কোমা

কোমা হায়বসি করিনো?

কোমা অমা (Coma) হায়বসি মতম শাংনা ৱাখল তাদনা লৈবগী মওং অমনি। কোমা অমা লৈরিঙৈ মনুংদা, মীওই অমনা মহাক্কী অকোয়রোন অদুগা শোক্ন-শম্নদে (unresponsive)। মীওই অদু হিংই অমসুং মহাক্তু তুম্লিবা মীওই অমগুম্না মাল্লি। অদুম ওইনমক, কন্না তুম্বা মীওই অমগা মান্নদবা মওংদা, মীওই অদু চৈনা পীরবা ফাউবদা তুম্বদগী হৌদোকপা ঙমদে।

কোমা অমা থোকহল্লকপগী মরমশীং

কোমা অসি ব্রেনদা অশোক-অপন অমা লৈখিবদগী ওইরকই। ব্রেনদা শোক-পনবসি প্রেসর, ব্লিদিং, ওক্সিজেন মাংখিবা, নত্ত্রগা হু চেনবা পোৎ-চৈ (toxins) পৈশিল্লকপদগী থোরকপা য়াই। অশোক-অপন অদু টেম্পরেরি অমসুং রিভর্সিবল ওইবা য়াই। মদু পর্মেনেন্টসু ওইবা য়াই। কোমাশীংগী 50% দি কোক্কী ত্রোমা (head trauma) নত্ত্রগা ব্রেনগী সর্ক্যুলেটরি সিষ্টেমদা অপন-অরাক পীবগা মরি লৈনৈ। কোমা থোকহল্লকপা য়াবা প্রোব্লেমশীংগী মনুংদা মখাদা পীরিবশীংসি চল্লি:

• ত্রোমা (trauma)
• পোমথোকপা (Swelling)
• ঈ থোকপা (Bleeding)
• ষ্ট্রোক (Stroke)
• ব্লদ সুগর
• ওক্সিজেন ফংদবা (Oxygen deprivation)
• ইনফেক্সন থোকহনবা হু চেনবা পোৎশকশীং (Infection Toxins)
• চিংথেকপা (Seizures)

কোমাগী মখলশীং করি করিনো?

কোমাগী মখলশীংগী মনুংদা মখাদা পীরিবশীংসি চল্লি:

• তোক্সিক-মেটাবোলিক এনসেফালোপেথি (Toxic-metabolic encephalopathy)
• এনোক্সিক ব্রেন ইঞ্জুরি (Anoxic brain injury)
• পর্সিষ্টেন্ট ভেজিটেটিভ ষ্টেট (Persistent vegetative state)
• লোক-ইন সিন্দ্রোম (Locked-in syndrome)
• ব্রেন দেথ (Brain death)
• মেদিকেল্লি ইন্দ্যুস (Medically induced)

কোমা অমবু লাইয়েংবা

কোমা অমা লাইয়েংবা হায়বসি মদুবু থোকহল্লিবা মরমদুগী মখা পোল্লি। কোমাটোজ পেসেন্টগা নক্নবা মীওইশীংনা দোক্টরশীংনা কোমা অদুগী মরমদু খংদোকপদা মতেং পাংনবগীদমক দোক্টরদা য়ারিবমখৈ ইনফোর্মেসন পীগদবনি। রিভর্সিবল ওইবা কন্দিসনশীং লাইয়েংনবগীদমক খুদক্কী ওইবা মেদিকেল এটেন্সন অসি য়াম্না মরুওই। মহৌশানা, কোমা অমগী লাইয়েং অসি সপোর্টিভ মখলগীনি। কোমাদা লৈরবা মীওইশীংবু ইন্টেন্সিভ কেয়র য়ুনিটতা থমদুনা য়েংশিল্লি অমসুং অয়াম্বা মতমদা মখোয়গী ফিভম ফগৎলক্ত্রিফাউবা মপুং ফাবা লাইফ সপোর্ট মথৌ তাবা য়াউই।

কোমা অমগী লাইওং তাকপা (Prognosis for a Coma)

কোমা অমগী লাইওং তাকপসি ফিভম খুদিংমক্কী তোঙাল্লি। মীওই অমনা ফরকপগী ওইথোকপসি কোমা অদুবু ওইহল্লক্লিবা মরমগী, প্রোব্লেম অদু চুমথোকপা য়াব্রা অমদি কোমাগী মতম অদুগী মখা পোল্লি। করিগুম্বা প্রোব্লেম অদু কোকহনবা ঙমলবদি, মীওই অদুনা মহাক্কী ফঙ্কসন তৌবগী ওরিজিনেল লেভেল অদু হঞ্জিনগল্লি। করিগুম্বা মতমদা, করিগুম্বা ব্রেন শোকপদু য়াম্না শাথীবা ওইরবদি, মীওই অমনা মতম পুম্বগী ওইনা দিসএবল ওইবা নত্ত্রগা অমুক হন্না ৱাখল তারক্তবা য়াউই। মীওই অমনা কোমাদা লৈরিঙৈদা ফরক্কনি হায়না মাংজৌননা হায়বসি য়াম্না লুবা অমনি। মীওই খুদিংমক মান্নদে অমসুং মরমদুনা নহাক্কী দোক্টরগা তান্নবা তঙাইফদে। ঐখোয়না খল্লিবসিগুম্না, মীওই অমনা কোমাদা য়াম্না শাংথনা লৈরিবমখৈ, লাইওং তাকপসু (prognosis) হেন্না লুশীল্লকই। অদু ওইরবসু, পেসেন্ট কয়াদি কোমাদা চয়োল কয়া লৈরুরবা মতুংদা মীকপ থোক্লকপসু য়াউই। অদুম ওইনমক মখোয়দা দিসএবিলিটি কয়াদি লৈবা য়াই।

সোর্স: পোর্টেল কন্টেন্ট টিম