দাইএবেটিজ থীংবা

হৌজিক্কী ওইনা, টাইপ 1 দাইএবেটিজ অসি থীংবা ঙমদে। হকচাংদা য়াউরিবা ইনসুলিন পুথোক্লিবা সেলশীং অসি শিথহনবগী প্রোসেস অসিবু থোকহল্লি হায়না লৌনরিবা অকোয়রোনগী মচাকশীং (environmental triggers) অসি হৌজিকসু থীজিনবগী থাক্তা লৈরি।

পুন্সিরোলগী অহোংবশীং(Lifestyle changes)

পুন্সিরোল হোংদোকপনা (চুনবা হকচাংগী অরুম্বা লৈহনবা অমসুং হকচাং শাজেল ময়ায় ওইনা তৌবা) টাইপ 2 দাইএবেটিজ লাকপা থীংবদা মতেং পাংবা ঙম্মী হায়বগী প্রমাণ কয়া লৈ।

• ওবেসিটি (Obesity), মরুওইনা এবদোমিনেল ওবেসিটি অসি টাইপ 2 দাইএবেটিজ লাকপগা মরি লৈনৈ। অরুম্বা হন্থবনা(Weight loss)ইনসুলিন রেসিষ্টেন্স ফগৎহল্লি অমসুং হায়পরটেন্সন হন্থহল্লি। মরম অদুনা হকচাংগী অরুম্বা হেনবা নত্ত্রগা কা-হেন্না লুম্বা মীওইশীংদি চুনবা হকচাংগী অরুম্বা লৈহন্নবা হোৎনগদবনি।
• ফিজিকেল এক্টিভিটি হায়বসি দাইএবেটিজ থীংনবগী মপুং ওইবা য়ুম্বীশীংগী মনুংদা অমনি। ফিজিকেল এক্টিভিটি হেনগৎহনবা হায়বসি অরুম্বা হন্থহন্নবগীদমক্তা মরুওই অমসুং মসি ব্লদ প্রেসর হন্থহনবা, রেষ্টিং হার্ট রেট (resting heart rate) হন্থহনবা, ইনসুলিন সেন্সিটিভিটি হেনগৎহনবা, বোদি কম্পোজিসন ফগৎহনবা অমসুং ৱাখল-পুক্নিং ফগৎহনবগা মরি লৈনৈ।
• বেলেন্স ওইবা অমসুং ন্যুত্রিসন য়াউবা চিঞ্জাক অমা(A balanced and nutritious diet)হায়বসি হকশেলগীদমক্তা চংদবা য়াদবা অমনি। অফবা দাইট অমনা কার্দিওভাস্কুলার দিজিজশীংগী রিস্ক ফেক্টরশীং হন্থহল্লি।
• মৈখু শিজিন্নবা: দাইএবেটিজ অমসুং মসিগী কমপ্লিকেসনশীং য়াউনা ক্রোনিক দিজিজ কয়াগী মপুং ওইরবা রিস্ক ফেক্টর অমনি। হকচাংদা মাং-তাক্নিংঙাই ওইবা অতৈ ইফেক্টশীংগা লোয়ন-লোয়ননা, মৈখু শিজিন্নবনা পুক্কী শরুক্তা ফেট তুংশিনবা অমসুং ইন্সুলিন রেসিষ্টেন্স হেনগৎহল্লি। মৈখু শিজিন্নবা মীওই পুম্নমকপু মৈখু শিজিন্নবা তোক্নবা পুক্নিং থৌগৎপীগদবনি। অদুম ওইনমক, মৈখু শিজিন্নবা লেপ্পা মতমদা হকচাংগী অরুম্বা হেনগৎপা হায়বসি কমন ওই, মরম অসিনা হকচাংগী অরুম্বা হেনগৎলক্তনবা দাইট লৌনবা পাউতাক (খুদম ওইনা, হেন্না চানিংবা পোকপা অমসুং ৱিদ্রোৱেল সিম্পতোমশীং লাকশিন্নবগীদমক, স্নেক চাবগী মহুত্তা ফিজিকেল এক্টিভিটি মচা অমবু ষ্ট্রেস-রিলিফ এক্টিভিটি অমগুম্না শিজিন্নবনচিংবা) অসিসু পীগদবনি।
• ষ্ট্রেস অমসুং দিপ্রেসন: দিপ্রেসনগা দাইএবেটিজ অমসুং কার্দিওভাস্কুলার দিজিজ অনিমক্কগী মরক্তা লিঙ্ক অমা লৈ হায়বগী প্রমাণ লৈরে।
• তুম্বগী মওং-মতৌশীং: মতম তেন্না (<6h) অমসুং শাংনা (>9h) তুম্বা অনিমক্কা টাইপ 2 লাক্নবগী অহেনবা রিস্ক অমগা লোয়নবা য়াই। তুম্বা ৱাৎপনা চিঞ্জাক চাবা অমসুং এনর্জি বেলেন্সবু চাং নাইহল্লিবা হোর্মোনশীংগী বেলেন্সতা শোকহল্লকপা য়াই। মতম শাংনা তুম্বা হায়বসি স্লিপ-দিসওর্দর ব্রেথিং (sleep-disordered breathing) নত্ত্রগা দিপ্রেসনগী খুদম অমা ওইবা য়াই অমসুং চুনবা মওংদা লাইয়েংথোক্কদবনি। ওবেসিটি অমসুং স্লিপ দিসওর্দর ব্রেথিংগী খ্বাইদগী কমন ওইবা মওং ওইরিবা, ওবষ্ট্রক্টিভ স্লিপ এপনোয়া সিন্দ্রোম (OSA) অনিগী মরক্তসু য়াম্না নকশিন্নবা মরি লৈনৈ।

