দেঙ্গি

দেঙ্গি হায়বসি করিনো?

• দেঙ্গি হায়বসি ভাইরসনা থোকহনবা লায়না অমনি।
• মসি মহিক চেল্লবা (infected) এদিস এজিপতি (Aedes Aegypti) কাংনা চিকপদগী লৌনৈ।
• মহিক চেল্লবা কাং অমনা চিক্লবা মতুং নুমিৎ 5দগী 6নি ফাউবগী মনুংদা মীওই অমদা লায়না অসি লাকই।
• মসি মওং অনিদা থোকই: দেঙ্গি ফিবর অমসুং দেঙ্গি হেমোরেজিক ফিবর (DHF)
• দেঙ্গি ফিবর অসি শাথীবা, ফ্লু মওংগী অনাবা অমনি।
• দেঙ্গি হেমোরেজিক ফিবর (DHF) অসি মীবু শিহনবা ঙম্বা, লায়না অসিগী হেন্না শাথীবা মওং অমনি।
• দেঙ্গি ফিবর নত্ত্রগা DHF লৈগনি হায়না চিংনরবা মীওই অমনা খুদক্তা দোক্টর অমদা লাইয়েংথোক্কদবনি।
• 

দেঙ্গি ফিবরগী খুদম অমসুং লাইওংশীং (Signs & Symptoms)

• খংহৌদনা লাইহৌ কন্না হৌরকপা।
• কোক্কী মমাংথংবা শরুক্তা কন্না চিক্লকপা।
• মীৎনা লেং-ওৎলিবমখৈ মীৎকী মনিংথংবদা নাবা হেঞ্জিল্লকপা মওংগী অনাবা।
• মসল অমসুং শরু-তাংদা (জোইন্ট) নারকপা।
• মহাউ খংলক্তবা অমসুং চানিং-থক্নিংবা পোক্লক্তবা।
• থবাক অমসুং খোংগী মথক্কী শরুক্তা মিজল মওংগী উনশা ঙাংশীল্লকপা (rash)
• ওনিংবা ফাউবা অমসুং ওবা।

দেঙ্গি হেমোরেজিক ফিবর অমসুং শোক সিম্পটমগী খুদম অমসুং লাইওংশীং

• দেঙ্গি ফিবরগা মান্নবা লাইওংশীং।
• চাকখাউদা লেপ্তনা শাথীনা নাবা ফাউবা।
• উনশা অসি তাইফেৎ তাইরকই, ঈংলকই নত্ত্রগা হুমাং থোক্লকই (clammy)।
• নাতোন, চিন অমসুং য়ারি অমসুং উনশাগী ঙাংশিল্লকপা শরুকশীংদগী ঈ থোরকপা অমসুং উনশাদা ঙাংনা তৎপা (skin rashes)।
• ঈ য়াউনা নত্ত্রগা য়াউদনা তোইনা ওবা।
• তুম্নিংবা অমসুং ৱাখল চনিং তাদবা (restlessness)।
• পেসেন্ট (অনাবা) অদুনা ঈশীং খৌরাংবা ফাউরক্কনি অমসুং মচিন কংশিল্লক্কনি।
• মিহুন য়াংনা শোন্না চোংবা।
• শ্বর হোনবা ৱাবা।

দেঙ্গিগী ত্রান্সমিসন সাইকল (শন্দোকপগী সাইকল)

ভারত্তা দেঙ্গি/DHFগী মশন্দোক (দিষ্ট্রিব্যুসন)

• লায়না অসি ভারত শিনবা থুংনা অয়াম্বা মেত্রোপোলিটান সিটিশীং অমসুং টাউনশীংদা উবা ফংই।
• হরিয়ানা, মহারাষ্ট্র অমসুং করনাটকাগী খুঙ্গংগী লমদমশীংদা লাইচৎ থোকপগী পাউ ফংই।
• 

লায়না লৌনবা য়াবগী মতম (Period of Communicability)

দেঙ্গি লায়না চেল্লবা মীওই অদুদা, লায়না অসি হৌরক্ত্রিঙৈ মমাং পুং 6 তগী 12 ফাউবগী মনুংদা কাংশীংদা লায়না চেলহনবা ঙম্মী অমসুং মসি নুমিৎ 3 দগী 5নি ফাউবদি মতৌ অসুম্না মখা তানা লৈ।

মসিনা শোকহনবা চহি অমসুং নুপা-নুপী কাংলুপ

• চহি কাংলুপ পুম্নমক অমসুং নুপা-নুপী কাংলুপ অনিমক্তা শোকহল্লি।
• DHFগী লাইচৎ লৈবা মতমদা অঙাংশীংদনা হেন্না শিহল্লি।

দেঙ্গি/ দেঙ্গি হেমোরেজিক ফিবরবু শন্দোক্লিবা এজেন্টশীং (Vector)

• এদিস এজিপটি অসি দেঙ্গি/ দেঙ্গি হেমোরেজিক ফিবর শন্দোক্লিবা এজেন্টশীংনি।
• মসি ঙৌনা লাংবা অমসুং চাউরাক্না মিলিমিটর 5 রোম চাউবা অপিকপা, অমুবা কাং অমনি।
• মসিনা মহাক্কী মশাদা ভাইরস অসি দিভেলপ তৌবা অমসুং লায়না অসি শন্দোকপদা নুমিৎ 7 তগী 8 নি ফাউবা চংই।

চা-থকপগী হৈনবী (Feeding Habit)

• অয়ুক-নুংথিলদা চিকই।
• মরুওইনা ইমুংদা অমসুং ইমুংগী অকোয়বদা লৈবা মীওইবদা চিক্তুনা মবুক থল্লি।
• হঞ্জিন-হঞ্জিন্না চিকই।

পোত্থাবগী হৈনবী

• ইমুংদা অমসুং ইমুংগী অকোয়বদা (domestic and peridomestic situations) লৈফম ওই।
• য়ুমগী অমম্বা কাচিনশীংদা, ফি-রোল, ছাতিন, অসিনচিংবা য়ান্দুনা লৈবা পোৎ-চৈশীংদা নত্ত্রগা ফর্নিচরগী মখাদা লৈগল্লি।

মরুম কোকপগী হৈনবী (Breeding Habits)

• এদিস এজিপটি কাংনা মীওইবনা শেম্বা কন্টেনর মখল অমহেক্তদা নত্ত্রগা ঈশীং খরা য়াউরিবা ষ্টোরেজ কন্টেনর অমহেক্তদা ফাউবা মরুম কোকই।
• এদিস এজিপটিগী মরুমশীং অসি ঈশীং য়াউদনা চহি অমদগী হেন্না হিংবা ঙম্মী।

হেন্না চুনবা মরুম কোকফমশীং

দেজার্ট কুলরশীং (Desert coolers), দ্রমশীং, জারশীং, চফুশীং, বাল্টিনশীং, লৈগী গম্লাশীং, পাম্বী থানবা পাত্রশীং, তেঙ্কিশীং, ঈশীং তেঙ্কিশীং, বোটলশীং, টিনশীং, টায়রশীং, য়ুমথক্কী ঈশীং চিথফমশীং, রেফ্রিজরেটরগী ঈশীং চিত্থফম পাত্রশীং, সিমেন্টকী ব্লোকশীং, সিমিত্রিগী ঈশীং থম্ফম পাত্রশীং, ককখ্রবা মতুংদা লেমহৌবা ৱাগী মখোকশীং, য়ুবীগী মকুশীং, উগী মখুলশীং অমসুং নোংগী ঈশীং তুংফম মফম অয়াম্বদা লৈগল্লি।

দেঙ্গি/ দেঙ্গি হেমোরেজিক ফিবর কন্ত্রোল তৌবা

• লাইয়েংবদগীদি লায়না চংহন্দনবা থৌরাং লৌখৎপনা হেন্না ফৈ।
• দেঙ্গি/DHFকী লাইয়েংগীদমক্তা হিদাক নত্ত্রগা ভেক্সিন অমত্তা ফংদে।
• এদিস এজিপটি কাং কন্ত্রোল তৌবা হায়বসিনা মসিগী অমত্তা ঙাইরবা পাম্বৈনি।
• ঙন্না খংদোকহৌবা অমসুং মওং চুম্না য়েংশিনবা অমসুং লাইওংগী মতুংইন্না লাইয়েংহৌবনা মসিনা থোকহনবা অশী-অনাশীংগী চাং য়াম্না হন্থহনবা ঙমগনি।

লায়না অসিবু শন্দোক্লিবা এজেন্টশীংবু কন্ত্রোল তৌনবগী থৌরাংশীং (Vector control measures)

1. ইশানা পাইখৎচগদবা থৌরাংশীং

• কাং চিক্তনবা ক্রিমশীং, লিক্যুইদশীং, কোইশীং, জালিশীংনচিংবা শিজিন্নবা।
• খুদাং চোনবা ফুরিৎ অমসুং মোজা উপ্পগা লোয়ননা খোংগ্রাউ অশাংবী শেৎপা।
• অপিকপা অমসুং য়াম্না নৌরিবা অঙাংশীংনা অয়ুক-নুংথিলদা তুম্বা মতমদা কাং চিকপা থীংনবা কাংখলশীং শীজিন্নবা।

2. বাইওলোজিকেল কন্ত্রোল

• লৈতেংগী ওইবা তেঙ্কিশীং, ঈশীং চাইবীশীংনচিংবদা কাং মরুম চাথোক্কদবা ঙাশীং য়োকপা।
• বাইওসাইদশীং (biocides) শিজিন্নবা।

3. কেমিকেল কন্ত্রোল

• অচৌবা মরুম কোকফম পাত্রশীংদা এবেট (abate)কুম্বা মরুম হাৎনবা কেমিকেল শীজিন্নবা।
• অয়ুক-নুংথিলগী মতমদা এরোসোল স্পেস স্প্রে (Aerosol space spray) শিজিন্নবা।

4. অকোয়রোনবু মওং চুম্না থম্বা অমসুং মসিগী হৌরকফম হন্থহন্নবা মেথদশীং

• কাং মরুম কোকপগী সোর্সশীং খংদোকপা অমসুং মাংহনবা।
• য়ুমথকশীং, য়ুমথক কুপ্পা চংফমশীং (porticos) অমসুং নুমিৎ মঙাল য়ৌদবা মফমশিং নান্না থম্বা।
• অয়োকপা ঈশীং মওং চুম্না মখুম কুপ্পা।
• অফবা ঈশীংগী সপ্লাই লৈহনবা।
• চয়োলগী ওইবা দ্রাই দে (dry day) থম্বা।
• এগাবে অমেরিকানাগী মনাদগী শুমদোক্লবা মহিদা কাং মরুম হাৎনবগী মপাঙ্গল য়াউই হায়বগী প্রমাণ লৈ। পাম্বীদগী শুংবা মহি অসি অকোয়রোনদা অকায়বা লৈতে অমসুং বাইওগ্রেদেবল ওই। মরম অদুনা তকখায়রবা পাম্বী মনা (ইঞ্চি 1-2 পাকপা) কটন মস্লিন রিয়ুজেবল বেগশীংদা হাপচিন্দুনা দেজর্ট কুলরশীং, প্লাষ্টিক্কী পাত্রশীং অমদি ঈশীং থম্নবা পাত্রশীংদা, উনাগী মহি মচুম অদু ঈশীংদা য়াউখিনবগী মওংদা হাপচিনগদবনি। মসিনা কাং মরুম কোকপা থীংবা ঙমগনি। থৌওং অসি নুমিৎ 3-4নি খুদিংগী পাংথোকপা য়াই।

5. হেলথ এজুকেসন

• লায়না অমসুং মসিবু শন্দোক্লিবা এজেন্টশীংগী মতাংদা টিভি, রেদিও, সিনেমা স্লাইদশীংনচিংবা তোঙান-তোঙানবা মিদিয়াগী সোর্সশীংগী খুত্থাংদা মীয়ামদা খংহনগদবনি।

6. কম্যুনিটি পার্টিসিপেসন (খুন্মীশীংসু য়াউহনবা)

• এদিসকী মরুম কোকফমশীং অমসুং মখোয়বু হাত্তোক্নবগীদমক খুন্মীশীংসু য়াউহন্দুনা মসিগী কান্নবা খংমিন্নগদবনি।

দেঙ্গিগী থৌওং লৈবা মতমদা পাংথোক্কদবশীং

• দেঙ্গি ফিবরনি হায়না চিংনরবদি ঙন্না পাউ পীগদবনি।
• দেঙ্গি ফিবর মেনেজ তৌবা হায়বসি লাইওংগী অমসুং সপোর্টকী মখা পোল্লি।
• দেঙ্গি শোক সিন্দ্রোম (dengue shock syndrome)দদি, মখাদা পীরিবা লাইয়েং অসি রেকমেন্দ তৌই:
• প্লাজমা মাংখিবদু মহুৎ শিঞ্জিনবা।
• ইলেক্ত্রোলাইট অমসুং মেটাবোলিক দিষ্টর্বেন্সশীং চুমথোকপা।
• ঈ কাপ্পা।

তৌগদবা অমসুং তৌরোইদবশীং

• য়ামদ্রবদা চয়োল অমদা অমুক্তি কুলরশীং অমসুং অতৈ অপিকপা পাত্রশীংদগী ঈশীংদু লৌথোক্কদবনি।
• কাং চিকপা থীংনবা অয়ুক-নুংথিলগী মতমদা এরোসোল শীজিন্নগদবনি।
• খুৎ অমসুং খোং কুপ্তবা ফি-রোলশীং শেৎ-চারোইদবনি।
• অঙাংশীংবু খোঙগ্রাউ অতেনবা অমসুং খুদাং ককপা ফুরিৎশীং লিত্তুনা শান্নহল্লোইদবনি।
• অয়ুক-নুংথিলগী মতমদা তুম্বদা কাংখল নত্ত্রগা কাং হিদাক (mosquito repellents) শিজিন্নগদবনি।

সোর্স: নেসনেল ভেক্টর বোর্ন দিজিজেস কন্ত্রোল প্রোগ্রাম, মিনিষ্ট্রি ওফ হেলথ এন্ড ফেমিলি ৱেলফেয়র

মরি লৈনবা রিসোর্সশীং

1. নেসনেল গাইদলাইন্স ফোর ক্লিনিকেল মেনেজমেন্ট ওফ দেঙ্গি ফিবর
2. মোসক্যুইটো প্রুফ দিজর্ট কুলর (NICD কুলর)