লাইহৌ হৌবা

মীওইবগী নোর্মেল বোডি তেম্পেরেচর অসি 37^oC নত্ত্রগা 98.6 ⁰F নি। বোডি তেম্পেরেচর অসিনা নোর্মেল লেভেলদগী হেনবগী কন্দিসন অদুবু লাইহৌ হৌবা (fever) হায়না খংনৈ। লাইহৌ হৌবা হায়বসি লায়না অমা নত্তে। মসি লায়না অমগী লাইওং (symptom) অমনি। মসি ইনফেক্সন মখল অমহেক্তদা হকচাংনা পীবা রিএক্সননি। তেম্পেরেচর হেনগৎপগী চাং অদুনা লায়না অদুগী শাথীবগী থাক অদু তাকই।

মসি থোক্লকপগী মরমশীং(Causes)

মখাদা পীরিবা লায়নাশীং অসিনা লাইহৌ হৌবগী মরম ওইবা য়াই।

1. মেলেরিয়া
2. টাইফোইদ
3. ট্যুবরক্যুলোসিস
4. র‍্যুমেটিক ফিবর (Rheumatic fever)
5. লাইকুপ থোকপা (Measles)
6. মম্পস (Mumps)
7. ন্যুমোনিয়া অমসুং কোল্ড, লোক খুবা, টোন্সিলাইটিস, ব্রোঙ্কাইটিস অসিনচিংবা রেস্পিরেটরিগী ইনফেক্সনশীং
8. য়ুরিনরি ত্রেক্ট ইনফেক্সনশীং (Urinary tract infections)

কমন ওইবা লাইহৌগী লাইওংশীং(Common fever symptoms)

• 37.5 ^oC নত্ত্রগা 100⁰ Fদগী হেনবা বোডি টেম্পেরেচর

• কোক চিকপা
• হকচাংদা মৈশা লৈতবা (Body chills)
• শরু তাং নাবা (Joint pains)
• চানিং-থক্নিংবা পোক্তবা
• খোং হাম্বা য়াদবা
• চানিং-থক্নিংবা পোক্তবা অমসুং চোকথবা ফাউবা

পাংথোক্কদবা থবক খরা (Simple tips to follow)

• অনাবদু নুংশিৎ-নুংশা মরাং কায়বা কা অমদা থমগদবনি।
• মহি-মনাই মরাং কায়না পীথক্কদবনি।
• অরুবা অমসুং অমোনবা ফি-রোলশীং শেৎহনবনা ফৈ।
• মতিক চানা পোত্থাহনবা মথৌ তাই।
• টেম্পেরেচর অদুনা 39.5^oC নত্ত্রগা 103⁰F গী মথক ওইরক্লবদি দোক্টর অমগা তান্নবা মথৌ তাই।

• নত্ত্রগা করিগুম্বা লাইহৌ অদু পুং 48দগী হেন্না চত্থদুনা লৈরবদি দোক্টর অমগা তান্নবা মথৌ তাই।

লাইহৌ হৌবা মতমদা চাগদবা চিঞ্জাক মখলশীং

• অশেংবা অমসুং শৌহল্লবা ঈশীং মরাং কায়না পীথক্কদবনি।
• মতিক চাবা কেলোরিনা হকচাংবু সপোর্ট তৌহন্নবগীদমক, গ্লুকোজ, হেলথ দ্রিঙ্ক, হৈ-মহি, অসিনচিংবশীং পীথকপা ফৈ।
• তকখায়রবা চেং, তকখায়রবা সাগো, চনান মহি (barley water) অসিনচিংবা লাইনা তুমগনবা চিঞ্জাকশীং অসি পীজবা কান্নৈ।
• শঙ্গোম, তনগং (roti) অমসুং দবলরুটি (bread) পীজবা য়াই।
• হামেংশা (Mutton), য়েরুম, বত্তর (butter), শঙ্গোম অফম্বা অমসুং থাউনা শেম্বা চিঞ্জাকশীং চারোইদবনি।

সোর্স: পোর্টেল কন্টেন্ট টিম