সেদ্যুল ত্রাইব (ST)কী মনুংচনবা ছাত্রশীংদা পীবা পোষ্ট মেত্রিক স্কোলারশিপশীং

পান্দম

স্কিম অসিগী পান্দম অসি মেত্রিকুলেসন মতুংদা নত্ত্রগা সেকেন্দরি মতুংগী থাক্তা তম্লিবা সেদ্যুল ত্রাইবকী ছাত্রশীংদা মখোয়গী মহৈ-মশীং তম্বা মপুং ফাবা ঙমহন্নবা শেলগী মতেং পীবনি।

কোনশিল্লিবশীং, স্কোলারশিপকী ভেল্যু অমসুং এদ হোক গ্রান্ট

স্কোলারশিপকী ভেল্যুগী মনুংদা কোর্স অদুগী মপুংফাবা মতম ফাউবা পীগদবা মেইন্টিনেন্স এলাউএন্স, নামা শোয়রবা ছাত্রশীংগী প্রোভিজন, কম্পলসরি ওইবা নন-রিফন্দেবল ফিশীংগী রিইম্বর্সমেন্ট, ষ্টদি তুরগী চার্জশীং, থেসিস তাইপিং/ প্রিন্টিংগী চার্জশীং অমসুং করেস্পোন্দেন্স কোর্সশীং তম্লিবা ছাত্রশীংগীদমক বুক এলাউএন্স অসি য়াউরি।

অকুপ্পা মরোলশীং অদু মখাদা পীরি:

মেইন্টিনেন্স এলাউএন্স

• খংজিনগদবা 1: কমর্সিএল পাইলোট লাইসেন্স কোর্স (CPL): CPL কোর্স অসি গ্রুপ ‘I’গী মখাদা কোনশিল্লি। CPLগী এৱার্ড মশিং অসি চহি অমদা 10 ওইগনি। CPLকোর্সকীদমক্তা ST ছাত্র 10 খনবগী থবক অসি দাইরেক্টোরেট জেনেরেল ওফ সিভিল এভিএসন (DGCA)গী খুত্থাংদা পাংথোক্কনি। CPLকোর্সকী এপ্লিকেসন অসি এদভর্টিজমেন্টকী খুত্থাংদা কৌগনি। থৱায় য়াউবা ST গী ছাত্রশীংনা CPL কোর্স তম্নবগী স্কোলারশিপ লৌনবগী সেলেক্সনগীদমক এপ্লাই তৌবা য়াগনি। খল্লবা কেন্দিদেটশীং অদু গ্রুপ ‘I’গী কোর্সশীংদা এপ্লিকেবল ওইবা মেইন্টিনেন্স রেটকী চাংদা হায়বদি হোষ্টেলরগীনা থাদা লুপা 1200/- অমসুং দে স্কোলারশীংগীনা থাদা লুপা 550/-পীগনি। মসিগী মথক্তা ফ্লাইট চার্জশীং য়াউনা কম্পলসরি ফি পুম্নমক ফি ওইনা পীগনি।
• খংজিনগদবা 2: M.Phil অমসুং Ph.D কোর্সশীং অসি পোষ্ট-গ্রেজুএসন কোর্সশীংনা। অসিগুম্বা ছাত্রশীংদা স্কোলারশিপ অসি গ্রুপ ‘I’ নত্ত্রগা ‘II’কী মখাদা লৈরিবা কোর্সশীংগী মতুং ইন্না, মখোয়দা পীরিবা মেইন্টিনেন্স এলাউএন্সদুগী চাংদা পীবা য়াই।
• খংজিনগদবা 3: মহৌশানা ‘হোষ্টল’ হায়বা তর্ম অসি এজুকেসনেল ইনষ্টিট্যুসন ওথোরিটিশীংগী সুপরভিজন মখাদা চলাইরিবা কমন ওইবা রেসিদেন্সিএল বিল্ডিং অমসুং ছাত্রশীংগী কমন ওইবা মেস লৈবা মতমদা এপ্লিকেবল ওই। করিগুম্বা কোলেজগী ওথোরিটিশীংনা কোলেজগী হোষ্টেলদা লৈফম-চাফম পীবা ঙমদ্রবদি, স্কিম অসিগীদমক্তা মখোয়না এপ্রুভ তৌরবা লৈফম অমবুসু হোষ্টেলনি হায়না লৌবা য়াই। মফম অদু ইন্সপেক্সন তৌরবা মতুংদা অমসুং য়ুনিভর্সিটি অদুনা শেম্লিবা রুল অমসুং রেগুলেসনশীং, করিগুম্বা লৈরবদি ইনবগী মওং য়েংদুনা ইনষ্টিট্যুসনগী হেডনা এপ্রুভ তৌগনি। অসিগুম্বা ফিভম অসিদা, কোলেজগী হোষ্টেলদা লৈফম-চাফম পীবা ঙমদবদগী ছাত্র অদুনা এপ্রুভ তৌরবা লৈফম অদুদা লৈরিবনি হায়বগী সর্টিফিকেট অমা ইনষ্টিট্যুসন অদুগী হেডনা পীশীনবা তাই। মখা তানা খংজিনগদবদি, অসিগুম্বা হোষ্টেলগুম্লবা লৈফম-চাফম অসিদা য়ামদ্রবদা ছাত্র 5 (মঙা)গী ওইবা কাংবু অমনা পুন্না, কমন ওইবা মেসকী থৌরাং অমগা লোয়ননা ৱায়বা ওইবা তাই।
• খংজিনগদবা 4: লেম্না লৈফম-চাফম ফংবা স্কোলারশীংদা হোষ্টেলরশীংনা ফংলিবা মেইন্টিনেন্স চার্জ অদুগী শরুক 3থোকপগী 1গী চাংদা পীগনি।

