ব্লদ প্রেসর

ব্লদ প্রেসরগী মরমদা

ব্লদ প্রেসর হায়বসি চেল্লিবা ঈ অসিনা ব্লদ ভেসেলশীংগী ৱালদা পীরিবা ফোর্স অদুবুনি। আর্টেরিশীং অসিনা পম্পিং হার্টতগী হকচাংগী টিসু অমসুং ওর্গান পুম্নমক্তা ঈ পুরিবা ভেসেলশীংনি। ব্লদ প্রেসর অসি আর্টেরিশীংদা হার্টনা ঈ পম্পিং তৌদুনা জেনেরেট তৌই অমসুং ঈ চেনবদা আর্টেরিশীংনা পীরিবা রেস্পোন্স অদুনা রিগুলেট তৌই।

চৎনবী মওংদা, মীওই অমগী ব্লদ প্রেসর অসি সিষ্টোলিক/ দাইএষ্টোলিক ব্লদ প্রেসর হায়না ফোংদোক্নৈ, খুদম ওইনা 120/80গী মওংদা ফোংদোক্নৈ। সিষ্টোলিক ব্লদ প্রেসর (মথক্কী মশীং) অসিনা হার্টকী মসলনা চপশীল্লকপা অমসুং মখোয়দা ঈ পম্পিং তৌশিনবা মতমদা আর্টেরিদা পীরিবা প্রেসর অদু খংহল্লি। দাইএষ্টোলিক ব্লদ প্রেসর (মখাগী মশীং) অসিনা হার্টকী মসল অদু চপশিল্লবা মতুংদা থাদোরকপা মতমদা আর্টেরিদা পীবা প্রেসর অদুবু খংহল্লি। হার্টনা রিলেক্স তৌরিঙৈ মতমদা লৈবা ব্লদ প্রেসর অদুনা পম্পিং তৌরিঙৈ মতমদা লৈবদগীদি মতম পুম্বদা হেল্লি।

মশা-মউ ফরিবা এদল্ট অয়াম্বদা লৈবা সিষ্টোলিক ব্লদ প্রেসর অসি মর্ক্যুরিগী মিলিমিটর (mm Hg) 90 অমসুং 120গী মরক্তা ওইগল্লি। নোর্মেল ওইবা দাইএষ্টোলিক ব্লদ প্রেসর অসিনা mm Hg 60 অমসুং 80গী মরক্তা লৈগনি। হৌজিক পীরিবা গাইদলাইনশীংসিগী মরক্তা লৈবা নোর্মেল ওইবা দাইএষ্টোলিক ব্লদ প্রেসর অসিনা নেম্লবদা 120/80 ওইবা য়াবা নোর্মেল ব্লদ প্রেসর অদু তাকই।

লো ব্লদ প্রেসর হায়বসি করিনো?

লো ব্লদ প্রেসর (হায়পোটেনসন) হায়বসি য়াম্না নেম্লবা প্রেসরনি মদুদি মসিনা আর্টেরি অমসুং ভেইনশীংদা ঈগী ঈচেল নেম্না চেনবগী খুদম নত্ত্রগা লাইওং উৎলকই। ঈগী ঈচেল অসি ব্রেন, হার্ট অমসুং কিদনিগুম্বা মরুওইবা ওর্গানশীংদা ওক্সিজেন অমসুং ন্যুত্রিএন্টশীং পীনবগীদমক কা হেন্না নেম্মনবা মতমদা ওর্গানশীং অসিনা নোর্মেল ওইবা ফঙ্কসন তৌবা ঙমদে অমসুং মতম পুম্বগী ওইনা মথৌ তৌবা লেপহনবা য়াই।

হায় ব্লদ প্রেসরগা মান্নদবা মওংদা, লো ব্লদ প্রেসরদি অকক্নবা ব্লদ প্রেসর নম্বর অমনা তাকপগী মহুত্তা মরুওইনা ঈগী ঈচেল নেম্বগী খুদম অমসুং লাইওংশীংনা তাকই। মীওই খরদা 90/50গী ব্লদ প্রেসরগা লোয়ননা লো ব্লদ প্রেসরগী লাইওং অমত্তা উত্তনা লৈবসু য়াউই, মরম অদুনা মখোয়দা লো ব্লদ প্রেসর লৈতে। অদুম ওইনমক, মহৌশানা হায় ব্লদ প্রেসর লৈবা মীওইশীংদদি করিগুম্বা মখোয়গী ব্লদ প্রেসর অদুনা 100/60দা নেমথখ্রবদি লো ব্লদ প্রেসরগী লাইওংশীং উৎলকপা য়াই।

লো ব্লদ প্রেসরনা থোকহল্লকপা কোক খরা চিকপা, কোক ঙাউবা, নত্ত্রগা লেপ্পদা ৱান্থবা অসিবু ওর্থোষ্টেটিক হায়পোটেনসন হায়না কৌই। লেপ্পদগী থোক্লকপা লো ব্লদ প্রেসরদি নোর্মেল ইন্দিভিজুএলশীংনা য়াংনা মেনখৎপা ঙম্মী। কোরোনরি আর্টেরিশীংদা (হার্টকী মসলদা ঈ পীরিবা আর্টেরিশীং) ঈ পীনবগী মতিক চাবা ব্লদ প্রেসর লৈতবা মতমদা, মীওই অমদা থবাক নাবা নত্ত্রগা হার্ট এটেক অমা ফাউবা থোকহল্লকপা য়াই। কিদনিশীংদা ঈ মতিক চানা পীদবা তারবদি, কিদনিশীংদুনা হকচাংদগী কান্নদবশীং (wastes) মাংহনবা ঙমদে, খুদম ওইনা য়ুরিয়া অমসুং ক্রিএটিনাইন অসি পনবা য়াই, অমসুং  ঈগী ঈচেলদা মখোয়গী লেভেল অসি ৱাংখৎহল্লকই। শোক (Shock) হায়বসি লো ব্লদ প্রেসর লেপ্তনা মতম শাংনা লৈরকপনা কিদনি, লিভর, লংস, হার্ট অমসুং ব্রেন অসি য়াংনা ফেল ওইহল্লক্তুনা পুন্সি মাংহনবা য়াবা ফিভম অমনি।

হায় ব্লদ প্রেসর হায়বসি করিনো?

130/80গী মথক্তা লৈবা ব্লদ প্রেসর অসি হায় ব্লদ প্রেসর ওইনা লৌনৈ। হায় ব্লদ প্রেসর (hbp) নত্ত্রগা হায়পরটেনসন হায়বসিনা খংহল্লিবসি আর্টেরিশিংদা হায় প্রেসর (টেন্সন) লৈরে হায়বসিনি। পুক্নিং-ৱাখল চরাংনবা অমসুং ৱাখল লৈতাদবনা মতম খরগী ওইনা ব্লদ প্রেসর হেনগৎহনবা য়ারবসু, হায় ব্লদ প্রেসর হায়রগা পুক্নিং-ৱাখল লৈতাদবা কা-হেনবননি হায়না হেক্তা লৌবা য়াদে। নোর্মেল ব্লদ প্রেসর অসি 120/80গী মখাদা লৈগদবনি; 120/80 অমসুং 139/89গী মরক্তা লৈবা ব্লদ প্রেসর অসিনা “প্রি-হায়পরটেনসন” ("pre–hypertension"), অমসুং 140/90 নত্ত্রগা মসিগী মথক্তা লৈবা ব্লদ প্রেসর অসিবুনা হায় ব্লদ প্রেসরনি হায়না লৌনৈ।

হায় ব্লদ প্রেসরনা হার্ট দিজিজ, কিদনি দিজিজ, আর্টেরিশীং কনশিনহনবা, মিৎ শোকপা অমসুং ব্রেন শোকপা লৈরক্নবগী রিস্ক হেনগৎহল্লি। ব্লদ প্রেসর নোর্মেলদা থম্নবা অমসুং কমপ্লিকেসনশীং লাকহন্দনবগীদমক হায় ব্লদ প্রেসরগী লাইওং খংদোকপসি য়াম্না মরুওই।

হার্ট চোংবা (heart beats) মতমদা, মসিনা ব্লদ ভেসেলদা ঈ কামশিল্লি অমসুং মখোয়দা প্রেসর পী। করিগুম্বা কনাগুম্বা মীওই অমনা মশা-মউ ফরিবা ওইরবদি, ব্লদ ভেসেলশীং অদু মসক্যুলর অমসুং ইলাষ্টিক ওই। হার্টনা মখোয় ফাউদুনা ঈ কামশিনবা মতমদা মখোয়না চাউথোকই (stretch)। নোর্মেল ওইবা কন্দিসন্দা, হার্টনা মিনট অমদা 60দগী 80 রক ফাউবা চোংই। হার্ট চোংবা খুদিংগী ব্লদ প্রেসর ৱাংখৎলি অমসুং চোংলিঙৈ মরক্তা কোম্না (relaxes) লৈরিঙৈদনা তাথৈ। ব্লদ প্রেসর অসি, হকচাংনা লৈবগী মওং (posture), হকচাং শাজেল নত্ত্রগা তুম্বগী হোংদোক-হোংজিন তৌবগী মতুংইন্না মিনট খুদিংগী হোংবা য়াই, অদুবু মসি নোর্মেল ওইনা মপুং-মরৈ ফারবা মীওই অমগী ওইনদি 130/80 mm Hgগী মখাদা লৈগদবনি। লেভেল অসিগী মথক্তা লৈবা ব্লদ প্রেসরদি হায় ওইরে হায়না লৌবা য়াই।

মহৌশানা হায় ব্লদ প্রেসরগী লাইওংদি লৈতে, অমদি মীওই কয়াদা চহি কয়া খংদনা ব্লদ প্রেসর অসি লৈবা য়াউই। মসিনা পুক্নিং চরাংনবা, লৈতাদবা নত্ত্রগা হায়পরএক্টিভ ওইরে হায়না হেক্তা লৌবা য়াদে। নহাক অসি পুক্নিং লৈতানা, ঈং-তপ্না লৈবা মীওই অমা ওইরবসু ব্লদ প্রেসরদি অদুম লৈবা য়াই। কন্ত্রোল তৌদনা হায় ব্লদ লৈবনা ষ্ট্রোক, হার্ট এটেক, কনজেষ্টিভ হার্ট ফেলর নত্ত্রগা কিদনি ফেল ওইবনচিংবা পুন্সি মাংহনবা য়াবা থৌওংশীং অসি থোকহনবা য়াই। মরম অদুনা হায় ব্লদ প্রেসর অসিবু ময়াম্না “সাইলেন্ট কিল্লর” হায়না কৌনৈ।

সোর্স: পোর্টেল কন্টেন্ট টিম