এজিং (অহল ওইরকপা)গী মতাংদা খংজিনগদবশীং

এজিং (অহল ওইরকপা) হায়বসি করিনো?

চহি হুম্ফুগী মথক্তা লৈবা মীওইশীং অসি অহল ওইরবা মীওইশীংগী কাংলুপ্তা চল্লি। অহল ওইরকপগী থৌওং অসি মীওই অমনা “হিংনবগী শেল তানবা অমসুং অঙাং পোকপগী ত্রেদিসনেল ওইবা থৌদাংশীং লোইশিল্লবা অমসুং থবকশীং অসি মপুং ফারবা মতুংদা লাকপা, পুন্সিগী শাংদোকপা মতম্নি হায়না লৌনরিবা চহিশীং অদুদা” চংশিল্লক্লবা মতমদা হৌই হায়না লৌনৈ (টিবিটস)। চহি 60 চংলকপদা ঙাইরিবা মীওইশীংগী ওইনা “নহা-অহল” অমসুং চহি 75 শুরবা অমসুং মসিগী মথক ওইবা চহি কাংলুপশীংদা লৈবা মীওইশীংগী ওইনা “অহল-অহল” হায়বগী মখাতাবা ক্লাসিফিকেসন লৈ (হুটচিনসন)।

এজিং (অহল ওইরকপা) হায়বসি করিনো হায়বা শন্দোক্না তাক্লি

বাইওলোজিকেলগী লেভেলদা, এজিং (অহল ওইরকপা) হায়বসি মতমগী মতুংইন্না লাকপা মখল কয়াগী ওইবা মোলেক্যুলর অমসুং সেলুলরগী ওইবা অমাং-অতা কয়া তুংশিল্লকপগী শাফু (ইম্পেক্ট)দগী লাকই। মসিনা হকচাংগী (ফিজিকেল) অমসুং ৱাখলগী (মেন্টেল) কেপাসিটি তপ্না তপ্না হন্থহল্লকই, লায়না লাকপগী রিস্ক, অমসুং মসিগী মতুংদা শীবগী রিস্ক হেনগৎহল্লকই। অদুবু, অহোংবশীং অসি পরিং অমদা (linear) নত্ত্রগা চাং মান্ননা (consistent) ওইবদি নত্তে, অমসুং মখোয় অসি মীওই অমগী মশাগী ওইবা চহিগা চাউরাক্না চৎমিন্নবতনি। চহি 70 শুরবা মীওই খরনা য়াম্না ফবা হেলথ (হকশেল) অমসুং ফঙ্কসন লৈবা মতমদা, অতৈ অতোপ্পা চহি 70 শুরবা মীওই খরদি মশা শোনবা অমসুং অতৈ মীওইদগী মতেং লৌবা মথৌ তাবসু য়াউই।

বাইওলোজিকেলগী ওইবা অহোংবগী ৱাংমদা, এজিং (অহল ওইরকপা) অসি রিটায়রমেন্ট, হেন্না চুনবা য়ুমদা মফম হোংদোকপা, অমসুং মমান্নবা অমসুং পার্টনরশীং শিবনচিংবা অতৈ পুন্সিগী ওইবা অহোংবশীংগসু চৎমিন্নৈ। অহল ওইরকপগী থৌওং অসিদা পব্লিক-হেলথ রেস্পোন্স অমা শেমগৎপদা, চহি হেন্না য়ামখৎলকপগা লোয়নরিবা অমাংবশীং ফগৎহন্নবগী এপ্রোচখক্তা নত্তনা, রিকভরি, এদাপ্টেসন অমসুং সাইকোলোজিকেল গ্রোথ হেন্না মপাঙ্গল কনখৎহনগদবা অতৈ এপ্রোচশীংসু খন্নবা হায়বসি য়াম্না মরুওই।

এজিং (অহল ওইরকপা)গা লোয়নবা কমন ওইবা হেলথ কন্দিসনশীং

অহল ওইরকপা চহিদা লাকপা কমন ওইবা কন্দিসনশীংগী মনুংদা না তাথীবা, ঙৌদোং (কেটরেক্ট) থুংবা অমসুং মশেল-মরাং উবা, নঙ্গন অমসুং ঙক্তা নাবা অমসুং ওষ্টিওঅর্থ্রাইটিস, ক্রোনিক ওবষ্ট্রক্টিভ পলমোনরি দিজিজ, দাইএবেটিজ, দিপ্রেসন (পুক্নিং ৱাবা), অমসুং দিমেন্সিয়া অসি য়াউই। মসিগীসু মথক্তা, মীওইবনা চহি য়ামশিল্লক্লিবমখৈ, মতম অমত্তদা কন্দিসন ময়াম অসি অমুক্তদা লাকশিনবা য়াই।

