OBCদা পীরিবা পোষ্ট-মেত্রিক স্কোলারশিপ স্কিম

পান্দম

• নিংতম্বা মতমদগী হৌদুনা গবর্ণমেন্ট ওফ ইন্দিয়ানা লিটরেসি অমসুং এজুকেসনগী থাক ফগৎহন্নবগীদমক খোংথাং কয়ামরুম পাইখৎলক্লি। হিরম অসিদা, বেকৱার্দ ক্লাসশীং অসিগী এজুকেসনেল অমসুং ইকোনোমিক সপোর্ট অসি মতিক চাদে অমসুং মখোয়গা নন-বেকৱার্দ সেক্সনশীংগা অনিগী মরক্তা থাক খুদিংমক্তা চাউনা খেৎনবা লৈ হায়না গবর্ণমেন্টনা খংই। এজুকেসন হায়বসি অশোনবা সেক্সনশীংবু মায়পাক্না চাউখৎহনবদা খ্বাইদগী মরুওইবা মচাকশীংগী মনুংদা অমনি হায়বসি মশানা তাজরবা অমসুং পুম্নমক্না য়ানরবা অমনি।
• ৱার্কিং গ্রুপ ওন দিভেলপমেন্ট এন্ড ৱেলফেয়র ওফ বেকৱার্দ ক্লাসেসকী রিকোমেন্দেসন্দা য়ুম্ফম ওইদুনা, অদর বেকৱার্দ ক্লাসেস (OBCs)কী ছাত্রশীংগীদমক অনৌবা সেন্ত্রেলনা স্পোন্সর তৌবা পোষ্ট-মেত্রিক স্কোলারশিপ অমা হৌদোক্নবা প্রষ্টাব তৌরি।
• স্কিম অসিগী পান্দম অসি পোষ্ট মেত্রিক্যুলেসন নত্ত্রগা পোষ্ট-সেকেন্দরি থাক্তা তম্লিবা OBCগী ছাত্রশীংদা মখোয়গী এজুকেসন অদু মপুং ফাহনবা ঙম্নবগীদমক শেলগী মতেং পীবনি।

কভরেজ

• পাংথোক্লিবা ইকজামিনেসন্দা য়ুম্ফম ওইদুনা, ক্লাস VIIIকী ইকজামিনেসন পীগদবা ছাত্রশীংগী গ্রুপ খুদিংদা স্কোলারশিপ 1000 পীগনি। স্কোলারশিপকী শেনফম অদু  NTSকী নিয়ম মতুংইন্না থা অমদা লুপা 500/- ওইগনি।

স্কোপ

• স্কোলারশিপশীং অসি ভারত্তা মহৈ তম্নবগীখক্তমক ফংগনি অমসুং এপ্লিকান্ট অদুগী তশেংনা পোক্নফম ওইরিবা, হায়বদি অরেপ্পা লৈফম ওইরিবা ষ্টেট/ য়ুনিয়ন টেরিটোরি সরকার অদুনা পীগনি। হিরম অসিগীদমক্তা ষ্টেট গবর্ণমেন্টশীং/ UT এদমিনিষ্ট্রেসনশীংদা 100% ওইবা সেন্ত্রেলগী মতেং পীগনি।

কভরেজ, স্কোলারশিপকী ভেল্যু অমসুং এদ-হোক গ্রান্ট

কোর্স অদু তম্বা লোয়দ্রিফাউবা পীগদবা স্কোলারশিপকী ভেল্যু অদুগী মনুংদা মেন্টিনেন্স এলাউএন্স, মীত্তাংবা ছাত্রশীংগীদমক রিদর চার্জশীং, কম্পলসরি নন-রিফন্দেবল ফিশীংগী রিইম্বর্সমেন্ট, ষ্টদি টুর চার্জশীং, থেসিস টাইপিং/ প্রিন্টিং চার্জশীং অমসুং করেস্পোন্দেন্স কোর্সশীং তম্লিবা ছাত্রশীংগীদমক বুক এলাউএন্স অসি য়াউরি। অকুপ্পা মরোলশীং মখাদা পীরি:

মেন্টিনেন্স এলাউএন্স

খংজিনগদবা: 1 কমর্সিএল পাইলোট লাইসেন্স কোর্স (CPL)

CPL কোর্স অসি গ্রুপ 'A'গী মখাদা কোনশিনগনি। CPLগীদমক্তা পীগদবা এৱার্ড অসি চহিদা 20 ওইগনি। মরি লৈনবা ছাত্রশীংদগী এপ্লিকেসনশীং ফংলবা মতুংদা, মরি লৈনবা ষ্টেট গবর্ণমেন্টশীং/ UT এদমিনিষ্ট্রেসনশীংনা মখোয়বু স্কিম অসিগী মখাদা ইলিজিবল ওইব্রা হায়বদু স্ক্রুটিনি তৌগনি অমসুং মসিগী মতুংদা  CPL ত্রেনিংগীদমক্তা ইলিজিবল ওইবা এপ্লিকেসন মশীং অদু (মখোয়গী মমীংগা কোন্ননা) শেনবা চহি খুদিংগী মিনিষ্ট্রি ওফ সোসিএল জষ্টিস এন্ড এম্পাৱরমেন্টতা (মখোয়গী এপ্লিকেসনশীং অদুদি মিনিষ্ট্রিদা থাবা মথৌ তাদে) থাগনি। অসিগুম্বা ইনফোর্মেসন অসি ফংলবা মতুংদা, মিনিষ্ট্রি ওফ সোসিএল জষ্টিস এন্ড এম্পাৱরমেন্টনা লৈবাক অসিগী ওইনা এৱার্ড 20 ফাউবা অহানবা লাকপদা অহানবা খুদোংচাবা পীবগী মওংদা য়ুম্ফম ওইদুনা মরি লৈনবা ষ্টেটশীং/ UTশীংদুদা ক্লিয়ারেন্স পীগনি। খল্লবা কেন্দিদেটশীংদা গ্রুপ 'A'গী কোর্সশীংদা পীগদবা চাংদা, হায়বদি হোষ্টেলরশীংগী ওইনা থা অমদা লুপা  750 অমসুং দে স্কোলারশীংগী ওইনা থা অমদা লুপা 350গী মেন্টিনেন্স এলাউএন্স অমা পীগনি। মসিগী মথক্তা, সিঙ্গল/ মল্টিইঞ্জিন এয়রক্রাফট পাইবগী পুং খুদিংগী লুপা 5000/-গী চাংদা পুং  200গী পীগনি। স্কিম অসিগী মখাদা CPL কোর্সশীংগী ওইনা চাদিংগী অতোপ্পা কম্পোনেন্ট অমত্তা পীনিঙাই লৈতে। খল্লবা কেন্দিদেটশীংগী চাদিং অদু মরি লৈনবা ষ্টেট গবর্ণমেন্ট/ UT এদমিনিষ্ট্রেসন্না মখোয়গী সেন্টরনা পীবা ফন্দশীংদগী পীগদবনি।

খংজিনগদবা 2: লেম্না লৈফম অমসুং/ নত্ত্রগা চাফম পীগদবা স্কোলারশীংদা হোষ্টেলরশীংনা ফংলিবা চাং অদুগী শরুক অহুম থোকপগী অমা মেন্টিনেন্স চার্জ ওইনা পীগনি।

মমিৎ তাংবা ছাত্রশীংগীদমক পীবা রিদর চার্জশীং (মমিৎ তাংবা স্কোলারশীং)

মমিৎ তাংবা স্কোলারশীংদা মখাদা পীরিবা অসিগুম্না অহেনবা শেনফমশীং ‘রিদর চার্জ’ ওইনা পীগনি:-

ফিশীং

স্কোলারশীংদা এনরোলমেন্ট/ রেজিষ্ট্রেসন, তুইসন, গেমস, য়ুনিয়র, লাইব্রেরি, মেগাজিন, মেদিকেল ইকজামিনেসন অমসুং স্কোলার অদুনা ইনষ্টিট্যুসন নত্ত্রগা য়ুনিভর্সিটি/ বোর্ডতা কম্পলসরি ওইনা পীগদবা অতৈ ফিশীং অদু পীগনি। অদুম ওইনমক, কোসন মনি, সেক্যুরিটি দিপোজিটকুম্বা রিফন্দ তৌগদবা ফিশীংদি য়াউরোই।

