হুই-হৌদোংনা চিকপা

থোকহল্লিবা মরমশীং

হুই-হৌদোংনা চিকপা অয়াম্বদি হুইশীংদগীনি। হৌদোংনা চিকপা অসিনা অনিশুবা খ্বাইদগী কমন ওইনা চিকপগী থৌওংশীংনি। হুইনা চিকপদগীদি হৌদোংনা চিকপনা ইনফেক্সন থোকহনবা য়াবগী রিস্ক অসি য়াম্না হেল্লি। অতৈ চিকপগী ওইথোকপা য়াবশীংদি লিন্না চিকপা অমসুং য়োংনা চিকপশীং অসিনি।

হুই-হৌদোংনা চিকপদা মরুওইনা চেক্সিন্নিংঙাই ওইরিবসি রেবিজ ওইরকপা য়াবসিনি। হুইনা চিকপা অসিনা রেবিজ লাক্নবগী খ্বাইদগী কমন ওইবা সোর্সনি।

লাইওংশীং (Symptoms)

চিকপদুনা উনশা ফাউদোকপা নত্ত্রবা ফাউবদা মদুনা শরু, মসল, লিগামেন্ট অমসুং নর্ভশীংদা অশোক-অপন থোকহনবা য়াই। করিগুম্বা উনশা অদু মনুং ফাউনা তৎলবদি, ইনফেক্সন লাকপগী অহেনবা ওইথোকপা য়াবা লৈ।

ইনফেক্সন অমগী খুদমশীংগী মনুংদা মখাদা পীরিবশীংসি চল্লি:

• অশোকপদুগী অকোয়বদা শাবুং-শাবুং তৌরকপা।
• পোমথোকপা।
• অনাবা ফাউবা।
• নাই থোকলকপা।
• অশোকপদুগী অকোয়বদা ঙাংশিল্লকপা।
• উনশাদা শাবা ফাউবা (Skin inflammation)।
• লিম্ফ গ্ল্যান্ড পোমথোকপা (Lymph gland swelling)।
• রেবিজ অমসুং হৌদোংনা খোৎপগী লাইহৌ।

টেন্দোন নত্ত্রগা নর্ভশীংদা অশোক-অপন থোকপগী খুদমশীংগী মনুংদা মখাদা পিরিবশীংসি চল্লি:

• খুৎশা কোনশিনবা নত্ত্রগা তিংথোকপা ঙমদবা।
• খুৎশা মতোন্দা থেংবদা খংদবা।

খুদক্কী ওইবা ফার্ষ্ট এইদ

চিকখিবা মফমদু চিন্না চুপ্পোইদবনি। চিন্দা বেক্টেরিয়া য়াউই অমসুং মদুনা ইনফেক্সন থোকহনবা য়াই।

খজিক্তং শোকপশীংগীদমক

মফম অদু সাপোন অমসুং ঈশীং নত্ত্রগা এন্টিসেপ্টিক হায়বদি হায়দ্রোজেন পেরোক্সাইদ নত্ত্রগা অলকোহোলগুম্বা অমা শিজিন্নদুনা মপুংফানা চামথোক্কদবনি। এন্টিবাইওটিক ওইন্টমেন্ট অমা তৈগদবনি অমসুং অশোকপা অদু নপশিল্লোইদবা বেন্দেজ অমনা য়েৎশিনগদবনি। মফম অদু নর্ভ নত্ত্রগা টেন্দোনশীংদা অশোক-অপন লৈব্রা হায়বদু চেকশিন্না য়েংগদবনি। অশোক অদু চয়োল অমদগীনা নুমিৎ 10 ফাউবগী মনুংদা ওইশিনফম থোকই। করিগুম্বা মদু হায়রিবা মতমসিগী মনুংদা ওইশিন্দ্রবদি, নত্ত্রগা ইনফেক্সন নত্ত্রগা নর্ভ নত্ত্রগা টেন্দোনশীংদা অশোক-অপন য়াউবগী খুদম লৈরবদি, মেদিকেলগী মতেং লৌগদবনি।

ঈ থোকপা য়াউবা (Presence of Bleeding)

