য়ুনাইটেদ নেসন্স কনভেন্সন ওন দি রাইটস ওফ দি চাইল্ড

অঙাংশীংগী অন্তর্জাতিগী ওইবা আইনশীংগী মনুংদা খ্বাইদগী মচং ওইবদি য়ুএন কনভেনসন ওন দি রাইটস ওফ দি চাইল্ড, ময়াম্না CRC হায়না খংনরিবসিনি।

য়ুএন কনভেনসন ওন দি রাইটস ওফ দি চাইল্ড অসি করিনো?

মীওইবগী অধিকার হায়বসি অঙাংশীং য়াউনা চহিগী খেৎনবা লৈতনা মীপুম খুদিংমক্কীনি। অদুম ওইনমক, অঙাংশীংনা অহেনবা ঙাক-শেনবা অমসুং মপুং মরৈ ফারবশীংদগী লমজিং লমতাক মথৌ তারিবা মখোয়গী অখন্নবা থাক্কী মতুংইন্না অঙাংশীংগীসু মখোয় মশাগী ওইবা অখন্নবা অধিকার খরা লৈ। মখোয়দুবু অঙাংশীং অধিকার হায়না খংনৈ অমসুং মখোয় অদু য়ুএন কনভেনসন ওন দি রাইটস ওফ দি চাইল্ড (CRC)দা য়াউরি।

য়ুএন কনভেনসন ওন দি রাইটস ওফ দি চাইল্ড (CRC)গী মচং ওইবা মশকশীং

• মসি চহি 18 শুদ্রিবা নুপীমচা অমসুং নুপামচা অনিমক্তা, করিগুম্বা মখোয় মশা লুহোংলবা অমসুং হান্ননা অঙাং লৈরবসু চৎনগনি
• কনভেনসন অসি ‘অঙাংগী খ্বাইদগী ফবা ইন্টরেষ্ট’ অমসুং ‘নন-দিসক্রিমিনেসন’ অমসুং ‘অঙাংগী ভ্যুশীং ইকাইখুম্নবা’ হায়বা প্রিন্সিপলশিংসিনা লমজিংই।
• মসিনা ইমুংগী মরুওইবা অমসুং অঙাংশীংবু মশা মউ ফনা লৈহনগদবা অকোয়রোন অমগী মথৌ তাবদু তাকই।
• মসিনা সমাজদা অঙাংশীংবু মান্নবা অমসুং মওং চুম্বা মফম অমা লৈহন্নবা অমসুং ইকাই খুম্ননবা খংহল্লি।

সিভিল, সোসিএল, ইকোনোমিক অমসুং কলচরগী অধিকারশীংগী সেট মরিগী মতাংদা পুক্নিং চিংশিল্লি:

• হিংবা
• ঙাক-শেনবা
• চাউখৎপা
• শরুক য়াবা

হিংবগী অধিকারগী মনুংদা মখাগীসি চল্লি।

• হিংদুনা লৈবগী অধিকার
• খ্বাইদগী ৱাংবা হকশেলগি ষ্টেন্দর্দ
• ন্যুত্রিসন।
• মতিক চাবা হিংবগী ষ্টেন্দর্দ
• মমীং অমা অমসুং জাতি অমা

চাউখৎনবগী অধিকারগী মনুংদা মখাগীসি চল্লি।

• মহৈ তম্বগী অধিকার
• অঙাং ওইরিঙৈগী য়েংশীনবীবা অমসুং চাউখৎপগী ঙাক্লৌ
• সোসিএল সেক্যুরিটি
• অহাংবা মতম, রিক্রিএসন অমসুং কলচরগী থবক-থৌরমশীংগী অধিকার

ঙাক-শেনবগী অধিকার হায়বসি মখাগীসিগী মওং পুম্নমক্তা নিংতম্বা অদুবুনি।

• ওৎ-নৈবা
• নৈহৎপীবা
• হন্থনা য়েংবা
• থৌশাদবা
• ইমর্জেন্সি অমসুং খুৎলায় পায়বগী কনফ্লিক্টশীং, দিসএবিলিটিগী কেস অসিনচিংবগুম্বা অখন্নবা ফিভমশীংদা অখন্নবা ঙাকশেল থৌরাং পীবা

