তিলহাৎ হিদাক্তা কাংখল লুপথোকপা অমসুং লুপথোক্লবা কাংখল শিজিন্নবা

তিলহাৎ হিদাক্তা লুপথোক্লবা কাংখলশীং করিগীদমক্তা শিজিন্নগদৌরিবনো?

• মেলরিয়া অমসুং অতৈ অকক্নবা লায়না খরদি কাংনা চিকপদগী শন্দোকই। মীরোল্লিবী নুপীশীং, অঙাংশীং অমসুং চহি নৌরিবা অঙাংশীং অসিদা মেলরিয়ানা শীহনবগী রিস্ক খ্বাইদগী ৱাংই।
• ইচম চম্বা তিলহাৎ হিদাক্তা লুপ্তবা কাংখলশীং অসিনা কাং অমসুং মীগী মরক্তা অকক্নবা পল অমা পীদুনা প্রোটেক্সনবুদি পী অদুবু কাংশীংনা কাংখল ফাউদুনা চিকপদি অদুম ঙম্মী নত্ত্রগা মওং চুম্না শিজিন্নদবদগী কাংশীংনা মনুংদা চংবসু য়াউই।
• তিলহাৎ হিদাকশীংদা লুপথোক্লবা কাংখলশীংনা কাংশিংবু লাপথোকহন্দুনা অমসুং মখোয়বু হাত্তুনা হেন্না ফবা মতিক চাবা প্রোটেক্সন পী। তিলহাৎ হিদাক্তা লুপথোক্লবা কাংখলশীংনা অতৈ তিন-কাংশীং হায়বদি, খরম্মী, মা, হয়িং অমসুং ঈ চুপ্পী হয়িংনচিংবশীং লাপ্না থম্বতা নত্তনা মখোয়বু হাৎলি।

মতৌ করম্না কাংখল অদু লুপথোক্কদগে?

ময়াম পুন্না লুপথোক্নবগী অরাইবা খোংথাং 10 (তরা)

