অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

ওবেসিটি

ওবেসিটি হায়বসি অহেনবা ফেট অসি হকচাংগী এদিপোজ টিসুদা তুংশিন্দুনা হকচাংগী লৈফম থোকপা অরুম্বদগী 20%দগী হেনবা ফাউবা লৈহল্লকপবুনি।

  • ওবেসিটি অসিগী অমাংবা হেলথ ইফেক্ট কয়া লৈ অমসুং মসিনা চহি শুদনা শিহনবা (premature death) ফাউবা য়াই।
  • ওবেসিটিনা হায় ব্লদ প্রেসর, হায় ব্লদ কোলেষ্টেরোল, হার্ট দিজিজ, দাইএবেটিজ, গোল ব্লেদর ষ্টোন অমসুং অকক্নবা কেন্সর মখল খরা থোকহল্লকপা য়াই।
  • হেন্না চাশিনবা অমসুং ফিজিকেল এক্টিভিটি হন্থবদগী ওবেসিটি লাকহল্লি। অদুম ওইনমক, জিনগী ওইবা ফেক্টরদগীসু (genetic factor) ওবেসিটি লাকপা য়াই।

ওবেসিটি থোকহল্লিবা মরমশীং(Causes for Obesity)

  • ওবেসিটি অমসুং ওভরৱেট (over-weight) অসি এনর্জি ইন্তেক অমসুং এনর্জি এক্সপেন্দিচরগী (এনর্জি লৌশিনবা অমসুং শিজিন্নবগী) ক্রোনিক ইম্বেলেন্স (মতম শাংনা খল মান্নদবা) অমনা থোকহল্লি।
  • ফেট হেন্না লৌশিনবনসু ওবেসিটি থোকহল্লি।
  • এক্সরসাইজ তৌদবা অমসুং হকচাং লেংদবা পুন্সি মহিং (sedentary lifestyle) অসি ওবেসিটি থোকহল্লকপগী মরুওইবা মরমশীংনি।
  • কমপ্লেক্স বিহেবিয়র (Complex behavior) অমসুং সাইকোলোজিকেল ফেক্টরশীংনসু হেন্না চাশিনবগী থৌওং লৈহল্লি অমসুং মসিনা ওবেসিটি লাকহল্লি।
  • এনর্জি শীজিন্নবদা মেটাবোলিজমগী অশোয়বা (Metabolic errors) লৈবনসু ফেট তূংশীনবা হেলহল্লি।
  • অঙাং ওইরিঙৈ অমসুং ইনখৎলকপা মতমদা ওবেসিটি লৈখিবনসু এদল্ট ওবেসিটি (adult obesity) লৈহল্লকই।

হকচাংগী লৈফম থোকপা অরুম্বা (Ideal Body Weight)

লৈফম থোকপা হকচাংগী অরুম্বা অসি চহি য়ামদ্রিবা নহাশীংগী অৱাংবগা চুনবা অরুম্বা অদুনি। খ্বাইদগী কমন ওইনা শিজিন্নবা মসি ওন্নবা পাম্বৈদি বোডি মাস ইন্দেক্স (BMI) হায়বসিনি অমসুং মসি হকচাংগী অরুম্বদু (কিলোগ্রামদা লৌদুনা) মশাগী অৱাংবগী (মিটরদা পাদুনা) স্কোয়ারনা য়েন্থোক্তুনা হোৎলি।

BMI <18.5

মচল শুবা চিঞ্জাক চাদে (Undernourished)

> 25

অরুম্বা হেল্লে (Overweight)

>30

অরুম্বা কা-হেল্লে (Obese)

হকচাংগী অরুম্বা মতৌ করম্না হন্থহনগনি?

  • অতাউবা/ অঙৌবা চিঞ্জাক (fried foods) হন্থনা চাবীয়ু।
  • উহৈ-ৱাহৈ অমসুং মনা-মশীংনা হেন্না চাবীয়ু।
  • ফাইবরগী চাং য়াম্না য়াউবা চিঞ্জাকশীং হায়বদি, হৱাই মপুম (whole grains), হৱাই মরু (grams) অমসুং মনা-মশীংগুম্বনা হেন্না চাবীয়ু।
  • হকচাংগী অরুম্ববু নোর্মেল লিমিটতা থম্নবগীদমক চাং নাইনা এক্সরসাইজ তৌবীয়ু।
  • হকচাংগী অরুম্বা অসি তপ্না অমসুং লেপ্তনা হন্থহনবনা খ্বাইদগী ফৈ।
  • কা-হেন্না চরা হেনবনা হকশেলদা শোকহল্লকপা য়াই।
  • নহাক্কী ফিজিকেল এক্টিভিটি খল মান্ননা থম্বদা মথৌ তাবা চিঞ্জাক মখল কয়া চাবীয়ু।
  • চাং য়ামদবা চাক্লেন (small meals) চাং নাইনা তোয়না (frequent intervals) চাবীয়ু।
  • চিনি, ফেট য়াবা চিঞ্জাক অমসুং য়ু ককথবীয়ু।
  • ফেট হন্থবা শঙ্গোম (low-fat milk) শিজিন্নবীয়ু।
  • হকচাংগী অরুম্বা হন্থহনবা দাইটতা প্রোটিনগী চাং হেন্না অমসুং কার্বোহাইদ্রেট অমসুং ফেটকী চাং নেম্না য়াউগনি।

 

হকচাংগী অরুম্বা কন্ত্রোল তৌনবগীদমক মেদিটেসন তৌবা (Meditation for weight control)

মেদিটেসননা হকচাং পোত্থাহল্লি। মসিনা ইশাবু খংজবা (self-awareness) হেনগৎহল্লি, মরম অদুনা নহাক্না মেদিটেসন তৌরিঙৈদা পুক্নিংগী নুংঙাইতবা লৈবগী চাং হন্থগনি।

মেদিটেসননা নহাকপু নহাক্না তৌরিবা থবক অদুদা পুক্নিং চংবা ঙমহল্লি। মসিনা চাবা য়াউনা, নহাক্না তৌরিবা থবক নত্ত্রগা মদুগী ফল অদুদা পুক্নিং থম্বা ঙমহল্লি। খুদম ওইনা, ষ্টিক নত্ত্রগা চিজবর্গর (steak or a cheeseburger) অমা চাবা মতমদা নহাক্কী হকচাংনা করম্না রিএক্ট তৌবগে হায়বদু য়েংবা মতমদা, নঙোন্দা তুম্নিংবা অমসুং হৈনিংদবা ফাউবা অমসুং ৱাখল থোক্তবা উবা ফংগনি। মসিগী ফল অমা ওইনা, নহাক্না হেন্না চানিংবা অতৈ পোৎশকশীংগী মরমদা খনগনি।

নহাক্না মেদিটেট তৌবা মতমদা, নহাক্না অতৈ ৱাখলদা চোইথোক্তনা নহাক্কী শ্বর হোনবদুদা পুক্নিং লুপ্পি। মসিদা প্রেক্টিস মথৌ তাই। নোংমা প্রেক্টিস তৌবা মিনট 10 মুক্কী মতুংদা, অতেনবা মতমদা, পুক্নিং ৱাবা ফিভম অমা লৈবা (stressful situation) মতমদা নহাক্কী পুক্নিং অদু চানবা চিঞ্জাক্তগী লাপথোক্না লৈবা ঙম্লক্কনি।

