অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

ভারত্তা চৎনরিবা দিসএবলশীংগী আইনগী ওইবা অধিকারশীং

ভারত্তা চৎনরিবা দিসএবলশীংগী আইনগী ওইবা অধিকারশীং

  1. দিসএবলশীংগা মরি লৈনবা জেনেরেল লিগেল প্রোভিজনশীং অসি মখাদা পীরিবসিদা য়াউই।
  2. দিসএবলশীং অমসুং কনষ্টিট্যুসন
  3. দিসএবলশীংগী এজুকেসন লো (Education Law for the Disabled)
  4. হকশেলগী আইনশীং(Health Laws)
  5. ইমুংগী আইনশীং(Family Laws)
  6. দিসএবলশীংগী সক্সেসন আইনশীং (Succession Laws for the Disabled)
  7. দিসএবলশীংগী লেবর আইনশীং (Labour Laws for the Disabled)
  8. দিসএবলশীংগী জুদিসিএল প্রোসিদ্যুওরশীং (Judicial procedures for the disabled)
  9. ইনকম টেক্স কনসেসনশীং (Income Tax Concessions)
    1. হেন্দিকেপশীংগী রিলিফ (Relief for Handicapped)
  10. দি পর্সনস ৱিথ দিসএবিলিটিজ (PWD) (ইক্বেল ওপোর্চুনিটিজ, প্রোটেক্সন ওফ রাইটস এন্ড ফুল পার্টিসিপেসন) এক্ট, 1995
    1. এক্ট অসিগী মরুওইবা প্রোভিজনশীং
    2. দিসএবিলিটিশীং থীংবা অমসুং ঙন্না খংদোকপা
    3. এজুকেসন (মহৈ-মশীং)
    4. ইমপ্লোয়মেন্ট
    5. এফার্মেটিভ এক্সন (Affirmative Action)
    6. নন-দিস্ক্রিমিনেসন
    7. রিসর্চ এন্ড মেনপাৱর দিভেলপমেন্ট
    8. সোসিএল সেক্যুরিটি
    9. গ্রিভান্স রিদ্রেসেল

দিসএবলশীংগা মরি লৈনবা জেনেরেল লিগেল প্রোভিজনশীং অসি মখাদা পীরিবসিদা য়াউই।

  1. কনষ্টিট্যুসন
  2. এজুকেসনগী আইনশীং
  3. হকশেলগী আইনশীং
  4. ফেমিলিগী আইনশীং
  5. সক্সেসনগী আইনশীং (Succession laws)
  6. লেবরগী আইনশীং (Labour Laws)
  7. জুদিসিএল প্রোসিদ্যুওরশীং
  8. ইনকম টেক্সকী আইনশীং, অমসুং
  9. অতৈ এক্টশীং
  • দি পর্সন ৱিথ দিসএবিলিটিজ এক্ট, 1995
  • দি মেন্টেল হেলথ এক্ট, 1987
  • দি রিহেবিলিটেসন কাউন্সিল ওফ ইন্দিয়া, 1992
  • দি নেসনেল ত্রষ্ট ফোর ৱেলফেয়র ওফ পর্সনস ৱিথ ওটিজম, সেরেব্রেল পালসি, মেন্টেল রিটার্দেসন, এন্ড মল্টিপল দিসএবিলিটিজ এক্ট, 1999
  • দিক্লারেসন ওন দি রাইটস ওফ মেন্টেল্লি রিটার্দেদ পর্সনস

 

দিসএবলশীং অমসুং কনষ্টিট্যুসন

ভারতকী কনষ্টিট্যুসন অসিনা ভারতকী লিগেল সিটিজেনশীংদা, মখোয়দু মশা ফবা নত্ত্রগা মওং অমদা দিসএবল ওইরবসু (ফিজিকেল্লি নত্ত্রগা মেন্টেল্লি) থোং মান্ননা য়েংই।

কনষ্টিট্যুসনগী মখাদা দিসএবলশীংদা মখাদা পীরিবা ফন্দামেন্টেল রাইটশীং অসিগী গেরেন্টি পীরি:

