অলজৈমরস দিজিজ

লাইওংশীং

• মসি প্রোগ্রেসিভ ওইবা অমসুং শীহনবা ঙম্বা ব্রেনগী লায়না অমনি।
• অলজৈমরসনা ব্রেন সেলশীং মাং-তাকহন্দুনা, নিংশীংবগী, খনবগী অমসুং লমচত্তা শাথীবা প্রোব্লেম থোকহন্দুনা থবক নত্ত্রগা সমাজিক্কী পুন্সিদা অকায়বা পী।
• অলজৈমরস অসি মতমগী মনুংইন্না হেন্না শাথীরকই অমসুং মসিনা মী শিহনবা য়াই।
• মসি দিমেনসিয়া (নিংশিংবগী পাঙ্গল মাংবা) অমসুং অতৈ ইন্টেলেকচুএল এবিলিটিশীংগী খ্বাইদগী কমন ওইবা মওংনি অমসুং মসিনা নোংমগী পুন্সিদা অকায়বা কয়া থোকহল্লি।

অলজৈমরসকী খুদোংথীবা লৈরে হায়বগী খুদম 10

1. নিংশীংবগী পাঙ্গল মাংবা: খংখিবদা ঙাইরিবা ইনফোর্মেসন কাউখিবা হায়বসি দিমেনসিয়া (dementia)না নারে হায়বগী খ্বাইদগী অহানবা কমন ওইবা খুদমনি। মীওই অমনা হেন্না তোইনা কাউবা হৌরকই অমসুং ইনফোর্মেসন অদু মতুং তাবা মতমদা নিংশিংবা ঙমলক্তে।
2. লাইনা খংবা-হৈবা থবকশীং পাংথোকপা ঙম্লক্তবা: দিমেনসিয়ানা নারবা মীওইশীংনা নুমিৎ খুদিংগী তৌগদবা থবক্কী প্লান তৌবা নত্ত্রগা পাংথোকপদা ৱাবসি তোইনা থোকই। মীশক অদুনা চাক থোংবগী ষ্টেপশীং কাউরকই, টেলিফোন তৌবা নত্ত্রগা গেম অমা শানবা ঙমলক্তে।
3. লোলগী প্রোব্লেমশীং: অলজৈমরসকী লায়নানা নারবা মীওইশীংনা ইচম চম্বা নত্ত্রগা মহৌশাগা মান্নদবা ৱাহৈশীংগী মহুৎ শিনবা য়াবা ৱাহৈশীং কাউবসি তোইনা থোকই অমসুং মসিনা মখোয়গী ৱাঙাং নত্ত্রগা খুৎই অদু খংবদা ৱানা থোকহল্লি। খুদম ওইনা, মখোয়না টুথব্রস ফংবা ঙমদ্রবা মতুংদা “ঐগী চিন শেংনবা” হায়না হায়রকপসু য়াই।
4. মফম অমসুং মতম ওন্নবা: অলজৈমরসকী লায়নানা নারবা মীশীংনা মখোয় মশাগী য়ূম্লোন-কৈরোন্নবা মফমশীংদসু লম্মুক্নবা য়াই, হায়বদি মখোয় অসি কনানো অমদি করম তৌনা মফম অদুদা লাকখিবনো, অমসুং ময়ুমদা করম্না হনগদগে হায়বসি খংদবা য়াই।
5. মশানা করিগুম্বা অমবু লেপথোকচবদা ৱাবা নত্ত্রগা ঙমদবা: অলজৈমরসনা নারবা মীওইশীংনা ফিরোল মওং চুমদনা শেৎপা য়াউই, শাবা নুমিত্তা ফি মরোল কয়া শেৎপা নত্ত্রগা ঈংবা মতমদনা ফি-রোল লিক্না শেৎপা থেংনগনি। মশক খংদবা মীওইদা শেল য়াম্না পীথোকপগী থৌওংনচিংবা ৱাখল খন্থবা ঙমদবগী থৌওং কয়া থোরকপা য়াই।
6. খনবগী প্রোব্লেমশীং: অলজৈমরসকী লায়নানা নারবা মীওই অমনা কমপ্লেক্স ওইবা কোক্কী থবকশীং পাংথোকপদা ৱানা থোকই, হায়বদি নম্বর হায়বসি করিনো অমসুং মখোয় অসি করম্না শিজিন্নগদগে হায়বসি কাউরকই।
7. পোত্থমফম খংদবা: অলজৈমরসকী লায়নানা নারবা মীওইশীংনা মফম চাদনা পোৎ-চৈ থম্লকপা য়াই, হায়বদি ফ্রিজরদা ইষ্ট্রি অমা থমজিনবগুম্বা থৌদোক থোকপা য়াই।
8. মওং-মতৌ নত্ত্রগা লমচত্তা হোংলকপশীং: অলজৈমরসকী লায়নানা নারবা মীওই অমদা পুক্নিং মওং-মতৌ হোংবা (mood swings), হায়বদি ঈংনা লৈরম্বদগী কপ্লকপা নত্ত্রগা শাউরকপা অসিগুম্বসি মরম ইরৈ লৈতনা থোক্লকপা য়াই।
9. পর্সোনেলিটিদা লৈরকপা হোংলকপশীং: দিমেনসিয়ানা নাবা মীওইশীংগী পর্সোনেলিটিশীংদা য়াম্না চাউনা অহোংবা লাকপা য়াই। মখোয়দা শাথীনা চমম্নবা, চিংনবা, কীবা নত্ত্রগা ইমুংগী মীওই অমদা তাংজবগী থৌওং লাকপা য়াই।
10. থবক তৌনিংবগী অপাম্বা লৈরক্তবা (Loss of initiative): অলজৈমরস দিজিজনা নারবা মীওই অদু য়াম্না হৈনিংদবা মীওই ওইরকপা য়াই, পুং কয়া TV য়েংদুনা লৈবা, হান্নদগী হেন্না তুম্বা নত্ত্রগা হান্নদগী তৌরকপা থবকশীং তৌবা পাম্লক্তবা লৈরকপা য়াই।

11.  নশাদা নত্ত্রগা নহাক্কী নক্নবা মীওই অমদা চেক্সিনিঙাই ওইবা খুদম অমহেক্তা লাকপা মতমদা, দোক্টর অমগা তান্নৌ। অলজৈমরস দিজিজ নত্ত্রগা অতৈ দিমেনসিয়া থোকহনবা অতৈ দিসওর্দরশীং ঙন্না খংদোকহৌবা হায়বসি চুনবা লাইয়েং, চেক্সিন-থৌরাং অমসুং সপোর্ট সর্ভিসশীং ফংনবগী মরুওইবা খোংথাং অমনি।

সোর্সশীং: সাইলেস মিশ্রা - ফাউন্দর প্রেসিদেন্ট, সিলভর ইনিংস ফাউন্দেসন

অলজৈমরস অমসুং ব্রেন(Alzheimer's and the brain)

ঐখোয়না অহল ওইশীল্লকপগা লোয়ননা, ঐখোয়গী ৱাখল খন্থনবগী অমসুং নিংশিংবগী পাঙ্গলসু তপথরকই। অদুবু, শাথীনা নিংশিংবা থোক্তবা, চমম্নবা অমসুং অতৈ মরূওইবা অহোংবশীংদি অহল ওইশিল্লকপগী (aging) নোর্মেল ওইবা শরুক অমা নত্তে। মখোয় অসি ব্রেন সেলশীং মথৌ তৌরক্তবগী খুদম অমা ওইবা য়াই।

ব্রেনদা নর্ভ সেল (ন্যুরোন) বিলিয়ন 100 য়াউই। নেটৱার্কশীং শেম্নবগীদমক নর্ভ সেল খুদিংমক্না অতৈ কয়াগা কম্যুনিকেট তৌনৈ। নর্ভ সেল নেটৱার্কশীংগী অখন্নবা থবকশীং লৈজৈ। খরনা খনবগী, তম্নবগী অমসুং নিংশীংবগী থবক তৌই। অতৈ খরনা ঐখোয়বু উবা, তাবা অমসুং মনম নম্বদা মতেং পাংই। অতৈ কয়ানা ঐখোয়গী মসলশীংবু করম্বা মতমদা লেং-ওৎকদগে হায়বা খংহল্লি।

মখোয়গী থবক পাংথোক্নবগীদমক্তা, ব্রেন সেলশীংনা অপিকপা ফেক্টরিশীংগুম্না থবক তৌই। মখোয়না সপ্লাইশীং লৌশিল্লি, এনর্জি পুথোকই অমসুং ইক্যুইপমেন্ট শেমগৎলি অমসুং কান্নদবশীং মাংহল্লি। সেলশীংনা ইনফোর্মেসন প্রোসেস অমসুং ষ্টোর তৌই। খুদিংমক্না মথৌ তৌবদা কোওরদিনেসন অমসুং ফ্যুএল অমসুং ওক্সিজেনগী য়াম্লবা চাং অমা মথৌ তাই।

অলজৈমরস দিজিজদা, সেল ফেক্টরিগী শরুকশীং অসিনা মথৌ ফজনা তৌদে অমসুং মসিনা অতৈ ফঙ্কসনশীংদসু শোকহল্লি। অমাং-অতা অসিনা শন্দোরকপগা লোয়ননা, সেলশীংনা মখোয়গী থবকশীং ফজনা তৌনবগী পাঙ্গল অদু মাংলকই। মসিনা মরম ওইদুনা মখোয়দু শিরকই।

প্লেক অমসুং টেঙ্গলশীংনা লৌরিবা থৌদাং(The role of plaques and tangles)

প্লেক অমসুং টেঙ্গল কৌবা ময়ামগা মান্নদবা ষ্ট্রকচর অনি অসিনা নর্ভ সেলশীং শোকহনবা অমসুং শিহনবগী মথৌ তৌই হায়না চিংনবা লৈ।

• নর্ভ সেল অমসুং টেঙ্গলগী মরক্তা পৈখৎলক্লিবা প্লেকশীং অসিনা শিরিবা সেলশীংগী মনুংদা শেমগৎলক্লিবা য়েৎশিন্নবা ফাইবরশীং (twisted fibers)নি। অয়াম্বা মীওইশীংদা, মখোয়না চহি য়াম্লকপগা লোয়ননা প্লেক অমসুং টেঙ্গল খরা লৈরক্লবসু, অলজৈমরসনা নারবা মীওইশীংদদি মসিগী চাংসি য়াম্মী। লর্নিং অমসুং মেমোরিগীদমক্তা মরু ওইরিবা এরিয়াশীংদা প্লেক অমসুং টেঙ্গলশীং শেমগৎপা হৌরকই অমসুং অতৈ মফমশীংদা শন্দোরকই।

আর্লি-ষ্টেজ (early stage) অমসুং আর্লি-ওনসেট (early onset)

আর্লি-ষ্টেজ হায়বসি নিংশিংবা, খনবা অমসুং পুক্নিং চংবগা লোয়নবা প্রোব্লেমশীং থোরকপা হৌরকপা অলজৈমরস দিজিজগী অঙনবা শরুক অদুবুনি। আর্লি-ওনসেট হায়বসিনা চহি 65গী মখাদা লৈবা মীওই অমদা  নাবা অলজৈমরস অদুবু খংনহল্লি।

লাইয়েং

হৌজিক্কী ওইনদি মসি ফহন্নবা লাইয়েং লৈতে। অদুবু অচুম্বা সর্ভিস অমসুং সপোর্টকা লাইওংশীংগী লাইয়েংগা পুন্সিন্নদুনা অলজৈমরসনা নারবা মীওইশীংগীদমক হেন্না ফবা পুন্সি অমা পীবদি ঙমগনি।

মরি লৈনবা রিসোর্সশীং

• অলজৈমরস দিজিজ হায়বসি করিনো?
• ব্রেনগী মনুংদা – ইন্টরেক্টিভ টুর অমা
• অলজৈমরস এন্ড রিলেটেদ দিসওর্দরস সোসাইটি ওফ ইন্দিয়া (ARDSI)