শরুক য়াবগী অধিকার হায়বসিদা মখাগীশিংসি মনুং চল্লি।

• অঙাংগী মীৎয়েংশীংদু ইকাইখুম্নবা
• ফোংদোকপগী নিংতম্বা
• চুনবা ইনফোর্মেসনদা এক্সেস লৈহনবা
• ৱাখল খনবগী, ৱাখল্লোনগী অমসুং ধর্মগী নিংতম্বা

অধিকার পুম্নমক অমনা অমগী মখা পোল্লি অমসুং খায়দোক্নবা য়াদে। অদুম ওইনমক, মখোয়গী মওং-মতৌগী মতুংইন্না অধিকার পুম্নমক মখাগী অসুম্না খায়দোকই।

হন্থনা য়েংবা, দন্দি পীবা, ক্রিমিনেল কেসশীংদা মপুং ফানা তাবীবা অমসুং জুভেনাইল জষ্টিসকী তোঙানবা সিষ্টেম অমা লৈবা, হিংবগী অধিকার, নেসনেলিটিগী অধিকার, ইমুং-মনুংগা অমুক হন্না পুন্সিন্নবগী অধিকার অসিনচিংবা খুদক্কী ওইবা অধিকারশীং (সিভিল অমসুং পোলিটিকেলগী অধিকারশীং)। অয়াম্বা ঙাক-শেনবগী অধিকারদি খুদক্কী ওইবা অধিকারশীংগী মনুং চল্লি অমসুং মরম অদুনা খুদক্কী ওইবা মীৎয়েং অমসুং থবক দিমান্দ তৌই।

হকশেল অমসুং এজুকেসন য়াউনা অমসুং অহানবা কেটেগোরিশীংনা কোনশিন্দবা অধিকারশীং অসি প্রোগ্রেসিভ রাইটশীং (ইকোনোমিক, সোসিএল, কলচরেল রাইটশীং)গী মনুং চল্লি।

মখোয় অসি আর্টিকল 4গী মখাদা CRCগী মনুং চল্লি। আর্টিকল অসিনা খংহল্লি মদুদি ইকোনোমিক, সোসিএল অমসুং কলচরেলগী অধিকারশীংগী মতাংদদি, ষ্টেটকী পার্টিশিংনা মখোয়গী অফংবা রিসোর্স খ্বাইদগী য়াম্না শীজিন্নদুনা অমসুং মথৌ তাবশীংদা ইন্টরনেসনেল কো-ওপরেসনগী ফ্রেমৱার্ক মখাদা লৌখৎকদবনি।

খংজিনগদবা

অঙাংশীংনা চাউখৎলকপগা লোয়ননা ৱাখল মপুং ফারকপগী তোঙান-তোঙানবা দিগ্রিশীং অমসুং তৌবা ঙম্বা হেনগৎলি। করিগুম্বা মখোয়না চহি 15 নত্ত্রগা16 শুরবদি প্রোতেক্সন মথৌ তাদ্রে হায়বা নত্তে। খুদম ওইনা, ঐখোয়গী লৈবাক অসিদা নৈবা অঙাংশীং অসি চহি 18গী মখাদা লুহোংলে অমসুং থবক শুহল্লে। অদুবু মখোয় অসি কম্যুনিতি অদুনা মপুং মরৈ ফারে খনবা মরম্না প্রোতেক্সন য়াম্না ফংদে। মখোয়না মপুং মরৈ ফানা অফবা পুন্সি মরেল অমা ফংনবগীদমক্তা মখোয় অসি খ্বাইদগী ফবা প্রোতেক্সন, তঞ্জা অমসুং মতেং পীগদবনি।

সোর্স : UNICEF