ষ্টদি টুরশীং

খ্বাইদগী য়াম্লবদা চহিদা লুপা 900/- ওইগদবা ষ্টদি টুরগী চার্জশীং অসি ছাত্র অদুনা ট্রান্সপোর্টেসন চার্জনচিংবদা চংখিবা তশেংবা চাদিং অদুদা লিমিট লৈহন্দুনা, করিগুম্বা ষ্টদি টুর অদু স্কোলার অদুনা মহাক্কী কোর্স অদু মপুং ফাহনবদা তঙাইফদনা চংদবা য়াদবনি হায়না ইনষ্টিট্যুসনগী হেড অদুনা সর্টিফাই তৌরবদি, প্রোফেসনেল অমসুং টেক্নিকেল কোর্সশীং তম্লিবা স্কোলারশীংদা পীগনি।

থেসিস তাইপিং/ প্রিন্টিং চার্জশীং

ইনষ্টিট্যুসন অদুগী হেড অদুনা রিকমেন্দ তৌরকপগী মতুংইন্না য়াম্লবদা লুপা 1600/- গী ওইবা থেসিস তাইপিং/ প্রিন্টিং চার্জশীং রিসর্চ স্কোলারশীংদা পীগনি।

এৱার্ডশীংগী মতম অমসুং রিন্যু তৌবা

• এৱার্ড অসি অমুকপু পীখ্রবদি মসি পীখিবা ষ্টেজ অদুদগী কোর্স অদু লোয়দ্রিবফাউবা অফবা লমচৎ অমসুং এটেন্দেন্স য়েংলগা পীগনি। মসি করিগুম্বা কোর্স অদুনা চহি কয়া চত্থবা ওইরবদি, মথংগী অৱাংবা ক্লাস অদুদা কাদ্রিবফাউবা, ইকজামিনেসন অদু য়ুনিভর্সিটি নত্ত্রগা ইনষ্টিট্যুসন লৌবা ওইরবসু ওইদ্রবসু চহি মথং মথং রিন্যু তৌগনি।
• করিগুম্বা গ্রুপ A কোর্স তম্লিবা OBC স্কোলার অমনা অহানবা ওইনা ইকজামিনেসন ফেল ওইরবদি, এৱার্ড অদু রিন্যু তৌবা য়াগনি। ক্লাস অমহেক্তদা অনিশুবা অমসুং মতুং তাবা ফেল ওইবগীদি, ছাত্র অদুনা মথংগী অৱাংবা ক্লাস অদুগী প্রোমোসন ফংদ্রিবফাউবা মহাক মশানা চাদিং তৌজগদবনি।
• করিগুম্বা স্কোলার অমনা অনাবা অমসুং/ নত্ত্রগা খংহৌদবা থৌদোক অমদগী চহিগী ওইবা ইকজামিনেসন অদু য়াউবা ঙমহৌদ্রবদি, মেদিকেল সর্টিফিকেট অমসুং/ নত্ত্রগা অতৈ মথৌ তাবা প্রমাণশীং ইনষ্টিট্যুসন অদুগী হেডনা মতিক চাই হায়না খনবা মওংদা পীরবা অমসুং করিগুম্বা মহাক্না ইকজামিনেসন অদু য়াউরম্লবদি পাস তৌবা ঙম্লমগনি হায়না সর্টিফাই তৌরবদি এৱার্ড অদু রিন্যু তৌবা য়াগনি।

• করিগুম্বা য়ুনিভর্সিটি/ ইনষ্টিট্যুসন অমগী রিগুলেসনশীংগী মতুংইন্না, মখাগী ক্লাস অদু পাস তৌদ্রবসু অমদি মতম খরগী মতুংদা ক্লাস অদুগী ইকজামিনেসন অমুক হন্না য়াউবা মথৌ তাবা ছাত্র অমবু মথংগী ৱাংখৎপা ক্লাস অদুদা প্রোমোসন পীবা তারবদি, মহাক অদুবু প্রোমোসন পীরিবা ক্লাস অদুগী ওইনা, করিগুম্বা ছাত্র অদু স্কোলারশিপ ফংনবগী ইলিজিবল ওইরবদি স্কোলারশিপ পীগনি।