  1. কনষ্টিট্যুসননা দিসএবলশীং য়াউনা, ভারতকী নাগরিকশীংদা, অচুম্বা ৱায়েন ফংনবগী অধিকার, ৱাখন খনবগী, ফোংদোকপগী, থাজবগী, ধর্মগী অমসুং লাই নিংবগী অধিকার, থাক মান্নবা অমসুং অমগা অমগা নুংশীনবগী ৱাখল শন্দোক্নবগী খুদোংচাবা পীরি।
  2. আর্টিকল 15(1)না গবর্ণমেন্টপু ভারতকী নাগরিক অমত্তদা (দিসএবলশীং য়াউনা) ধর্ম, জাতি, কাংলুপ, সেক্স নত্ত্রগা পোকফমগী মতুংইন্না তুহত্তনবা খংহল্লি।
  3. আর্টিকল 15 (2)না হায়রি মদুদি নাগরিক অমত্তবু (দিসএবলশীং য়াউনা) মথক্তা পীরিবা মরমশীং অসিনা মরম ওইদুনা দুকান, পব্লিক রেষ্টুরেন্ট, হোটেল অমসুং পব্লিক এন্টরটেইনমেন্টদা চংবা নত্ত্রগা সরকারগী ফন্দনা চলাইবা নত্ত্রগা মীয়াম্না শিজিন্ননবা থম্লিবা গুহাশীং, টেঙ্কিশীং, ইরুজফম ঘাটশীং, থম্লিবা পব্লিক রিজোর্ট শীজিন্নবদা দিসএবিলিটি, লাইএবিলিটি, রেষ্ট্রিক্সন নত্ত্রগা কন্দিসন অমত্তা থম্লোইদবনি। নুপী অমসুং অঙাংশীং অমসুং সোসিএল্লি অমসুং এজুকেসনেল্লি বেকৱার্দ ওইরবা কাংলুপ নত্ত্রগা সেদ্যুল কাষ্ট অমসুং ত্রাইবশীংগী মনুং চনবা মীওইশীংবু ষ্টেট অদুনা শেম্বা অখন্নবা আইনশীং নত্ত্রগা অখন্নবা প্রোভিজনশীংগী কান্নবা পীবা য়াই।
  4. ষ্টেট অদুগী মখাদা থবক পীবা নত্ত্রগা এপোইন্টমেন্ট পীবগা মরি লৈনবা হিরমশীংদা নাগরিক পুম্নমকপু (দিসএবলশীং য়াউনা) চপ মান্নবা খুদোংচাবা পিগদবনি।
  5. দিসএবলশীং য়াউনা মীওই অমত্তবু মহাক্কী লৈজরিবা পোৎ-চৈশীংগা মরি লৈনহন্দুনা শোক্ন-শম্নবা য়াদবা মীওই (untouchable) অমগুম্না লোয়নরোইদবনি। মসি কনষ্টিট্যুসনগী আর্টিকল 17না পীরিবা আইনগী মখাদা চৈরাক ফংনিঙাই ওইবা ওফেন্স অমনি।
  6. দিসএবলশীং য়াউনা মীওই খুদিংমক্কী পুন্সি অমসুং লিবর্টি অদু কনষ্টিট্যুসনগী আর্টিকল 21গী মখাদা গেরেন্টি পীরি।
  7. মীওইবা অমত্তগী (দিসএবলশীং য়াউনা) ত্রাফিক (traffic) অমত্তা লৈবা য়াদে, অমসুং চাকনিবা (beggar) অমসুং নমদুনা থবক তৌহনবগী (forced labour) অতৈ মওংশীং অসি আইন্না য়াদে অমসুং মসি আইন (আর্টিকল 23)গী মখাদা চৈরাক ফংনিঙাই ওই।
  8. আর্টিকল 24গী মখাদা চহি 14গী মখাদা লৈবা অঙাংশীংবু (দিসএবলশীং য়াউনা) ফেক্তরি নত্ত্রগা মাইন নত্ত্রগা খুদোংথিনিঙাই ওইবা অতৈ থবকশীংদা শীজিন্নবা য়াদে। গবর্ণমেন্টকী থবক শুরিবা প্রাইভেট কন্ত্রেক্টর অমনফাউবা চহি 14গী মখাদা লৈবা অঙাংশীংদি অসিগুম্বা থবক অসিদা শিজিন্নবা য়াদে।
  9. আর্টিকল 25না ধর্মগী নিং-খা তম্বগী অধিকার অসি নাগরিক খুদিংমক্তা (দিসএবলশীং য়াউনা) পীরি। দিসএবল ওইরবা মীওই খুদিংমক্না (নন-দিসএবলশীংগুম্না) মহাক্কী ধর্ম অদু মওং চুম্বা ওর্দর, মোরেলিটি অমসুং হকশেলগা লোয়ননা নিংজবা অমসুং শন্দোকপগী নিংতম্বা পিরি।
  10. দিসএবল ওইরবা মীওই অমত্তবু অকক্নবা ধর্ম নত্ত্রগা ধর্মগী গ্রুপ অমত্তগী প্রোমোসন অমসুং মেইন্টিনেন্সকী টেক্স অমত্তবু নমদুনা পীহন্নবা তৌরোইদবনি।
  11. দিসএবল ওইরবা মীওই অমত্তবু মহাক্না ইনজরিবা নত্ত্রগা মহাক্কী ওইজরিবা লোল, স্ক্রিপ্ট নত্ত্রগা কলচরগী অধিকার অদু মৎপীরোইদবনি।
  12. দিসএবল ওইরবা মীওই খুদিংমক্না মহাক্কী ফন্দামেন্টেল রাইটশীংদু ফংনবগীদমক সুপ্রিক কোর্টতা চৎপা য়াই অমসুং সুপ্রিম কোর্টতা চৎপগী অধিকার অসি আর্টিকল 32না পীরি।
  13. 1লন-থুমগী অধিকার (right to property) হায়বসি ফন্দামেন্টেল রাইট অমা নত্ত্রবসু দিসএবল ওইরবা মীওই অমত্তবু (নন-দিসএবলগুম্না) মহাক্কী লন-থুম অদু শূপ্নগী  আইনগী ওথোরিটিখক নত্তনা অতৈনা মৎপা য়ারোই। ওথোরাইজ তৌদবা মওংদা লন-থুম মৎপীরবদি মথক থোংবদা ৱাকৎপা য়াই অমসুং পোৎমাং-চৈমাংদুগী রিলিফ তানবা য়াই।
  14. দিসএবল ওইরবা মীওই খুদিংমক্না (নন-দিসএবলগুম্না) চহি 18 শুরক্লবদি মহাক্কী মমীং অদু মহাক্না লৈরিবা টেরিটোরিএল কনষ্টিট্যুএন্সি অদুগী জেনেরেল ইলেক্টোরেল রোলদা মহাক্কী মমীং হাপচিনবা য়ারে।

 

দিসএবলশীংগী এজুকেসন লো (Education Law for the Disabled)

  • রাইট টু এজুকেসন অসি দিসএবলশীং য়াউনা নাগরিক খুদিংমক্তা পীরি। কনষ্টিট্যুসনগী আর্টিকল 29(2)না হায়রি মদুদি ধর্ম, জাটি, কাংলুপ নত্ত্রগা লোনদা য়ুম্ফম ওইদুনা, ষ্টেটনা নত্ত্রগা ষ্টেটকী ফন্দদগী মতেং ফংদুনা চলাইরিবা এজুকেসনেল ইনষ্টিট্যুসন অমত্তদা মীং চলহন্দবা তৌরোইদবনি।
  • কনষ্টিট্যুসনগী আর্টিকল 45না অঙাং পুম্নমকপু (দিসএবল য়াউনা) চহি 14 শুদ্রিফাউবা ফ্রি অমসুং কম্পলসরি এজুকেসন পীনবা ষ্টেটতা খংহল্লি। অঙাং অমত্তবু ধর্ম, জাটি, কাংলুপ নত্ত্রগা লোনদা য়ুম্ফম ওইদুনা, ষ্টেটনা নত্ত্রগা ষ্টেটকী ফন্দদগী মতেং ফংদুনা চলাইরিবা এজুকেসনেল ইনষ্টিট্যুসন অমত্তদা মীং চলহন্দবা তৌরোইদবনি।

হকশেলগী আইনশীং(Health Laws)

  • কনষ্টিট্যুসনগী আর্টিকল 47না ন্যুত্রিসনগী থাক অমসুং লৈবাক মীয়ামগী হিংবগী থাক হেনগৎহন্নবা অমসুং মীওইবগী হকচাংদা শোকহল্লিবা য়ু অমসুং দ্রগশীং শিজিন্নবা থীংদুনা পব্লিক হেলথ ফগৎহন্নবগী থৌদাং অমা গবর্ণমেন্টতা শীন্নরি।
  • ভারতকী হকশেলগী আইনশিংদা দিসএবলশীংগী প্রোভিজন কয়া য়াউরি। দিসএবল য়াউনা নাগরিকশীংগী হকশেলগী প্রোভিজন শেম্লিবা এক্ট খরদি মেন্টেল হেলথ এক্ট, 1987 (চেপ্টরগী অকোনবদা য়েংবীয়ু)দা য়েংবা য়াগনি।

ইমুংগী আইনশীং(Family Laws)

তোঙান-তোঙানবা কম্যুনিটিশীংগী ওইনা গবর্ণমেন্টনা চৎনহল্লিবা লুহোংবগা মরি লৈনবা আইন কয়া অসি দিসএবলদসু চপ মান্ননা চৎনগনি। অয়াম্বা এক্টশীং অসিদা পল্লি মদুদি মখাদা পীরিবা ফিভমশীং অসিনা মীওই অমবু লুহোংবগী অয়াবা লৈহল্লোই। ফিভমশীং অদুদি:

