দাইএবেটিজ – ফেক্ট অমসুং ফিগরশীং

1. দাইএবেটিজ হায়বসি মোং-হাদবা লাইচৎ অমনি (silent epidemic) অমসুং WHOগী মতুংইন্না ইং 2013গী দিসেম্বর ফাউবদা পৃথীবীদা দাইএবেটিজনা নারবা মীওই মিলিয়র 382 লৈরে। মসি পৃথীবীদা লৈরিবা এদল্ট পোপ্যুলেসনগী চাদা 8% লোম ওইগনি।
2. দাইএবেটিজ লৈবগী চাং অসিনা অঙৌবা মীশীংদগী এসিয়াদা লৈবা মীওইশীংদনা শরুক মঙা হেল্লি।
3. ইন্দিয়া অসি পৃথীবীগী দাইবেটিজ কেপিটেলনি। হৌজিক্কী ওইনা লৈবাক অসিদা দাইএবেটিজনা নারবা মীওই মিলিয়ন 65 লৈ হায়না পানরি অমসুং মসিনা চিনাগী হেক ঙমথংদা লৈরি। ভারত্তা লৈবা মীওই মিলিয়ন 77.2 দি প্রি-দাইএবেটিজনা নাহল্লি হায়না পানরি। প্রি-দাইএবেটিজ হায়বসি পেসেন্টশীংদা হায় গ্লুকোজ লেভেলদি লৈবা অদুবু দাইএবেটিজগী রেঞ্জ মনুংদদি লৈতবগী কন্দিসন অমনি। মীওইশীং অসিদা দাইএবেটিজ লাকপগী অৱাংবা রিস্ক অমা লৈ।
4. ইন্দিয়ানশীংদা দাইএবেটিজ হেনগৎলকপগী মরুওইবা মরম অসি হকচাংগী সেন্ত্রেল ওবেসিটি নত্ত্রগা এপ্পল সেপ (apple shape) অমসুং ইনসুলিন এসিষ্টেন্স লৈবা অসিনি।
5. দাইএবেটিজনা মিনট খুদিংগী মীওই 6 শিহল্লি অমসুং পৃথীবীদা শিরিবা মীওই 20গী মনুংদা অমদি ফিভম অসিনা মরম ওইদুননি। চহি খুদিংগী পৃথীবীদা লৈবা মীওই মিলিয়ন 3.2 দি দাইএবেটিজ নত্ত্রগা মসিদা মরি লৈনবা মরমশীংদগী ওই হায়না পানৈ।
6. মহৌশানা লায়না অসিগী অঙনবা লাইওংশীং লৈতবা মরম্না দাইএবেটিজ অসি মরুওইবা ‘সাইলেন্ট কিলর দিজিজ’ অমা ওই। খ্বাইদগী কমন ওইবা অঙনবা লাইওং অসি ঈশীং খৌরাংবা ফাউবসিনি।
7. দাইবেটিজগী 90দগী 95% ফাউবদি মীওইবগী চহি মীয়াই চনবা মতমদা নাগনবা টাইপ 2 নত্ত্রগা মেচ্যুরিটি ওনসেট টাইপ (maturity onset type) অসিনি। টাইপ 1 নত্ত্রগা জুবেনাইল দাইএবেটিজনা চহি খুদিংগী চহি 15গী মখাদা লৈবা অঙাং 70,000 দা নারি।
8. দাইবেটিজগী থৌওং হেনগৎলকপগী মরুওইবা মরম অসি লেং-ওত্তবা পুন্সিরোল (sedentary lifestyle) অসিনি। এক্সরসাইজ অমসুং দাইটনা দাইএবেটিজগী থৌওং অসি 50%দগী হেন্না হন্থহনবা নত্ত্রগা থেংথহনবা ঙম্মী।
9. পৃথীবী অসিদা লৈরিবা কিদনি ফেল ওইবগী খ্বাইদগী মরুওইবা মরম অমদি দাইএবেটিজ হায়বসিনি। মসিগী মথক্তা চহি খুদিংগী মসিনা মরম ওইদুনা মপুং মরৈ ফারবা মীওইশীংগী 5% নত্ত্রগা মিলিয়ন 5দা মীত্তাংবা থোকহল্লি অমসুং মিলিয়ন অমদা খোং ককপগী থৌওং লৈহল্লি। দাইএবেটিজ অসি হার্ট দিজিজ, ষ্ট্রোক অমসুং কেটরেক্ট থোকহনবগী মরুওইবা মরম অমসু ওই।

মালেমগী দাইএবেটিজ নুমিৎ

মালেমগী দাইএবেটিজ নুমিৎ অসি চহি খুদিংগী নবেম্বরগী তাং 14দা পাংথোকই। ইন্টরনেসনেল দাইএবেটিজ ফেদরেসন অমসুং ৱার্ল্ড হেলথ ওর্গানাইজেসন অনিনা মালেম শিনবা থুংনা হেনগৎলক্লিবা দাইএবেটিজগী কেসশীং অসিগী সোল্যুসন অমা পুথোক্নবগীদমক খুৎশম্নখিবগা লোয়ননা, ইং 1991 দা মালেমগী দাইএবেটিজ নুমিৎ (World Diabetes Day) অসি অহানবা ওইনা পাংথোকখি। মসিদগী হৌদুনা, মেম্বর এসোসিএসনশীংনা ইন্টরনেসনেল দাইএবেটিজ ফেদরেসন (IDF)গা দাইএবেটিজ থীংনবগী ইনফোর্মেসন খংমিন্ননবা অমসুং শন্দোক্নবা পুন্সিন্দুনা থবক তৌবা হৌখি।

হকচাং ফনা হিংবা অমসুং দাইএবেটিজ হায়বসিনা ইং 2014-2016গী মালেমগী দাইএবেটিজ নুমিৎকী থীম ওইরি।

অহেনবা অকুপ্পা মরোলগীদমক ইন্টরনেসনেল দাইএবেটিজ ফেদরেসন (IDF)গী ৱেবসাইত্তা চৎপীয়ু।

সোর্স: ইন্টরনেসনেল দাইএবেটিজ ফেদরেসন(IDF) ; নেসনেল ইনষ্টিট্যুট ওফ ন্যুত্রিসন(NIN)