খ্বাংনাবা

নঙ্গলগী মথক থংবা অমসুং ময়ায় থংবা শরুক অসিবু য়াংলেন শরু (thoracic spine) কৌই। য়াংলেনগা পুল্লিবা শরু পোলাং (rib cage) অসিদা শরু (vertebras)   12 লৈ অমসুং মসিনা নঙ্গলগী খ্বাইদগী শাংবা শরুক অদু শেম্মী। ডিস্ক (Discs) হায়বসিনা শরু (vertebra) খুদিংবু তোখায়হল্লিবা অমসুং মনিংদা শাফু (shocks) পুরিবা অদুনি। অরোয়বদা মসল (muscles) অমসুং  লিগামেন্ট (ligaments) হায়বসিনা শরুশীং (spine) ফাজিনহল্লিবশীং অদুবুনি।

তোইনা থেংনবা খ্বাং নাবগী মখলশীং

নঙ্গলগী মখা থংবা শরুক্তা নাবা (Lower back pain) হায়বসি ঐখোয় পুম্নমক্তা তোইনা থেংনবা অমনি, অদুবু মথক থংবা শরুক্তা নাবা হায়বসিদি পংনা থোক্তে। মসিগী মরমদি নঙ্গলগী শরুক অসিদা লৈরিবা শরুশীং অসি মখা থংবদা লৈরিবা শরুগুম্না লেং-ওৎপা তৌদে।

মসিবু থোকহল্লিবা মরমশীং

মথক থংবা নঙ্গলগী শরুকশীংদা নাবসি মখাদা পীরিবা মরমশীং অসিনা ওইহল্লি।

• মসলশীং অসি চোকথরকপা (strained), হেন্না শিজিন্নরবা নত্ত্রগা শোক-পনবনা থোকহল্লকই।
• মওং চুম্না ফমদবনসু নঙ্গলগী মথক্কী শরুকশীং অসি নাহল্লি।
• স্পাইনেল নর্ভশীং (spinal nerves)দা প্রেসর পীবদগীসু থোকহল্লি।
• ফ্রেকচর ওইরবা শরুশীং (vertebras)নসু থোকহল্লি।
• স্পাইনগী অপিকপা শরু তাংশীংদা কুসন (cushions) পীরিবা, কার্টিলেজশীং (cartilage) অসি ওষ্টিওঅরথ্রাইটিসনা মরম ওইদুনা অপন-অরাক পীরকপা মতমদা মসি থোক্লকই।
• য়াম্না তাংনা থোকপা থৌওংশীংদা, গোলব্লেদরগী লায়নাশীং, কেন্সর নত্ত্রগা ইনফেক্সনগুম্বা অতৈ প্রোব্লেমশীংনা নাহল্লকপা য়াই।

লাইওংশীং

নঙ্গলগী মথক থংবা শরুক্তা নাবা অসি খংদোক্নবগী খ্বাইদগী কমন ওইবা লাইওংশীংদি; মসল চপ তিংবা নত্ত্রগা চাক্লগা য়াম্না শাবা ফাউবা অসিনি। খ্বাইদগী শাথীবা থৌওংশীংদা, লাইওংশীং অসিনা খুৎ-পাম্বোম অমসুং খোংশীং অসি শোন্থহল্লকপা য়াই অমসুং কনাগুম্বদদি মপান থোক্নিংবা খাংবা ঙমদবসু য়াউই।

লাইওং খংদোকপা (Diagnosis)

নঙ্গলগী মথক থংবা শরুক্তা নাবসিগী অথুবা রিলিফ অমা ফংনবগীদমক দোক্টর অমা তান্নবনা খ্বাইদগী ফৈ। দোক্টর অদুনা নঙ্গলদা, থবক তৌবদা অমসুং অতৈ ফিজিকেল এক্টিভিটিশীংদা নাবা ফাউবগী মরমদা পেসেন্ট অদুদা ৱাহং কয়ামুক হংলকপা য়াই। মসিগা মরি লৈননা ইমেজিং টেষ্ট অমা তৌথোকপনা নাবদুগী চপ চাবা মরম খংদোকপা ঙমগনি অমসুং মদুগী মতুংদা চুনবা লাইয়েং অমা পীবা য়াগনি।

লাইয়েং

নঙ্গলগী মথক থংবা শরুক নাবগী লাইয়েংদা ফার্মাসিগী হিদাকশীং পীজবা অমসুং কা-হেন্না নাদবশীংগীনা হিগা য়ৈবা নত্ত্রগা উন থোম্বা অসিসু য়াউবা য়াই। শাথীনা নাবশীংগীদি, দোক্টর অদুনা হিদাক-লাংথকশীং ইরকপা য়াই নত্ত্রগা স্পাইনেল সর্জরি অমা তৌনবা হায়রকপা য়াই।

সোর্স: পোর্টেল কন্টেন্ট টিম