  • পার্টি অমনা ঙাউরি-ফৈরি তৌরবা নত্ত্রগা ৱাখল তাদবা মীওই ওইরবা,
  • পার্টি অমনা ৱাখল তাদবদগী নত্ত্রগা ‘লুহোংদুনা চাদা-নাউদা শন্দোকপা’ ঙমদবা ফিভম ওইবা কোক্কী দিসওর্দর অমনা নাবদগী চৎনবা য়াবা অয়াবা (valid consent) অমা পীবা ঙমদ্রবা,
  • পার্টিশীং অদু অথীংবা লৈবা মরিগী মনুং চল্লবা নত্ত্রগা চৎনবীনা অয়াবা পীদ্রবদি য়াদবা মরি ওইরবা,
  • পার্টি অমগী হিংলিবা লোয়নবী/ মপুরোইবা লৈরিবা, অসিনি।

দিসএবল নত্ত্রগা নন-দিসএবল ওইবা মীওইদবু ওইরবসু পার্টিশীং অদুনা লুহোংবা অমদা ফংগদবা অধিকার অমসুং থাদোকফদ্রবা থৌদাংশীং অসি হিন্দু মেরিএজ এক্ট,  1955, খৃষ্টান মেরিএজ এক্ট, 1872 অমসুং পার্সি মেরিএজ এন্ড দিভোর্স এক্ট, 1935 কুম্বা তোঙান-তোঙানবা এক্টশীংদা য়াউরিবা অকক্নবা প্রোভিজনশীংনা কোনশিল্লি। হৌজিক লৈরিবা অতৈ মেরিএজ এক্টশীংগী মনুংদা; দি স্পেসিএল মেরিএজ এক্ট,  1954 (মান্নদবা ধর্মগী বর-কৈন্যা লুহোংনবগীদমক) অমসুং দি ফোরেন মেরিএজ এক্ট, 1959 (ভারতকী মপান্দা লুহোংনবগীদমক) অসিনি। অঙাং লুহোংবা থীংনবগীদমক শেমখিবা অমসুং ইং 1978দা শেমদোকখিবা দি চাইল্ড মেরিএজ রেসত্রেন্ট এক্ট, 1929 অসিসু দিসএবলশীংদা চৎনগনি। দিসএবল ওইরবা মীওই অমনা, করিগুম্বা দিসএবিলিটি অদু মীওই অমনা মাইনর অমগী গার্জিয়ান ওইবা য়াদবা চাংদা ওইরবদি, দি গার্জিয়ান এন্ড ৱার্দস এক্ট, 1890গী মখাদা মাইনর অমগী গার্জিয়ান ওইবা য়াদে। চপ মান্নবা পোজিসন অসি দি হিন্দু মাইনোরিটি এন্ড গার্জিয়ানশিপ এক্ট, 1956 অমসুং মুস্লিম লোগী মখাদসু লৈ।

দিসএবলশীংগী সক্সেসন আইনশীং (Succession Laws for the Disabled)

হিন্দুশীংদা চৎনরিবা হিন্দু সক্সেসন এক্ট, 1956কী মখাদা অকক্ননা পল্লি মদুদি ফিজিকেল দিসএবিলিটি নত্ত্রগা ফিজিকেল দিফোর্মিটিনা মীওই অমবু মহাক্কী মপা-মপুগী শম্পটি ফংহন্দবা য়ারোই। মসিগা মান্ননা, ইন্টেষ্টেট অমসুং টেষ্টামেন্টরি সক্সেসন (intestate and testamentary succession)গী কেসতসু এপ্লাই তৌরিবা ইন্দিয়ান সক্সেসন এক্ট, 1925 তসু, দিসএবলশীংনা মপা-মপুগী শম্পটি ফংহৌবা য়ারোই হায়না পন্দে। পার্সি অমসুং মুসলিমশীংগী মতাংদসু মসি চপ মান্নৈ। তশেংবদি, দিসএবল অমনা মহাক্কী লন-থুম অদু ‘উইল’ (‘will’) অমা ইদুনা য়োন্থোকপা নত্ত্রগা পীথোকপা য়াই। অদুবু মহাক্না উইল অদু ইবা মতমদা উইল অমা ইবগী ফল অমসুং মরুওইবা অদু খংবা ওইবদি তাই। খুদম ওইনা, মকোক্কী বেরা লৈবা মী অমনা মহাক্না ঙাউরিঙৈগী মতমদুদা উইল অমা ইবা য়াই। মমিৎ তাংবা নত্ত্রগা মনা পংবা অমসুং মরোল থোক্তবা মীওই অমনফাউবা করিগুম্বা মখোয়না উইল অদু ইবগী মরুওইবা অমসুং ফল অদু খংবা তারবদি মখোয়না উইল থম্বা য়াই।

দিসএবলশীংগী লেবর আইনশীং (Labour Laws for the Disabled)

লেবর লেজিস্লেসনশীংদা দিসএবলশীংগী অধিকারশীং অসি ফজনা তাক্তে অদুবু দিসএবল অমসুং মহাক্কী এমপ্লোয়রদুগী মরক্তা লৈনবা মরিবু তাক্লিবা প্রোভিজনশীংদি রুল, রিগুলেসন অমসুং ষ্টেন্দিং ওর্দরগুম্বা দেলিগেটেদ লেজিস্লেসনশীংদা য়াউরি।

দিসএবলশীংগী জুদিসিএল প্রোসিদ্যুওরশীং (Judicial procedures for the disabled)

দিজাইনশীংগী প্রোটেক্সনগা মরি লৈনবা আইনশীং কোনশিল্লিবা দিজাইনস এক্ট, 1911কী মখাদা, দিসএবল ওইরবা মীওই অমগী (ষ্টেটমেন্ট অমা পীবা ঙমদ্রবা নত্ত্রগা এক্ট অসিগী মখাদা তৌগদবা মথৌ তাবশীং পাংথোকপা ঙমদ্রবা মীওই ) প্রোপর্টিগী জুরিসদিক্সন লৈবা মীওই অমহেক্তবু, দিসএবিলিটি অদুগী মখা পোন্না মীওই অদুগী মহুৎ শিন্দুনা মহাক্কী মমীংদা ষ্টেটমেন্ট পীনবগীদমক, সেক্সন 74গী মখাদা কোর্টনা এপোইন্ট তৌবা য়াই। দিসএবিলিটি অদু অঙাউ-অফৈ নত্ত্রগা অতৈ মওংগী দিসএবিলিটি ওইবা য়াই।

ইনকম টেক্স কনসেসনশীং (Income Tax Concessions)

হেন্দিকেপশীংগী রিলিফ (Relief for Handicapped)

