শম কেনবা

শম কেনবা হায়বসিদা শম খরা পাবদগী কোক মপুংফানা তাংবফাউবা য়াউই। শম অসি তোঙান-তোঙানবা মরমশীংদগী কেনবা য়াই। মেদিকেলগী মীৎয়েংদা, শম কেনবা হায়বসি কেটেগোরি কয়ামুক্কী মনুং চল্লি, মখোয়দুগী মনুংদা মখাগীসিংসি য়াউই:

মতম শাং নারুবা, মেজর ওইবা সর্জরি নত্ত্রগা শাথীবা ইনফেক্সন লৈখিবগুম্বা মেজর বোডি ষ্ট্রেস (major body stress) অমা লৈখিবা মতুং থা অনি নত্ত্রগা অহুম লৈরবা কমন ওইবা মওংগী শম কেনবসি থোকই। মসি হোর্মোন লেভেলদা খংহৌদনা অহোংবা লাকপনা মরম ওইদুনা, মরুওইনা অঙাং উন্নরবা মতুংদা নুপীশীংদা, থোকহনবসু য়াই। ময়াই ওইবা চাংদা শম কেনবগী থৌদোকসি থোক্নৈ অদুবু অপাকপা শম হৌদবা মফম (large bald spots) লৈবগী থৌওংশিদি খরা তাংই।

মসি থোকহল্লিবা মরমশীং (Causes)

দ্রগকী সাইদ ইফেক্ট — শম কেনবসি অকক্নবা হিদাক-লাংথকশীংগী সাইদ ইফেক্ট ওইবসু য়াই অমসুং মসিনা কোক অপুনবদা খংহৌদনা শম কেনহনবা য়াই।

মেদিকেলগী অনাবা অমা (medical illness) লৈবগী লাইওং — থাইরোইদ দিসওর্দর (হায়পোথাইরোদিজম নত্ত্রগা হায়পরথাইরোইদিজম), সেক্স হোর্মোন ইম্বেলেন্স নত্ত্রগা সেরিয়স ওইবা ন্যুত্রিসনগী প্রোব্লেম, মরুওইনা প্রোটিন, আইরন, জিঙ্ক নত্ত্রগা বাইওটিন ৱাৎপগুম্বা মেদিকেলগী অনাবা অমগী লাইওংশীংগী মরক্তা অমা ওইবা য়াই। চিঞ্জাক ককপা (restrictive diets) মীওইশীং অমসুং থাগী খোংকাপ য়াম্না চৎপা (heavy menstrual flow) নুপীশীংদা দিফিসিএন্সিশীং অসি খ্বাইদগী কমন ওইনা উবা ফংই।

কোক্কী উনশাদা ফঙ্গেল ইনফেক্সন লৈবা (Fungal infection of the scalp) – শম মপাক ওইনা কেনবগী মওং (patchy hair loss) অসি অকক্নবা ফনজাই (fungi) মখল খরনা কোক্কী উনশাদা (scalp) ইনফেক্সন থোকহনবদগী থোকই। মসি অঙাংশীংদা তোইনা থোকপা শম মপাক ওইনা কেনবগী থৌওংনি।

হেরেদিটরি পেটর্ননা থোকহনবা কোক তাংবা (Hereditary pattern baldness) — নুপাশীংদা, শম কেনবসি অকক্নবা নুপাগী পেটর্ন (typical male pattern) অমগী (মমাংলোমদগী পাথরকপা অমসুং/ নত্ত্রগা লৱাইদা পাথরকপা) মতুং ইনবা য়াই। মসি খ্বাইদগী কমন ওইবা শম কেনবগী মখলনি, অমসুং মসি নুপা অমগী পুন্সিগী তাংকক অমদা হেক্তা হৌরকপা য়াই, হায়বদি মহাক্কী ইনখৎলকপগী চহিশীংদা ফাউবা হৌরকপা য়াই। মসি মহৌশানা ফেক্টর অহুম: পারি-পুরিদগী লাকপা কোক তাংবগী টেন্দেন্সি, নুপাগী হোর্মোন অমসুং চহি য়ামখৎলকপা হায়রিবশীংসিনা ইন্টরেক্সন তৌনরকপনা থোকহল্লি। নুপীশিংদদি, শম পাথবা অসি কোক্কী উনশাগী মমাংথংবা শরুকখক য়াউদনা অতৈ মথক থংবা পুম্বদা থোকই।

লাইওংশীং

নোর্মেল ওইনা নোংমদা ঐখোয়না চাউরাক্না শমখোংগী শম (scalp hair) 50দগী 100 ফাউবদি কেল্লি। মসিদগী হেন্না কেল্লবদি মদু খন্ননিঙাই ওইরে। কনাগুম্বা মীওই অমদা শম পাথরকপা অমসুং শম তাংবা মফম (bald patches) অমা নত্ত্রগা অমদগী হেন্না উরকপসু য়াই।

মসিবু কমদৌনা থীংগদগে (Prevention)

শম কেনবগী মওং খরদি পুক্নিং ৱাবা (stress) হন্থহন্দুনা, অফবা দাইট অমা চাদুনা অমসুং শম হাৎপগী মওং চুম্বা টেক্নিকশীং শীজিন্নদুনা অমসুং করিগুম্বা ওইথোকপা য়ারবদি, শম কেনবগী থৌওং লৈহন্দবা হিদাক-লাংথকশীংদা ওইনা হোংদোক্তুনা থীংবা য়াই। ফঙ্গেল ইনফেক্সননা থোকহনবা শম কেনবগী থৌওং অসি শম লু-নান্না থমদুনা অমসুং তুপি, শমজেৎ নত্ত্রগা ব্রসশীং অতোপ্পগা শেয়র তৌনদনা থীংবা য়াই। হেরেদিটরিগী পেটর্ননা থোকহনবা শম কেনবগী থৌওং অসি করিগুম্বা মতমদা হিদাক-লাংথক্না থীংবা ঙম্বসু য়াউই।

সোর্স: পোর্টেল কন্টেন্ট টিম