দিহায়দ্রেসন

দিহায়দ্রেসন হায়বসি করিনো?

দিহায়দ্রেসন হায়বসি “হকচাংদগী ঈশীং কা হেন্না চৎখিববু” খংনৈ। ঐখোয়গী হকচাংশীংনা ফঙ্কসন তৌনবগীদমক নোংমগী ওইনা ফংগদবা মহি-মনাইগী অকক্নবা চাং অমা লৈ; মসিগী মিনিমম অদু গ্লাস 8 মুক্কা (লিটর অমা নত্ত্রগা ক্বার্ট অমা) মান্নগনি। মথৌ তাবগী চাং অসি এক্টিভিটি অমসুং চহিগী মতুংইন্না খেৎনৈ, অদুবু খ্বাইদগী এক্টিভ ওইবা মীওই অদুগী মথৌ তাবসি বেসিক এমাউন্ট অসিগী শরুক অনিদগী অহুম ফাউবা হেল্লি। বেসিক ওইবা মহি-মনাই লৌশিনবসি (Basic fluid intake) ঐখোয়গী নোর্মেল বোদি ফঙ্কসনশীং পাংথোকপদা মথৌ তাই। করিগুম্বা ঐখোয়গী মথৌ তারিবা মহি-মনাই অসিদগী চাং হন্থনা লৌশিল্লবা নত্ত্রগা মাংখিবা তারবদি, অকোনবদা ফংগদৌরিবা ফল অসি দিহায়দ্রেসন হায়বসিনি।

করিনা দিহায়দ্রেসন থোকহনবগে?

ইন্টেষ্টাইন অদুদা “চাত্থৎপা” (inflamed) নত্ত্রগা অতৎ-অরাক য়াউবা মতমদা, নত্ত্রগা বেক্টেরিয়া নত্ত্রগা ভাইরসশীংনা ইন্টেষ্টাইনগী লাইনিং (lining) অদুনা চুপশিনবা ঙম্বা চাংদগী হেন্না মহি-মনাই পুথোকহনবা মতমদা ইন্টেষ্টাইনেল ত্রেক্ট ফাউদুনা মহি-মনাই (fluid) কা-হেন্না মাংবগী থৌওং লৈবা য়াই। মহি-মনাই থকপগী চাং হন্থরকপসি ওনিংবা নত্ত্রগা চানিং-থক্নিংবা পোক্তবদগী ওইবা য়াই।

দিহায়দ্রেসনগী লাইওং অমসুং খুদমশীং অদু করি করিনো?

নুমিৎ খরনিখক্কী মনুংদা (নত্ত্রগা করিগুম্বা কান্দদি পুং খরখক্কী মনুংদা ওইবসু য়াই) হকচাংগী অরুম্বা থুনা য়াংনা হন্থরক্লবদি দিহায়দ্রেসন লৈবগী খুদম ওইবা য়াই। হকচাংগী অরুম্বা 10%কী মথক্তা য়াংনা তাথরক্লবদি শাথীরে হায়না লৌবা য়াই। লাইওংশীংগী মতেংনা তশেংবা অনাবা অদুদগী চপ চানা খংদোকপদি লুবা য়াই, অদুবু মখাদা পীরিবা খুদমশিঙ (signs) অসি লৈরবদি দিহায়দ্রেসন লৈরে হায়না লৌবা য়াই। মখোয় অদুদি, ঈশীং খৌরাংবা হেনগৎলকপা, চিন কংবা, শোন্থবা নত্ত্রগা কোক ঙাউরি-ঙাউরি তৌবা (করিগুম্বা লেপ্পগনা হেনবা), য়ুংগী মচু মুশিনবা, নত্ত্রগা য়ুং হানবগী চাং তাথরকপা অসিনি। শাথীনা দিহায়দ্রেসন তৌবনা হকচাংগী কেমিষ্ট্রিদা অহোংবা য়াম্না পুরকপা য়াই। মসিনা কিদনি ফেল ওইবা অমসুং পুন্সি মাংহনবফাউবা য়াই।

সোর্স: পোর্টেল কন্টেন্ট টিম