নামা শোয়রবা  ST ছাত্রশীংগী অহেনবা প্রোভিজন

• মমীৎ তাংবা স্কোলারশীংগীদমক পীরিবা রিদর এলাউএন্স

• নামা শোয়রবা ছাত্রশীংগীদমক, করিগুম্বা ছাত্র অদুনা এজুকেসনেল ইনষ্টিট্যুসন অদুগী লৈফমদা লৈরিবা হোষ্টেলদা লৈত্রবদি থা অমদা লুপা 160/-গী ওইবা ত্রান্সপোর্ট এলাউএন্সকী প্রোভিজন লৈ। পর্সনস ৱিথ দিসএবিলিটিজ (মান্নবা তঞ্জা, প্রোটেক্সন ওফ রাইটস এন্দ ফুল পার্টিসিপেসন) এক্ট, 1995কী মতুংইন্না নামা শোয়রবা হায়বসি মমীৎ তাংবা, শেংনা উবা ঙমদ্রবা, লেপ্রোসিদগী নাবা ফরকপা, না তাথীবা, চৎপদা শোয়নাইবা, মেন্টেল রিটার্দেসন অমসুং মেন্টেলগী অনাবা লৈবা মীওইশীংনি হায়না খংহল্লি।
• লো এক্সট্রিমিটি দিসএবিলিটিগা লোয়নবা শাথীনা হেন্দিকেপ ওইরবা দে স্কোলার ছাত্রশিংগী ওইনা থাদা লুপা 160/-গী এস্কোর্ট এলাউএন্স পীরি।
• হেল্পর অমগী মথৌ তারবা এজুকেসনেল ইনষ্টিট্যুসন অমগী হোষ্টেলদা লৈবা শাথীনা ওর্থোপেদিক্কী হেন্দিকেপ ওইরবা ছাত্র অমদা মতেং পীবা ইমপ্লোয়ি অমহেক্তদা অখন্নবা শেনফম ওইনা থাদা লুপা 160/- পীগনি।
• মেন্টেল্লি রিটার্দেদ অমসুং মেন্টেল্লি নারবা ছাত্রশীংদা এক্সট্রা কোচিংগীদমক থাদা লুপা 240/-গী ওইবা এলাউএন্স পীগনি।

(B) দগী (D) ফাউবগী প্রোভিজনশীং অসি লেপ্রোসিদগী ফরকপা ছাত্রশীংদসু চৎনগনি।

• খংজিনগদবা 1: স্কিম অসিগী মখাদা কোনশিল্লিবা সেদ্যুল ত্রাইবকী মনুং চনবা নামা শোয়রবা ছাত্রশীংনা স্কিম অসিগী মখাদা কোনশিন্দবা অতৈ অতোপ্পা স্কিমদগীসু অসিগুম্বা অহেনবা কান্নবশীং ফংবা য়াগনি।
• খংজিনগদবা 2: হায়রিবা এক্ট অসিগী মখাদা তাক্লিবগুম্না ওইবা দিসএবিলিটি অদু ষ্টেট গবর্ণমেন্ট/ UT এদমিনিষ্ট্রেসনগী মরি লৈনবা মেদিকেল ওথোরিটিনা সর্টিফাই তৌবা তাই।

ফিশীং

এনরোলমেন্ট/ রেজিস্ত্রেসন, তুইসন, গেমস, য়ুনিয়ন, লাইব্রেরি, মেগাজিন, মেদিকেল একজামিনেসন অমসুং স্কোলার অদুনা ইনষ্টিট্যুসন নত্ত্রগা য়ুনিভর্সিটি/ বোর্ড অদুদা শোয়দনা পীফম থোকপা অতৈ ফিশীং স্কোলারশীং অদুদা পীগনি। অদুম ওইনমক কোসন মনি, সেক্যুরিটি দিপোজিটনচিংবা রিফন্দেবল ওইবা দিপোজিটশীংদি য়াউরোই।

• খংজিনগদবা: রিকগনাইজ তৌরবা ইনষ্টিট্যুসনশীংদুনা লৌবা রিকগনাইজ তৌবা কোর্সশীং অদুবু লেম্না অমসুং শেল পীদুনা তমগদবা সিটশীংগীদমক্তা শোয়দনা পীফম থোকপা নন-রিফন্দেবল ফি অসু মরি লৈনবা ষ্টেট/ সেন্ত্রেল গবর্ণমেন্ট ওথোরিটিনা এপ্রুভ তৌরবা ফি ষ্ট্রকচর অদুগী মতুংইন্না মপুং ফানা রিইম্বর্স তৌবা য়াই। অদুম ওইনমক, শেল পীগদবা সিটশীংগী স্কোলারশিপ সেঙ্কসন তৌবা মতমদা, ষ্টেট গবর্ণমেন্টশীংনা ইনকম ভেরিফিকেসন অদু কম্পলসরি ওইহনগদবনি।

ষ্টদি তুরশীং

ছাত্র অদুনা চাদিং তৌখিবা ত্রান্সপোর্টেসন চার্জগুম্বশীং অসি প্রোফেসনেল অমসুং তেক্নিকেল কোর্সশীং তম্লিবা স্কোলারশীংদা, করিগুম্বা ষ্টদি তুর অদু স্কোলার অদুনা তম্লিবা কোর্স অদু মপুং ফাহনবদা চংদবা য়াদবনি হায়না ইনষ্টিট্যুসন অদুগী হেড অদুনা সর্টিফাই তৌরবদি, চহিদা য়াম্লবদা লুপা 1600/- ফাউবগী ষ্টদি তুর চার্জশীং পীগনি।

থেসিস তাইপিং/ প্রিন্টিং চার্জশীং

ইনষ্টিট্যুসন অদুগী হেড অদুনা রিকমেন্দ তৌরকপগী মতুংইন্না য়াম্লবদা লুপা 1600/- গী ওইবা থেসিস তাইপিং/ প্রিন্টিং চার্জশীং পীগনি।

দিসটেন্স অমসুং কন্টিন্যুইং এজুকেসন য়াউনা করেস্পোন্দেন্স কোর্সশীং

অসিগুম্বা কোর্সশীং অসি তম্লিবা ছাত্রশীংসু লুপা 1200/- পীগদবা এনুএল ফি অসি চংদবা য়াদবা/ প্রেস্ক্রাইব তৌরবা লাইরিকশীংগী ওইনা, কোর্স ফিশীং রিইম্বর্স তৌবগী মথক্তা পীগনি।

এৱার্ডশীংগী মতম অমসুং রিন্যু তৌবা

• এৱার্ড অসি অমুকপু পীখ্রবদি মসি পীখিবা ষ্টেজ অদুদগী কোর্স অদু লোয়দ্রিবফাউবা অফবা লমচৎ অমসুং এটেন্দেন্স য়েংলগা পীগনি। মসি করিগুম্বা কোর্স অদুনা চহি কয়া চত্থবা ওইরবদি, মথংগী অৱাংবা ক্লাস অদুদা কাদ্রিবফাউবা, ইকজামিনেসন অদু য়ুনিভর্সিটি নত্ত্রগা ইনষ্টিট্যুসন লৌবা ওইরবসু ওইদ্রবসু চহি মথং মথং রিন্যু তৌগনি।
• করিগুম্বা গ্রুপ I কোর্স তম্লিবা সেদ্যুল ত্রাইব স্কোলার অমনা অহানবা ওইনা ইকজামিনেসন ফেল ওইরবদি, এৱার্ড অদু রিন্যু তৌবা য়াগনি। ক্লাস অমহেক্তদা অনিশুবা অমসুং মতুং তাবা ফেল ওইবগীদি, ছাত্র অদুনা মথংগী অৱাংবা ক্লাস অদুগী প্রোমোসন ফংদ্রিবফাউবা মহাক মশানা চাদিং তৌজগদবনি।
• করিগুম্বা স্কোলার অমনা অনাবা অমসুং/ নত্ত্রগা খংহৌদবা থৌদোক অমদগী চহিগী ওইবা ইকজামিনেসন অদু য়াউবা ঙমহৌদ্রবদি, মেদিকেল সর্টিফিকেট অমসুং/ নত্ত্রগা অতৈ মথৌ তাবা প্রমাণশীং ইনষ্টিট্যুসন অদুগী হেডনা মতিক চাই হায়না খনবা মওংদা পীরবা অমসুং করিগুম্বা মহাক্না ইকজামিনেসন অদু য়াউরম্লবদি পাস তৌবা ঙম্লমগনি হায়না সর্টিফাই তৌরবদি এৱার্ড অদু রিন্যু তৌবা য়াগনি।
• করিগুম্বা য়ুনিভর্সিটি/ ইনষ্টিট্যুসন অমগী রিগুলেসনশীংগী মতুংইন্না, মখাগী ক্লাস অদু পাস তৌদ্রবসু অমদি মতম খরগী মতুংদা ক্লাস অদুগী ইকজামিনেসন অমুক হন্না য়াউবা মথৌ তাবা ছাত্র অমবু মথংগী ৱাংখৎপা ক্লাস অদুদা প্রোমোসন পীবা তারবদি, মহাক অদুবু প্রোমোসন পীরিবা ক্লাস অদুগী ওইনা, করিগুম্বা ছাত্র অদু স্কোলারশিপ ফংনবগী ইলিজিবল ওইরবদি স্কোলারশিপ পীগনি।

খনবগী মওং-মতৌ

• ইলিজিবল ওইরবা সেদ্যুল ত্রাইব পুম্নমকপু রিগুলেসনদা পীরিবা মিন্স টেষ্টকী এপ্লিকেসন মতুংইন্না স্কোলারশিপ পীগনি।
• ষ্টেট অমদা পোক্নফম ওইবা অদুবু অতোপ্পা ষ্টেট অমদা মহৈ-মশীং তম্লিবা কেন্দিদেটশীংদি মখোয়গী পোক্নফম ওইরিবা ষ্টেট অদুনা স্কোলারশিপ পীগনি অমসুং মখোয়গী এপ্লিকেসনশীং অদু ষ্টেট অদুগী মরি লৈনবা ওথোরিটিদা পীশিনগনি। ফি কোকপা অমসুং অতৈ কনসেসনশীংগী মতাংদসু মখোয় অসি মখোয় মশাগী ষ্টেটতা মহৈ-মশিং তম্লিবগুম্না লৌগনি।
• স্কোলারশিপশীং অসি মমা-মপা/ গার্জিয়ানশীংগী চহিগী ওইবা ইনকম অদু সোর্স পুম্নমক্তগী পাবদা লুপা 2, 00,000/- (লুপা লাখ অনি)দগী হেন্দবা ছাত্রশীংদা পীগনি।

খংজিনগদবা 1: মমা-মপা অনিগী মনুংদা অমা হেক হিংলিবমখৈ (নত্ত্রগা লুহোংলবা থবক ফংদ্রিবা নুপীমচা ছাত্র ওইরবদি মপুরোইবা), সোর্স পুম্নমক্তগী লাকপা মমা-মপা/ মপুরোইবা অদুগী ইনকমখক্তা য়েংগনি অমসুং ইমুংগী অতৈ মীওইশীংনা শেল থোক্লবসু মদু পারোই। ইনকম দিক্লারেসনগী ফোর্মদা, ইনকম অদু মওং অসিদা য়ুম্ফম ওইদুনা দিক্লার তৌগনি। মমা-মপা অনিমক (নত্ত্রগা লুহোংলবা থবক ফংদ্রিবা নুপীমচা ছাত্র ওইরবদি মপুরোইবা) শিখ্রবখক্তদা, ছাত্র অদুগী মহৈ-মশীংদা মতেং পাংলিবা গার্জিয়ান অদুগী ইনকম অদু য়েংগনি। কনাগুম্বা ছাত্র অমগী শেল তাল্লিবা মমা নত্ত্রগা মপা অদু লৈখিদবদগী ইনকম শোকথরক্তুনা স্কোলারশিপ অসিগীদমক ইলিজিবল ওইনবগী পীরিবা ইনকমগী লিমিট মনুংদা লৈরক্লবা, অমদি অতোপ্পা ইলিজিবিলিটিগী কন্দিসনশীং লৈরবদি, অসিগুম্বা থৌদোক থোকখিবা থা অদুদগী হৌদুনা স্কোলারশিপ অসি ফংবা য়াগনি। অসিগুম্বা ছাত্রশীংনা থারকপা এপ্লিকেসনশীং অদুদি করিগুম্বা এপ্লিকেসন লৌশিনবগী অরোয়বা তাং হেন্দোকখ্রবসু মীনুংশি য়েংদুনা লৌশিনবা য়াই।

খংজিনগদবা 2: ছাত্র অমগী মমা-মপাদুনা ফংবা হাউস রেন্ট এলাউএন্স অদু করিগুম্বা মদু ইনকম তেক্সকী মতাংদা পাবদা য়াউদ্রবদি, ‘ইনকম’ অমগুম্না পাবদা য়াউরোই।

খংজিনগদবা 3: ইনকম সর্টিফিকেট অসি অমুকখক্কী ওইনা, হায়বদি চহি অমদগী হেন্না তম্লক্লিবা কোর্সশীং অদুগী এদমিসন মতমদা লৌগনি।

খংজিনগদবা 4: কঞ্জ্যুমর প্রাইস ইন্দেক্সকী রিভাইস তৌরবা ইনকম সিলিং অসি ওক্টোবর, 2009 ফাউবদং পাগনি। ইনকম সিলিং অসি চহি অনি খুদিংগী অমুক্কী ওইনা, রিভিজনগী চহি অদুগী মমাংগী চহি অদুগী ওক্টোবর থাগী ইন্দষ্ট্রিএল ৱার্করশীং অদুগী কঞ্জ্যুমর প্রাইস ইন্দেক্সকা লিঙ্ক তৌদুনা রিভাইস তৌগনি অমসুং এপ্রিলদগী চৎনবা হৌগনি।