খনবগী মওং-মতৌ

ইলিজিবল ওইরবা অদর বেকৱার্দ ক্লাসকী কেন্দিদেট পুম্নমকপু স্কিম অসিদা পীরিবা ইলিজিবিলিটিগী কন্দিসনশীং অদু লৈরবা মতমদা পীগনি। ষ্টেট অমদা পোক্নফম ওইবা অদুবু অতোপ্পা ষ্টেট অমদা মহৈ-মশীং তম্লিবা কেন্দিদেটশীংদি মখোয়গী পোক্নফম ওইরিবা ষ্টেট অদুনা স্কোলারশিপ পীগনি অমসুং মখোয়গী এপ্লিকেসনশীং অদু ষ্টেট অদুগী মরি লৈনবা ওথোরিটিদা পীশিনগনি। ফি কোকপা অমসুং অতৈ কনসেসনশীংগী মতাংদসু মখোয় অসি মখোয় মশাগী ষ্টেটতা মহৈ-মশিং তম্লিবগুম্না লৌগনি।

ইলিজিবিলিটি

• স্কোলারশিপশীং অসি সেন্ত্রেল গবর্ণমেন্ট/ ষ্টেট গবর্ণমেন্ট/ UT এদমিনিষ্ট্রেসননা OBCশীংনি হায়না খংহল্লবা ভারতকী নাগরিকশীংদা পীগনি।
• স্কোলারশিপশীং অসি রিকগনাইজ তৌরবা ইনষ্টিট্যুসনশীংদা পোষ্ট-সেকেন্দরি কোর্সশীংগী রিকগনাইজ তৌরবা পোষ্ট-মেত্রিক্যুলেসনগী ষ্টদি পুম্নমক্তা পীগনি। মসিদা য়াউরোইদবশীংদি: “স্কোলারশিপশীং অসি এয়রক্রাফট মেইন্টিনেন্স এঞ্জিনিয়ারগী কোর্সশীং অমসুং প্রাইভেট পাইলোট লাইসেন্স কোর্সশীং, ত্রেনিং-শিপ দফরিন (হৌজিক্না রাজেন্দ্র)গী কোর্সশীং, মিলিটরি কোলেজ, দেহরাদুনগী ত্রেনিংগী কোর্সশীং অমসুং ভারতকী অমসুং রাজ্যগী থাক্কী প্রি-ইকজামিনেসন ত্রেনিং সেন্টরশীংগী কোর্সশীং অমসুং ইন্দষ্ট্রিএল ত্রেনিং ইনষ্টিট্যুটশীংগী ত্রেদ কোর্সশীং অসিগীদি স্কোলারশিপ অসি পীরোই।”
• এপ্লিকান্ট অদুগী অশেংবা লৈফম ওইরিবা (হায়বদি অরেপ্পা ওইনা খুন্দারিবা মফম) ষ্টেট/য়ুনিয়ন টেরিটোরি অদুগা মরি লৈননা তাক্লিবা OBCশীংগী মনুংচনবা কেন্দিদেটশীং অমসুং রিকগনাইজ তৌরবা য়ুনিভর্সিটি নত্ত্রগা বোর্ড ওফ সেকেন্দরি এজুকেসননা রিকগনাইজ তৌরবা মেত্রিক্যুলেসন নত্ত্রগা হায়র সেকেন্দরি নত্ত্রগা অতৈ অতোপ্পা হায়র এজুকেসন অমহেক্তা পাস তৌরবা অমসুং তং তানা খুন্দা-লৈতারবা মীওই অদুখক্তং ইলিজিবল ওইগনি।
• এজুকেসনগী ষ্টেজ অমা পাস তৌরবা মতুংদা তোঙানবা সবজেক্ট অমদা চপ মান্নবা ষ্টেজ অদুদা মহৈ-মশীং তম্লিবা ছাত্রশীং। খুদম ওইনা, I.A নত্ত্রগা B.Com গী মতুংদা I.Sc. তম্বা,  অতোপ্পা সবজেক্ট অমদা M.A. লোয়রগা সবজেক্ট অমদা B.A. নত্ত্রগা M.A তম্বশীং ইলিজিবল ওইরোই।
• প্রোফেসনেল লাইন অমদা এজুকেসনেল করিয়র লোয়রবা মতুংদা অতোপ্পা তম্বা স্কোলারশীং ইলিজিবল ওইরোই, খুদম ওইনা, B.T/B. Ed কী মতুংদা LLB তম্বা।
• ক্লাস 12শুবগী লেপ্তনা চত্থবা স্কুল কোর্স লৈবা হায়র সেকেন্দরি স্কুলশীংদা ক্লাস XI তম্বা ছাত্রশীংদি ইলিজিবল ওইরোই। অদুম ওইনমক, অসিগুম্বা কোর্সশীংগী ক্লাস Xগী ইকজামিনেসন লৈবা কেসশীংদি মেত্রিক্যুলেসনগা মান্ননা লৌগনি অমসুং ক্লাস টেন পাস তৌরবা মতুংদা ছাত্রশীংনা অতৈ কোর্সশীং তম্বা য়াগনি, অসিগুম্বা ছাত্রশীং অসি পোষ্ট-মেত্রিক ছাত্র ওইনা লৌগনি অমসুং স্কোলারশিপ ফংনবগীদমক ইলিজিবল ওইগনি।
• মেদিসিনদা পোষ্ট-গ্রেজুএট কোর্সশীং তম্লিবা ছাত্রশীং অসি করিগুম্বা মখোয়বু মখোয়গী পেরিওদ মনুংদা প্রাক্টিস তৌবা য়াহন্দ্রবদি ইলিজিবল ওইগনি।