অশোকপা মফম অদুদা তরু-তনানবা অকংবা ফি অমা শিজিন্নদুনা হকথেংননা প্রেসর পীগদবনি অমসুং মফম অদু খরা ৱাংখৎহনগদবনি। করিগুম্বা মফম অমা ঈ ফজনা থোকপা নত্ত্রবদা চামথোক্লোইদবনি। অশোকপা অদু তরু-তনানবা ফুত্তোক্লবা দ্রেসিং অমনা কুপশিনগদবনি অমসুং মেদিকেলগী মতেং লৌগদবনি।

করিগুম্বা অশোকপা অদু মায়, কোক নত্ত্রগা ঙক্তা ওইবা তারবদি, খুদক্তা মেদিকেলগী মতেং লৌগদবনি।

লিন্না চিকপা

লিনশীং অসি কোল্ড-ব্লদ ওইবা (cold-blooded) জিবশীংনি। মরম অদুনা, মখোয় অসি মশাগী বোদি টেম্পেরেচর হেনগৎহনবা ঙমজদে অমসুং মপান্দা ঈংলবা মতমদতা এক্টিভ ওই। মখোয় অসি 25-32°Cদা খ্বাইদগী হেন্না এক্টিভ ওই।.

চিক্লিঙৈ মতমদা ভেনম নত্ত্রগা পোইজন (venon or poision) কাপশিল্লি, অমসুং ভেনম অসি ভেনম গ্ল্যান্ডদগী দক্ট অমা (a duct) ফাউরগা লিনগী মরৈ (fangs)দা চংখি, অমসুং অকোনবদা মসিনা চিক্লিবা জিবা অদুদা চংখি। লিনগী ভেনম অসি তোঙান-তোঙানবা ইফেক্টশীং লৈবা সবষ্টেন্স কয়ানা পুন্সিন্দুনা শেম্বা পোৎশক অমনি। চম্না হায়রবদা, প্রোটিনশীং অসি কেটেগোরি 4দা খায়দোকপা য়াই:

• সাইটোটোক্সিননা লোকেল টিসু অদুদা অমাং-অতা থোকহল্লি।
• হেমোটোক্সিননা ইন্টরনেল ব্লিদিং থোকহল্লি।
• ন্যুরোটোক্সিননা নর্ভস সিষ্টেম শোকহল্লি।
• কার্দিওটোক্সিননা হার্টতা হকথেংননা শাফু পী।
• লিন 8000দি হু চেল্লি।
• করম্বা লিনশীংনা চিকপগে: মীওইবদা খুদোংথীনিঙাই ওইবা খ্বাইদগী হেন্না হু চেনবা লিনশীংনি হায়না লৌনরিবা লিনশীংগী মরুওইবা ফেমিলি অনিদু করি করিনো? মখোয় অদুদি কোব্রা (Cobras) অমসুং ভাইপর (Vipers) অসিনি।

লিন্না চিকপগী লাইওংশীং (Snakebite Symptoms)

হু চেনবা লিনশীংনা চিকপসি য়াম্না খুদোংথীনিঙাই ওই, অমসুং ইচম চম্বা অশোকপদগী হৌরগা পুন্সি মাংনিংঙাই ওইবা অনাবা অমসুং শিবগী থৌওং লৈহল্লি। হু চেনবা লিন্না চিক্লবা মতুংদা খংলিবশীং (findings) অদু করিগুম্বদা লান্না লমজিংনিঙাই ওইবসু য়াই। ভিক্টিম অমদা অহৌবা মতমদা ময়েক শেংবা লাইওং লৈতবা য়াই, অমসুং মদুগী মতুংদা ইখং-খংহৌদনা শ্বর হোনবা ৱারকপা অমসুং শোক (shock) চৎখিবা য়াই।

লিনগী হু চংখিবগী খুদম অমসুং লাইওংশীং অসি মরুওইবা কেটেগোরি খরদা খায়দোকপা য়াই:

• লোকেলগী ইফেক্টশীং (Local effects): ভাইপরশীংনা অমসুং কোব্রা খরনা চিকপসি য়াম্না নাবা ফাউবা অমসুং কন্দবা (tender) য়াই। মখোয় অদু শাথীনা পোমখৎপা অমসুং ঈ থোকপা অমসুং ঈশীং হানবা (blister) তৌরকপসু য়াই। কোব্রা খরগী ভেনমনা চিকফমগী অকোয়বদা লৈবা টিসুশীংসু হাৎপা য়াউই।
• ঈ থোকপা: ভাইপরশীংনা চিকপনা ব্রেইন নত্ত্রগা বোৱেল (bowels)গুম্বা ইন্টরনেলগী ওর্গানশীংদা ঈ থোকহনবা য়াই। ভিক্টিম অমদা চিকফমদগী নত্ত্রগা চিনদগী নত্ত্রগা হান্না শোকখিবা মফমশীংদগী মতম অমত্তদা ঈ থোরকপা য়াউই। ঈ থোকপা খকতবদগী শোক চৎপা নত্ত্রগা শীবা ফাউবা য়াই।
• নর্ভস সিষ্টেমগী ইফেক্টশীং: অকক্নবা লিন খরগী ভেনমনা নর্ভস সিষ্টেম অসি হকথেংননা শোকহল্লি। ভেনম অদুনা অকক্ননা য়াম্না থুনা শ্বর হোনবগী মসলশীং লেপহন্দুনা লাইয়েংবা নংদ্রিঙৈদা শিহনবা ঙম্মী। অহৌবদদি ভিক্টিমশীং অদুদা উবা, ঙাংবা অমসুং শ্বর হোনবা ৱাবা, অমসুং খোং-খুৎ পংশিনবগী (numbness) প্রোব্লেমশীং লৈরকপা য়াই।
• মসল শিবা (Muscle death): অকক্নবা লিন খরগী ভেনমশীংনা হকচাংগী মফম কয়ামরুমদা হকথেংননা মসল শিবা থোকহনবা য়াই। শিরবা মসল সেলশীংদগী লাকপা অকায়-অতোইশীংনা (debris) প্রোটিনশীং চুমথোক্নবা হোৎনরিবা কিদনি অসি ফুলহনবা য়াই। মসিনা কিদনি ফেল ওইহনবা য়াই।
• মীৎ: মতিন শিৎপা মখলগী কোব্রাশীংনা (spitting cobras) মখোয়গী ভেনম অদু মখোয়গী ভিক্টিমশীংগী মমীত্তা চপ চানা কাপশিনবা ঙম্মী, অমসুং মসিনা মীৎ নাবা অমসুং অশোক-অপন য়াউহনবা য়াই।

করম্বা মতমদা মেদিকেল কেয়র লৌগদগে?

লিন্না চিক্লবা মীওই খুদিংমক্না করিগুম্বা লিন অদু মহু চেন্দে হায়না তশেংনা খংবা নত্ত্রবদি হোসপিটাল এমর্জেন্সি দিপার্টমেন্ট অমদা শোয়দনা চৎকদবনি। নিংশিংগদবদি, লিনগী কাংলুপ অদু লান্না মশক খংদোক্লবদি মদু পুন্সি মাংবা য়াবা অশোয়বা ওইগনি।

হু চেন্দবা জিবশীংনা চিকপদা অশোকপশিংদু ফজনা য়েংশিনবা চংই। করিগুম্বা ভিক্টিমশীং অদুনা মমাংগী অকোনবা চহি 5 অদুদা টিটানস বুষ্টর অমা কাপথোকখিদবা ওইরবদি মদু কাপথোক্কদবনি।

রেবিজ থীংবা (Prevention of Rabies)

লৌনরকপা (Transmission)

রেবিজ ভাইরস অসিনা অতৎপা উনশা অমসুং তেক-কায়দ্রিবা ম্যুকোসা (intact mucosa)দা ফাউদুনা চংশিনবা ঙম্মী। মহৌশানা মীওইবদা থোকপা ইনফেক্সনশীং অসি রেবিজগী মহিক চেল্লবা শাশীংদগীনি। সাউথ আমেরিকাগী শুরুংশীংদা লৈবা শেকপীশীংগী মরক্তা ভাইরস অসি শ্বর হোনবদা চংখিবসিসু মসি শন্দোকপগী মওং অমা ওই হায়বগী রিপোর্ট লৈ। হন্দক্তা ফোংখিবা লাইরিকশীংদা রেবিজ অসি কোর্নিএল ত্রান্সপ্লান্টশীংগী (corneal transplants) খুত্থাংদসু শন্দোকই হায়বগী রিপোর্ট ফংই।

লায়না অমা লাকপা অমসুং চাউখৎলকপা (Pathogenesis)

শানা চিকপদগী চংলকপা ভাইরসনা মফমদুদা লৈবা মসল ফাইবরশীংদা মচা পোক্তুনা মশীং হেনগৎলি। মসিনা ন্যুরোমসকুলার অমসুং ন্যুরোতেন্দিনেল স্পিন্দলশীংদা তুংশিন্দুনা লৈ, অমসুং নুমিৎ নত্ত্রগা চয়োলগী অকক্নবা ইন্টরভেল লৈতবীদা, অকোয়বদা লৈবা নর্ভশীংদা শন্দোরকই। অরোইবদা, মসিনা CNSতা চংখি অমসুং মফমসিদা CSF ফাউদুনা শন্দোরকই। অকোয়বদা লৈরিবা নর্ভশীংদা চংলবা মতুংদা, রেবিজ ভাইরস অসি দোর্সেল রুট গেঙ্গলিওনখক্তদা (dorsal root ganglion) নত্তনা হম ওরেল দিফেন্সশীং (এন্টিবোদিশীং)দদি ইনএক্সেসিবল (inaccessible) ওই।

ক্লিনিকেল ফিচরশীং (Clinical Features)

মচা ওনবগী মতম (incubation period) অসি নুমিৎ 4 দগী চহি কয়ামরুম ফাউবা ওইবা য়াই। অদুম ওইনমক, মসিগী থৌওংশীংগী 90 %দদি নুমিৎ 30দগী 90 ফাউবগী মনুংদা ওইবা থেংনৈ। মচা ওনবগী মতম অসি মায়দা চিকপগী কেসতনা (চাংচত্তা নুমিৎ 35) খোংদা চিকপগী কেসতগী (চাংচত্তা নুমিৎ 52) মতম হেন্না তেনগল্লি।

লাইওংশীং (Symptoms)

ফ্যুরিয়স নত্ত্রগা ফ্রেঙ্ক রেবিজ (Furious or frank rabies): মসিনা খ্বাইদগী কমন ওইবা রেবিজগী মওংনি। মসিদা হায় মোটোর এক্টিভিটি, নিকপা, মসল ফাজিনবা (spasms) অমসুং শ্বর থবেৎ-থবেৎ হোনবা (shortness of breath) অসিনচিংবসি উবা ফংই। গুলেটতা (gullet) মসল ফাজিনবনা মরম ওইদুনা পেসেন্ট অদুনা মহি-মনাই য়োৎপা ঙম্লক্তে (Hydrophobia) অমসুং মসিগী মথংদা এরোফোবিয়া (aerophobia) লাকই।

পেরালাইটিক নত্ত্রগা দম্ব রেবিজ (Paralytic or Dumb Rabies): রেবিজ মওং অসি কেস 5গী মনুংদা 1গুম্বদা থেংনৈ। উবা ফংবা লাইওংশীংগী মনুংদা চিকখিবা খোং অদুনা হৌরগা খোংশীং প্রদাক-প্রদাক তাবা (flaccid paralysis) অসিসু য়াউই। দম্ব রেবিজ অসি এনসেফেলাইটিসগী কেস অমগুম্না য়াম্না তোইনা লান্না দাইএগ্নোস তৌনৈ।

রেবিজগী মতাংদা তোইনা হংনবা ৱাহংশীং

রেবিজ হায়বসি করিনো অমসুং মসি মতৌ করম্না লৌনবগে?

• রেবিজ অসি থীংবা ঙম্বা ভাইরেল দিজিজ অমনি। রেবিজ ভাইরস অসিনা সেন্ত্রেল নর্ভস সিষ্টেমদা ইনফেক্ট তৌই অমসুং ব্রেন্দা লায়না অসি লাকহল্লি। মসিবু ফহন্নবা লাইয়েং অমত্তা লৈতে অমসুং লাইওং অসি অমুকপু হৌখ্রবদি শিবা হায়বসি শোয়দ্রবা ওই। রেবিজ ভাইরস অসি ইনফেক্টেদ ওইরবা হুই-হৌদোংশীংদগী মীওইবদা উনশা খেত্তৎপা, চিকপা, নত্ত্রগা চিনবান নত্ত্রগা মীৎকী ম্যুকস মেম্ব্রেনদা (mucous membranes) লৈনা লেকপদগী থোকহল্লি। ভাইরস অসি তৎপা, খেত্তৎপা লৈতবা উনশা ফাউদুনা শন্দোক্তে অমসুং শোক্ন-শম্নবা, হুই-হৌদোংশীংদা নানবীবা নত্ত্রগা নক্না লোয়নবদা রিস্ক অমত্তা লৈতে। হুইশীংদা নত্তনা অতৈ অতোপ্পা জিবশীংনসু রেবিজ শন্দোকপা ঙম্মী। সাউথ আফ্রিকাদদি, খ্বাইদগী মরুওইনা হৌদোং, য়ুমদা য়োকপা শা-ষন, শেকপী, মোঙ্গুজ (mongoose) অসি মসিগী মনুং চল্লি।

রেবিজ অসি থীংবা ঙম্ব্রা?

হোয়! ইচম চম্বা ষ্টেপ খরা ইন্দুনা থীংবা ঙমগনি:

• নহাক্কী য়ুমশাশীং টিকা থাদোকউ: নহাক্কী হুই অমসুং হৌদোংশীং অদু শোয়দনা রেবিজগী টিকা চাং নাইনা থাদোক্কদবনি, অমসুং মসি আইনগী মীৎয়েংদসু মথৌ তাই। হুই অমসুং হৌদোংশীংনা থা 3 শূরকপা মতমদা ভেক্সিন, অদুগা মথং থা 9গী মনুংদা বুষ্টর অমা, অমসুং মদুগী মতুংদা চহি 3 খুদিংগী পীগদবনি। হায় রিস্ক লৈবা মফমশীংদদি, চহি খুদিংগী টিকা থাদোকপনা খ্বাইদগী ফৈ। নহাক্কী য়ুমশা অদু টিকা থাদোকখ্রব্রা নত্ত্রগা থাদোক্ত্রিব্রা অমদি নহাক্কী য়ুমশা অদুনা ভেক্সিন অদু করম্বা মতমদা খ্বাইদগী ইকোন কোনবা ওইনা লৌখিবগে খংদ্রবা, নত্ত্রগা করিগুম্বা ভেক্সিন অমা কাপ্পা ৱাৎহৌরবদি খুদক্তা নহাক্কী লোকেল ভেটরিনরিয়ান অদুগা তান্নগদবনি।
• য়ারিবমখৈ হুই-হৌদোংনা চিকহল্লোইদবনি: হুই-হৌদোংনা চিকপা খুদিংমক্না রেবিজগী রিস্ক লৈহনবা নত্তে, অদুবু মপু লৈতবা লম্বী-লমহাংদা লৈবা হুই-হৌদোং, অনাবা হুই-হৌদোং, হুই অঙাউবনা চিকপা, নত্ত্রগা খংলাক-খংজিন্দা চিকখিবা নত্ত্রগা খোৎখিবা অমনা রেবিজগী রিস্ক অমা লৈহনবা য়াই। নাবা মানবা শাশীং নত্ত্রগা মপু লৈতবা শাশীংগী মনাক নকশিল্লোইদবনি।

রেবিজ চেল্লি চিংনবা শাশীংনা চিকপা-খোৎপা তৌখ্রবদি করি তৌবা তাবগে

• অশোকপদু চামথোক্কদবনি: ভাইরস অদু চামথোকখিনবা য়ামদ্রবদা মিনট 10দি ঈশীংনা নত্ত্রগা সাপোন অমসুং ঈশীংনা চামথোক্কদবনি।
• করিগুম্বা চিকপা-খোৎপা লৈখ্রবদি ঙন্না লাইয়েংহৌগদবনি: রেবিজগী লায়না চেল্লমগনি হায়না চিংনবা শাশীংনা চিকপা-খোৎপা তৌবা মতমদা করিগুম্বা অচুম্বা প্রিভেন্টিভ ত্রিটমেন্ট অসি মতম চানা পীহৌরবদি রেবিজ অসি মীওইবদদি 100%গী চাংদা থীংবা ঙম্মী। য়ারিবমখৈ থুনা দোক্টরদা চৎকদবনি। দোক্টর অদুনা নহাক্কী রিস্ক অদু য়েংশিনগনি অমসুং, করিগুম্বা মথৌ তারবদি রেবিজ ভেক্সিনগী কোর্স অমা পীগনি। অকক্নবা থৌওং খরদদি, নহাক্কী অশোকপদুদা রেবিজ ইমুনোগ্লোবুলিন কাপশীনবগী মথৌ তারকপসু য়াই।

রেবিজ লায়নাগী লাইওং অমসুং খুদমশীং অদু করি-করিনো?

• মীওইবদা: রেবিজগী অহানবা লাইওংশীং অসি লাইহৌ, কোক চিকপা অমসুং চোকথবা (fatigue) য়াউনা ফ্লু মানবা লাইওংশীং লৈরকপা অসিনি, অমসুং মসিনা রেসপিরেটরি, গেষ্ট্রোইন্টেষ্টাইনেল অমসুং/ নত্ত্রগা সেন্ত্রেল নর্ভস সিষ্টেমদা চংশিনখি। হায়পর এক্টিভিটি (‘ফ্যুরিয়স’ রেবিজ) নত্ত্রগা পেরালাইসিস (‘দম্ব’ রেবিজ)গী খুদমশীং লৈরকপা য়াই। ফ্যুরিয়স অমসুং দম্ব রেবিজ অনিমক্তা, প্রোগ্রেসিভ পেরালাইসিসকী মতুংদা কোমা লাক্কল্লি। শীবসি নাবগী অহানবা নুমিৎ তরেৎনিগী মনুংদা ওই।
• শাশীংদা: রেবিজ চেনবা শাশীংসি ময়ামগা মান্নদবা মওং-মতৌ উৎলক্কনি। মখোয়দা অকিবা লৈতবা, শাথীবা, চনিং তাদবা, পেরালাইজ নত্ত্রগা মচেৎ ওইনা পেরালাইজ (মরুওইনা তুংথংবা শরুক্তা) ওইবা, অমসুং কা-হেন্না মতিন তাবা অসিনচিংবা উৎলক্কনি, নত্ত্রগা মখোয়দা লাইওংশীং অসিগী মনুংদা অমত্তা উৎলক্তবসু য়াউরক্কনি। রেবিজ চেল্লবা ইনফেক্সন লৈরবা শা অসি ক্লিনিকেল রেবিজ হৌরকপগী (onset of clinical rabies) মমাংগী মতমশীংদদি য়েংবদা অমসুং শাজত্তা মশা-মউ ফবা মানবসু য়াউবা য়াই।

রেবিজ অসি লৈব্রা হায়বসি মতৌ করম্না খংদোক্কদগে?

• শাশীংদদি রেবিজ অসি, ব্রেন টিসুদা রেবিজ লৈব্রা হায়বা য়েংবা টেষ্ট অমা শিজিন্নদুনা লাইওং খংদোকই। মীওইবদদি, মীওই অমনা অমুকপু নারবদি রেবিজ দিজিজ কনফার্ম তৌনবা টেষ্ট কয়া লৈ; অদুম ওইনমক, মীওই অমদা রেবিজ চেল্লবা শাশীংনা চিকপা-খোৎপা লৈখিবদগী রেবিজ শন্দোরকপা ওইরবদি মীওই অদুনা নারক্ত্রিঙৈ মমাংদদি টেষ্ট অমত্তনা খংদোকপা ঙমদে।

কনাবু খ্বাইদগী হেন্না রিস্ক লৈ হায়না লৌগদগে?

• রেবিজগী রিস্ক খ্বাইদগী হেন্না লৈবা মীওইশীং অসি হেলথকেয়র অমসুং হেলথকী ফেসিলিটিশীং মরাং কায়না লৈতবা, মপু লৈতবা কোইচৎ-চৎপা হুই য়াম্না লৈবা, অমসুং রেবিজগী টিকা চাং নাইনা থাদোকপা শাশীংগী চাং নেম্বা আফ্রিকা অমসুং এসিয়াগী খুঙ্গংগী লমশীংদা লৈ। অঙাংশীং অসিনা হুইগী রেবিজগী খ্বাইদগী হেন্না রিস্ক লৈ; হুইনা চিকপগী 30% দগী 60% রোম ফাউবদি চহি 15গী মখাদা লৈবা অঙাংশীংনি, অমসুং অঙাংশীংদি শাশীংগা তোইনা শান্নমিন্নৈ অমসুং চিকখিবা নত্ত্রগা খোৎখিবশীং অসি অহল-লমনশীংদা তোইনা তাক্তে। রেবিজ য়াম্না লৈ হায়না লৌনবা মফমশীংদদি, শাশীংগা তোইনা লোইনবা মীওইশীং (খুদম ওইনা, ভেটরিনরিয়ানশীং নত্ত্রগা এনিমেল হেলথ ৱার্করশীং, ৱাইল্ডলাইফ স্পেসিএলিষ্টশীং নত্ত্রগা রিসর্চরশীং) অসিদসু রিস্ক য়াম্না ৱাংনা লৈ।

রেবিজগী টিকা লৈব্রা?

• হোয়, রেবিজগী ইফেক্টিভ ওইবা, শাফবা ভেক্সিন অমা লৈ। রেবিজ চেনবা শাশীংগা তোইনা থেংনবা অকক্নবা গ্রুপশীংগী মীওইশীংনা (ভেটরিনরিয়ানশীং, এনিমেল হেলথ ৱার্করশীং, কঞ্জার্ভেসনিষ্টশীং, জুলোজিষ্টশীং অসিনচিংবা য়াউনা) মখোয় মশানা মশাবু ঙাকথোকচনবগীদমক টিকা থাদোক্কদবনি। রেবিজগী রিস্ক লৈবা, অমসুং মেদিকেল কেয়র ফংবদা ৱাবা নত্ত্রগা মতম চংগদবা  মনুং হঞ্জিনবা মফমশীংদা (খুদম ওইনা, হুই মরাং কায়বা মনুং হঞ্জিনবা মফমদা চিং কাবা) কোইবা চৎনবা প্লান তৌরিবা লমকোয়বশীংনা টিকা থাদোকপা ফৈ। টিকা থাদোকপনা রেবিজ চংলবা মতুংদা অহেনবা থেরাপি মথৌ তাবা লৈহন্দবা নত্ত্রবসু, মসিনা এন্টি-রেবিজ ইম্ম্যুন গ্লোবুলিনগী মথৌ তাবা লৈহন্দবনা মরম ওইদুনা মেনেজমেন্ট লাইথোকহল্লি অমসুং মথৌ তাবা ভেক্সিনগী দোজ মশীং হন্থহল্লি।

নিংশিংগদবশীং

• রেবিজ অসি রেবিজ চেনবা শাশীং হায়বদি হুই, হৌদোং অসিনচিংবা চিকপা নত্ত্রগা খোৎপদগী থোকহনবা য়াই।
• চিকগী শোক্লবা মফমদুদা মোরোক, হঙ্গাম থাউ নত্ত্রগা অতৈ অশাবা (irritant) পোৎশক হাপচিল্লোইদবনি।
• সাপোন অমসুং ঈশীং মরাং কায়না শিজিন্নদুনা অশোকপা অদু খুদক্তা চামথোক্কদবনি।
• দ্রেসিং তৌরোইদবনি অমসুং অশোকপা অদু ফোৎচিল্লোইদবনি।
• নহাক্কী দোক্টর অদু খুদক্তা তান্নগদবনি নত্ত্রগা খ্বাইদগী নকপা এন্টিরেবিজ ক্লিনিকতা চৎকদবনি।
• নহাক্কী দোক্টরনা পীবা পাউতাক্কী মতুংইন্না এন্টিরেবিজ ভেক্সিনগী কোর্স অদু মপুংফানা কাপথোক্কদবনি।
• নহাক্কী হুই-হৌদোংশীংদু চহি খুদিংগী রেবিজগী টিকা থাদোক্কদবনি।

সোর্স: পোর্টেল কন্টেন্ট টিম

মরি লৈনবা রিসোর্সশীং

1. নেসনেল গাইদলাইন্স ওন রেবিজ প্রোফিলেক্সিস