কমন কোল্ড

শম্লপ্পা ৱাফম অমসুং কমন কোল্ড থোকহনবগী মরমশীং

কোল্ড অমা হায়বসিদা মহৌশানা নপ মহি চেনবা (runny nose), খৌনাউ নাবা, হকথী খনবা অমসুং লোক খুবা হায়বসি য়াউই। লাইওংশীং অসি চয়োল অনি ফাউবা শাংনা লৈবা য়াই।

• ভাইরস 200দগী হেনবনা কমন কোল্ড থোকহনবা য়াই।
• রাইনোভাইরস (rhinovirus) অসিনা কোল্ড থোকহনবা খ্বাইদগী কমন ওইবা ভাইরস মখলনি।

কোল্ড অমা লৈবা মতমদা নাতোন্দা নপ মহি চেনবা(Runny Nose during a Cold)

কোল্ড থোকহল্লিবা জর্মশীংনা নাতোন অমসুং সাইনসশীংদা ইনফেক্ট তৌবা মতমদা, নাতোন্দা নপ মহি (clear mucus) থোরকপা হৌরকই। মসিনা জর্মশীং অদু নাতোন অমসুং সাইনসশীংদগী চামথোকপদা মতেং পাংই। নুমিৎ নিনি নত্ত্রগা হুম্নিগী মতুংদা, হকচাংগী ইম্যুননা ঙাকথোকপা হৌরকই (fight back) অমসুং নপ (mucus) অদু অঙৌবা নত্ত্রগা নাপুগী মচুদা ওন্থোকপা হৌরকই। নাতোন্দা লৈবা বেক্টেরিয়ানা শন্দোরকপগা লোয়ননা, মখোয় অসি নপতা য়াউবসু হৌরকপা য়াই, অমদি মসিনা নপ অদু শংলি-শংলিবা মচু (greenish) ওইহল্লি। মসি নোর্মেলনি অমসুং নহাক নত্ত্রগা নহাক্কী অঙাং অদুনা এন্টিবাইওটিককী মথৌ তারে হায়বা নত্তে।

অনাবগী খুদম অমসুং লাইওংশীং(Signs and Symptoms)

• হকথী খনবা।
• নাতোন ফুনবা নত্ত্রগা নপ মহি চেনবা।
• খৌনাউ নাবা।
• লোক খুবা।
• মীত্তা পী ঈরা চেনবা (Watery eyes)।
• কোক খজিক্তং চিকপা (Mild headache)।
• হকচাং থীন্দোকপা (Mild body aches)।

করিগুম্বা নহাক নত্ত্রগা নহাক্কী অঙাং অদুদা মখাগীশিংসি লৈরবদি হেলথকেয়র প্রোভাইদর অমগা তান্নৌ:

• টেম্পেরেচর অসি 100.4° F দগী হেল্লবা।
• নুমিৎ 10দগী হেন্না লাইওং লৈরবা।
• কাউন্টরদা ফংবা হিদাক-লাংথকশীংনা রিলিফ পীবা ঙমদবা সিম্পটমশীং লৈরবা।

নহাক নত্ত্রগা নহাক্কী অঙাং অদুদা কোল্ড অমা লৈরে হায়বসি নহাক্কী হেলথকেয়র প্রোভাইদরনা লেপ্পা ঙমগনি অমসুং সিম্পটমেটিক থেরাপি অমা রেকমেন্দ তৌবা য়াই। করিগুম্বা নহাক্কী অঙাং অদু থা অহুম শুদ্রিবা ওইরবা অমসুং অরুম লৈরবদি মতম পুম্নমক্তা নহাক্কী হেলথকেয়র প্রোভাইদর অদু খুদক্তা কৌবা হায়বসি য়াম্না মরুওই।

কমন কোল্ড অসি মতৌ করম্না শন্দোকপগে?