  • সেক্সন 80 DD: সেক্সন 80 DDনা ভারত্তা লৈবা মীওই নত্ত্রগা হিন্দু অনদিভাইদেদ ফেমিলি রেসিদেন্ট অমনা হেন্দিকেপ ওইরবা দিপেন্দেন্টশীংগী মেদিকেল ত্রিটমেন্ট (নর্সিং য়াউনা) ত্রেনিং অমসুং রিহেবিলিটেসন অসিনচিংবদা চংখিবা চাদিংগী ওইবা দিদক্সন (deduction) অমা পীরি। অসিগুম্বা মেন্টিনেন্স অসিগী হেনগৎলকপা অচংবা শেলফম অদু মেনখৎনবগীদমক, দিদক্সন অসিগী লিমিট অসি লুপা 12000/-দগী লুপা 20000/-দা হেনগৎখ্রে।
  • সেক্সন 80 V: পর্মেনেন্ট ওইনা দিসএবল ওইরবা মাইনর অমগী ইনকম অসি সেক্সন  64গী মখাদা পুন্সিন্নরবা (clubbed) মমা-মপাবু সেক্সন 80 Vগা মরি লৈননা লুপা 20000/- ফাউবা শেক ককথবা (deduction) য়াহন্নবগীদমক্তা অনৌবা সেক্সন 80V অমা হাপচিল্লে।
  • সেক্সন 88B: সেক্সন অসিনা চহি 65 শুরবা মীওই অমনা পীগদবা নেট টেক্স অদুদগী অহেনবা রিবেট অমা পীরি। গ্রোস টোটেল ইনকম অদু লুপা 75000/- (হান্না লেপ্লম্বা 50000/-গী লিমিট অদুদগী)দগী হেন্দবা কেসশীংদদি রিবেট অদু  10%দগী 20%দা হেনগৎহন্নবগীদমক মসি শেমদোকখ্রে।

দি পর্সনস ৱিথ দিসএবিলিটিজ (PWD) (ইক্বেল ওপোর্চুনিটিজ, প্রোটেক্সন ওফ রাইটস এন্ড ফুল পার্টিসিপেসন) এক্ট, 1995

“দি পর্সনস ৱিথ দিসএবিলিটিজ (ইক্বেল ওপোর্চুনিটিজ, প্রোটেক্সন ওফ রাইটস এন্ড ফুল পার্টিসিপেসন) এক্ট, 1995” অসি ফেব্রুৱারি 7, 1996দা চৎনবা হৌখি। মসি দিসএবল ওইরবা মীওইশীংবু চপ মান্নবা খুদোংচাবশীং পীবা অমসুং লৈবাক শেম্বদা মপুং ফানা শরুক য়াহন্নবা য়াম্না মরুওইবা খোংথাং অমনি। এক্ট অসিনা রিহেবিলিটেসনগী প্রিভেন্টিভ অমসুং প্রোমোসনেল ওইবা এস্পেক্ট অনিমক হায়বদি এজুকেসন, ইমপ্লোয়মেন্ট অমসুং ভোকেসনেল ত্রেনিং, রিজর্ভেসন, রিসর্চ এন্ড মেনপাৱর দিভেলপমেন্ট, খেৎনবা লৈতবা অকোয়রোন শেম্বা, দিসএবল ওইরবা মীওইশীংগী রিহেবিলিটেসন, দিসএবলশীংগী অনইমপ্লোয়মেন্ট এলাউএন্স, দিসএবল ওইরবা ইমপ্লোয়িশীংগী স্পেসিএল ইন্সুরেন্স স্কিম অমসুং কা-হেন্না দিসএবল ওইরবা মীওইশিংগীদমক হোমশীং লিংখৎপা, অসিনচিংবশীং অসি পীরি।

এক্ট অসিগী মরুওইবা প্রোভিজনশীং

  • দিসএবিলিটিশীং থীংবা অমসুং ঙন্না খংদোকপা।
  • এজুকেসন (মহৈ-মশীং)।
  • ইমপ্লোয়মেন্ট।
  • নন-দিস্ক্রিমিনেসন।
  • রিসর্চ এন্ড মেনপাৱর দিভেলপমেন্ট।
  • এফার্মেটিভ ওইবা এক্সন।
  • সোসিএল সেক্যুরিটি।
  • গ্রিভান্স রিদ্রেসেল।

দিসএবিলিটিশীং থীংবা অমসুং ঙন্না খংদোকপা

  • দিসএবিলিটিশীং লৈরকপগী অরেপ্পা মরম খংদোক্নবা সর্ভে, ইনভেষ্টিগেসন অমসুং রিসর্চ পাংথোক্কনি।
  • দিসএবিলিটি থীংনবা মখল-মখা কয়াগী থৌরাংশীং লৌখৎকনি। প্রাইমারি হেলথ সেন্টরদা লৈবা ষ্টাফশীংবু থবক অসিদা মতেং পাংহন্নবা ত্রেনিং পীগনি।
  • অঙাং পুম্নমকপু চহি অমদা অমুক্তি ‘রিস্ক লৈবা’ কেসশীং মশক খংদোক্নবগীদমক য়েংথোক্কনি (screened)।
  • পাক-শন্না ইনফোর্মেসন পীনবগীদমক এৱারনেস কেম্পেইনশীং হৌদোক্কনি অমসুং স্পোন্সর তৌগনি।
  • মমা অমসুং মচাগী প্রি-নেটেল, পেরি-নেটেল অমসুং পোষ্ট-নেটেল কেয়র লৌখৎকনি।

এজুকেসন (মহৈ-মশীং)

  • দিসএবল ওইবা অঙাং খুদিংমক্না ইন্টিগ্রেটেদ স্কুলশীং নত্ত্রগা স্পেসিএল স্কুলশীংদা মশাগী চহি 18 শুদ্রিফাউবা লেম্না মহৈ-মশীং তম্নবগী অধিকার লৈগনি।
  • দিসএবল ওইবা অঙাংশীংগী য়াইফনবা চুনবা ত্রান্সপোর্টেসন, আর্কিটেকচরগী ওইবা পনশীং (architectural barriers) লৈহন্দবা অমসুং একজামিনেসন সিষ্টেম রিষ্ট্রকচর লৈহনগনি।
  • দিসএবল ওইরবা অঙাংশীংনা লাইরিকশীং, স্কোলারশিপশীং, য়ুনিফোর্ম অমসুং অতৈ লর্নিং মেটরিএলশীং ফংনবগী অধিকার লৈগনি।
  • দিসএবল ওইরবা অঙাংশীংগী স্পেসিএল স্কুলশীংদা ভোকেসনেল ত্রেনিং ফেসিলিটিশীং ফংহনগনি।
  • দিসএবল ওইরবা অঙাংশীংগীদমক্তা নন-ফোর্মেল এজুকেসন পীগনি।
  • মথৌ তাবা মেনপাৱর শেমগৎনবা টিচর্স ত্রেনিং ইনষ্টিট্যুসনশীং লিংখৎকনি।
  • মমা-মপাশীংনা দিসএবল ওইরবা মখোয়গী অঙাংশীংগী থবক-ইনখাং ফংহনবগা (placement) মরি লৈনবা গ্রিভান্সশীং কোকহন্নবগীদমক চুনবা ফোরম অমদা ৱাকৎপা য়াই।

