ঐখোয়গী সমাজদা অঙাংশীংগী অধিকার

অঙাংশীংগী অধিকারশীং মপুং ফানা ফংহন্নবগী অহানবা খোংথাং অসি ভারতকী কনষ্টিট্যুসনদা ফংই। মখাদা পীরিবসিগুম্না অঙাংশীংনা মথৌ তারিবা কয়াবু পীরিবা আর্টিকল মশীং কয়া অমা লৈরি। আর্টিকলশীং অসি কেটেগোরি অনি থোক্না খায়দোকই: ফন্দামেন্টেল রাইটস অমসুং দিরেক্টিভ প্রিন্সিপলস ওফ ষ্টেট পোলিসি। ফন্দামেন্টেল রাইটশীং অসি আইনগী কোর্টতা থেংনবা য়াই অমসুং ষ্টেটশীংনা থবক তৌবদগী থীংবা নেগেটিভশীংনি। করিগুম্বা আইন অমনা ফন্দামেন্টেল রাইট অমবু খোংগাউনরবদি মদু চৎনদবনি হায়না লাউথোকপা য়াই। দিরেক্টিভ প্রিন্সিপলশীং অসিদি ষ্টেটশীংগী পোজিটিভ ওইবা সজেসনশীংনি অমসুং আইনগী কোর্টতা থেংনবা য়াদে।

অঙাংশীংবু ঙাক-শেনবা অমসুং অঙাংগী অধিকারশীং

ফন্দামেন্টেল রাইটশীংs

• আর্টিকল 14- ষ্টেট অসিনা মীওই অমবু আইনগী থোংদা মান্নবা নত্ত্রগা আইননা পীরিবা মান্নবা ঙাক-শেনবা অদু লৈবাক অসিগী মনুংদা পীদবা য়াদে।
• আর্টিকল 15- ষ্টেট অসিনা নাগরিক অমত্তবু হন্থনা য়েংবা য়াদে। আর্টিকল অসিনা ষ্টেটনা নুপী অমসুং অঙাংশীংগীদমক অখন্নবা প্রোভিজনশীং শেম্বদা অথীংবা পীদে।
• আর্টিকল 21-মীওই অমত্তবু আইন্না শেম্বা প্রোসিদ্যুওরনা খংনবমক নত্ত্রবদি মহাক্কী পুন্সি অমসুং মশাগি নীংতম্বা লৈহন্দবা য়াদে।
• আর্টিকল 21 A-ষ্টেটনা চহি 6তগীনা 14 ফাউবদা লৈবা অঙাং পুম্নমক্তা ষ্টেট অদুনা লেপ্পা আইনগী মতুংইন্না লেম্না অমসুং শোয়দনা মহৈ তমহন্দবা য়াদে।
• আর্টিকল 23-মীওইববু লৈবা য়োনবা অমসুং নমদুনা চাকনিহনবা অমসুং থবক শুহনবা য়াদে অমসুং প্রোভিজন অসি ইন্দবশীংদা আইনগী মতুংইন্না দন্দি পীবা য়াই।
• আর্টিকল 24-চহি 14গী মখাদা লৈবা অঙাংশীংবু ফেক্টরি নত্ত্রগা মাইন নত্ত্রগা হকচাং শোকহনবা য়াবা থবক অমত্তদা শীজিন্নরোইদবনি।
• কনষ্টিট্যুসন (86শুবা এমেন্দমেন্ট) এক্ট অসি ইং 2002গী দিসেম্বরগী তাং 13দা নোটিফাই তৌখি অমদি মসিনা চহি 6তগী 14 ফাউবদা লৈরিবা অঙাং পুম্নমক্কী ওইনা লেম্না অমদি শোয়দনা মহৈ তমহনবা অসি ফন্দামেন্টেল রাইট ওইহনখি।

দিরেক্টিভ প্রিন্সিপলশীং

• আর্টিকল 39(e) অমসুং (f)না খংহল্লি মদুদি, মরুওইনা, ষ্টেটনা মসিগী পোলিসি অসি “শীন্মীশীং, নুপা, নুপী অমসুং চহি নৌরিবা অঙাংশীংগী হকশেল অমসুং পাঙ্গল অদু থুদেক্কনু” অমসুং “নাগরিকশীং অসি মখোয়গী চহি অমসুং পাঙ্গলগা চান্নদবা শিনফম অসি শেলমিৎলোন্না নমদুনা ওইহনবা নত্তে” হায়বসি ফংনবা অমসুং “অঙাংশীংবু মশা-মউ ফনা অমদি নিংখা তম্না অমসুং ইকাইখুম্নবা লৈনা হৌনবগী খুদোংচাবা অমসুং তঞ্জা পীবা অমসুং অঙাং অমসুং নহা ওইরিঙৈ মতম অসিদা তুহৎপা অমসুং লমচৎ-শাজৎ মাংবগী মায়োক্তা ঙাক-শেনবগী মায়কৈদা শেমগদবনি হায়না খংহল্লি।
• আর্টিকল 45- ষ্টেটনা অঙাং পুম্নমকপু মশাগী চহি তরুক শুদ্রিঙৈ ফাউবা অহানবা অঙাংগী চেক্সিন থৌরাং অমসুং মহৈ-মশীং পীনবা হোৎনগদবনি।
• আর্টিকল 47- ষ্টেটনা ন্যুত্রিসনগী থাক অমসুং মসিগী মীয়ামগী হিংবগী থাক হেনগৎহনবা অমসুং মীয়ামগী হকশেল ফগৎহনবা অসি মসিগী প্রাইমারি ওইবা মথৌগী মনুং চন্না পায়খৎকদবনি।
• সেদ্যুল 11 লোয়ননা আর্টিকল 243G পাবা - এজুকেসন (আইটেম 17), ফেমিলি ৱেলফেয়র (আইটেম 25), হেলথ এন্দ সেনিতেসন (আইটেম 23) অমসুং অঙাংশিংগী য়াইফ-থৌরাংগা মরি লৈনবা অতোপ্পা আইটেমশীংগী মথক্তা ৱুমেন এন্দ চাইল্ড দিভেলপমেন্টগী প্রোগ্রামশীং পাংথোক্তুনা চাইল্ড কেয়র অসি ইনষ্টিট্যুসনেলাইজেসন তৌনবা হোৎনগদবনি।

সোর্স : http://www.childlineindia.org.in/