অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

পম্পসেটশীংনা এনর্জি কন্নবগী তাকপা খরা

পম্পসেটশীংনা এনর্জি কন্নবগী তাকপা খরা

এনর্জি খ্বাইদগী চাউনা সিঙ্গল ওইনা শিজিন্নবা অসি এগ্রিকলচরনি অমসুং ফিল্ড অসিগী মনুংদা ঈথৈ-লৌখোংগীদমক শিজিন্নবা এনর্জি অসিনা খ্বাইদগী হেন্না মরুওই। চাউরাক্না পাবদা লৈনুংদগী ঈশীং চিংখৎপদা চহিদা ইলেক্ট্রিসিটি 16x109দগী হেন্না অমদি দিজেল থাউ লিটর মিলিয়ন 2,000রোম মথৌ তাই।

লৈনুংদগী ঈশীং চিংবদা এনর্জি হেন্না চংলিবসি করিগুম্বা থবক অসিদা পাৱর অসি হেন্না ইফিসিএন্ট ওইনা শীজিন্নরবদি হন্থহনবা য়াগনি। মসিদা ইফিসিএন্ট ওইবা গুহা শেম্বা অমসুং পম্পিং য়ুনিট অমা লৈবা অমসুং চিংখৎলবা ঈশীং অদু লৌবুক্তা ইফিসিএন্ট ওইবা মওংদা শিজিন্নবসি য়াউরি।

ঈথৈ-লৌখোংদা এনর্জি শীজিন্নবগী মতাংদা পাংথোকপা প্রিলিমিনরি ওইবা এনালাইসিস অমগী মতুংইন্না শিজিন্নরিবা এনর্জি অসিগী 30 দগী 50 % ফাউবদি ফগৎহল্লবা টেক্নোলোজি হায়বদি ইফিসিএন্ট ওইবা ভাল্ব পম্পশীং, মওং চুম্বা দিজাইন অমসুং গুহা শেম্বা অমসুং ঈশীং অদু মওং চুম্না শিজিন্নবসিগী মতেংনা কনবা ঙম্মী। পম্প, প্রাইম মুভর অমসুং গুহাগী এসেমব্লি লান্না খনবা, মতিক চাদবা মেন্টিনেন্স অমসুং য়ুনিট অদু লান্না শিজিন্নবা অমসুং অতৈ ফেক্টরশীংনা সিষ্টেম অদুগী অনেম্বা ইফিসিএন্সি লৈহল্লি।

অনেম্বা ইফিসিএন্সিগী ওইহল্লিবা মরমশীং

  • পীকথবা সাইজগী পাইপশীং– করিগুম্বা দাইএমিটর অপীকপগী পাইপশীং শিজিন্নরবদি, অহৌবগী কোষ্ট অদুদি পীক্কনি অদুবু ফ্রিক্সনেল হেদ লোস অমসুং ওপরেসনেল কোষ্টতি হেনগনি। নাকল অমরোমদা করিগুম্বা হেন্না চাউবা দাইএমিটরগী পাইপশীং শিজিন্নরবদি, অহৌবগী কোষ্টতি চাউগনি অদুবু ফ্রিক্সনেল হেদ লোসঅমসুং ওপরেসনেল কোষ্টতি নেমগনি। লৌমীশীংনা পাইপকী সাইজ খনবদা অহৌবগী কোষ্ট অদুতং য়েংগনি অদুবু মখোয়না চহি খুদিংগী অহেনবা এনর্জিগী বিলদা চৎলিবা শেনফম অদুদি য়েংদে।
  • অৱাংবা দেলিভরি পোইন্ট –দেলিভরি পাইপ কা হেন্না ৱাংবনা অহেনবা এনর্জি শিজিন্নহল্লি।
  • মওং তাদবা ফিটিংশীং– অয়াম্বা লৌমীশীংনা শিজিন্নরিবা ফিটিংশীং অসি য়াম্না ফজনা পায়খত্তে অমসুং মসিদগী য়াম্না মাংহনবা অমসুং লিক ওইবা থোকহল্লি। মওং চুমদবা ফুট ভাল্বশীংনা থোকহনবা হেদ লোস অসি য়াম্না ৱাংই। মসিগা মান্ননা শাথীনা কোনবনা থোকহনবা হেদ লোস অসিসু য়াম্না ৱাংই।
  • ইফিসিএন্ট ওইদবা পম্পশীং–ফিল্ড ষ্টদিগী মতুংইন্না ইলেক্ট্রিক মোটোরশীংনা চলাইরিবা পম্পশীংগী চাংচত্তা ওইবা ইফিসিএন্সি অসি 47% নি অমসুং পম্পশীংগী শরুক অহুম থোকপগী অনিদি 50%দগী হন্থবা ইফিসিএন্সিশীংদা শিজিন্নৈ। মসিগা মান্ননা দিজেল ইঞ্জিনশীংগী পম্পশীংগী চাংচত্তা ওইবা ইফিসিএন্সি অসি 56% ওই অমসুং তংখায়দগী হেনবশীংগীদি ইফিসিএন্সি অসি 60% হন্থৈ।
  • অরানবা প্রাইম মুভরশীং– মহৌশানা লৌমীশীংনা হেন্না ৱাংখৎপা কেপাসিটি মোটোরশীং অমসুং দিজেল ইঞ্জিনশীং শীজিন্নৈ। লৌমীশীংদা চুনবা সাইজগী প্রাইম মুভর লৌনবা চুম্না লমজিংবীগদবনি, মওং চুম্বা ফাউন্দেসন অমসুং বেল্ট ত্রান্সমিসন পীগদবনি অমসুং পম্পকী অৱাংবা ইফিসিএন্সিগী খুদোংচাবা লৌনবগীদমক চুনবা পম্প খনগদবনি।