ইমপ্লোয়মেন্ট

সরকারগী ইমপ্লোয়মেন্টকী অহাংবা ফমশীংগী 3%দি দিসএবল ওইরবা মীওইশীংগীদমক রিজর্ভ তৌগনি, মসিগী মনুংদা মখাদা পিরিবা দিসএবিলিটি অসি লৈবা মীওইশীংগীদমক চাদা অমমম (1%) ওইগনি:

  • মমীৎ তাংবা নত্ত্রগা ফজনা উবা ঙমদ্রবা মীওইশীং।
  • না পংবা।
  • চৎপা ঙমদবা অমসুং সেরেব্রেল পালসি লৈবা মীওইশীং।

মখাদা পীরিবশীংসিগীদমক চুনবা স্কিমশীং শেমগনি।

  • দিসএবল ওইরবা মীওইশীংগী ত্রেনিং অমসুং ৱেলফেয়র।
  • অপ্পর এজ লিমিট কোমথোকপা।
  • ইমপ্লোয়মেন্ট রিগুলেট তৌবা।
  • দিসএবল ওইবা মীওইশীংনা থবক তৌরিবা মফমশীংদা হকশেল অমসুং সেফটিগী থৌরাংশীং লৌখৎপা অমসুং নন-হেন্দিকেপ্পিং এনভাইরনমেন্ট অমা শেম্বা।

গবর্ণমেন্টতগী গ্রান্ট ফংলিবা গবর্ণমেন্ট এজুকেসনেল ইনষ্টিট্যুটশীং অমসুং অতৈ এজুকেসনেল ইনষ্টিট্যুটশীংনা দিসএবল ওইরবা মীওইশীংগীদমক য়ামদ্রবদা 3%গী সিট রিজর্ভ তৌগনি।

ইমপ্লোয়ি অমত্তবু মখোয়গী মখোয়গী সর্ভিস মতমদা করিগুম্বা দিসএবল ওইরক্লবদি থবক্তগী লৌথোকপা নত্ত্রগা ফম হন্থহনবা য়ারোই, অদুবু চপ মান্নবা তলব অমসুং কন্দিসনগা লোয়ননা অতোপ্পা পোষ্ট অমদা থাংদোকপদি য়াগনি। শোয়নায়বা অদুনা মরম ওইদুনা প্রোমোসন পীদবা য়ারোই।

এফার্মেটিভ এক্সন (Affirmative Action)

দিসএবল ওইরবা মীওইশীংদা এইদ অমসুং এপ্লাইএন্সশীং ফংহনগনি।

দিসএবল ওইরবা মীওইশীংদা মখাদা পীরিবা হিরমশীংসিগীদমক্তা তাথবা মমলদা (concessional rates) লম পীগনি:

  • য়ুম।
  • ব্যুজিনেস।
  • স্পেসিএল রিক্রিএসনেল সেন্টরশীং।
  • স্পেসিএল স্কুলশীং।
  • রিসর্চ স্কুলশীং।
  • দিসএবল ওইরবা এন্ত্রিপ্রেন্যুওরশীংগী ফেক্টরিশীং।

নন-দিস্ক্রিমিনেসন

  • দিসএবল ওইরবশীংদা কোম্না শীজিন্নবা য়াহন্নবা মওংদা পব্লিক টোইলেট, রেল কম্পার্টমেন্টশীং, বসশীং, জহাজশীং অমসুং এয়রক্রাফটশীং দিজাইন তৌগনি।
  • মীয়ামগী ওইবা মফমশীং অমসুং ৱেটিং রুম পুম্নমক্তা লৈরিবা টোইলেটশীংদা কাংখোং পানবা চৌক্রিশীং (wheel chair) ফংহনগনি। এলেভেটর (লিফট) পুম্নমক্তা ব্রাইল (Braille) অমসুং সাউন্দ সিম্বোলশীংসু পীগনি।
  • পব্লিক য়ুটিলিটিগী (public utility) মফম পুম্নমকপু রাম্পশীং (ramps) থমদুনা বেরিয়র-ফ্রি (barrier- free) ওইহনগনি।

রিসর্চ এন্ড মেনপাৱর দিভেলপমেন্ট

মখাদা পীরিবা লমশীংদা পাংথোকপা রিসর্চশীং স্পোন্সর অমসুং প্রোমোট তৌগনি।

  • দিসএবিলিটি থীংবা।
  • কম্যুনিটিদা য়ুম্ফম ওইবা রিহেবিলিটেসন য়াউনা রিহেবিলিটেসন তৌবা।
  • এসিষ্টিভ দিভাইসশীং শেমগৎপা।
  • জোব আইদেন্টিফিকেসন।
  • ওফিসশীং অমসুং ফেক্টরিশীংগী ওন সাইট মোদিফিকেসনশীং।
  • স্পেসিএল এজুকেসন, রিহেবিলিটেসন অমসুং মেনপাৱর দিভেলপমেন্ট পায়খৎনবগীদমক্তা য়ুনিভর্সিটিশীং, হায়র লর্নিংগী অতৈ ইনষ্টিট্যুসনশীং, প্রোফেসনেল বোডিশীং অমসুং নন-গবর্নমেন্ত রিসর্চ-য়ুনিট নত্ত্রগা ইনষ্টিট্যুসনশীংদা শেলগী মতেং পীবা।

সোসিএল সেক্যুরিটি

  • দিসএবল ওইরবা মীওইশীংগী রিহেবিলিটেসনগীদমক্তা নন-গবর্ণমেন্ট ওর্গানাইজেসনশীংদা শেলগী মতেং পীবা।
  • দিসএবল ওইরবা সরকারগী ইমপ্লোয়িশীংগী কান্ননবগীদমক্তা ইন্সুরেন্স কোভরেজ পীবা।
  • স্পেসিএল ইমপ্লোয়মেন্ট এক্সচেঞ্জদা চহি অমদগী হেন্না রেজিষ্টর তৌরবা অমসুং শেল থোকপা শিনফম অমত্তা ফংবা ঙমদ্রিবা দিসএবল ওইরবা মীওইশীংদা অনইমপ্লোয়মেন্ট এলাউএন্স পীগনি।

গ্রিভান্স রিদ্রেসেল

এক্ট অসিদা তাক্লিবা অধিকারশীং ঙাক্ত্রবদি, দিসএবল ওইরবা মীওইশীংনা মখাদা পীরিবা ওফিসশীংসিদা/ মীওইশীংসিদা এপ্লিকেসন অমা থাবা য়াই।