ইলিজিবিলিটি

• স্কোলারশিপশীং অসি ভারতকী নাগরিকশীংদা পীগনি।
• স্কোলারশিপশীং অসি রিকগনাইজ তৌরবা ইনষ্টিট্যুসনশীংদা পোষ্ট-সেকেন্দরি কোর্সশীংগী রিকগনাইজ তৌরবা পোষ্ট-মেত্রিক্যুলেসনগী ষ্টদি পুম্নমক্তা পীগনি। মসিদা য়াউরোইদবশীংদি: “স্কোলারশিপশীং অসি এয়রক্রাফট মেইন্টিনেন্স এঞ্জিনিয়ারগী কোর্সশীং অমসুং প্রাইভেট পাইলোট লাইসেন্স কোর্সশীং, ত্রেনিং-শিপ দফরিন (হৌজিক্না রাজেন্দ্র)গী কোর্সশীং, মিলিটরি কোলেজ, দেহরাদুনগী ত্রেনিংগী কোর্সশীং অমসুং ভারতকী অমসুং রাজ্যগী থাক্কী প্রি-ইকজামিনেসন ত্রেনিং সেন্টরশীংগী কোর্সশীং অসিগীদি স্কোলারশিপ অসি পীরোই।”
• এপ্লিকান্ট অদুগী অশেংবা লৈফম ওইরিবা (হায়বদি অরেপ্পা ওইনা খুন্দারিবা মফম) ষ্টেট/য়ুনিয়ন টেরিটোরি অদুগা মরি লৈননা তাক্লিবা সেদ্যুল ত্রাইবশীংগী মনুংচনবা কেন্দিদেটশীং অমসুং রিকগনাইজ তৌরবা য়ুনিভর্সিটি নত্ত্রগা বোর্ড ওফ সেকেন্দরি এজুকেসননা রিকগনাইজ তৌরবা মেত্রিক্যুলেসন নত্ত্রগা হায়র সেকেন্দরি নত্ত্রগা অতৈ অতোপ্পা হায়র এজুকেসন অমহেক্তা পাস তৌরবা মীওই অদুখক্তং ইলিজিবল ওইগনি।
• এজুকেসনগী ষ্টেজ অমা পাস তৌরবা মতুংদা তোঙানবা সবজেক্ট অমদা চপ মান্নবা ষ্টেজ অদুদা মহৈ-মশীং তম্লিবা ছাত্রশীং। খুদম ওইনা, I.Aগী মতুংদা I.Sc. তম্বা  B.A. নত্ত্রগা M.A. গী মতুংদা B.Com. তম্বশীং ইলিজিবল ওইরোই।
• প্রোফেসনেল লাইন অমদা মখোয়গী এজুকেসনেল করিয়র লোয়রবা মতুংদা তোঙানবা প্রোফেসনেল লাইন অমদা মখা তানা মহৈ তমথরিবা ছাত্রশীং, খুদম ওইনা B.T. নত্ত্রগা B.Ed লোয়রবা মতুংদা L.L.B. তম্বা। অদুম ওইনমক একাদেমিক চহি 1980-81দগীদি প্রোফেসনেল কোর্স অনিদা ষ্টদি তৌবা য়াহল্লে।
• ক্লাস 12শুবগী লেপ্তনা চত্থবা স্কুল কোর্স লৈবা হায়র সেকেন্দরি স্কুলশীংদা ক্লাস XI তম্বা ছাত্রশীংদি ইলিজিবল ওইরোই। অদুম ওইনমক, অসিগুম্বা কোর্সশীংগী ক্লাস Xগী ইকজামিনেসন লৈবা কেসশীংদি মেত্রিক্যুলেসনগা মান্ননা লৌগনি অমসুং ক্লাস টেন পাস তৌরবা মতুংদা ছাত্রশীংনা অতৈ কোর্সশীং তম্বা য়াগনি, অসিগুম্বা ছাত্রশীং অসি পোষ্ট-মেত্রিক ছাত্র ওইনা লৌগনি অমসুং স্কোলারশিপ ফংনবগীদমক ইলিজিবল ওইগনি।
• মেদিসিনদা পোষ্ট-গ্রেজুএট কোর্সশীং তম্লিবা ছাত্রশীং অসি করিগুম্বা মখোয়বু মখোয়গী পেরিওদ মনুংদা প্রাক্টিস তৌবা য়াহন্দ্রবদি ইলিজিবল ওইগনি।
• আর্টস/ সাইন্স/ কমর্সতা অন্দর গ্রেজুএট/ পোষ্ট-গ্রেজুএট ইকজামিনেসন পাস তৌরবা নত্ত্রগা ফেল ওইরবা মতুংদা ছাত্রশীংনা রিকগনাইজ তৌরবা প্রোফেসনেল নত্ত্রগা টেক্নিকেল সর্টিফিকেট/ দিপ্লোমা/ দিগ্রি কোর্সশীং তম্লবা অমসুং ইলিজিবল ওইরবদি স্কোলারশিপশীং পীগনি। গ্রুপ ‘I’দা লৈবা কোর্সখক নত্তনা অতৈদা মখা তানা ফেল ওইবা য়ারোই অমসুং কোর্স অদু মখাতানা হোংদোকপসু য়ারোই।
• করেস্পোন্দেন্স কোর্সশীং তম্লিবা ছাত্রশীংসু ইলিজিবল ওইগনি। করেস্পোন্দেন্স হায়বসিদা দিষ্টেন্ট অমসুং কন্তিন্যুইং এজুকেসন অসি মনুং চনগনি।
• থবক ফংলবা ছাত্রশীংনা করিগুম্বা কোর্স অদুগী মপুংফাবা মতমদু তোলোপ য়াউদনা ছুতি লৌরগা অমসুং ফুলটাইম ছাত্রগুম্না মহৈ-মশিং তম্লিবা ওইরবদি স্কোলারশীপশীং অসিগীদমক ইলিজিবল ওইগনি। একাদেমিক চহি 1980-81দগীদি থবক ফংলবা ছাত্রশীংগী ইনকম অদুগা মখোয়গী মমা-মপা/গার্জিয়ান অদুগী পুন্সিল্লবা ইনকম অদুনা প্রেস্ক্রাইব তৌরিবা মেক্সিমম ইনকম সিলিং অদুদগী হেন্দ্রবদি কম্পলসরি ওইনা পীগদবা নন-রিফন্দেবল ফি পুম্নমক রিইম্বর্স তৌবা য়াউনা পোষ্ট-মেত্রিক স্কোলারশিপ অসিগীদমক ইলিজিবল ওইগনি।
• চপ মান্নবা মমা-মপা/ গার্জিয়ানগী অঙাং পুম্নমক্না স্কিম অসিগী কান্নবা ফংবা য়াই।
• স্কিম অসিগী মখাদা স্কোলারশিপ ফংলিবা মীওই অমনা অতোপ্পা স্কোলারশিপ/ ষ্টাইপেন্দ অমত্তা ফংদবা ওইগদবনি। করিগুম্বা অতোপ্পা স্কোলারশিপ/ ষ্টাইপেন্দ ফংলিবা মীওই ওইরবদি, ছাত্র অদুনা মহাক্কী অপাম্বা মতুংইন্না স্কোলারশিপ/ ষ্টাইপেন্দ অনিদুগী মনুংদা মঙোন্দা হেন্না কান্নবা য়েংদুনা অপাম্বা খনবা য়াই অমসুং মহাক্না খল্লিবা ওপসনদুগী মতাংদা, ইনষ্টিট্যুসনগী হেড অদুগী খুত্থাংদা এৱার্ড পীরিবা ওথোরিটি অদুদা খংহনগদবনি। ছাত্র অমনা অতোপ্পা স্কোলারশিপ/ষ্টাইপেন্দ হেক লৌখিবা তাংদুদগী স্কিম অসিগী মখাদা স্কোলারশিপ অমত্তা পীরোই। অদুম ওইনমক, স্কিম অসিগী মখাদা পীরিবা স্কোলারিশিপকী শেনফম অদুগী মথক্তা ছাত্র অদুনা লাইরিক, ইক্যুইপমেন্ট লৈবগী নত্ত্রগা লৈফম অমসুং চাফমগী চাদিং মেনখৎনবা, ষ্টেট গবর্ণমেন্ট নত্ত্রগা অতোপ্পা সোর্স অমহেক্তদগী লেম্না পীবা লৈফম নত্ত্রগা গ্রান্ট নত্ত্রগা শেলগী মতেং অমদি লৌবা য়াগনি।
• গবর্ণমেন্টতগী লৌবা শেলগী মতেংগা লোয়ননা প্রি-ইকজামিনেসন ত্রেনিং সেন্টর অমহেক্তদা হান্ননা কোচিং ফংলিবা ছাত্রশীংদি ইলিজিবল ওইরোই।

খংজিনগদবা 1: মথক্তা পীখ্রিবা (ইলিজিবিলিটিগী কন্দিসনশীং) রিগুলেসনশীং অসিগী মখাদা রিকগনাইজ তৌরবা ইনষ্টিট্যুসনশীংদা রিকগনাইজ তৌরবা পোষ্ট-মেত্রিক্যুলেসন নত্ত্রগা পোষ্ট-সেকেন্দরি কোর্স পুম্নমক তম্বদা স্কোলারশিপ অসি পীগনি হায়না খংহনখ্রবা মরমনা, গ্রুপ (I দগী IV ফাউবা) পীরিবা কোর্সশীংগী লিষ্ট অসি চাউরাকপা তাকপনি অমসুং মসি য়াম্না কুপ্পা নত্তে। মরম অসিনা, তাং 3.8.1989দা পীরকখিবা মিনিষ্ট্রিগী লেটর নম্বর 11017/13/88-Sch.Cellগী পাউতাক মতুংইন্না, ষ্টেট গবর্ণমেন্টশীং/ য়ুনিয়ন টেরিটোরি এদমিনিষ্ট্রেসনশীং, মখোয় মশানা মখোয়গী থাক্তা চুনবা কোর্সশীংগী গ্রুপ শেম্বগী পাঙ্গল পীরি।

