৌবা য়াই। করিগুম্বা স্কিম অসিদা লৈরিবা রিগুলেসনশীং থুগাইরে হায়বগী মরমশীং অদু মতিক চারে হায়না খল্লবদি ষ্টেট গবর্নমেন্ট/য়ুনিয়ন টেরিতোরি এদমিনিষ্ট্রেসন অদুনসু হকথেংননা এৱার্দ অসি কেন্সেল তৌবা য়াই।
8. ষ্টেট গবর্নমেন্ট/য়ুনিয়ন তেরিটোরি এদমিনিষ্ট্রেসন অদুনা ইলিজিবল ওইবা ছাত্রশীংদা স্কোলারশিপ পীনবগী প্রোসেস অমসুং সেঙ্কসন তৌবগি অকুপ্পা প্রোসিদ্যুওর অদু শেমগনি।
9. কোর্স ফি/ ত্যুইসন ফি অমসুং মেন্টিনেন্স এলাউএন্স অদু ছাত্রদুগী বেঙ্ক একাউন্টদা হকথেংননা ক্রেদিট তৌগনি।
10. ষ্টেট গবর্নমেন্ট/য়ুনিয়ন টেরিতোরি এদমিনিষ্ট্রেসন অদুনা মিনিষ্ট্রিদগী ফংখিবা ফন্দশীংগা মরি লৈনবা রেকোর্দ অমসুং তোখায়বা একাউন্ট অমা থমগনি অমসুং মদু মিনিষ্টি নত্ত্রগা মিনিষ্ট্রিনা অয়াবা পীরবা অতৈ এজেন্সিগী ওফিসরশীংনা ইন্সপেক্সন তৌবা য়াহনগদবনি।
11. স্কোলারশিপ অসিগী মখাদা কান্নবা ফংলিবা ছাত্রদুনা চপ মান্নবা হিরমসিগীদমক্তা ষ্টেট গবর্ণমেন্ট/ UT এদমিনিষ্ট্রেসন্না পায়খৎলিবা অতৈ স্কোলারশিপ স্কিম অমত্তগী মখাদা কান্নবা লৌবা য়ারোই।
12. SC/ST/OBC গী কেটেগোরিসু ওইবা য়ারিবা মাইনোরিতি কম্যুনিতিশীংগী ছাত্রশীংবু চপ মান্নবা হিরম অসিগীদমক্তা অতোপ্পা সোর্সতগী স্কোলারশিপ ফংহন্দনবা অমসুং সোর্স অমখক্তদগী ফংহন্নবা, ষ্টেট গবর্নমেন্ট/য়ুনিয়ন টেরিটোরি এদমিনিষ্ট্রেসনশীংনা অসিগুম্বা স্কোলারশিপ স্কিমশীং ইমপ্লিমেন্ট তৌরিবা দিপার্টমেন্টশীংগী কমিটি অমা শেমগদবনি।
13. মথংগী চহি অদুগী স্কোলারশিপ য়েন্থোক্নবা ফন্দ অদুদি মমাং চহিগী য়ুটিলাইজেসন সর্টিফিকেট ফংলবা মতুংদা থাদোক্কনি।
14. স্কিম অসি মিনিষ্ট্রি নত্ত্রগা মিনিষ্ট্রিনা শেম্বা অতোপ্পা এজেন্সি অমহেক্তনা চাং নাইবা মতমশীংদা ইভাল্যুএট তৌগনি অমসুং ইভাল্যুএসনগী অচংবা শেনফম অদু স্কিম অসিগী প্রোভিজনগী মখাদা মিনিষ্ট্রিনা পুথোক্কনি।
15. ষ্টেট/য়ুনিয়ন টেরিটোরি অদুনা ফাইনান্সিএল অমসুং ফিজিকেলগী এচিভমেন্টশীংগী মরি লৈনবা অকুপ্পা মরোলশীং অদু মখোয়গী ৱেবসাইত্তা থাগৎকদবনি।
16. রিগুলেসনশীং অসি গবর্নমেন্ট ওফ ইন্দিয়াগী অপাম্বা মতুংইন্না মতম অমহেক্তদা হোংদোকপা য়াই।