• ময়াম পুন্না লুপথোকপগী থৌওংসি অকক্ননা লেপ্লবা মফমদা পাংথোকই।
• তিলহাৎ হিদাক্তা লুপথোকপসি সিন্থেটিক্কী কাংখল (নাইলোন, পোলিষ্টর)শীংগী ওইনা রেকমেন্দ তৌই, মরমদি কটনগী কাংখলশীং অসি লুপথোকপদা তিলহাৎ হিদাক্কী ময়াক অসি শাংনা চত্তে।
• ষ্টেপ 1: মথৌ তাবা খুৎশু-খুৎলায়দু (equipments) লৌরো।
• মথৌ তাবা খুৎশু-খুৎলায়শীং হায়রিবসিগী মনুংদা, কাংখলশীং, তিলহাৎ হিদাক্কী পাত্র (বেসিন), চাং ওন্নবা পাত্র, রবরগী গ্লোবশীং, সাপোন অসি চল্লি।
• লুপথোক্ত্রিঙৈদা কাংখল অদু শুদোক্লবা/ চামথোক্লবা ওইগদবনি।
• হেন্না ফবদি, কাংখলশীং অসি ইমুংগী মপান্দা উরুম লাংবা মফমদা লুপথোকপসিনি। করিগুম্বা থৌওং অসি ইমুংদা পাংথোক্কে হায়রবদি, থোংনাউ হাংদোকপা কা অমদা পাংথোক্কদবনি।
• অতৈ হিরমশীংদা শিজিন্নদবা বেসিন (basin), গ্লোবশীং শিজিন্নগদবনি।
• ষ্টেপ 2: কাংখল লুপথোক্ত্রিঙৈদা প্রোটেক্টিভ গ্লোবশীং উপশিনগদবনি।
• ষ্টেপ 3: ঈশীং চাংদু চুম্না ওনগদবনি। মথৌ তারিবা ঈশিংগী চাং অসি কাংখল অদুগী মখা পোল্লি। কাংখল অদুগী পাক-চাউবা অমসুং মওং-মতৌগী মতুং ইন্দবা মওংদা, মথৌ তারিবা ঈশিংগী চাং অদু মখাদা পীরি:
• সিন্থেটিক্কী কাংখল (নাইলোন, পোলিষ্টর) – লিটর ½ (করিগুম্বা কাংখল অদু য়াম্না চাউরবদি, ঈশীং হেন্না মথৌ তাবা য়াই)।
• করিগুম্বা চাং ওন্নবা পাত্র অদু তিলহাৎ হিদাক অদুগা পুনবা ওইরবদি, মদু ঈশীংগী চাং ওনবদা শিজিন্নগদবনি। মদু নত্ত্রবদি, চানবা চিঞ্জাক, থক্নবা মহিশীং, হিদাক-লাংথকশীং ওনবদা শিজিন্নদবা চাং ওন্নবা পাত্র অমা শিজিন্নগদবনি।
• ষ্টেপ 4: তিলহাৎ হিদাক্কী চাং অদু চুম্না ওনগদবনি।
• কাংখল অমা লুপ্পদা মথৌ তারিবা তিলহাৎ হিদাক্কী চাং নত্ত্রগা “দোজ” অদু শিজিন্নরিবা তিলহাৎ হিদাক মখল অদুগী মখা পোল্লি। কন্টেনর, সাচেট, পেকেট অদুদা ইরিবা ইনষ্ট্রক্সনশীং অদু ইনগদবনি। ময়ামগী ওইনদি, কাংখল অমা লুপথোকপদা তিলহাৎ হিদাক মিলিলিটর 10-15 ফাউবা মথৌ তাই।
• [ফমুংগী কাংখলশীং লুপথোকপদা শিজিন্নবা লিক্যুইদ সিন্থেটিক পাইরেথ্রোইদকী BIS নম্বরশীংদি - i) দেলটামেথ্রিন – IS14411: 1996; ii) সাইফ্লুথ্রিন – IS14156: 1994].
• লেমহৌবা তিলহাৎ হিদাক অদু মশাগী পাত্রদুদা, অমম্বদা অমসুং অঙাংশীংনা ফংলোইদবা মফমদা থমগদবনি।
• ষ্টেপ 5: ঈশীং অমসুং তিলহাৎ হিদাক অদু বেসিন্দা গ্লোব উপ্লবা খুৎনা মপুংফানা ওৎখায়দুনা য়ান্সিন্নগদবনি।
• ষ্টেপ 6: কাংখলশীং লুপথোকপা
• মতম পুম্নমক্তা, অমুক্তদা কাংখল অমখক্তং লুপথোক্কদবনি।
• কাংখল অদু ঈশীং অমসুং তিলহাৎ হিদাক য়াউরবা বেসিন অদুদা হাপচিনগদবনি।
• কাংখল অদুগী শরুক পুম্নমক মপুংফানা হিদাক্তা লুপথোক্নবগীদমক মতিক চাবা মতম পীদুনা লুপকদবনি।
• কাংখল অদু লৌথোক্লো অমসুং মচুম তাহল্লো।
• হিদাক্তা লুপ্লবা কাংখলশীং অদু শুমদোক্লোইদবনি।
• ষ্টেপ 7: কাংখলশীং কংহনবা
• কাংখল অদু প্লাষ্টিক শিট মথক্তা উরুমদা পাক্না কংহল্লু।
• মতুংদা, নেট অদু উরুমদা য়ান্দুনা কংহনবদু লোয়শিনবা য়াই।
• ষ্টেপ 8: ঈশিং অমসুং তিলহাৎ হিদাক য়ান্নরবা মহি অমসুং তিলহাৎ হিদাক্কী পাত্রশীং মফম চানা লোইশিনবা (Disposal)