• আর্টস/ সাইন্স/ কমর্সতা অন্দর গ্রেজুএট/ পোষ্ট-গ্রেজুএট ইকজামিনেসন পাস তৌরবা নত্ত্রগা ফেল ওইরবা মতুংদা ছাত্রশীংনা রিকগনাইজ তৌরবা প্রোফেসনেল নত্ত্রগা টেক্নিকেল সর্টিফিকেট/ দিপ্লোমা/ দিগ্রি কোর্সশীং তম্লবা অমসুং ইলিজিবল ওইরবদি স্কোলারশিপশীং পীগনি। গ্রুপ ‘A’দা লৈবা কোর্সখক নত্তনা অতৈদা মখা তানা ফেল ওইবা য়ারোই অমসুং কোর্স অদু মখাতানা হোংদোকপসু য়ারোই।
• করেস্পোন্দেন্স কোর্সশীং তম্লিবা ছাত্রশীংসু নন-রিফন্দেবল ফিশীং রিইম্বর্স তৌনবগী ইলিজিবল ওইগনি। করেস্পোন্দেন্স হায়বসিদা দিষ্টেন্ট অমসুং কন্তিন্যুইং এজুকেসন অসি মনুং চনগনি। নন-রিফন্দেবল ফিশীং রিইম্বর্স তৌবগী মথক্তা, অসিগুম্বা ছাত্রশীং অসি এপ্লিকেবল ওইবা, চংদবা য়াদবা/ প্রেস্ক্রাইব তৌরবা লাইরিকশীংগীদমক লুপা 500/-গী ওইবা চহিগী এলাউএন্স অমগীদমক ইলিজিবল ওইগনি।
• থবক তৌরিবা ছাত্রশীংনা মখোয়গী অমসুং মখোয়গী মমা-মপা/ গার্জিয়ান অদুগী ইনকম অদুগা পুন্সিল্লগা লাকপা ইনকম অদুনা চহিদা লুপা 44,500/-দগী হেন্দ্রবদি কম্পলসরি ওইনা পীগদবা নন-রিফন্দেবল ফিশীং রিইম্বর্স তৌবা য়াউনা পোষ্ট-মেত্রিক স্কোলারশিপশীং ফংনবগী ইলিজিবল ওইগনি।
• চপ মান্নবা মমা-মপা/ গার্জিয়ানগী অঙাং অনিখক্তমক স্কোলারশিপ ফংবা য়াগনি। অদুম ওইনমক নুপীমচাশীংগীদি অথীংবা অসি লৈরোই। মরম অদুনা, চপ মান্নবা মমা-মপা/ গার্জিয়ানগী নুপীমচাশীং অদুনা ফংলিবা স্কোলারশিপ অদুনা চপ মান্নবা মমা-মপা/ গার্জিয়ান অদুগী মচানুপা অনি ফাউবনা স্কোলারশিপ ফংবগী খুদোংচাবা লৌবদা অকায়বা ওইরোই।
• স্কিম অসিগী মখাদা স্কোলারশিপ ফংলিবা মীওই অমনা অতোপ্পা স্কোলারশিপ/ ষ্টাইপেন্দ অমত্তা ফংদবা ওইগদবনি। করিগুম্বা অতোপ্পা স্কোলারশিপ/ ষ্টাইপেন্দ ফংলিবা মীওই ওইরবদি, ছাত্র অদুনা মহাক্কী অপাম্বা মতুংইন্না স্কোলারশিপ/ ষ্টাইপেন্দ অনিদুগী মনুংদা মঙোন্দা হেন্না কান্নবা য়েংদুনা অপাম্বা খনবা য়াই অমসুং মহাক্না খল্লিবা ওপসনদুগী মতাংদা, ইনষ্টিট্যুসনগী হেড অদুগী খুত্থাংদা এৱার্ড পীরিবা ওথোরিটি অদুদা খংহনগদবনি। ছাত্র অমনা অতোপ্পা স্কোলারশিপ/ষ্টাইপেন্দ হেক লৌখিবা তাংদুদগী স্কিম অসিগী মখাদা স্কোলারশিপ অমত্তা পীরোই। অদুম ওইনমক, স্কিম অসিগী মখাদা পীরিবা স্কোলারিশিপকী শেনফম অদুগী মথক্তা ছাত্র অদুনা লাইরিক, ইক্যুইপমেন্ট লৈবগী নত্ত্রগা লৈফম অমসুং চাফমগী চাদিং মেনখৎনবা, ষ্টেট গবর্ণমেন্ট নত্ত্রগা অতোপ্পা সোর্স অমহেক্তদগী লেম্না পীবা লৈফম নত্ত্রগা গ্রান্ট নত্ত্রগা শেলগী মতেং অমদি লৌবা য়াগনি।
• গবর্ণমেন্টনা পীবা শেলগী মতেংগা লোয়ননা প্রি-ইকজামিনেসন সেন্টর অমহেক্তদা হান্ননা কোচিং লৌরিবা ছাত্রশীংদি ইলিজিবল ওইরোই।
• থবক তৌদ্রিবা ছাত্রশীংগী ওইনদি সোর্স পুম্নমক্তগী লাকপা মখোয়গী মমা-মপা/গার্জিয়ানগী ইনকম অদুনা চহিদা লুপা 44,500 দগী হেন্দ্রবদি স্কিম অসিগী মখাদা স্কোলারশিপ ফংনবগী ইলিজিবল ওইগনি।

খংজিনগদবা 1: মমা-মপা অনিগী মনুংদা অমা হেক হিংলিবমখৈ (নত্ত্রগা লুহোংলবা থবক ফংদ্রিবা নুপীমচা ছাত্র ওইরবদি মপুরোইবা), সোর্স পুম্নমক্তগী লাকপা মমা-মপা/ মপুরোইবা অদুগী ইনকমখক্তা য়েংগনি অমসুং ইমুংগী অতৈ মীওইশীংনা শেল থোক্লবসু মদু পারোই। ইনকম দিক্লারেসনগী ফোর্মদা, ইনকম অদু মওং অসিদা য়ুম্ফম ওইদুনা দিক্লার তৌগনি। মমা-মপা অনিমক (নত্ত্রগা লুহোংলবা থবক ফংদ্রিবা নুপীমচা ছাত্র ওইরবদি মপুরোইবা) শিখ্রবখক্তদা, ছাত্র অদুগী মহৈ-মশীংদা মতেং পাংলিবা গার্জিয়ান অদুগী ইনকম অদু য়েংগনি। কনাগুম্বা ছাত্র অমগী শেল তাল্লিবা মমা নত্ত্রগা মপা অদু লৈখিদবদগী ইনকম শোকথরক্তুনা স্কোলারশিপ অসিগীদমক ইলিজিবল ওইনবগী পীরিবা ইনকমগী লিমিট মনুংদা লৈরক্লবা, অমদি অতোপ্পা ইলিজিবিলিটিগী কন্দিসনশীং লৈরবদি, অসিগুম্বা থৌদোক থোকখিবা থা অদুদগী হৌদুনা স্কোলারশিপ অসি ফংবা য়াগনি। অসিগুম্বা ছাত্রশীংনা থারকপা এপ্লিকেসনশীং অদুদি করিগুম্বা এপ্লিকেসন লৌশিনবগী অরোয়বা তাং হেন্দোকখ্রবসু মীনুংশি য়েংদুনা লৌশিনবা য়াই।

খংজিনগদবা 2: ছাত্র অমগী মমা-মপাদুনা ফংবা হাউস রেন্ট এলাউএন্স অদু করিগুম্বা মদু ইনকম তেক্সকী মতাংদা পাবদা য়াউদ্রবদি, ‘ইনকম’ অমগুম্না পাবদা য়াউরোই।

খংজিনগদবা 3: ইনকম সর্টিফিকেট অসি অমুকখক্কী ওইনা, হায়বদি চহি অমদগী হেন্না তম্লক্লিবা কোর্সশীং অদুগী এদমিসন মতমদা লৌগনি।

এৱার্ডকী অতৈ কন্দিসনশীং

• স্কোলারশিপ অসি স্কোলারশীংগী প্রোগ্রেস অমসুং কন্দক্ট অদু মতিক চাবগী মখা পোল্লি। করিগুম্বা মতম অমহেক্তদা ইনষ্টিট্যুসনগী হেড অদুনা, স্কোলার অদুগী অশোয়বনা মরম ওইদুনা প্রোগ্রেস অদু অপেনবা মওংদা লৈত্রে নত্ত্রগা ষ্ট্রাইক হৌরে নত্ত্রগা শরুক য়ারে, মরি লৈনবা ওথোরিটিগী অয়াবা য়াউদনা চাং নাইনা কাদ্রে হায়বনচিংবা রিপোর্ট অমা পীরক্লবদি স্কোলারশিপ অদুবু পীরিবা ওথোরিটি অদুনা স্কোলারশীপ অদু কেন্সেল তৌবা, লেপহনবা নত্ত্রগা মতিক চাই হায়না খনবা মতম খরগী ওইনা থীংবা য়াই।
• করিগুম্বা ছাত্র অমনা স্কোলারশিপ অদু অরানবা ষ্টেটমেন্ট পীদুনা ফংখি হায়বা খংলবদি, মহাক্কী স্কোলারশিপ অদু খুদক্তা কেন্সেল তৌগনি অমসুং হান্ননা পীখ্রবা স্কোলারশিপকী শেনফম অদু, মরি লৈনবা ষ্টেট গবর্ণমেন্টকী অপাম্বা মওংদা খোমগৎকনি। চেন্নরিবা ছাত্র অদু ব্লেকলিষ্ট তৌগনি অমসুং অতোপ্পা স্কিম অমহেক্তগী ওইনা মতম পুম্বগী ওইনা শরুক য়াবা থীংগনি।
• করিগুম্বা স্কোলার অদুনা, ষ্টেট গবর্ণমেন্টকী মাংজৌনবা অয়াবা লৌদনা স্কোলারশিপ অদু পীরিবা কোর্স অদুগী সবজেক্ট অদু হোংদোকপা তারবা নত্ত্রগা মহৈ তম্লিবা ইনষ্টিট্যুসন অদু হোংদোক্লবদি পীখ্রবা স্কোলারশিপ অমবু কেন্সেল তৌবা য়াই। ইনষ্টিট্যুসনগী হেড অদুনা অসিগুম্বা কেস অসি মখোয়দা রিপোর্ট তৌদুনা স্কোলারশিপকী শেনফম পীবা থীংগনি। ষ্টেট গবর্ণমেন্টকী অপাম্বা মতুংইন্না হান্না পীখ্রবা শেনফমসু লৌখৎপা য়াই।
• করিগুম্বা চহি অদুগী কোর্স মনুংদা, স্কোলারশিপ অদু পীরিবা ষ্টদি অদু স্কোলার অদুনা মখা চত্থদনা লেপখিবা তারবদি, ষ্টেট গবর্ণমেন্টকী অপাম্বা মতুংইন্না স্কোলারশিপকী শেনফম অদু মহাক্না হন্দোকপা তাই
• গবর্ণমেন্ট ওফ ইন্দিয়াগী অপাম্বা মতুংইন্না রিগুলেসনশীং অসি মতম অমহেক্তদা হোংদোকপা য়াই।

এপ্লিকেসনগী প্রোসিদ্যুওর

• স্কোলারশিপকী এপ্লিকেসন অমদা মখাগীশীংসি য়াউগদবনি:
• প্রেস্ক্রাইব তৌবা ফোর্ম অদুদা স্কোলারশিপকী এপ্লিকেসন কোপি অমা ( ‘অনৌবা’ অমসুং রিন্যুএলগী ওইবা স্কোলারশিপকী তোখায়বা এপ্লিকেসন ফোর্মশীং পীরি)।
• ছাত্র অদুগী সহি তৌরবা পাসপোর্ট সাইজগী ফোটোগ্রাফ অমা (স্কোলারশিপকীদমক্তা নৌনা থাবশীংগীদমক)।
• পাস তৌখিবা ইকজামিনেসন পুম্নমক্কী সর্তিফিকেট, দিপ্লোমা, দিগ্রি অসিনচিংবশীংগী এটেষ্ট তৌরবা কোপি অমা।
• তহসিলদারগী ফমদগী তাথদবা ওথোরাইজ তৌরবা রেভেন্যু ওফিসর অমনা সাইন তৌরবা কাষ্টকী সর্টিফিকেট (ওরিজিনেলদা) অমা।
• সোর্স পুম্নমক্তগী লাকপা অকক্নবা ইনকম অদু তাকপা মমা-মপা/ গার্জিয়ানশীংনা পীবা ইনকম দিক্লারেসন অমা।
• করিগুম্বা এপ্লিকান্ট অদুনা মমাংগী চহি অদুদা স্কিম অসিগী মখাদা স্কোলারশিপ ফংখিবা ওইরবদি এপ্লিকেসন অদুদা য়াউরিবা ফোর্ম অদুদা মরি লৈনবা ইনষ্টিট্যুসনগী হেড অদুনা কাউন্টর-সাইন তৌরবা স্কোলারশিপকী একনোলেজমেন্ট রিসিপ্ট অমা।
• মওং পুম্নমক মপুং ফানা মেন্সিল্লবা এপ্লিকেসন অদু, কেন্দিদেটশীং অদুনা কারিবা নত্ত্রগা অরোয়বা ওইনা কারিবা ইনষ্টিট্যুসন অদুগী হেডতা পীশিনগদবনি অমসুং ছাত্র অদুগী লৈফম ওইরিবা ষ্টেট/ য়ুনিয়ন টেরিটোরিগী গবর্ণমেন্ট অদুনা, মখোয়না মতম মতমগী শেম্বা ইনষ্ট্রকসন অদুগী মতুংইন্না থবক অসিবু শিন্নরিবা ওফিসর অমদা এদ্রেস তৌবা তাই।
• অপীবা তাংগী মতুংদা ফংবা মপুংফাদবা এপ্লিকেসনশীংদি খন্নরোই।

সোর্স: ভারত্তা মহৈ-মশীং তম্নবগীদমক্তা অদর বেকৱার্দ ক্লাসেস (OBC)কী ছাত্রশীংদা পীরিবা পোষ্ট-মেত্রিক স্কোলারশিপ স্কিমগী মতাংদা মপুংফাবা ইনফোর্মেসনগীদমক্তা, মফমসিদা ক্লিক তৌবীয়ু