স্কোলারশিপকী শেনফম অমসুং মতম

মখাদা পীরিবা মওং অসিদা, পীরিবা মরি লৈনবা আইটেমশীংগী তাক্লিবা মেক্সিমম সিলিং অদুগী মতুংইন্না এদমিসন অমসুং কোর্স/ টুইসন ফি অমসুং মেন্টিনেন্স এলাউএন্সকীদমক্তা চপ চাবা শেলগী মতেং অদু পীগনি:

* হোষ্টেলরশীং হায়বসিগী মনুংদা, মরি লৈনবা স্কুল/ইনষ্টিট্যুট অদুগী হোষ্টেলদা লৈতবা অদুবু মখোয়গী মমা-মপাশীংনা লৈরিবা মফম নত্তবা টাউন/ সিটিশীংদা পেয়িং গেষ্ট ওইনা নত্ত্রগা ভারা পীদুনা লৈরিবা ছাত্রশীংসু চনগনি।

*স্কোলারশিপ অসি অপুনবা কোর্স অদুগীদমক পীগনি। অদুম ওইনমক, মেন্টিনেন্স এলাউএন্সতি একাদেমিক চহি অমগী ওইনা থা 10 খক্তগী হেন্না পীরোই।

স্কোলারশিপ রিন্যু তৌবা

স্কোলারশিপ অসি অমুকপু পীখ্রবদি, ছাত্র অদুনা মার্ক 50% ফংখি হায়বগী সর্তিফিকেট অদু পুথোক্লগা, কোর্স অদুগী মথংগী একাদেমিক চহিগী মনুংদা রিন্যু তৌবা য়াই।

এপ্লিকেসনগী প্রোসিদ্যুওর

স্কিম অসি মরি লৈনবা ষ্টেট গবর্নমেন্ট/ য়ুনিয়ন তেরিতোরি এদমিনিষ্ট্রেসন অদুনা মাংজৌননা মতম চানা, মমীং লৈবা পাউ-চেশীং অমসুং লোকেলগী পাউ-চে/ ভর্নাকুলারদা অমসুং অতৈ চুনবা পব্লিসিটি মিদিয়া শিজিন্নদুনা এদভর্টাইজশীংগী খুত্থাংদা লাউথোক্কনি।

কম্প্যুটরাইজ তৌরবা সিষ্টেমশীং শিজিন্নবা য়াদ্রিবা মতম ফাউবদি মরি লৈনবা ষ্টেট গবর্ণমেন্ট/ য়ুনিয়ন টেরিটোরি এদমিনিষ্ট্রেসন অদুনা এপ্লিকেসন ফোর্মশীং অদু পীগনি। এপ্লিকেসন ফোর্মশীং অদু মথৌ তাবা সর্টিফিকেটশীং/ সর্টিফিকেসনশীংগা লোয়ননা অপীবা মতমগী মনুংদা অমুক লৌশিনবা তাই।

এপ্লিকেসন পীশিনবগী অরোইবা তাং: 31 ওক্টোবর, 2016

খ্বাইদগী নৌবা ইনফোর্মেসন অমসুং এপ্লিকেসনগীদমক্তা, চানবীদুনা মখাদা পীরিবা লিঙ্ক অসিদা চংবীয়ু। minorityaffairs.gov.in

সোর্স: ভারত্তা লৈবা মাইনোরিটি কম্যুনিটিশীংগী ছাত্রশীংদা পোষ্ট-মেত্রিক স্কোলারশিপশীং পীবগী মপুংফাবা ইনফোর্মেসনগীদমক্তা, মফমসিদা ক্লিক তৌবীয়ু