অতোপ্পা কন্দিসনশীং

• স্কোলারশিপ অসি স্কোলারশীংগী প্রোগ্রেস অমসুং কন্দক্ট অদু মতিক চাবগী মখা পোল্লি। করিগুম্বা মতম অমহেক্তদা ইনষ্টিট্যুসনগী হেড অদুনা, স্কোলার অদুগী অশোয়বনা মরম ওইদুনা প্রোগ্রেস অদু অপেনবা মওংদা লৈত্রে নত্ত্রগা ষ্ট্রাইক হৌরে নত্ত্রগা শরুক য়ারে, মরি লৈনবা ওথোরিটিগী অয়াবা য়াউদনা চাং নাইনা কাদ্রে হায়বনচিংবা রিপোর্ট অমা পীরক্লবদি স্কোলারশিপ অদুবু পীরিবা ওথোরিটি অদুনা স্কোলারশীপ অদু কেন্সেল তৌবা, লেপহনবা নত্ত্রগা মতিক চাই হায়না খনবা মতম খরগী ওইনা থীংবা য়াই।
• করিগুম্বা ছাত্র অমনা স্কোলারশিপ অদু অরানবা ষ্টেটমেন্ট পীদুনা ফংখি হায়বা খংলবদি, মহাক্কী স্কোলারশিপ অদু খুদক্তা কেন্সেল তৌগনি অমসুং হান্ননা পীখ্রবা স্কোলারশিপকী শেনফম অদু, মরি লৈনবা ষ্টেট গবর্ণমেন্টকী অপাম্বা মওংদা খোমগৎকনি। চেন্নরিবা ছাত্র অদু ব্লেকলিষ্ট তৌগনি অমসুং অতোপ্পা স্কিম অমহেক্তগী ওইনা মতম পুম্বগী ওইনা শরুক য়াবা থীংগনি।
• করিগুম্বা স্কোলার অদুনা, ষ্টেট গবর্ণমেন্টকী মাংজৌনবা অয়াবা লৌদনা স্কোলারশিপ অদু পীরিবা কোর্স অদুগী সবজেক্ট অদু হোংদোকপা তারবা নত্ত্রগা মহৈ তম্লিবা ইনষ্টিট্যুসন অদু হোংদোক্লবদি পীখ্রবা স্কোলারশিপ অমবু কেন্সেল তৌবা য়াই। ইনষ্টিট্যুসনগী হেড অদুনা অসিগুম্বা কেস অসি মখোয়দা রিপোর্ট তৌদুনা স্কোলারশিপকী শেনফম পীবা থীংগনি। ষ্টেট গবর্ণমেন্টকী অপাম্বা মতুংইন্না হান্না পীখ্রবা শেনফমসু লৌখৎপা য়াই।
• করিগুম্বা চহি অদুগী কোর্স মনুংদা, স্কোলারশিপ অদু পীরিবা ষ্টদি অদু স্কোলার অদুনা মখা চত্থদনা লেপখিবা তারবদি, ষ্টেট গবর্ণমেন্টকী অপাম্বা মতুংইন্না স্কোলারশিপকী শেনফম অদু মহাক্না হন্দোকপা তাই।
• গবর্ণমেন্ট ওফ ইন্দিয়াগী অপাম্বা মতুংইন্না রিগুলেসনশীং অসি মতম অমহেক্তদা হোংদোকপা য়াই।

শেল পীবা

• মেন্টিনেন্স এলাউএন্স অসি এপ্রিলগী তাং 1দগী নত্ত্রগা মীংচনবা থা অদুদগী, অনিসিগী মনুংদগী অকোনবা অদুদগী হৌদুনা একাদেমিক চহি (ছুটিশীংগী মনুংদা পীবা মেইন্টিনেন্স এলাউএন্স য়াউনা) অমগী অরোয়বদা পাংথোকপা একজামিনেসনশীং লোয়খিবগী থা অদু ফাউবা, করিগুম্বা স্কোলার অদুনা থা অমগী তাং 20গী মতুংদা মীংচনখিবা ওইরবদি, শেনফম অদু মীংচনখিবা থা অদুগী মথং থাদগী হৌদুনা পীগনি।
• মমাং চহিদা পীখিবা স্কোলারশিপ অদু রিন্যুএল তৌবা তারবা অমসুং করিগুম্বা ষ্টদিগী কোর্স অদু লেপ্তনা চত্থবা ওইরবদি, মেইন্টিনেন্স এলাউএন্স অদু থা অদুদগী হৌদুনা মমাং চহিদা স্কোলারশিপ পীবা লোয়খিবা থা অদুফাউবা পীগনি।
• ছাত্র অদুগী পোক্নফম ওইরিবা ষ্টেট/ য়ুনিয়ন টেরিটোরি এদমিনিষ্ট্রেসন অদুগী সরকার অদুনা হিরমসিগী মতাংদা মখোয়না পীবা প্রোসিদ্যুওর অদুগী মতুংইন্না, খল্লবা ছাত্রশীং অদুদা স্কোলারশিপকী শেনফম অদু পীগনি।
• করিগুম্বা ছাত্র অদুনা ইন্টর্নশিপ পেরিওদকী মনুংদা অৱামল খরা ফংলবা নত্ত্রগা অতোপ্পা কোর্সশীংগী প্রাক্টিকেল ত্রেনিং মনুংদা এলাউএন্স/ ষ্টাইপেন্দ খরা ফংবা ওইরবদি M.B.B.S. কোর্সকী ইন্টর্নশিপ/ হাউসমেনশিপ মনুং নত্ত্রগা অতোপ্পা কোর্সকী প্রাক্টিকেল ত্রেনিংগীদমক স্কোলারশিপ অদু পীরোই।