  • চিফ কমিসনর ফোর পর্সনস ৱিথ দিসএবিলিটিজ ইন দি সেন্টর, নত্ত্রগা
  • কমিসনর ফোর পর্সনস ৱিথ দিসএবিলিটিজ ইন দি ষ্টেট।

দি মেন্টেল হেলথ এক্ট, 1987

মেন্টেল হেলথ এক্ট, 1987গী মখাদা কোক্কী লায়না (mentally ill) লৈবা মীওইশীংদা মখাদা পীরিবা অধিকারশীং অসি পীরি:

  1. কোক্কী লায়না লৈবা মীওইশীংদা (mentally ill) লায়েং অমসুং কেয়র পীনবগীদমক্তা গবর্ণমেন্টনা লিংখৎপা নত্ত্রগা মেইন্টেইন তৌরিবা সাইকিয়াত্রিক হোস্পিটাল নত্ত্রগা সাইকিয়াত্রিক নর্সিং হোম নত্ত্রগা কনভালেসেন্ট হোম অমদা (সরকারগী জেনেরেল হোস্পিটাল নত্ত্রগা নর্সিং হোমগী মথক্তা) এদমিট তৌবা, লায়েংবা অমসুং কেয়র পীবগী অধিকার।
  2. কোক্কী লায়না লৈবা প্রিজনর অমসুং মাইনরশীংদসু গবর্ণমেন্টকী সাইকিয়াত্রিক হোস্পিটাল নত্ত্রগা সাইকিয়াত্রিক নর্সিং হোমশীংদা লায়েংনবগী অধিকার অমা লৈ।
  3. চহি 16গী মখাদা লৈবা মাইনরশীং, লমচত্তা অহোংবা লাকহনবা য়াবা য়ু নত্ত্রগা অতৈ দ্রগশীংদা লাইচুরবা মীওইশীং, অমসুং মরাল অমগীদমক ফাদোক তারবা মীওইশীংবু গবর্ণমেন্টনা লিংখৎপা নত্ত্রগা চলাইবা তোখায়বা সাইকিয়াত্রিক হোস্পিটাল নত্ত্রগা নর্সিং হোমশীংদা এদমিসন, ত্রিটমেন্ট অমসুং কেয়র ফংহনবগী অধিকার লৈ।
  4. কোক্কী লায়নানা নারবা মীওইশীংনা সরকারদগী রিগুলেটেদ, দিরেক্টেদ অমসুং কো-ওর্দিনেটেদ মেন্টেল সর্ভিসশীং ফংনবগী অধিকার লৈ। এক্ট অসিগী মখাদা লিংখৎপা সেন্ত্রেল ওথোরিটি অমসুং ষ্টেট ওথোরিটিশীংনা অসিগুম্বা রিগুলেসন অসিগী অমসুং সাইকিয়াত্রিক হোস্পিটাল অমসুং নর্সিং হোমশীং লিংখৎপা অমসুং চলাইনবগী লাইসেন্স ইসু তৌবগী দায়ত্ব লৈ।
  5. মথক্তা পনখ্রিবা গবর্ণমেন্ট হোস্পিটাল অমসুং নর্সিং হোমশীং অসিদা লায়েংনবগী খুদোংচাবা অসি ইন-পেসেন্ট নত্ত্রগা আউট-পেসেন্ট অমা ওইনা ফংবা য়াই।
  6. কোক্কী লায়নানা নারবা মীওইশীংনা অসিগুম্বা হোস্পিটালশীং নত্ত্রগা নর্সিং হোমশীংদা ভলুন্টরি এদমিসন লৌবা য়াই অমসুং মাইনরশীংনা মখোয়গী গার্জিয়ানশীংগী খুত্থাংদা এদমিসন লৌবা য়াই। কোক্কী লায়নানা নারবশীংগী মরি-মতাশীংনা অনাবশীংদুগী মহুৎ শিন্দুনা এদমিসন লৌবা য়াই। অসিগুম্বা ওর্দরশীং (রিসেপসন) পীবীনবগীদমক লোকেল মেজিষ্ট্রেট অদুদা এপ্লিকেসনশীং পীশিনবা য়াই।
  7. কোয়চৎ চৎপা নত্ত্রগা থৌশাবিদ্রবা কোক্কী লায়না লৈবা মীওইবু প্রোটেক্তিভ কষ্টদিদা থমদুনা মহাক্কী মরি-মতাদা পাউ পীবা, অমসুং রিসেপসন ওর্দর ইসু তৌনবগীদমক অসিগুম্বা মীওই অমবু লোকেল মেজিষ্ট্রেটকী মমাংদা পুথোকপা হায়বসি পুলিসকী তৌদবা য়াদবা মথৌ অমনি।
  8. এক্ট অসিগী প্রোভিজনশীংগী মতুংইন্না কোক্কী লায়না নারবা মীওইশীংনা লায়েংদুনা ফরবদি মেন্টেল হেলথ ফেসিলিটি অদুদগী দিসচার্জ তৌনবগী অমসুং ‘থাদোক্তুনা চৎনবগী’ অধিকার লৈ।
  9. কোক্কী লায়নানা নারবা মীওইশীংনা লম য়াউনা মশাগী শম্পটিশীং লৈবা তারবা অমসুং মদুবু শেন্নবা ঙমদ্রবদি, অসিগুম্বা শম্পটিশীং অসিবু ঙাক-শেন্নবা অমসুং মেনেজমেন্ট তৌন্নবগীদমক এপ্লিকেসন থারকপগী মতুংইন্না দিষ্ট্রিক্ট কোর্টনা, অসিগুম্বা কোক্কী লায়না লৈবা মীওইশীংগি গার্জিয়ানশীং নত্ত্রগা অসিগুম্বা শম্পটিগী মেনেজরশীং খন্দুনা, ‘কোর্ট ওফ ৱার্দস’ অমদা শিন্নগনি।

10.  গবর্ণমেন্ট সাইকিয়াত্রিক হোস্পিটাল নত্ত্রগা নর্সিং হোম অমহেক্তদা লৈরিবা কোক্কী লায়না লৈরবা মীওইশীংগী মেন্টেইনেন্সকী অচংবা শেনফম অসি, করিগুম্বা অচংবা শেনফম অদু মহাক্কী মরি মতা নত্ত্রগা অতৈ মীওই অমনা পুথোক্কে হায়বা মীওই লৈরবা অমসুং অসিগুম্বা মেন্টেইনেন্সকী প্রোভিজন অমত্তা দিষ্ট্রিক্ট কোর্টকী ওর্দর অদুদা য়াউদ্রবদি, মরি লৈনবা ষ্টেট গবর্ণমেন্টনা পুথোক্কনি। অসিগুম্বা অচংবা শেনফম অসি কোক্কী লায়না লৈবা মীওই অদুগী মরল-মথুমদগী পীবসু য়াই।