ঈথৈ-লৌখোংগী পম্পসেটশীং শিজিন্নগদবা মতমদা এনর্জি কন্নবগী পাম্বৈশীং

  • অচুম্বা মখলগী পম্পসেটশীং খনবা
    • মার্কেটতা ফংলিবা মখল-মখা কয়াগী পম্পসেটশীং অসিনা ঈশীং চিংবা মতমদা দিজেল চাবগী চাং খেৎনৈ। মরম অদুনা ISI মার্ক তৌরবা পম্প অমা খনবা মরুওই। পম্প সেটশীং অসিদা ইফিসিএন্সি অসি 25% দগী 35% ফাউবগী পোটেন্সিএল হেনগৎপগী ওইথোকপা লৈ।
    • নহাক্না খল্লিবা পম্প অদু নহাক্কী গুহা অমসুং নহাক্না ঈশীংগী মথৌ তারিবদুগী য়েংবদা চুনবা ওইগদবনি। করিগুম্বা নহাক্না মখাগী ইনফোর্মেসন অসি এক্সপর্ট অমদা পীরবদি, মহাক্না নহাকপু চুনবা পম্প খনবদা মতেং পাংবা ঙমগনি।:
      • নহাক্কী গুহাগী অরুবা।
      • নহাক্কী লৌবুক্কী এরিয়া।
    • নহাক্না পম্প অদুবু চুনবা খোংজেলদা চেলহনবা ঙমগদবা অচুম্বা ইঞ্জিন খনবসু মথৌ তাই। মসিগিদমক্তা, এক্সপর্ট অমা তান্নৌ। ইঞ্জিন অদুগী মগুনগীদমক্তা ISI মার্ক থারব্রা য়েংউ।
    • নহাক্কী দিজেলনা চলাইবা ইঞ্জিন অদুগী অৱাংবা লেভেলগী ইফিসিএন্সি লৈহন্নবগীদমক্তা মখাগীশীং অসি শোয়দনা লৈহল্লু:
      • ইঞ্জিন অদু মৈখু কা হেন্না থাদোকপা ওইরোইদবনি।.
      • মেন্যুফেচরর অদুনা রিকমেন্দ তৌবা লুব্রিকান্টগী অচুম্বা গ্রেদ অদু শিজিন্নৌ।
      • ইঞ্জিন অদুদা থাউগী ফিল্টর অমা য়াউগদবনি।
      • ইঞ্জিন অদুদা এয়র ফিল্টর অমা য়াউগদবনি অমসুং মদু চাং নাইনা শেংদোক্কদবনি।
      • ইঞ্জিনগী জেকেট কুলিং ৱাটর অদু শাবুং-শাবুং তৌগদবনি।
  • ফুট ভাল্বশীং -
    • লৌমীশীংনা অপিকপা এরিয়া লৈবা ওপনিংগী মহুত্তা ওপনিংগী অচৌবা এরিয়া লৈবা ফুট ভাল্ব অমা শিজিন্নদুনা দিজেল অসি 10% দগী 30% ফাউবা কনবা য়াই।
    • খরা হেন্না মমল তাংজরবসু ISI মার্ক তৌবা অনেম্বা ফ্রিক্সনগী ইফিসিএন্ট ওইবা ফুট-ভাল্ব অমনা দিজেল চাবগী চাং হন্থহন্দুনা অহেনবা শেলফমদু য়াংনা হঞ্জিনবা ঙমহল্লি।
    • হেন্না চাউবা ভাল্বনা ইলেক্ট্রিসিটি / দিজেল কনবদা মতেং পাংই মরমদি গুহাদগী ঈশীং চিংবদা থাউ অমদি মৈ হন্থনা চাই।
  • পাইপলাইন
    • অচৌবা দাইএমিটর লৈবা রিজিদ ওইবা PVC পাইপলাইন অমনা এনর্জি কল্লি।
      • অপিকপা দাইএমিটরগী পাইপশীংনা ঈশিং চিংখৎপদা মসিনা অহেনবা ফ্রিক্সন পীবা মরম্না দিজেল হেন্না চাই।
      • দাইএমিটরদা 20% হন্থরকপনা ফ্রিক্সন অসি শরুক 3 হেনগৎলকই: করিগুম্বা 100mm (4”) গী পাইপকী মহুত্তা 80mm (3”)গী পাইপ অমা শিজিন্নরবদি, ফ্রিক্সননা মরম ওইদুনা চপ মান্নবা চাংগী ঈশীং চিংখৎপদা, থাউ হেন্না চাবনা মরম ওইদুনা মাংজবসি শরুক অহুম হেনগনি।
      • রিজিদ ওইবা PVCনা সেম্বা পাইপনা কনভেনসনেল গেলভানাইজ তৌরবা য়োৎনা শেম্বা পাইপতগী হেন্না অনেম্বা ফ্রিক্সন থোকহল্লি।
    • পাইপতা অকোনবা অমসুং ফিটিং মশিং হন্থনা লৈরিবমখৈ, ইলেক্ট্রিসিটি হেন্না কনবা ঙম্মী।
    • অকোনবা অমসুং মথৌ তাদবা ফিটিংশীংগী ওইবা পাইপলাইন এরেঞ্জমেন্টনা দিজেল হেন্না চাহল্লি। মরম অদুনা অকোনবা অমসুং ফিটিংগী মশীং হন্থরিবমখৈ, দিজেল হেন্না কনবা ঙম্মী।
    • পাইপতা শাথীনা কোনবা অমসুং L মওংদা শমজিন্নবশীংনা ষ্টেন্দর্দ ওইবা অকোনবশীংদগী 70% হেন্না ফ্রিক্সনেল লোস ওই।
    • এনর্জি কন্নবগীদমক অফবা মগুন লৈবা PVC সক্সন পাইপ শিজিন্নৌ অমসুং ইলেক্ট্রিসিটি 20 % ফাউবা কল্লু।
  • ত্রান্সমিসন
    • লিরবা অমসুং তৎলবা বেল্টশীং শিজিন্নগনু। অসিগুম্বা বেল্টশীং অসি মতম অমহেক্তদা নান্থোকপা নত্ত্রগা তৎখিবা য়াই। মসিনা পাৱরগী ত্রান্সমিসন মাংহনগনি অমসুং থাউ হেন্না চাহনগনি।
    • ইফিসিএন্ট ওইবা ত্রান্সমিসন লৈহন্নবগীদমক্তা পোইন্টশীং চেক তৌ।
    • বেল্টতা লৈবা শমজিনফমশীংগী মশীং হন্থহল্লু।
    • বেল্টগী টেন্সন তোইনা চেক তৌ অমসুং ফাজিল্লু।
    • ইঞ্জিনগা কোন্নবা পম্পকী এলাইনমেন্ট চেক তৌ।
  • লৌমী অমনা থা খুদিংগী দিজেল লিটর 15 পাইপকী অৱাংবদু মিটর 2 হন্থহন্দুনা কনবা ঙম্মী। পম্প অদু গুহাগী ঈশীংগী লেভেলদগী ফুট10দগী হেলহন্দনা থম্বা মতমদা হেন্না ইফিসিএন্ট ওইনা মথৌ তৌই।
  • মেন্যুফেকচরর অদুনা রিকমেন্দ তৌবা মতুংইন্না পম্প সেটতা থাউ অমসুং গ্রিজ চাং নাইনা হাপ্পিয়ু।
  • পাৱর ফেক্টর অমসুং ভোল্টেজ ফগৎহন্নবা মোটোরগা কোন্নবা চুনবা কেপাসিটি লৈবা ISI মার্ক তৌরবা শন্ট (shunt) কেপাসিটর শীজিন্নৌ। মসিনা ইলেক্ট্রিসিটিসু কনগনি।
  • গুহাগী মৈ অদু অয়ুক-নুংথীলগী মতমদগী মুত্থৎপীয়ু।

সোর্স: পেট্রোলিয়ম কঞ্জার্ভেসন রিসর্চ এসোসিএসন

অকোনবা শেমদোকখিবা : 10/24/2019



© C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate