দাইএবেটিজগা লোয়ননা হকশেল ফবা পুন্সি অমদা শাংনা হিংনবগীদমক, হিদাক-লাংথক চাবগা লোয়ননা মখাদা পীরিবা দাইট অমসুং এক্সরসাইজ অসি য়াম্না মরুওই। দাইবেটিজনা নারবা মীওইশীংগী দাইট অসি নোর্মেল দাইটতগী তোঙান্দে; অদুম ওইনমক নোর্মেল দাইট অদুদা শেমদোক-শেমজিন খরদি তৌবা মথৌ তাই।
দাইটকা মরি লৈনবা গাইদলাইনশীং(Dietary Guidelines)
- মনা-মশীংনা হেন্না চাগদবনি: লোকেলদা ফংবা অমসুং ঋতুগী মতুংইনবা মনা-মশীংনা হেন্না চাবীয়ু। মখোয়দুবু ইনশাং, রাইটাগী মওংদা অমসুং হিংনা চাবীয়ু। অশংবা মনা পানবা মনা-মশীং অসি দাইটতা চাং নাইনা য়াউহনগদবনি। মনা-মশীংদা দাইএবেটিজ কন্ত্রোল তৌবদা অমসুং অফবা হকশেল লৈহনবদা মতেং পাংবা ফাইবর অমসুং ভিটামিন অমদি মিনরেল কয়া য়াউই।
- মখল-মখা কয়াগী চিঞ্জাক চাগদবনি: ব্লদ সুগরবু হেন্না ফনা কন্ত্রোল তৌনবগীদমক চাকখক্তমক চাবগী মহুত্তা অতৈ অতোপ্পা হৱাই-চেংৱাইশীং হায়বদি গেহু, জোৱার, রাগি নত্ত্রগা তকথোক্তবা চেং (unpolished rice) অসি দাইটতা য়াউহনবীগদবনি। চাকখক্তমক চাবনা ব্লদ সুগর কন্ত্রোল তৌবা ঙম্লোই।
- হৱাই-চেংৱাই মপুমনা হেন্না চাগদবনি: মসিগী মনুংদা হৱাই মপুম হায়বদি হৱাই মুক (moong dal) অমসুং চন্না হৱাই অসি নুংতিগী চারিবা দাইটতা হাপচিনবীগদবনি।
- থাউ য়াম্না শিজিন্নরোইদবনি: দাইএবেটিজ লৈবা মীওইদা হার্টকী লায়না লাক্নবগী রিস্ক অসি ৱাংই, মরম অদুনা থোং-থাকপদা থাউ শিজিন্নবা হন্থহনবা হায়বসি খ্বাইদগী ফৈ। থোং-থাকপদা থাউ চাং কক্না শীজিন্নবা অমসুং মনা-মশীং অসি থাউদা তাউদুনা চাদবনা থাউগী চাং হেন্না চাদবা ঙমহনগনি। মহৌশাগী ওইনা শীজিন্নরিবা থাউশীং হায়বদি লৈবাক হৱাই অমসুং শিংগী থাউ (gingelly oil) অসি হকচাংগীদমক্তা য়াম্না ফৈ। ঘি, বত্তর (butter), য়ুবি থাউদা তোঙান-তোঙানবা ফেট মখল কয়ামুক (মসিনা কোলেষ্টেরোল হেনগৎহনবা য়াই) য়াউই অমসুং মসি চাং য়াম্না চারোইদবনি।
- থুম হন্থনা শিজিন্নগদবনি: মহৌশানা ইন্দিয়ান দাইট অসি, মরুওইনা আচার (pickles), পাপর শিজিন্নবা মতমদা থুমগী চাং য়াম্না য়াউগল্লি, অমসুং চানবা চিঞ্জাক্তা থুম হেন্না থাকচিনবা অসি য়াম্না তোইনা থোকই। মহৌশানা, দাইএবেটিজনা নারবা মীওইশীংদা হায়পরটেনসন (B.P) লৈবসু য়াউই অমসুং আচার, পাপর চাবগী চাং হন্থহনবা অমসুং চানবা চিঞ্জাক থোং-থাকপদা থুম হেন্না থাক্তবসু ফৈ।
- য়েরুম/ নন-ভেজ শিজিন্নবা (Use of Eggs/ Non veg): ঙাদা ব্লদ সুগর মেনেজমেন্টদা মতেং পাংবা অখন্নবা মখলগী থাউ য়াউই, মরম অদুনা চয়োল অমদা ঙা অসি 3-4রক্তি চাবা ফৈ। মিটতগীসু চিক্কনদনা ফেট য়াউবগী চাং হন্থৈ।
- সিম্পল সুগর: অকক্নবা চিঞ্জাক খরনা ব্লদ সুগর হেনগৎহল্লি অমসুং করিগুম্বা মতমদনা, মরুওইনা চিনি নত্ত্রগা খোইহি হেন্না য়াউবা অথুম-অহাউ, কোফি/ চানচিংবসি মেদিকেল কেয়র লৌদনা করিগুম্বা হেন্না চাশিল্লবদি হকশেলগী প্রোব্লেমশীং থোরকপা য়াউই। উহৈ খরদসু, হায়বদি লফোই, হৈনৌ, সাপোটা, সীতাফল, থৈবোংনচিংবদা সিম্পল সুগর অসি কা-হেন্না য়াউই, মরম অসিনা উহৈশীং অসি চাং হন্থনা চাবা নত্ত্রগা চাবা তোকপসু ফৈ। উহৈ ওইনা চাবদি য়াই অদুবু হৈ-মহি (fruit juices) ওইনদি থকপীরোইদবনি।
- দাইএটরি ফাইবর (Dietary Fibre): দাইএটরি ফাইবর অসি হকচাংনা তুমহনবা ঙমদবা চিঞ্জাক্কী শরুক অমনি। মনা-মশিং, উহৈ, মরি চৎপা পাম্বী অমসুং ফেনুগ্রিক মরুশীংদা (fenugreek seeds) য়াউরিবা ফাইবর অসি ব্লদ সুগর কন্ত্রোল তৌবদা য়াম্না কান্নৈ অমসুং কোলেষ্টেরোল হন্থহনবদা মতেং পাংই।
- অলকোহোল: দাইএবেটিজগী অনাবশীংদদি অলকোহোল অসি মপুং ফানা থাদোকপীগদবনি। অলকোহোলনা ব্লদ সুগর নেমথহনবা য়াই। নিংশীংগদবদি, অলকোহোল অসি এন্টি দাইএবেটিক দ্রগশীংগা কৈদৌঙৈদা শিজিন্নরোইদবনি মরমদি মসিনা দাইএবেটিজকী অনাবদু য়াম্না হেন্না নাহল্লকপা য়াই।
লান্না থাজনবশীং
দাইএবেটিজগী অনাবশীংনা চাক চাবগী মহুত্তা গেহুখক্তমক (wheat) চাগদবনি হায়না ময়াম্না থাজনবা অমা লৈ। মসি অচুম্বদি নত্তে। গেহু অমসুং চেং অনিমক্তা য়াউরিবা কেলোরিগী চাং অসি মান্নরপ তৌই অমসুং মসিনা ব্লদ সুগরদা পীরিবা ইফেক্ট অদুসু চপ মান্নৈ। অদুবু মসিনা পীরিবা অহেনবা খুদোংচাবদি, মসিনা চাক্কী চাং ওন্দুনা চাবদগীদি মখোয়না চারিবা চপাত্তি অদুগী মশীং থীবদা অমদি চাং হন্থহনবদা হেন্না খুদোংচাই।
মপুংফানা চারা হেনবা অসি দাইএবেটিজগী অনাবশীংগীদি, মরুওইনা লাইয়েং চত্থরিঙৈ মতমদদি অফবা নত্তে, মরমদি মসিনা ব্লদ সুগর হন্থহনখিবা য়াই অমসুং হকশেলগী প্রোব্লেমশীং থোকহল্লকপা য়াই।
দাইট সেদ্যুল
মিল
|
তাইপিকেল দাইট
|
দাইএবেটিককীদমক শেমদোক্লবা
|
ব্রেকফাষ্ট 8.00 A.M
|
ইরোইগী শঙ্গোম্না শেম্বা কোফি কপ 1, ইদলি 4 নত্ত্রগা য়ুবিগী চটনিগা লোয়ননা উপমা প্লেট 1
|
শঙ্গোম/ টোন মিল্কনা শেম্বা কোফি কপ 1, ইদলি 3 নত্ত্রগা মনা-মশীংনা হেনবা উপমা কপ 1, চটনি চমচ 2 (খামেন অশিনবীনা শেম্বা নত্ত্রগা ধাল চটনি)
|
লঞ্চ 12.30 P.M
|
চাক কপ 3, দাল কপ 1, রসম কপ 1, খামেন অতাউবা কপ ½, শঙ্গোম অফম্বা কপ 1, আচার, পাপর
|
চাক অঙৌবা (brown rice) কপ 2, সম্বর কপ 1, রসম কপ 1, খামেন অতাউবা কপ 1; পুলুসু, থাউ য়াম্না চংহন্দনা মনা-মশীংনা শেম্বা চটনি।
|
নুমিৎয়ুংবা মতুং 3.30 P.M
|
মুরুক্কু / ভাজি/ পকোরা 2, কোফি কপ 1
|
মুরমুরা/ চুরৱা/ অফুৎপা হৱাই মুক কপ 1, কোফি কপ 1
|
দিন্নর 8P.M
|
চাক কপ 3, ঙা/ য়েনগী মথেল 1, হৱাই মথেল 1, মনা-মশীং অঙৌবা, শঙ্গোম অফম্বা কপ 1, আচার, পাপর, লফোই 1
|
চাক অঙৌবা কপ 2/ রোটি 3/ ঙা/য়েনগী মথেল অমা, মনা-মশীং থোংবা কপ 1, শঙ্গোম অফম্বা কপ 1, কমলা 1
|
থোং-থাকপদা পাংথোক্কদবা খরা
- থোং-থাকপদা থাউ হন্থনা শিজিন্নগদবনি, আলু অতাউবা, খামেন অতাউবনচিংবা মনা-মশীংগী অতাউবা শেম্বীরোইদবনি; মসিগী মহুত্তা খামেন অথোংবা/ পুলুসু অসিনচিংবা শেম্বীগদবনি।
- আচার শীজিন্নবগী মহুত্তা, থাউ অমসুং থুম য়াম্না চংহন্দনা মনা-মশীংগী চটনি শিজিন্নবীগদবনি।
- শঙ্গোম অফম্বা অমসুং কোফি শেম্বদা ঈরোইগী শঙ্গোম শিজিন্নবগী মহুত্তা, ষনগী/ টোন তৌরবা শঙ্গোম শিজিন্নবীগদবনি। করিগুম্বা মখোয়সি ফংদ্রবদি শঙ্গোম অফম্বা শেম্নবগীদমক্তা ক্রিম অদু লৌথোক্কদবনি।
- পাপর অতাউবগী চাং হন্থনা চাগদবনি।
মসি কোকহন্নবগীদমক য়ুমদা পায়খৎপা য়াবা খরা(Home remedies)
দাইএবেটিজ অসি মতম পুম্বগী ওইনা ফহনবদি ঙমদে অদুবু মেনেজ তৌবদি য়াই হায়বসি ঐখোয়না খংই। ব্লদ সুগর কন্ত্রোল তৌনবগীদমক য়ুমদা পাংথোকপা য়াবা খরা লৈ। হিদাক চাং নাইনা চাবগা লোয়ননা, য়ুমদা পাংথোকপা য়াবা থৌওংশীং অসি দাইটতা হাপচিনবা য়াই।
ফুদ আইটেম
|
করম্না চাগনি
|
অমলা (উসিরি)
|
হেকপদা ঙাইরিবশীং নত্ত্রগা ঈশীংগা লোয়ননা অকংবা পাউদর।
|
ফেনুগ্রিক মরুশীং (মেনথুলু)
|
মনা অমসুং মরুশীং, মরু চাগে হায়রবদি মদু অহিং অমা তিংলগা চাবীয়ু।
|
খামেন অখাবী (কাকারা কায়া)
|
হৈ মহি নত্ত্রগা মনা-মশীংগী চম্ফুৎ কপ ¼
|
তিলহৌ (উলিগাদা)
|
হিংনা নত্ত্রগা রাইটা ওইনা চাং নাইনা চাবা য়াই।
|
চনম (ভেলুলি)
|
হিংনা (তকখায়রগা) থোং-থাকপদা শীজিন্নবা য়াই।
|
অমুবা জামুন (নেরেদু)
|
উহৈ নত্ত্রগা মরুগী পাউদর
|
ব্লদ সুগর লেভেলশীং কন্ত্রোল তৌনবগী য়াম্না চম্বা অমসুং অরাইবা মওং অসি প্লেট মেথদ ইনবা হায়বসিনি।
![Diet Diet](https://static.vikaspedia.in/media_vikaspedia/mni/images/health/9a69bf99c9bf99c-9859ae9b89c1982-9a69bf9b89939b09cd9a69b09b69c0982/9a69be98798f9ac9c799f9bf99c/image_preview.jpg)
সোর্স: ইন্টরনেসনেল দাইএবেটিজ ফেদরেসন(IDF) ; নেসনেল ইনষ্টিট্যুট ওফ ন্যুত্রিসন(NIN)