অয়াম্বা মতমদা, মেদিটেসন প্রোসেস অমগী ষ্টেপ মরি লৈগল্লি।

  • নহাক্না নুমিৎ খুদিংগী চৎপা ঙম্বা মফম অমা লেপথোকউ। মসি নহাকপু দিষ্টর্ব তৌরোইদবা নহাক্কী মেদিটেসনগী মফম (meditation spot) অদুনি। নহাক্কী তুম্ফম কাগী কাচিন অসি মেদিটেট তৌনবগী অফবা মফম অমা ওইগল্লি।
  • নহাক্কী খ্বাইদগী নুংঙাইজবা মফমদা, হায়বদি নঙ্গল অদুদা সপোর্ট পীদুনা লৈমায়দা নত্ত্রগা চৌক্রি অমদা ফম্মু। করিগুম্বা নহাক্না পাম্লগদি, নহাক্না ফক্লাং অমদা কুসন অমনা সপোর্ট পীরগা ঙাদুনা ফম্বা য়াই। মেদিটেসনগীদমক্তা, থম্বালগী পোজিসন (lotus position)গুম্বা অখন্নবা পোজিসনশীং লৈ। নহাক্না মসিগী মতাংদা ঐখোয়গী মেদিটেসন ইফো সেন্টরদগী হেন্না খংবা ঙমগনি।
  • অহৌবগী ওইনদি, নহাক্কী নোর্মেল ওইনা শ্বর হোল্লিবদুগী মওং অদু হোংদোক্নবা নত্ত্রগা কন্ত্রোল তৌনবা হোৎনদনা, শ্বর হোনবখক্তদা পুক্নিং থম্মু। কোন্না, মন্ত্র অমা হাপচিনবনচিংবা অতৈ থৌওংশীং ঐখোয়না হাপচিল্লক্কনি।
  • পুক্নিং চোইথোক্কনু। করিগুম্বা হৌখিবা ৱাখলশীংনা নহাক্কী পুক্নিং চোইথোকহল্লবদি, মখোয়দু খঞ্জিল্লুনু। মখোয়দু কোন্না খনগনি হায়না নশাদা হায়জৌ। মদুদগী নহাক্কী শ্বর হোনবদুদা পুক্নিং চংশিল্লু। করিগুম্বা নহাক্কী ৱাখল অদু চোইরি খল্লগদি, ননাক্তা পেন্সিল অমসুং ইনবা পেদ অমগা থম্মু। নহাকপু মেদিটেসনদগী লাপথোকহনগনি খনবা নহাক্কী পুক্নিংগী অৱাবা নত্ত্রগা প্রোব্লেমশীংদু ইয়ু অমসুং নহাক্না মেদিটেসন লোয়রবা মতুংদা মখোয়দু খনগনি হায়না ৱাশকউ।

 

মেদিটেসন অমসুং ইমেজরি পুন্সিনবা(Combining Meditation and Imagery)

খ্বাইদগী মপাঙ্গল কনবা পুক্নিং-হকচাংগী টেক্নিকশীংগী (mind-body techniques) মনুংদা মেদিটেসন অমসুং ইমেজরি নত্ত্রগা ভিজুএলাইজেসন পুন্সিনবসিসু অমনি। খুদম ওইনা হায়রবদা, নহাক্না মেদিটেসন তৌরিঙৈদা মেন্টেল ভেকেসন (mental vacation) অমা লৌ। মসি নহাক্না মেদিটেসন তৌরিঙৈদা পুক্নিং চোইরকপশীংদু লাকশিন্নবগী খ্বাইদগী ফবা লম্বীনি।

নহাক্কী নমিত্তু উইশিল্লু অমসুং নঙোন্দা শাফবা অমসুং ঈংথবা ফাউজবা, ঈং-চিকপা, নিন-খোংবা লৈতবা মফম অমগী মরমদা পুক্নিং চংনা খল্লু। নহাক্কী কোক্তা অতোপ্পা ৱাখল কয়া চংলক্লবদি, মখোয়দু নহাক্না মেদিটেসন লোয়রবা মতুংদা খনগনি হায়না নশাদা নিংশিংজৌ। নিন-খোংদবা সমুদ্র খোংবাল অমসি আইদিএল ওইবা মেন্টেল দেষ্টিনেসন অমা ওইগল্লি। তোর্বানগী লৈঙোই মথক্তা নহাক পোত্থারি হায়না খল্লু। নুংশানা নহাক্কী উনশাদা য়ৈরি, ঈথক্না সমুদ্র খোংবালদা কারকপগী মখোল তারি, সিগল (seagulls)গী মখোল তারি, নত্ত্রগা সমুদ্রদা হোল্লিবা হিশীং য়েংলি হায়না পুক্নিংদা খল্লু। চপ মান্নবা রুটিন অসি নহাক্কী পুক্নিংবু পোত্থাহনবা নত্ত্রগা নহাক্কা নক্না লোয়নজবা ফজবা, নিন-খোংদবা মফম অমহেক্তগী ওইনা শিজিন্নবা য়াই।

সোর্স: পোর্টেল কন্টেন্ট টিম

অকোনবা শেমদোকখিবা : 6/11/2020



© C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate