কোলেরা

কোলেরা হায়বসি করিনো?

কোলেরা অসি ভিব্রিও কোলেরা (Vibrio cholerae) হায়রিবা বেক্টেরিয়া অসিনা ইন্টেষ্টাইনদা ইনফেক্সন লৈহন্দুনা থোকহনবা দাইরিয়াগা মরি লৈনবা অকনবা (acute) অনাবা অমনি। ইনফেক্সন অসি অয়াম্বা মতমদা শাথীদবা নত্ত্রগা লাইওং লৈতবা ওইগল্লি, অদুবু করিগুম্বা মতমদা শাথীবা ওইবসু য়াই।

কোলেরাগী লাইওংশীংদু করি করিনো?

লায়না অসিনা শোকহল্লবা মীওই 20গী মনুংদা চাউরাক্না 1 গুম্বদা য়াম্না শাথীবা ওইগল্লি, অমসুং মসিদা মখাদা পীরিবা লাইওংশীং অসি উবা ফংগনি:

• খোং মহি য়াম্না হাম্বা (Profuse watery diarrhea),
• ওবা, অমসুং
• খোং চিংবা (Leg cramps)।

মীওইশীং অসিদা, হকচাংগী মহিশীং য়াংনা মাংখিবা মরম্না দিহায়দ্রেসন অমসুং খংহৌদনা ৱাখল মাংখিবা (shock) য়াই। লাইয়েংদ্রবদি পুং খরগী মনুংদা শিবগী থৌদোক থোকপা য়াই।

মতৌ করম্না মীওই অমদা কোলেরা নারকপগে?

মীওই অমনা কোলেরা অসি কোলেরা বেক্টেরিয়ম চেল্লবা ঈশীং থক্লুবদগী নত্ত্রগা চিঞ্জাক চারুবদগী নারকপা য়াই। লাইচৎ অমদদি, চান-থক্নবদা মহিক চেল্লকপগী মরম অসি লায়না অসিনা নারবা মীওই অমগী অমাংবা (stool) অসিনা ওই। লায়না অসি অমাং-অশোয় লোয়শিনফম লৈতবা অমসুং থক্নবা ঈশীং মওং চুম্না লৈতবা মফমশীংদনা হেন্না য়াংনা শন্দোকপা ঙম্মী।

কোলেরা বেক্টেরিয়ম অসি অমাং-অশোয় তৌশিনবা তুরেলশীং (brackish rivers) অমসুং তোর্বান ময়াগী ঈশীংশীংদসু লৈবা য়াউই। থরোই (Shellfish) অসিসু কোলেরাগী সোর্স অমনি। লায়না অসি মীওই অমদগী মীওই অমদা হকথেংননা শন্দোক্কন্দে; মরম অদুনা লায়না অসিনা নারবা মীওই অমগা শোক্ন-শম্নবনা নারক্নবগী রিস্ক লৈহন্দে।

কোলেরা অসি লাইয়েংবা ঙম্ব্রা?

কোলেরা অসি খোং হাম্বদা মাংখিবা ফ্লুইদ অমসুং সোল্ট অদু খুদক্তা শিঞ্জিন্দুনা চম্না অমসুং মায়পাক্না লাইয়েংবা ঙম্মী। পেসেন্টশীং অদু ওরেল রিহায়দ্রেসন সোল্যুসন কৌবা মাংজৌননা পেকেজ তৌরবা সুগর অমসুং সোল্টগী মিক্সচর অমগা ঈশীংগা য়ান্সিন্নদুনা অমসুং চাং য়াম্না পীথক্তুনা লাইয়েংবা য়াই। সোল্যুসন অসি পৃথীবী শিনবা থুংনা দায়রিয়া লাইয়েংবদা শিজিন্নৈ। শাথীবা কেসশীংদদি শিংলিদা কাপশিন্দুনা ফ্লুইদ রিপ্লেস তৌবা মথৌ তারকপসু য়াউই। য়াংনা রিহায়দ্রেসন তৌবনা, কোলেরা পেসেন্টশীংগী মনুংদা শিবগী চাং অসি 1% দগী হন্থহল্লি।

এন্টিবাইওটিক্সনা নাবগী মতম অদু তেন্সিলহল্লি অমসুং অনাবগী ফিভম লুশিলহন্দে অদুবু মখোয় অসি রিহায়দ্রেসনগুম্না মরুওইবদি নত্তে। কোলেরা নাবা লৈবাকশীংদা লৈবা মীওইশীংদা শাথীবা দাইরিয়া অমসুং ওবনচিংবা লৈরবদি খুদক্তা মেদিকেলগী মতেং লৌগদবনি।

সোর্স: মেদিসিননেট

কোলেরা নারক্তনবা মাংজৌননা পায়খৎকদবা থৌরাং খরা

• অমোৎ-অকায় লংথোকফম অদু শেংনা, নুংশিৎ-নুংশা মরাং কায়না থমগদবনি অমসুং মহিক-মতাই হাত্তোক্কদবনি।
• হকচাংনা নত্ত্রগা ৱাখলনা থবক কা-হেন্না কন্না শুরোইদবনি অমসুং অঈং-অশা ওন্নরকপা মতমদা কা-হেন্না চত্থোক-চৎশিন তৌরোইদবনি।
• মীয়াম তিনবা মফমদা লৈতনবা হোৎনগদবনি।
• ফুত্তোক্ত্রিবমখৈ ঈশীং থক্লোইদবনি; মদু ঈংথরবা মতুংদা বোটল অমদা হাপচিল্লু, মদু তংখায় থল্লবা মতমদা মখুম ফজনা লৈশিল্লগা মিনট খরা থক্ত্রিঙৈ মমাংদা নিকউ। বোটল অমসুং নহাক্না থকপদা শিজিন্নগদৌরিবা কপ নত্ত্রগা গ্লাসশীং অদুসু লুমথোক্লবা ওইগদবনি।
• লুমথোক্ত্রিবফাউবা করিমত্তা থক্লোইদবনি।
• চানবা চিঞ্জাক খুদিংমক ফজনা থোং-থাক্কদবনি অমসুং উহৈ পুম্নমক লুমথোক্লবা পাত্রশীংদা শৌদোকহল্লবা ঈশীংনা ফজনা চামথোক্কদবনি; নত্ত্রগা, হেন্না ফবদি চামথোক্লবা মতুংদা মকু খোক্তোকপনি, নত্ত্রগা খ্বাইদগী হেন্না ফবদি, উহৈ পুম্নমক ফুত্তোকপা (stew) হায়বসিনি।
• ইচম চম্বা ব্রেদ অমসুং বত্তরগী মহুত্তা দ্রাই টোষ্ট ওইনা শিজিন্নৌ।
• অশাবা চাক্লেননা খ্বাইদগী হেন্না ফৈ।
• কপ, গ্লাস, থাং, ফোর্ক, চমচ, খাং অমসুং চাবদা শিজিন্নরিবা পোৎ-চৈ পুম্নমক শিজিন্নদ্রিঙৈ মমাংদা অশাবা ঈশীংদা চামথোক্কদবনি, নত্ত্রগা মসিদগী হেন্না ফবদি মখোয় অদু অশাবা লৈরং (hot oven) অমগী মনুংদা মিনট খরা থম্বসিনি।
• শৌহন্দ্রিবা ঈশীংদা কৈদৌঙৈদা চাম্লোইদবনি।
• নোংমগী মনুংদা কয়ারক হন্না, অমসুং চাক্লেন খুদিং চাদ্রিঙৈগী মমাংদা, কার্বোলিক এসিদ খরা হাপ্লবা শৌহল্লবা ঈশীংনা খুৎ অনিমক হামদোক্কদবনি অমসুং মায় তাথোক্কদবনি।
• য়ারবদি, মতম পুম্নমক্তা তরু-তনানবা ফদি (towels) শিজিন্নগদবনি।
• চাম্বদা শিজিন্নগদবা ঈশীং অদু শৌহন্দুনা ঈংথহল্লবা মতুংদা শিজিন্নগদবনি।
• ফমুংগী ফি অমসুং টোইলেটকি লাইনেন অদু অশৌবা ঈশীংদা তিংগদবনি অদুগা কংহনগদবনি।
• পুখম-তেংকোৎ তৈথোকপদা শিজিন্নবা অমসুং অতৈ ফি-রোল পুম্নমক শিজিন্নরবা খুদিংগী অশৌবা ঈশীংদা হাপচিনগদবনি, অমসুং অমুক হন্না শিজিন্নদ্রীঙৈ মমাংদা মপুংফানা কংহনগদবনি।
• কোলেরানা ঈমুং অমদা চংলক্লবদি, পেসেন্ট অদু খুদক্তা তোখায়না থমগদবনি।
• কোলেরাগী পেসেন্টগী মশা নত্ত্রগা ফি-রোল অমদি অমাং-অশোয় তৌরবা ফিশীং শোক্ন-শম্নবা নত্ত্রগা শুবা-চাম্বা তৌবা তারবদি মেটালিক লাইনেন অনিনা থুপচিন্দুনা ইঞ্চি মখায় অমা থানা শেম্বা, অমসুং দিগ্রি   150গী মৈশাদা কংহল্লবা মাস্ক অমনা চিন অমসুং নাতোন খুমজিনবা মথৌ তাই, অমসুং মদু শীজিন্নবা খুদিংগী কংহনবা তাই। মৈশা অসি মাস্ক অদু অচাকপা মৈগী মমাংদা পায়দুনা কংহল্লবা মতমদা ফংগনি অমসুং মসি শিজিন্নবা খুদিংগী অমুক হন্না তৌবা তাই।
• কোলেরাগী পেসেন্টশীংনা লৈবা কাশীং অদু মীওই অমনা চংদ্রিঙৈগী মমাংদা পুং কয়ামরুম থোং লোন্সিন্দুনা থম্বা তাই।

সোর্স: পোর্টেল কন্টেন্ট টিম