স্কিমগী পাউজেল

ষ্টেট গবর্ণমেন্ট পুম্নমক্না স্কিমগী অকুপ্পা মরোলশীং খংহনবা অমসুং এপ্লিকেসন কৌবগী থবক অসি ষ্টেট অদুগী মরুওইবা পাউচেশীং অমসুং অতোপ্পা মিদিয়া আউটফিটশীংগী খুত্থাংদা মে অমসুং জুন থাদা লাউথোক্কনি। এপ্লিকেসন ফোর্ম অমসুং অতৈ মরোলশীংগী রিক্বেষ্ট পুম্নমক স্কোলারশীং অদুগী পোক্নফম ওইরিবা ষ্টেট গবর্ণমেন্ট/ য়ুনিয়ন টেরিটোরি এদমিনিষ্ট্রেসনদা থাজিনগদবনি। এপ্লিকান্ট অদুনা মপুংফানা মেন্সিল্লবা এপ্লিকেসন অদু মরি লৈনরিবা ওথোরিটি অদুদা এপ্লিকেসন লৌশিনবগী অরোইবা তাং ফাউবগী মমাংদা পীশিনগদবনি।

এপ্লিকেসনগী প্রোসিদ্যুওর

• স্কোলারশিপকী এপ্লিকেসন অমদা মখাগীশীংসি য়াউগদবনি:
• প্রেস্ক্রাইব তৌবা ফোর্ম অদুদা স্কোলারশিপকী এপ্লিকেসন কোপি অমা ( ‘অনৌবা’ অমসুং রিন্যুএলগী ওইবা স্কোলারশিপকী তোখায়বা এপ্লিকেসন ফোর্মশীং মরি লৈনবা ষ্টেট/ UTশীংনা পীরি)।
• ছাত্র অদুগী সহি তৌরবা পাসপোর্ট সাইজগী ফোটোগ্রাফ অমা (স্কোলারশিপকীদমক্তা নৌনা থাবশীংগীদমক)।
• পাস তৌখিবা ইকজামিনেসন পুম্নমক্কী সর্তিফিকেট, দিপ্লোমা, দিগ্রি অসিনচিংবশীংগী এটেষ্ট তৌরবা কোপি অমা।
• তহসিলদারগী ফমদগী তাথদবা ওথোরাইজ তৌরবা রেভেন্যু ওফিসর অমনা সাইন তৌরবা কাষ্টকী সর্টিফিকেট (ওরিজিনেলদা) অমা।
• মশানা মশাবু থবক পীজবা মমা-মপা/ গার্জিয়ানশীংনা, সোর্স পুম্নমক্তগী লাকপা মখোয়গী ইনকম অদু নন-জুদিসিএল ষ্টাম্প পেপরদা শেম্বা এফিদেভিট অমদা শেম্বা ইনকম দিক্লারেসন অমা। থবক তৌবা মমা-মপা/ গার্জিয়ানশীংনা মখোয়গী এমপ্লোয়র অদুদগী ইনকম সর্টিফিকেট অমা লৌবা তাই অমসুং অতোপ্পা সোর্সশীংদগী লাকপা অহেনবা ইনকম অমহেক্তগীদমক, নন-জুদিসিএল ষ্টাম্প পেপরদা শেম্বা এফিদেভিট অমদা দিক্লারেসন পীবা তাই।
• করিগুম্বা এপ্লিকান্ট অদুনা মমাংগী চহি অদুদা স্কিম অসিগী মখাদা স্কোলারশিপ ফংখিবা ওইরবদি এপ্লিকেসন অদুদা য়াউরিবা ফোর্ম অদুদা মরি লৈনবা ইনষ্টিট্যুসনগী হেড অদুনা কাউন্টর-সাইন তৌরবা স্কোলারশিপকী একনোলেজমেন্ট রিসিপ্ট অমা।
• মওং পুম্নমক মপুং ফানা মেন্সিল্লবা এপ্লিকেসন অদু, কেন্দিদেটশীং অদুনা কারিবা নত্ত্রগা অরোয়বা ওইনা কারিবা ইনষ্টিট্যুসন অদুগী হেডতা পীশিনগদবনি অমসুং ছাত্র অদুগী লৈফম ওইরিবা ষ্টেট/ য়ুনিয়ন টেরিটোরিগী গবর্ণমেন্ট অদুনা, মখোয়না মতম মতমগী শেম্বা ইনষ্ট্রকসন অদুগী মতুংইন্না থবক অসিবু শিন্নরিবা ওফিসর অমদা এদ্রেস তৌবা তাই।

সোর্স: ভারত্তা মহৈ-মশীং তম্নবগীদমক্তা সেদ্যুল ত্রাইব (ST)কী ছাত্রশীংদা পীরিবা পোষ্ট-মেত্রিক স্কোলারশিপকী মতাংদা মপুংফাবা ইনফোর্মেসনগীদমক্তা, মফমসিদা ক্লিক তৌবীয়ু