• অফংবা কাংখল পুম্নমক্তু লুপথোক্লবা মতুংদা, ঈশিং অমসুং তিলহাৎ হিদাক য়ান্নরবা মহি অদু, করিগুম্বা লেমহৌরবদি, পর্দাশীং লুপথোকপদা শীজিন্নবা য়াই।
• মদু নত্ত্রগনা, মহি অদু তোইলেট নত্ত্রগা মী য়ৌদবা, শা-ষন থমদবা, থক্নবা ঈশীং লৈফম হায়বদি, তুরেল, পুখ্রি, ঈফুৎকুম্বদগী লাপ্না মখুল অমদা হৈথখিগদবনি।
• অহাংবা কন্টেনরশীং, সাচেটশীং, পেকেটশীংদু মাংহনখ্রো অমসুং/ নত্ত্রগা মী য়ৌদবা, শা-ষন থমদবা, থক্নবা ঈশীং লৈফম হায়বদি, তুরেল, পুখ্রি, ঈফুৎকুম্বদগী লাপ্না মখুল অমদা ফুমজিনখ্রো।
• ষ্টেপ 9: খুৎ হামদোকপা অমসুং খুৎশু-খুৎলাইশীং চামথোকপা
• খুৎশু-খুৎলাইশীং (বেসিন, চাং ওন্নবা পাত্র) অদু প্রোটেক্টিভ গ্লোবশীং উপ্তুনা ঈশীংগী চাং য়াম্না শিজিন্নদুনা চামথোক্কদবনি।
• গ্লোবশীং (করিগুম্বা নন-দিস্পোজেবল ওইবশীং শিজিন্নরবদি) অদু সাপোন অমসুং ঈশীংগী চাং য়াম্না শিজিন্নদুনা চামথোক্কদবনি, নত্ত্রগা তিলহাৎ হিদাক্কী পাত্রশীং অদুগা লোয়ননা মাংহনখিগদবনি।
• খুৎশীং অদু সাপোন অমসুং ঈশীংগী চাং য়াম্না শীজিন্নদুনা চামথোক্কদবনি।
• ষ্টেপ 10: কাংখলশীং চামথোকপা অমসুং অমুক হন্না লুপথোকপা
• শুদোক-চামথোকপনা তিলহাৎ হিদাক অদু কাংখলদগী লৌথোকখি। মরম অদুনা য়ারিবমখৈ তোইনা শু-চাম্লোইদবনি অমসুং করিগুম্বা মসি পাংথোকপা তারগসু সাপোন অমসুং অঈংবা ঈশীং শিজিন্নদুনা তপ্না তপ্না শুরগা উরুমদা পুসিন্দুনা প্লাষ্টিক্কী শিট অমদা পাক্না শন্দোক্তুনা কংহনগদবনি।
• হিদাক্তা লুপ্লবা কাংখল অদু থক্নবা ঈশীং লৈবা মফমশীং, পুখ্রিশীং, পাৎশীং, তুরেলশীং, ঈফুৎশীংগী মনাক নক্না শূ-চাম্লোইদবনি। শু-চাম্বদা শিজিন্নবা ঈশীং অদু তোইলেট নত্ত্রগা মী য়ৌদবা, শা-ষন থমদবা, থক্নবা ঈশীং লৈফম হায়বদি, তুরেল, পুখ্রি, ঈফুৎকুম্বদগী লাপ্না মখুল অমদা হৈথখিদুনা মাংহনখিগদবনি।
• কাংখল অদু অহুম্লক শু-চাম্বা তৌখ্রবদি অমুক হন্না হিদাক্তা লুপথোক্কদবনি, নত্ত্রগা করিগুম্বা মদু শু-চাম্বা তৌদবা ওইরবসু, চহি অমগী মনুংদা অমুক্তংদি, হেন্না ফবদি নোংজুথাগী মমাংদা অমুক হন্না হিদাক্তা লুপথোকপা ফৈ। চহি চুপ্পা কাং য়াম্না ইনবা মফমশীংদা শীজিন্নবা কাংখলশীংদি চহি অমদা অনিরক লুপথোকপা য়াই।
• নিংশিংগদবা মরুওইবা ৱাফমশীং:
• তিলহাৎ হিদাক্তা লুপথোক্লবা কাংখল অদু, করিগুম্বা কাং লৈবা উদ্রবা ফাউবদসু চহি চুপ্পা নুমিদাং খুদিংগী শিজিন্নগদবনি। হেন্না ফবদি, মী খুদিংমক হিদাক্তা লুপথোক্লবা কাংখল মনুংদা তুম্বা ফৈ, নত্ত্রগা, য়ামদ্রবদা মীরোনবী নুপীশীং অমসুং চহি মঙাগী মখাদা লৈবা অঙাংশীংদি হিদাক্তা লুপথোক্লবা কাংখল মনুংদা শোয়নমক্কী তুমহনগদবনি।
• কাংখলগীদমক্তা শিজিন্নরিবা তিলহাৎ হিদাকশীং অদু, করিগুম্বা মওং চুম্না শিজিন্নরবদি, মীওইবদদি মাং-তাক্নিংঙাই ওইদে। চোৎলিবা কাংখলদা উনশাগা হকথেংননা শোক্নবা মতমদা হকচাংদা (উনশাদা) মরেং-মরেং চৎপা (tingling sensation) ফাউবা য়াই। মসি অপিকপা অঙাংশীংদা ফাউবা মাং-তাক্নিংঙাই ওইবা নত্তে।
• হিদাক্তা লুপথোক্লবা মতুংদা, কাংখল অদু তিলহাৎ হিদাক্কী মনম চেনবা য়াই। মদু নুমিৎ খরনিগী মতুংদা ফখিগনি অমসুং মদু কাংখল মনুংদা তুম্লিবা মীওইশীংদুদা হকচাং শোকহনগদবা নত্তে।

সোর্স : নেসনেল ভেক্টর বোর্ন দিজিজ কন্ত্রোল প্রোগ্রাম