পেরাসাইটিক ৱার্ম ইনফেক্সন

ৱাহৌদোক

• পেরাসাইট (Parasites) হায়বসি হোষ্ট (host) অমদা লান্দাদুনা, মখোয় মশাবু মপান্দা নত্ত্রগা মনুংদা (টিসু অমসুং ওর্গানশীংদা) নপশিন্দুনা, অমসুং হোষ্ট অদুদগী ন্যুত্রিএন্টশীং (মচিঞ্জাকশীং) চুপথোকপা জিবশীংনি। অকক্নবা ৱার্ম খরগী (worms) পেরাসাইটশীংদি, হোষ্টশীংবু মপাঙ্গল শোন্থহল্লি অমসুং মখোয়দা লায়না পোকহল্লি।
• ৱার্ম (নেমাটোদ)শীং অসি অশাংবা, মতু হৌদবা (naked) অমসুং শরু পান্দবা জিবশীংনি অমসুং মখোয়গী মচাশীং অসি মরুম নত্ত্রগা সিষ্ট (cyst)তগী লার্ভেল (larval) ষ্টেজদা লাকহন্দুনা, মখোয়না ইনফেক্ট তৌবা টিসুশীংদা হায়বদি, উনশা, মসল, লংস নত্ত্রগা ইন্টেষ্টাইন (গট নত্ত্রগা দাইজেষ্টিভ ত্রেক্ট)গুম্বদা ৱার্ম ওইনা মপুং-মরৈ ফারকই।

সিম্পটমশীং(লাইওংশীং)

ৱার্মশীংগী লৈফমদা য়ুম্ফম ওইদুনা, লাইওংশীং পূথোকই।

• লাইওং অমত্তা লৈতে নত্ত্রগা খজিক্তং উৎলি।
• লাইওংশীং খুদক্তা থোরকপা য়াই নত্ত্রগা চহি 20দগী হেন্না মতম লৌবসু য়াই।
• করিগুম্বা মতমদা ৱার্মশীং অসি মপুম ওইনা নত্ত্রগা সেগমেন্ট ওইনা অমাংবদা য়াউরকপা য়াই।
• ইন্টেষ্টাইনেল ৱার্ম লৈরবা দাইজেষ্টিভ ত্রেক্ট (ষ্টোমাক, ইন্টেষ্টাইন, লিভর, কোলোন অমসুং রেক্টম)না পুক নাবা, শোন্থবা, দাইরিয়া, চানিং-থক্নিংবা ফাউদবা, হকচাংগী অরুম্বা হন্থবা, ওবা, এনেমিয়া, ভিটামিন (B 12), মিনরেল (আইরন), ফেট অমসুং প্রোটিন  ৱাৎপগা লোয়ননা মালন্যুত্রিসন থোকহল্লি। অমাংথোং (anus) অমসুং নুপীগী হকচাংথোং (vagina)গী অকোয়বদা হাক্কচবা, তুম্বা য়াদবা, ফমুংদা মপান থোকচিনবা, অমসুং পুক নাবসি পিনৱার্ম (pinworm) ইনফেক্সনশীংদা উবা ফংই।
• উনশা তৎপা (Skin – Eruptions), ঈশীং হানবা (vesicles), মায় পোম্বা, মরুওইনা মীৎকী অকোয়বদা।
• এলর্জিগী রিএক্সনশীং – উনশা ঙাংশীনবা, উনশাদা হাক্কচবা অমসুং অমাংথোংগী অকোয়বদা হাক্কচবা।
• লিভর ফ্লকস (Liver flukes): লিভর চাউথোকপা, অরুম হৌবা, পুক নাবা, দাইরিয়া, উনশা নাপু চংবা।
• লিম্ফেটিককী শরুক য়াউরকপা (Lymphatic involvement) – শামুগী মখোঙ মানবা পোমথোক্লবা খোং (Swollen elephant-like legs) নত্ত্রগা টেষ্টিকলশীং (testicles)।

মসিবু থোকহল্লিবা মরমশীং

1. টিসু নেমাটোদশীং নত্ত্রগা রাউন্দৱার্মশীং।
2. ইন্টেষ্টাইনেল নেমাটোদশীং
• এসকারিয়াসিস (রাউন্দ ৱার্ম) – মরুমশিঙ (eggs) অসি এসকারিস হায়রিবা ৱার্ম অসিগী অমাংবদা (feces) য়াউই অমসুং মীওইবনা মসি য়াউরবা লৈবাক-লৈহাউ/ মনা-মশীংগী খুত্থাংদা শোয়দুনা মখোয়দুবু পুক্নুং য়ৌহনখি। ৱার্মশীং অসিনা ইন্টেষ্টাইন্দা হৌবা ঙম্মী অমসুং অতৈ মফমশীং, হায়বদি লংসকুম্বা মফমদা চৎখিবা ঙম্মী। মখোয়না সেন্টিমিটর 40 ফাউবা শাংনা হৌবা ঙম্মী।
3. টেপৱার্ম (Tapeworms): ৱার্মশীং অসিদা য়াম্লবা সেগমেন্টশীং লৈ। মখোয়না দাইজেষ্টিভ ত্রেক্টতা তোয়না লান্দাই, অমসুং মখোয়গী ন্যুত্রিসন অসি মখোয়গী হোষ্টকী মফমসিদগী ফংই।
4. ফিলারিয়াসিস (Filariasis): উনশা অমসুং লিম্ফেটিক টিসুদা লান্দাবা মান্নদবা ৱার্ম গ্রুপ অমনি।

রিস্ক ফেক্টরশীং

• অমাংবদগী ঈশীংদা য়ানশিনখিবা (Fecal contamination of water)।
• অনসেনিটরি (হকশেল ফরোইদবা) ওইবা কন্দিসনশীং।
• অহিংবা নত্ত্রগা থোংবা মুন্দবা শা নত্ত্রগা ঙা হিংনা চাবা।
• শা-ষনশীং অনসেনিটরি কন্দিসনশীংগা নক্না থম্বা।
• উচি নত্ত্রগা তিন-কাংনা লান্দাবা (infestations)।
• মচি কাদ্রবা (malnourished) নত্ত্রগা লায়না লৈরবা মীওইশীং।
• কাং নত্ত্রগা হয়িংনা কুংনা লান্দাবা।
• অঙাংশীংনা চাবা-থকপা তৌবা নত্ত্রগা লৈবাক্কা শোক্ন-শম্নবা শান্নবুংশীং।

মসি কোক্নবা অচম্বা পাম্বৈ খরা (Simple remedies)

• মহি-মনাইশীং (Fluids) থকপীয়ু।
• ফজনা পোত্থাবীয়ু।
• ইমুংগী মীওই পুম্নমক টেষ্ট তৌথোক্তুনা লায়েংথোক্কদবনি।
• লাইয়েংবা লোয়দ্রিবা ফাউবা অন্দরৱিয়ার, ফি-রোল, অমসুং মোনপাক ফিদকশীং অশাবা ঈশীংদা শুদোক্কদবনি।
• খুৎ তোইনা হাম্বা, থোংবা মুন্দবা নত্ত্রগা অহিংবা চিঞ্জাকশীং চাদবা, মনা-মশীং নত্ত্রগা উহৈশীং চামথোকপা, অমসুং ঈশীং থক্ত্রিঙৈদা শৌহনবা হায়বসি তঙাইফদে।

সোর্স: পোর্টেল কন্টেন্ট টিম