চহি য়াম্লক্লবা মতমদা, পুন্সিগী অকোনবা শরুকশিংদা লাক্কনবা কমপ্লেক্স ওইবা হেলথকী প্রোব্লেমশীং লাকপা হৌগল্লি অমসুং মসি অকক্নবা লায়নাগী কেটেগোরিশীংদা চন্দে। মখোয় অসি ফেক্টর কয়ামুক্না মরম ওইদুনা থোক্কল্লি অমসুং মখোয়শীংদুগী মনুংদা হকচাং শোন্থরকপা, মপান থোকপদা চাং নাইরক্তবা, তুশিনবা, কা-হেন্না কিগনবা (delirium) অমসুং প্রেসর অলসর অসি য়াউই।

হকশেল ফনা/ এক্টিভ ওইবা মওংদা অহল ওইবা (Healthy /Active ageing)

“হকশেল ফনা অহল ওইবা” হায়বসি চহি য়ামশিল্লক্লবা মতমদা নুংঙাই-য়াইফনা (well-being) লৈবা ঙমহনবা ফঙ্কসনেল এবিলিটি শেমগৎপা অমসুং মেন্টেইন তৌবগী প্রোসেস অদুবুনি হায়না এজিং (ageing) অমসুং হেলথকী মতাংদা পীবা ৱার্ল্ড রিপোর্টনা হায়রি।

চহি য়াম্লবা মীওইশীংগীদমক্তা শেম্বা UN প্রিন্সিপলশীং

ইং 1991দা, জেনেরেল এসেমব্লিনা, চহি য়াম্লবা মীওইশীংগী ওইনা ইন্দিপেন্দেন্স, পার্টিসিপেসন, কেয়র, সেলফ-ফুলফিলমেন্ট অমসুং দিগ্নিটিগা মরি লৈনবা এন্টাইটলমেন্ট 18 শেমদুনা য়ুনাইটেদ নেসন্স প্রিন্সিপলস ফোর ওলদর পর্সনস অসি চৎনবা হৌখি। UNনা গবর্ণমেন্টশিংদা প্রিন্সিপলশীং অসি মখোয়গী নেসনেল প্রোগ্রামশীংগা য়ারিবমখৈ চৎমিন্নহন্নবা পুক্নিং থৌগৎখি।

ইন্দিপেন্দেন্স (মখা পোন্দবা)

• চহি য়াম্লবা মীওইশীংনা ইনকম, ফেমিলি অমসুং কম্যুনিটি সপোর্ট অমসুং সেলফ-হেল্পকী খুত্থাংদা চিঞ্জাক, ঈশীং, লৈফম, ফি-রোল অমসুং হেলথ কেয়র মতিক চানা ফংগদবনি।
• চহি য়াম্লবা মীওইশীংনা থবক শুনবগী খুদোংচাবা নত্ত্রগা অতৈ ইনকম-জেনেরেটিং ওপর্চুনিটিশীংগী খুদোংচাবা ফংগদবনি।
• চহি য়াম্লবা মীওইশীংনা করম্বা মতমদা অমসুং কয়াম থুনা থবক শুবদগী পোত্থাগদগে হায়বদু খংমিন্নবা ঙমগদবনি।
• চহি য়াম্লবা মীওইশীংনা চুনবা এজুকেসনেল অমসুং ত্রেনিং প্রোগ্রামশীংগী খুদোংচাবা ফংগদবনি।
• চহি য়াম্লবা মীওইশীংনা পর্সোনেল প্রিফরেন্সশীং অমসুং চেঞ্জিং কেপাসিটিশীংদা সেফ অমসুং এদাপ্টেবল ওইবা অকোয়রোন অমদা হিংবা ঙমগদবনি।

পার্টিসিপেসন (শরুক য়াবা)

• অহল ওইরবা মীওইশীংনা সমাজগা তিন্ননা লৈগদবনি, মখোয়গী য়াইফনবগা মরি লৈনবা পোলিসিশীং শেম্বা অমসুং চৎনহনবদা ইচংথৌনা শরুক য়াগদবনি অমসুং মখোয়গী নোলেজ অমসুং স্কিলশীং অদু নহা ওইরিবা কাংলুপশীংদা পীগদবনি।
• চহি য়াম্লবা মীওইশীংনা কম্যুনিটিগী সর্ভিসকী খুদোংচাবা লৌনবা অমসুং লৈহন্নবা অমসুং মখোয়গী ইন্টরেষ্ট অমসুং কেপেবিলিটিশীংগা চুনবা পোজিসনশীংদা মখোয়গী থৌদাং লৌবা ঙম্বা ওইগদবনি।
• চহি য়াম্লবা মীওইশীংনা মখোয় মশাগীদমক ঈহৌ শাগৎপা নত্ত্রগা এসোসিএসন শেম্বা ঙমগদবনি।

কেয়র (য়েংশিনবীবা)

• চহি য়াম্লবা মীওইশীংনা সমাজ খুদিংগী ওইবা কলচরেল ভেল্যুশীংগী সিষ্টেমগা মরি লৈননা, ফেমিলি অমসুং কম্যুনিটিদগী কেয়র অমসুং প্রোটেক্সনগী কান্নবা ফংগদবনি।
• চহি য়াম্লবা মীওইশীংনা মখোয় মশাবু ফিজিকেল, মেন্টেল অমসুং ইমোসনেলগী নুংঙাই-য়াইফবগী খ্বাইদগী মতোন লোম্বা থাক অদু লেংদনা থম্বদা নত্ত্রগা অমুক হন্না ফংবদা মতেং পাংগদবা অমসুং নারক-য়েক্লকপা থীংনবা নত্ত্রগা থেংথহন্নবগীদমক হেলথ কেয়র লৌবগী খুদোংচাবা লৈগদবনি।
• চহি য়াম্লবা মীওইশীংনা মখোয়গী ওটোনোমি, প্রোটেক্সন অমসুং কেয়র হেনগৎহন্নবা সোসিএল অমসুং লিগেল সর্ভিসশীংগী লৌবগী খুদোংচাবা লৈগদবনি।
• অহল ওইরবা মীওইশীংদা মীনুংশী চেনবা অমসুং সেক্যুওর ওইবা অকোয়রোন অমদা প্রোটেক্সন, রিহেবিলিটেসন অমসুং সোসিএল অমদি মেন্টেল ষ্টিমুলেসন পীদুনা ইনষ্টিট্যুসনেল কেয়রগী চুনবা লেভেলশীং শীজিন্নবা ঙমহনগদবনি।
• অহল ওইরবা মীওইশীংনা শেলটর (shelter), কেয়র নত্ত্রগা ত্রিটমেন্ট ফেসিলিটি অমদা লৈরিঙৈ মতমদা, মখোয়গী ইকাইখুম্নবা, থাজবা, মথৌ তাবা অমসুং প্রাইভেসিগী মপুংফানা ইকাইখুম্নবা য়াউনা হ্যুমেন রাইটস অমসুং ফন্দামেন্টেল ফ্রিদম ফংবা অমসুং মখোয়গী কেয়র অমসুং মখোয়গী পুন্সিগী মগুনগী মতাংদা ফিরেপ লৌনবগী অধিকার ফংবা তাই।

সেলফ-ফুলফিলমেন্ট (মশানা নিংবা থূংহঞ্জবা)

• অহল ওইরবা মীওইশীংনা মখোয়গী পোটেন্সিএলগী মপুংফাবা দিভেলপমেন্টগী ওপর্চুনিটিশীং তান্নবা ঙম্বা তাই।
• অহল ওইরবা মীওইশীংনা সমাজগী এজুকেসনেল, স্প্রিচুএল অমসুং রিক্রিএসনেল রিসোর্সশীংগী খুদোংচাবশীং ফংবা তাই।

দিগ্নিটি (ইকাইখুম্নবা)

• অহল ওইরবা মীওইশীংনা দিগ্নিটি অমসুং সেক্যুরিটি লৈনা হিংবা অমসুং তুহৎপা অমসুং ফিজিকেল নত্ত্রগা মেন্টেলগী ওৎ-নৈবা লৈতনা হিংবা ঙম্বা তাই।
• অহল ওইরবা মীওইশীংবু চহি, জেন্দর, জাতি নত্ত্রগা কাংলুপকী বেকগ্রাউন্দ, দিসএবিলিটি নত্ত্রগা অতৈ ষ্টেটসকী খেৎনবা থমদনা লোয়নগদবনি, অমসুং মখোয়গী ইকোনোমিক কন্ত্রিব্যুসনগী মখা পোন্দনা ভেল্যু লৈহনগদবনি।

এজিং – ভারত্তা লৈরিবা মশক (Ageing - scenario in India)

ভারত্তা অহল ওইরবা মীওইশীংগী মীশীং অসি লেপ্তনা হেনগৎলক্লি। অহল ওইরবা মীওইশীংগী মীশীং অসি ইং 2001দা মিলিয়ন 76 ওইরম্বদগী ইং 2011দা মিলিয়ন 103.8দা হেনগৎখ্রে। হিসাব অসিনা তাক্লি মদুদি ভারত্তা লৈবা চহি 60+গী ওইবা মীশীং অসি ইং 2016দা মিলিয়ন 116.10দা, ইং 2021দা মিলিয়ন 143.20দা অমসুং ইং 2026দা মিলিয়ন 173.2 দা হেনগৎলক্কনি।

চহি খরসিগী মনুংদা লৈখিবা হেলথ কেয়র ফেসিলিটিশীংগী জেনেরেল ইম্প্রুভমেন্ট অসিনা অহল ওইরবা নাগরিকশীংগী মীশীং অসি হেনগৎলকপগী মরুওইবা মরমশীংগী মনুংদা অমা ওইরি। মখোয়বু শাংনা পুন্সিহনবতা নত্তনা, শাফবা মওংদা, ইকাইখুম্ননা অমসুং প্রদক্টিভ ওইবা পুন্সি অমা পীবা হায়বসিসু অচৌবা শিংনবা অমনি।

ভারত সমাজগী ত্রেদিসনেল নোর্ম অমসুং ভেল্যুশীংনা চহি অহল ওইরবা মীওইশীংদা ইকাইখুম্ননবা অমসুং কেয়র পীনবা তাক্লি। অদুম ওইনমক, হৌখিবা মতম খরসিদা, জোইন্ট ফেমিলি সিষ্টেম (পুন্না লৈমিন্নবা ইমুং) অসি তপ্না তপ্না মাংথরকপা উরি, অমদি মসিগী ফল অমা ওইনা মমা-মপা কয়াবু মখোয়গী ইমুং-মনুংশীংনা ইমোসনেল, ফিজিকেল অমসুং ফাইনান্সিএল সপোর্ট পীবীদবগা লোয়ননা মীরাইবীবা উরি। অহল ওইরবা মীওইশীং অসিনা মতিক চাবা সোসিএল সেক্যুরিটি লৈতবদগী প্রোব্লেম কয়া মায়োক্নরি। মসিনা শেংনা তাক্লি মদুদি এজিং (অহল ওইরকপা) হায়বসি য়াম্না মরুওইবা সমাজগী শিংনবা অমা ওইরক্লি অমসুং অহল ওইরবা মীওইশীংগীদমক শেলমিৎলোন অমসুং হকশেলগী মথৌ তাবশীং অদু পীবা মথৌ তাহল্লক্লি অমসুং অহল ওইরবা মীওইশীংগী পুক্নিং-ৱাখলগী মথৌ তাবশীংগী লৈহল্লক্লিবা মরম অমসুং মসিগা মরি লৈনবা সমাজগী অকোয়রোন (social milieu) অমা শেম্বা মথৌ তারক্লি।

ভারত্তা লৈবা অহল ওইরবশীংগী মীশীংগী মরুওইবা মশকশীং (Main features of elderly population in India)

অহল ওইরবশীংগী মীশীংগী প্রোফাইলনা মখাগীশীংসি তাক্লি:

• মখোয় অয়াম্বদি খুঙ্গংগী লমদা লৈ ;
• অহল ওইরবা মীওইশীংগী মীশীং অসি হেনগৎলক্লি ; অমসুং
• হেন্না অহল ওইরবা মীওইশীংগী (চহি 80গী মথক্তা লৈবা মীওইশীং) মীশীং অসি হেনগৎলক্লি;
• অহল ওইরবা মীওইশীংগী অচৌবা পর্সেন্টেজ অমদি (30%) লাইরবগী পনখৈ মখাদা লৈ।

সোর্সশীং

1. এজিং- WHO
2. ৱার্ল্ড রিপোর্ট ওন এজিং এন্ড হেলথ
3. য়ুনাইটেদ নেসন্স প্রোগ্রাম ওন এজিং
4. এজিং দিভিজন, মিনিষ্ট্রি ওফ সোসিএল জষ্টিস এন্ড এম্পাৱরমেন্ট