কমন কোল্ড অসি অয়াম্বদি শোক্ন-শম্নবদগী (hand-to-hand contact) শন্দোকই। খুদম ওইনা, কোল্ড অমা লৈবা মীওই অমনা নপ শিৎলি নত্ত্রগা মহাক্কী মনাতোন অদু পায়রবগী মতুংদা অতোপ্পা মীওই অমদা শোকই অমসুং মহাক অদুদা ভাইরস অদু চংখি। মসিগী মথক্তা কোল্ড ভাইরস অসি কলম, লাইরিক অমসুং কোফি কপকুম্বা পোৎ-চৈশীংদা পুং কয়া হিংবা ঙম্মী অমসুং অসিগুম্বা পোৎ-চৈশীংদগী লৌরকপসু য়াই। লোক খুবা অমসুং হকথী খনবনা কমন কোল্ড শন্দোকই হায়না কমন ওইনা লৌনরবসু তশেংবদি থৌওংশীং অসিনা কোল্ড অমা শন্দোকপগী চাংদি নেম্মী।

মসিনা অঈংবা ৱেদরদা(cold weather)চত্থোক-খোত্তোকপগা মরি লৈনব্রা?

কোল্ড অমা শন্দোকপদা অঈংবা নোংজু-নুংশাদা চত্থোকপগা মরি লৈনদে। মসিগা মরি লৈনবা মাল্লিবসিদি মীওই অয়াম্বনা অঈংবা নিংথমথাগী ৱেদরদা ইমুংদা লৈগনবননি। তশেংবদি, মপানগী টেম্পেরেচরদগী অতৈ মীওইশীংগা নক্নবদগী লৌনরকপনা মরুওইবা মরম্নি। মসিনা মরম ওইদুনা, মরুওইনা দেকেয়র নত্ত্রগা কিন্দরগার্টেন(daycare or kindergarten)দা লৈবা অঙাংশীংদনা কোল্ড লৌগনবা হেল্লি।

এন্টিবাইওটিককী মথৌ তাবা মতমদি

এন্টিবাইওটিক অসি নহাক্কী হেলথকেয়র প্রোভাইদর অদুনা নঙোন্দা নত্ত্রগা নহাক্কী অঙাংদা বেক্টিরিএল ইনফেক্সন অমা লৈরে হায়রবা মতমদতা মথৌ তাই। নহাক্কী হেলথকেয়র প্রোভাইদরনা অতৈ হিদাক-লাংথক প্রেস্ক্রাইব তৌরকপা য়াই নত্ত্রগা কোল্ডগী সিম্পটমশীংদা মতেং পাংনবা থৌওং খরা তাক্লকপা য়াই, অদুবু এন্টিবাইওটিক অসি কোল্ড নত্ত্রগা নাতোন্দা নপ মহি চেনবা লাইয়েংবগীদি মথৌ তাদে।

করিগুম্বা মখাগী ফিভমশীংসি লৈরবদি এন্টিবাইওটিকনা মতেং পাংলোই

কমন কোল্ড অসি ভাইরস অমনা থোকহনবা মরম্না, এন্টিবাইওটিকনা মদু ফগৎহনবদা মতেং পাংলোই। নপ মহি চেনবা নত্ত্রগা কোল্ড অমনা অয়াম্বা মতমদা মশা মথন্তা ফজরকই, মরম অদুনা মতম খরা ঙাইবনা হেন্না ফৈ অমসুং মথৌ তাবা মতমদখক্তা এন্টিবাইওটিক চাবা কান্নগনি। মথৌ তাদবা মতমদা এন্টিবাইওটিক চাবনা হকচাং শোকহনবা য়াই। নহাক্না নত্ত্রগা নহাক্কী অঙাংদুনা এন্টিবাইওটিক অমা চাবা খুদিংগী, মহৌশানা নহাক্কী হকচাংদা (উনশা, ইন্টেষ্টাইন, চিন অমসুং নাতোন, অসিনচিংবদা লৈরিবা) লৈরিবা বেক্টেরিয়া অদু এন্টিবাইওটিক্তা রেসিষ্টেন্ট (resistant) ওইরকপা হেল্লি। রেসিষ্টেন্ট জর্মশীং অসিনা থোকহনবা ইনফেক্সনশীং অসি কমন এন্টিবাইওটিকনা হাৎপা ঙমদে।

কমন কোল্ডবু থিংবা(Preventing the Common Cold)

• খুৎকী অফবা হায়জিন (hygiene) লৈহল্লু।
• কোল্ড নত্ত্রগা অতৈ অপ্পর রেস্পিরেটরি ইনফেক্সনশীং লৈবা মীওইশীংগা শোক্ন-শম্নগনু।

সোর্স: দিরেক্টোরেট ওফ মেদিকেল এজুকেসন