সনষ্ট্রোক
সনষ্ট্রোক
সনষ্ট্রোক হায়বসি করিনো?
হিটষ্ট্রোক (Heatstroke) হায়নসু খংনবা সনষ্ট্রোক (Sunstroke) অসি, অৱাংবা টেম্পেরেচরদা এক্সপোজ তৌরুবদগী হকচাংগী হিট-রিগুলেটিং সিষ্টেম অসি ফেল ওইহনবা, পুন্সি মাংনিঙাই ওইবা কন্দিসন অমনি। মসি হকচাংনা অকনবা এক্টিভিটি নত্ত্রগা য়াম্না শাবা এনভাইরনমেন্ট অমনা থোকহনবা কা হেনবা হিট অসিদগী মশামকপু নান্থোকচবা ঙমদবা মতমদা থোকই। অৱাংবা টেম্পেরেচরশীংনা হকচাংগী মরুওইবা ওর্গানশীং ফেল ওইহনবা ঙম্মী।
হিটষ্ট্রোক হায়বসি হিটকা মরি লৈনবা প্রোব্লেমশীংগী মনুংদা খ্বাইদগী শাথী, মসি মহি-মনাই মতিক চানা থক্তবগা অশাবা এনভাইরনমেন্টদা অকনবা থবক শুবগা পুনবদগী তোইনা থোকই।
কনাদা সনষ্ট্রোক থোকপগে?
মীওই অমহেক্তদা সনষ্ট্রোক থোকপা য়ারবসু, মসি খরা হেন্না থোক্কনবা (susceptible) মীওইশীংসু লৈ। মখোয়দুগী মনুংদা অঙাংশীং, এথলেটশীং, দাইএবেটিকশীং, অলকোহোলিকশীং অমসুং কা-হেনবা শাবা মৈশা অমসুং নুংশা হৈনদবা মীওইশীং অসি য়াউই। অকক্নবা হিদাক-লাংথক শীজিন্নবনসু মীওই অমদা হিটষ্ট্রোক (heatstroke) হেন্না থোকহনবসু য়াউই।
সনষ্ট্রোককী সাইন অমসুং সিম্পটমশীং অদু করি করিনো?
হিটষ্ট্রোককী মপুংওইবা সাইন অসি পর্সোনেলিটিগী অহোংবদগী কনফ্যুজন অমসুং কোমা ফাউবগী রেঞ্জদা মেন্টেল ষ্টেটসতা অহোংবা লাকপগা লোয়ননা হকচাংগী টেম্পেরেচর (104 দিগ্রি Fতগী হেন্না) ময়েক শেংনা হায়গৎলকপসিনি। উনশা অদু শাবা অমসুং কংবা (hot and dry) য়াই, অদুবু করিগুম্বা হিটষ্ট্রোক অদু থবক কন্না শুবনা (exertion) থোকহনবা ওইরবদি, উনশা অদু চোৎ-চোৎ লাউবা (moist) য়াই।
অতোপ্পা সাইন অমসুং সিম্পটমশীংগী মনুংদা মখাদা পীরিবশীংসি য়াউবা য়াই
- মীহুন য়াংনা চোংবা।
- শ্বর থবেৎ-থবেৎ হোনবা।
- ব্লদ প্রেসর ৱাংখৎপা নত্ত্রগা নেমথবা।
- হুমাং থোকপা লেপখিবা।
- খোইরাং-খোইশাউনবা, চমম্নবা (confusion) নত্ত্রগা ৱাখল মাংবা।
- কোক ঙাউবা নত্ত্রগা ৱাখল মাংলি-মাংলি তৌবা (lightheaded)।
- কোক চিকপা।
- ওনিংবা (ওবা)।
- ৱান্থবা, চহি য়াম্লবা মীওইশীংদদি মসিনা অহানবা সাইন ওইবা য়াই।
করিগুম্বা সনষ্ট্রোক কনশিল্লক্লবদি, মখাদা পীরিবা শাথীবা সিম্পটমশীং অসি থোরকপা য়াই।
- মেন্টেল কনফ্যুজন
- হায়পরভেন্টিলেসন
- হকচাং চিংবা (Body cramps)
- পাম্বোম অমসুং খোংদা য়াম্না নানা মসল চপশিনবা
- শারৈ হৌবা (Seizure)
- কোমা (Coma)
ফার্ষ্ট এইদ (অহানবা লাইয়েং)
- মীওই অদুবু নুংশাদগী উরুম লাংবা নত্ত্রগা এয়র কন্দিসনগী মফম অমদা পুসিনগদবনি।
- মীওই অদুবু লোংনা হিপহল্লু অমসুং মখোং অমসুং খোংপাক অদু খজিক্তং থাংগৎলু।
- মীওইদুগী শেৎলিবা ফি-রোলশীংদু কোমথোকহল্লু নত্ত্রগা লৌথোকউ।
- মীওই অদুবু অঈংবা ঈশিং নত্ত্রগা অতৈ কেফাইন য়াউদবা নন-অলকোহোলিক ওইবা মহি-মনাই পীথকউ।
- মীওই অদুবু অঈংবা ঈশীংনা কাপশিন্দুনা নত্ত্রগা নান্থোক্তুনা অমসুং ফেন থাজিন্দুনা ঈংথহল্লু।
মীওই অদুবু চেক্সিন্না য়েংশিল্লু। হিট মাংখিবা হায়বসি য়াম্না থুনা হিটষ্ট্রোক ওইরকপা য়াই।
করিগুম্বা লাইহৌ অদুনা 102oFদগী হেল্লবা, ৱান্থরক্লবা, চমম্নবা নত্ত্রগা শারৈ হৌবা লৈরক্লবদি খুদক্তা এমর্জেন্সি মেদিকেলগী মতেং লৌগদবনি।
সনষ্ট্রোক অসি মতৌ করম্না থীংগদগে?
সনষ্ট্রোক থোক্তনবগীদমক্তা, য়ুমগী মপান্দা থবক তৌবা মতমদা মহি-মনাই য়াম্না থকউ অমসুং হকচাং অদু নোর্মেল টেম্পেরেচর অমদা মেন্টেইন তৌ। য়ু অমসুং কেফাইন শিজিন্নরোইদবনি মরমদি মখোয়না দিহায়দ্রেসন থোকহনবা ঙম্মী। অঙানবা মচু (light colored) অমসুং অকোম্বা ফি-রোলশীং শেৎকদবনি অমসুং হকচাংগী ৱাটর লেভেল থম্নবগীদমক মরক-মরক্তা পোত্থাদুনা মহি-মনাই থক্কদবনি।
সোর্স: পোর্টেল কন্টেন্ট টিম
অকোনবা শেমদোকখিবা : 6/11/2020
