চাইল্ডলাইন 1098 সর্ভিস

1098 টেলে হেল্পলাইন মোদেল

চাইল্ডলাইন হায়বসিনা চহি অমদা নুমিৎ 365, নোংমদা পুং 24গী ওইনা খুদোংথীনিঙাই ওইবা অঙাংশীংগীদমক মতম পুম্নমক্তা লেপ্পিরিবা মরুপ-মপাং ওইবা ‘ইচে’ নত্ত্রগা মীনুংশী লৈবা ‘তামো’ অদুবু খংহল্লি।

লৈবাক অসিদা লৈরিবা অঙাং মিলিয়ন কয়াগী আশা ওইবা ফোন নম্বর অমা ওইরিবা, চাইল্ডলাইন অসি মতেং মথৌ তারিবা অঙাংশীংগীদমক হাংদোকপা ইন্দিয়াগী অহানবা পুং 24গী ওইবা, লেম্না ফংবা, ইমর্জেন্সি ফোন সর্ভিসনি।

নহাক অসি মপুং-মরৈ ফারবা নত্ত্রগা অঙাং অমা ওইরবসু নহাক্না ঐখোয়গী সর্ভিস ফংনবগীদমক টোল ফ্রি নম্বর ওইরিবা 1098দা দাইল তৌবা য়াই। ঐখোয়না অঙাংশীং ইমর্জেন্সি ওইবা মথৌ তাবশিং পীবতা নত্তনা মখোয়গী অশাংবা মতমগী ওইবা য়েংশিন থৌরাং অমসুং রিহেবিলিতিসনগীদমক সর্ভিস কয়াদা লিঙ্ক তৌবীগনি। অসিগুম্বা ফোনগী খুত্থাংদা ঐখোয়না হৌজিক ফাউবদা অঙাং মিলিয়ন অহুমগী মথক্তা পাউ ফাউনখ্রে।

চাইল্ডলাইন অসি মিনিষ্ট্রি ফোর ৱুমেন এন্দ চাইল্ড দিভেলপমেন্ট, গবর্ণমেন্ট ওফ ইন্দিয়া ষ্টেট গবর্নমেন্টশীং, NGOশীং, অন্তর্জাতিগী ওর্গানাইজেসনশীং, কোর্পোরেট সেক্টর, মরি লৈনবা মীওই অমসুং অঙাংশীংগা পুনশিন্নহল্লিবা ফম্বাক অমনি।

চাইল্ডলাইননা মরুওইনা অঙাং পুম্নমক্কী অধিকার ঙাক-শেনবগী থবক তৌই। অদুবু মসিগী অখন্নবা মীৎয়েংদি য়েংশিনবীবগী অমসুং ঙাক-শেনবীবগী মথৌ তারিবা মরুওইনা শাফদবা সেক্সনশীংগী অঙাং পুম্নমক্তা থম্লি। শাফদবা সেক্সনশীংগী মনুংদা মখাগীশীংসি চল্লি:

• লম্বী-শোরোক্তা মথন্তা লৈবা লম্বীগী অঙাংশীং অমসুং নহাশিং
• অনওর্গানাইজ অমসুং ওর্গানাইজ সেক্টরশীংদা থবক শুরিবা অঙাং থবক শুবশীং
• য়ুমগী মতেং পাংবা মীওইশীং মরুওইনা নুপীমচা থবক শুবিশিং
• ইমুংদা, স্কুলদা নত্ত্রগা ইনষ্টিট্যুসনশীংদা ফিজিকেল / সেক্সুএল / ইমোসনেল ওইনা শোকহল্লবা অঙাংশিং
• পুক্নিংগী ওইবা ঙাক্লৌ অমসুং লমজিং মথৌ তারিবা অঙাংশীং
• কম্মর্সিএল সেক্স ৱার্করশীংগী অঙাংশীং
• মশা য়োনবা কারবারনা শোকহল্লবা অঙাংশীং
• অঙাং য়োনবগী কারবারনা শোকহল্লবা মীওইশীং
• মমা-মপাশীং নত্ত্রগা গার্জিয়ানশীংনা হুন্দোকপীরম্লবা অঙাংশীং
• মাংলবা অঙাংশীং
• য়ুমদগী চেনখ্রবা অঙাংশীং
• সবষ্টেন্স অব্যুজনা শোকহল্লবা অঙাংশীং
• মীমান্নদ্রবা অঙাংশীং
• আইনগী চৈথেং ফংলবা অঙাংশীং
• ইনষ্টিট্যুসনশীংদা লৈবা অঙাংশীং
• ৱাখল চোয়রবা অঙাংশীং
• HIV/ AIDSনা শোকহল্লবা অঙাংশীং
• কনফ্লিক অমসুং দিজাষ্টরনা শোকহল্লবা অঙাংশীং
• পোলিটিকেল রেফ্যুজি অঙাংশীং
• ক্রাইসিস লৈবা ইমুংগী অঙাংশীং

চাইল্ডলাইনগী ভিজন

অঙাং পুম্নমক্কী অধিকার অমসুং ঙাক-শেনবা পীগনি হায়না থাজবা পীরবা অঙাংগা মরুপ-মপাং ওইবা লৈবাক অমা।

চাইল্ডলাইন ইন এক্সন

চাইল্ডলাইনগী এক্টিভিটিশীংগী মনুংদা মখাগীসি চল্লি।

• চাইল্ডলাইন টিমনা ফোন ওকই অমসুং পাউখুম পী।
• ক্রাইসিস ইন্টরভেনসন তৌই।
• হকথেংননা মতেং পাংই: মেদিকেল, চংফম, তুহৎপীবদগী ঙাকথোকপা, ময়ুমদা হনবা, শীবা, মাংখিবা অঙাং, ইন্টেন্সিভ কাউন্সেলিংদা।
• ফোনদা: ইমোসনেলগী ওইবা সপোর্ট অমসুং গাইদেন্স, ফোন তৌরক্লিবা মীওইদুদা ইনফোর্মেসন অমসুং সর্ভিসকী মতেং পীবা, চাইল্ডলাইনগী মতাংদা ইনফোর্মেসন, সাইলেন্ট ওইবা কোলশীং
• অশাংবা মতমগী ওইবা রিহেবিলিটেসন
• অঙাংদুগী ইমর্জেন্সি ওইবা মথৌ তাবশীং পাংথোক্লবা মতুংদা, চাইল্ডলাইননা অঙাং অদুগী মহৈ তম্নবা, ত্রেদ অমা হৈহনবা, য়ুমদা হলহন্নবগী ওপশনশীং থীদোকই। অঙাং অদুগী ফিরেপ্তা য়ুম্ফম ওইদুনা, চাইল্ডলাইননা অঙাং অদুবু সহর অদুদা লৈবা চুনবা ওর্গানাইজেসন অমদা লিঙ্ক তৌই।

চাইল্ডলাইন টুদে

চাইল্ডলাইন অসি চাইল্ড রাইটস কনভেনসনগী পাউখুমনি। চাইল্ডলাইন অসি অঙাংগা মরি লৈনবা ইসুশিংদা থবক তৌরিবা তোঙান-তোঙানবা NGOশীংদা মতেং পাম্লিবা অঙাংশীংবু কনেক্ট তৌনবা পোইন্ট অমগী ৱিন্দোগুম্না উই। চাইল্ডলাইননা অঙাংগা মরুপ-মপাং ওইবা সর্ভিসশীং মখোয়না পাম্বা মতমদা, য়েংশিনবীবা অমসুং ঙাক-শেনবীবগী মথৌ তারবা অঙাং পুম্নমক্তা ফংহন্নবগী থবক তৌই অমসুং মখোয়গা মরি লৈনবা ফিরেপশীংদা শরুক য়ানবা পুক্নিং থৌগৎলি।

লম্বীদা লৈবা অঙাংশীংগী টোল ফ্রি টেলে-হেল্পলাইন অসি ইন্দিয়াদা লৈবা তাউন অমসুং সহর 372 দা ওপরেট তৌরিবা নেসনেল চাইল্ড প্রোটেক্সন সর্ভিস অমগী থাক য়ৌরে।

সোর্স :http://www.childlineindia.org.in/

মরি লৈনবা রিসোর্সশীং

1. দি য়ুনাইটেদ নেসন্স কনভেনসন ওন দি রাইটস ওফ দি চাইল্ড
2. য়ুএন কনভেন্সন ওন দি রাইটস ওফ দি চাইল্ড
3. দিফাইনিং চাইল্ড প্রোটেক্সন