11.  লাইয়েং চত্থরিবা কোক্কী লায়না লৈবা মীওইশীংদা মখল অমত্তগী ইকাইবা পীবা (ফিজিকেল নত্ত্রগা মেণ্টেল) নত্ত্রগা ওৎপী-নৈবীবা তৌবা য়াদে। কোক্কী লায়না লৈবা মীওইশীংবু মখোয় মশাগী চৎনবা য়াবা অয়াবা য়াউদনা রিসর্চকীদমক্তা শিজিন্নবা য়াদে, অদুবু মখোয়না মখোয়গী দাইএগ্নোসিস অমসুং ত্রিটমেন্ট লৌবদি য়াই।

12.  গবর্ণমেন্টতগী (সরকারগী থবক তৌরিঙৈদা কোক্কী লায়না নারকপা ইমপ্লোয়িশীং) তলব, পেন্সন, গ্রেটুইটি, নত্ত্রগা অতৈ এলাউএন্স মখল অমহেক্তা ফংলিবা কোক্কী লায়না লৈবা মীওইশীংবু হায়রিবশীংসি পীদবা য়াদে। শেনফমশীং অসি, অসিগুম্বা কোক্কী লায়নানা নারিবা মীওই অসিবু শেন্নরিবা মীওই নত্ত্রগা মহাক্কী দিপেন্দেণ্ট অদুনা, মেজিষ্ট্রেটনা সর্টিফাই তৌরবা মতুংদা লৌবা য়াগনি।

13.  করিগুম্বা কোক্কী লায়না লৈবা মীওই অমনা এক্ট অসিগী মখাদা চত্থবা প্রোসিদিংসকা মরি লৈননা লিগেল প্রেক্টিসনর অমা নেকপা ঙম্বগী পাম্বৈ লৈত্রবা নত্ত্রগা ফিভম্না য়াদ্রবদি, মেজিষ্ট্রেট নত্ত্রগা দিষ্ট্রিক্ট কোর্টকী ওর্দরনা লিগেল প্রেক্টিসনর অমগী সর্ভিসশীং ফংহনবা য়াবগী অধিকার লৈ।

দি রিহেবিলিটেসন কাউন্সিল ওফ ইন্দিয়া এক্ট, 1992

রিহেবিলিটেসন পর্সোনেল কয়ানা পীরিবা সর্ভিসশীংগী অফবা ক্বালিটি শোয়না লৈহন্নবগীদমক এক্ট অসিনা গেরেন্টি কয়া পীরি। মখাদা পীরিবসি অসিগুম্বা গেরেন্টিশীংগী লিষ্টনি:

  1. কাউন্সিলনা মেন্টেইন তৌবা রেজিষ্টরদা চল্লিবা ত্রেন তৌরবা অমসুং ক্বালিফাই ওইরবা রিহেবিলিটেসন প্রোফেসনেলশীংনা মতেং পাংহনবগী অধিকার।
  2. ভারত্তা লৈবা য়ুনিভর্সিটিশীং নত্ত্রগা ইনষ্টিট্যুসনশীংনা রিহেবিলিটেসন ক্বালিফিকেসন রিকগনাইজ তৌবগী মথৌ তাবা এজুকেসনগী মিনিমম ষ্টেন্দর্দ অদু মেন্টেইন তৌবগী গেরেন্টি।
  3. দিসিপ্লিনরি এক্সন অমসুং কাউন্সিলগী রেজিষ্টরদগী লৌথোকপগী চৈরাক্তগী ঙাকথোক্নবগীদমক রিহেবিলিটেসন প্রোফেসনেলশীংনা প্রোফেসনেল কন্দক্টকী ষ্টেন্দর্দ অমসুং ইথিকশীং (ethics) মেন্টেইন তৌগনি হায়বগী গেরেন্টি।
  4. সেন্ত্রেল গবর্ণমেন্টকী কন্ত্রোল মখাদা লৈবা ষ্টেটুটরি কাউন্সিল অমনা অমসুং ষ্টেটুট (statute) অসিনা প্রেস্ক্রাইব তৌবা মতুংইন্না, রিহেবিলিটেসন প্রোফেসনেলশীংগী রিগুলেসন প্রোফেসনগী রিগুলেসনগী গেরেন্টি।

দি নেসনেল ত্রষ্ট ফোর ৱেলফেয়র ওফ পর্সনস ৱিথ ওটিজম, সেরেব্রেল পালসি, মেন্টেল রিটার্দেসন এন্ড মলটিপল দিসএবিলিটিজ এক্ট, 1999

  1. এক্ট অসিনা খংহনবা মতুংইন্না, দিসএবলশীংদা কান্নবা পীনবগীদমক্তা, সেন্ত্রেল গবর্ণমেন্টনা নিয়ু দিল্লিদা দি নেসনেল ত্রষ্ট ফোর ৱেলফেয়র ওফ পর্সনস ৱিথ ওটিজম, সেরেব্রেল পালসি, মেন্টেল রিটার্দেসন এন্ড মল্টিপল দিসএবিলিটি লিংখৎখ্রে।
  2. সেন্ত্রেল গবর্ণমেন্টনা শেম্বা নেসনেল ত্রষ্টনা এক্ট অসিগী সেক্সন 10দা পীরিবগুম্না মসিবু লিংখৎপগী পান্দম অদু শোয়দনা ফংহন্নবদা পুক্নিং চংগনি।
  3. নেসনেল ত্রষ্টনা রিসিভ তৌবা রিক্বেষ্ট অমহেক্তদা পল্লিবা বেনিফিসরি অমহেক্তগী হিংবগী থাক হেনগৎহন্নবা থৌরাং লৌখৎপা, অমসুং দিসএবলশীংগী কান্ননবা এপ্রুভ তৌরবা প্রোগ্রাম অমা পায়খৎনবগীদমক রেজিষ্টর তৌরবা ওর্গানাইজেসনশীংদা শেলগী মতেং পীবা হায়বসি হায়বসি মসিগী বোর্ড ওফ ত্রষ্টিশীংনা লৌগদবা তঙাইফদ্রবা থৌদাং অমনি।
  4. দিসএবল ওইরবা মীওইশীংনা, এক্ট অসিগী প্রোভিজনশীংনা খংহল্লিবা মতুংইন্না শেম্বা ‘লোকেল লেভেল কমিটিশীং’না খনবা গার্জিয়ানগী মখাদা লৈবগী অধিকার লৈ। মতৌ অসুম্না খনবা গার্জিয়ানশীংনা দিসএবল ওইবা মীওই অদুগী অমসুং মখোয়গী শম্পটিগী দায়ত্ব লৌগনি।
  5. দিসএবল ওইরবা মীওই অমনা অকক্নবা কন্দিসন খরদা মহাক্কী গার্জিয়ান অদু লৌথোক্নবগী অধিকার লৈ। মসিগী মনুংদা দিসএবল ওইবা মীওই অদুবু ওৎ-নৈবা নত্ত্রগা থৌশাদবা, নত্ত্রগা মহাক্কী মীৎয়েং মখাদা লৈরিবা শম্পটি অদু য়েংশিন্দবা নত্ত্রগা লান্না শিজিন্নবা অসিসু য়াউই।
  6. বোর্ড ওফ ত্রষ্টিনা থবক তৌবা ঙমদ্রবা নত্ত্রগা মখোয়না দ্যুটি পাংথোকপদা তোইনা শোয়রবদি, দিসএবল ওইরবা মীওইগীদমক্তা থবক তৌরিবা রেজিষ্টর তৌরবা ওর্গানাইজেসন অমনা বোর্ড ওফ ত্রষ্টি অদুবু শিন্দোক্নবা অমসুং/ নত্ত্রগা অমুক হন্না শেম্নবা সেন্ত্রেল গবর্ণমেন্টতা কমপ্লেন্ট তৌবা য়াই।
  7. নেসনেল ত্রষ্টনা মসিগী একাউন্টেবিলিটি, ফাইনান্স মোনিটর তৌবা, একাউন্টস অমসুং ওদিটকী মতাংদা এক্ট অসিগী প্রোভিজনশীংগী মতুং ইনগনি।

মেন্টেলি রিটার্দেদ পার্সনশীংগী অধিকারগী মতাংদা UNগী দিক্লারেসন ( Declaration on the Rights of Mentally Retarded Persons)

মেন্টেলি রিটার্দেদ পর্সনশীংগী অধিকারশীংগী দিক্লারেসন অসিনা, মসিবু কমন বেসিস অমসুং ফ্রেম ওফ রিফরেন্স অমা ওইনা মখোয়গী অধিকারশীং ঙাক্নবগীদমক শোয়দনা শিজিন্নহন্নবা নেসনেল অমসুং ইন্টরনেসনেলগী থৌদাং পায়খৎনবা খংহল্লি:

  1. মেন্টেলি রিটার্দেদ পর্সন অদুনা, ফিসিবিলিটিগী মেক্সিমম দিগ্রি অদু ফাউবা অতৈ মীওইগা চপ মান্নবা অধিকার লৈ।
  2. মেন্টেলি রিটার্দেদ পর্সন অদুনা মতিক চাবা মেদিকেল কেয়র, ফিজিকেল থেরাপি অমসুং মখোয়গী তৌবা ঙম্বা হেনগৎহনগদবা অমসুং পুন্সিগী মেক্সিমম পোটেন্সিএল অদু য়ৌহনগদবা এজুকেসন, ত্রেনিং, রিহেবিলিটেসন অমসুং গাইদেন্স ফংনবগী অধিকার লৈ।
  3. মেন্টেলি রিটার্দেদ পর্সন অদুগী ইকোনোমিক সেক্যুরিটি অমসুং লৈবাক মচা তাবা হিংবগী থাক অমা লৈবগী অধিকার লৈ। নুপী/ নুপা অদুনা প্রদক্টিভ ওইবা থবক অমা তৌবা নত্ত্রগা অর্থ থোকপা শিনফম অমদা মহাক্কী মেক্সিমম কেপেবিলিটিগা লোয়ননা শরুক য়াবগী অধিকার লৈ।
  4. য়ারিবমখৈ, মেন্টেলি রিটার্দেদ পর্সন অদুনা মহাক মশাগী ইমুং-মনুং নত্ত্রগা মহাক্কী য়োকপীরিবা মমা-মপা (foster parents)গা লৈমিন্নগদবনি অমসুং কম্যুনিটি লাইফকী তোঙান-তোঙানবা মওং-মতৌদা শরুক য়াগদবনি। মহাক্কা লৈমিন্নরিবা ইমুং-মনুং অদুনা মতেং ফংবা তাই। করিগুম্বা ইনষ্টিট্যুসনেল কেয়র অমগী মথৌ তারক্লবদি মদু নোর্মেল লাইফষ্টাইল অমগা য়ারিবমখৈ নকশিন্নবা অকোয়রোন অমসুং ফিভমশীংদা পীগদবনি।
  5. মেন্টেলি রিটার্দেদ পর্সন অদুনা মহাক মশাবু নুঙাইনা লৈহন্নবা নত্ত্রগা মশাগী স্বার্থ ঙাক্নবগীদমক ক্বালিফাই ওইরবা গার্জিয়ান অমা লৌনবগী অধিকার লৈ।
  6. মেন্টেলি রিটার্দেদ পর্সন অদুনা তুহৎপা, ওৎ­-নৈবা অমসুং হন্থনা য়েংবদগী ঙাকথোকচনবগী অধিকার অমা লৈ। করিগুম্বা মরাল অমগিদমক প্রোসিক্যুট তৌরবদি; মহাক্কী মেন্টেল রেস্পোন্সিবিলিটিগী দিগ্রিবু মপুংফানা খংবগা লোয়ননা মহাক্না আইনগী মরি লৈনবা প্রোসেস (due process of law) ফংনবগী অধিকার লৈগনি।
  7. মেন্টেলি রিটার্দেদ পর্সনশীংনা মখোয়গী অধিকারশীং অদুবু অর্থ থোকপা মওংদা শিজিন্নবা ঙমদ্রবা (মখোয়গী নামা শোয়বগী চাং হেনবনা মরম ওইদুনা) নত্ত্রগা মখোয়গী অধিকর পুম্নমক নত্ত্রগা খরা অথীংবা থম্বা নত্ত্রগা ফংহন্দবগী (restrict or deny) মথৌ তাবা লাক্লিবদি অধিকারশিং অদুবু অথীংবা পীবদা নত্ত্রগা ফংহন্দদবদা শিজিন্নরিবা প্রোসিদ্যুওর(শীং) অদুদা তুহৎপগী মওং (form of abuse) খুদিংমক্তগী ঙাকথোক্নবগী চানবা লিগেল সেফগার্দশীং (legal safeguards) য়াউবা তাই। মেন্টেলি রিটার্দেদশীংগী প্রোসিদ্যুওর অসি ক্বালিফাই ওইরবা এক্সপর্টশীংনা পীবা মখোয়গী সোসিএল কেপেবিলিটিগী এভাল্যুএসন অমদা য়ুম্ফম ওইগদবনি, অমসুং মতম মতমগী রিভিয়ু তৌবা য়াবা অমসুং হায়র ওথোরিটিদা আপিল তৌবগী অধিকার অমা লৈবা ওইগদবনি।

সোর্স: এ হেন্দবুক ফোর পেরেন্টস ওফ চিলদ্রেন ৱিথ দিসএবিলিটিজ



© 2006–2019 C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate