খুঙ্গংদা মৈ পীবগী থবক

করম্বা মতমদা খুঙ্গং অমবু মৈ ফংলবা খুঙ্গং কৌগদগে?

ওক্টোবর 1997গী মমাংদা

খুঙ্গং অমদা করিগুম্বা ইলেক্ট্রিসিটি অসি মদুগী রেভেন্যু এরিয়া অদুগী মনুংদা থবক অমহেক্তগীদমক শীজিন্নরবদি মৈ ফংলে হায়না লৌগনি।

ওক্টোবর 1997গী মতুংদা

খুঙ্গং অমদা করিগুম্বা ইলেক্ট্রিসিটি অসি মদুগী রেভেন্যুগী লমখৈ মনুংদা, মী তাবা মফম অদুদা থবক অমহেক্তগীদমক শীজিন্নরবদি মৈ ফংলে হায়না লৌগনি।

খুঙ্গংগী ইলেক্ট্রিফিকেসনগী অনৌবা ৱাহন্থোক অসি ইং 2004-05দগী চৎনবা হৌরে। (ইং 2004, ফেব্রুৱারিগী তাং 5দা MOPনা ইসু তৌবা, মখোয়গী লেটর নম্বর. 42/1/2001-D(RE) অমসুং ইং 2004গী ফেব্রুৱারিগী তাং 17তা লেটর নম্বর. 42/1/2001-D(RE)গী মতুংইন্না থোকখিবা কোরিজেন্দম)

অনৌবা ৱাহন্থোক অসিগী মতুংইন্না, খুঙ্গং অমবু মৈ ফংলে হায়না লাউথোক্কনি, করিগুম্বা:

• দিষ্ট্রিব্যুসন ত্রান্সফোর্মর অমসুং দিষ্ট্রিব্যুসন লাইনশীংগুম্বা বেসিক ওইবা ইনফ্রাষ্ট্রকচর অসি মী তারিবা মফম অমদি মদুদা লৈরিবা দলিটকী বষ্টিদসু ফংল্লবা।
• স্কুল, পঞ্চায়ত ওফিস, হেলথ সেন্টরশীং, দিসপেন্সরিশীং, কম্যুনিটি সেন্তরশীং, অসিনচিংবা মীয়ামগী ওইবা মফমশীংদা ইলেক্ট্রিসিটি অসি ফংহল্লবা।
• খুঙ্গংদুদা লৈরিবা অপুনবা য়ুমথোং মশীংগী য়ামদ্রবদা 10%দা মৈ ফংহল্লবা।

সোর্স : মিনিষ্ট্রি ওফ পাৱর

দিন দয়াল উপাধ্যায়া গ্রাম জ্যোতি যোজনা (DDUGJY)

স্কিম অসিনা ফিদর (feeder) খায়দোকপা (খুঙ্গংগী য়ুমথোং অমসুং লৌউ-শিংউগী ওইবা) অমসুং খুঙ্গংগী এরিয়াগী থাক পুম্নমক্তা মিটর পানবা য়াউনা সব-ত্রান্সমিসন অমসুং দিষ্ট্রিব্যুসন ইনফ্রাষ্ট্রকচর ফগৎহনবদা মীৎয়েং থম্মী। মসিনা খুঙ্গংগী য়ুমথোংশীংদা নুমিৎ চুপ্পা মৈ ফংহনবদা অমসুং লৌউ-শিংউগী ওইবা কঞ্জুমরশীংদা মৈ মতিক চাবা মৈ পীবদা মতেং পাংগনি। রাজিব গান্ধী গ্রামিণ বিদ্যুটিকরন যোজনা (RGGVY) কৌবা হান্না লৈরবা খুঙ্গংগী মৈ থানবগী স্কিম অদুসু অনৌবা স্কিম অসিদা মসিগী রুরেল ইলেক্ট্রিফিকেসন কম্পোনেন্ট অমগুম্না হাপচিনখ্রে।

কম্পোনেন্টশীং

স্কিম অসিগী মপুং ওইবা কম্পোনেন্টশীংদি

• এগ্রিকলচর অমসুং নন-এগ্রিকলচর ফিদর হায়না খায়দোকপা
• থাক পুম্নমক্তা মিটর পানবা য়াউনা সব-ত্রান্সমিসন অমসুং দিষ্ট্রিব্যুসন ইনফ্রাষ্ট্রকচর ফগৎহনবা (ইনপুট পোইন্টশীং, ফিদরশীং অমসুং দিষ্ট্রিব্যুসন ত্রান্সফোর্মরশীং)
• খুঙ্গংগী লমদা মৈ পীবা

বদজেটকী ওইবা সপোর্ট:

মপুংফাবা স্কিম অসিনা ভারত সরকারদগী পীরকপা মথৌ তারিবা বদজেটকী ওইবা সপোর্ট লুপা ক্রোর 33,453 য়াউনা লুপা ক্রোর 43,033গী ওইবা ইনভেষ্টমেন্ট অমা পীনবা থৌরাংলি। স্কিম অসিগী মখাদা শেলগী ওইবা মতেং লৌনবগীদমক লনাইগী ওইবা দিসকোমশীং (Discoms) অমসুং ষ্টেটকী পাৱর দিপার্টমেন্টশীং য়াউনা দিস্কোম পুম্নমক ইলিজিবল ওই। দিস্কোমশীংনা অকক্নবা নেটৱার্ককী মথৌ তাবা য়েংদুনা খুঙ্গংগী ইনফ্রাষ্ট্রকচরগী থবক ফগৎহন্নবগী থবক হান্না পাংথোক্কনি অমসুং স্কিম অসিনা কোনশিনগদবা প্রোজেক্টশীংগী দিটেল প্রোজেক্ট রিপোর্ট (DPR) শেমগনি। রুরেল ইলেক্ট্রিফিকেসন কোর্পোরেসন (REC) অসিনা স্কিম অসি চৎনহন্নবগী নোদেল এজেন্সিনি। মসিনা মিনিষ্ট্রি ওফ পাৱর এন্দ সেন্ট্রেল ইলেক্ট্রিসিটি ওথোরিটিদা স্কিম অসিগী ইমপ্লিমেন্টেসনগী মতাংদা ফাইনান্সিএল অমসুং ফিজিকেল ওইবা প্রোগ্রেস তাকপা থাগী ওইবা প্রোগ্রেস রিপোর্ট পীগনি। সেক্রেটরি (পাৱর)না চিয়ারমেন ওইবা মোনিটরিং কমিটিনা প্রোজেক্টশীং অয়াবা পীগনি অমসুং স্কিম অসিগী ইমপ্লিমেন্টেসনসু য়েংশিনগনি।

পাংথোক্কদবা মতম (Execution Period)

স্কিম অসিগী মখাদা পায়খৎপা প্রোজেক্টশীং য়ুটিলিটিনা লেটর ওফ এৱার্দস (Letter of Awards) পীবা তাংদগী পারগা থা 24গী মনুংদা লোয়শিনগদবনি।

ফন্দ পীবগী মওং (Funding Mechanism)

স্পেসিএল কেটেগোরিগী রাজ্যশীং নত্তবগীনা স্কিমগী গ্রান্টকী শরুক অসি 60%নি (অপীবা মাইলষ্টোনশীং ফংবদা 75% ফাউবা) অমসুং স্পেসিএল কেটেগোরি ষ্টেটশীংগীনা 85% নি (অপীবা মাইলষ্টোনশীং ফংবদা 90%)। অহেনবা গ্রান্টকীদমক্তা লৈরিবা মাইলষ্টোনশীংদি: স্কিম মতম চানা লোয়শিনবা, ষ্টেট সরকারনা পীরিবা সবসিদি পিবগী মওং মতুংইন্না AT&C মাংবা হন্থহনবনি। সিক্কিম, জম্মু অমসুং কশ্মির, হিমাচল প্রদেশ অমসুং উত্তরাখন্দ য়াউনা অৱাং-নোংপোক্কি রাজ্য পুম্নমক অসি স্পেসিএল কেটেগোরি ষ্টেটশীংগী মনুং চল্লি।

সোর্স : পোর্টেল