হকশেল ফবা মওংদা চাবা(Healthy eating)

মীওই অমনা মখাদা পীরিবশীংসি পাংথোক্তুনা টাইপ 2 দাইএবেটিজগী রিস্ক অসি হন্থহনবা য়াই:

1. হৈ মহি, সোদা অমসুং অতৈ চিনি শিজিন্নদুনা থুমহনবা মহি-মনাইশীংগী মহুত্তা ঈশীং নত্ত্রগা থুমহন্দবা কোফি ওইনা শিজিন্নবা।
2. নুমিৎ খুদিংগী য়ামদ্রবদা, পালক, অশংবা মনা পানবা পাম্বী অসিনচিংবা মনা-মশীংগী মথেল অহুম্লক চাবা।
3. নুমিৎ খুদিংগী অতেকপা উহৈগী মথেল অহুম্লক চাবা।
4. স্নেককীদমক্তা হৱাই মরু (nuts), অতেকপা উহৈগী মশুং অমা নত্ত্রগা সুগর-ফ্রি যোগহর্ট (yoghurt) অমা চাবা।
5. নহাক্না য়ু থকপগী চাংদু লিমিট থমদুনা নোংমদা য়াম্লবদা ষ্টেন্দর্দ দ্রিঙ্ক অনিদগী হেলহন্দবা।
6. প্রোসেস তৌরবা মিট নত্ত্রগা রেদ মিটকী মহুত্তা য়েন-ঙানুগী মিট অমসুং সিফুদ (seafood) ওইনা চাবা।
7. ব্রেদতা চোকোলেট নত্ত্রগা জাম তৈবগী মহুত্তা পিনট বটর (peanut butter) ওইনা শীজিন্নবা।
8. হ্ৱাইট ব্রেদকী মহুত্তা হোল-গ্রেন ব্রেদ (whole-grain bread), হ্ৱাইট রাইসকী মহুত্তা ব্রাউন রাইস, রিফাইন পাষ্টাগী মহুত্তা হোল-গ্রেন পাষ্টা ওইনা চাবা।
9. সেচ্যুরেটেদ ফেটশীং (বটর, ঘি, শাগী ফেট, য়ুবি থাউ নত্ত্রগা পাম  থাও)গী মহুত্তা অনসেচ্যুরেটেদ ফেটশীং (ওলিভ থাউ নত্ত্রগা সনফ্লোৱর ওইল) ওইনা শিজিন্নবা।
10. অফবা ব্রেকফাষ্ট অমা চাবনা টাইপ 2 দাইএবেটিজ লাকপগী রিস্ক হন্থহল্লি মরমদি মসিনা নহা অমসুং অঙাং অনিমক্তা এপেটাইট অমসুং ব্লদ গ্লুকোজ কন্সেন্ত্রেসনশীং কন্ত্রোল তৌবদা মতেং পাংই। ব্রেকফাষ্ট চাহৌদবা হায়বসিসু অরুম্বা হেনগৎহন্নবগী মরম অমনি।

মরি লৈনবা রিসোর্সশীং

1. ইন্টরনেসনেল দাইএবেটিজ ফাউন্দেসন
2. ৱার্ল্ড হেলথ ওর্গানাইজেসন