অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

টাইফোইদ

টাইফোইদকী লাইহৌ অসি সামোনেলা টাইফি কৌবা বেক্টেরিয়া অসি থোকহনবা পুন্সিবু মাংহনবা ঙম্বা অনাবা অমনি। টাইফোইদকী লাইহৌ অসি থীংবা ঙম্মী অমসুং মহৌশানা মসি এন্টিবাইওটিক্স শিজিন্নদুনা লাইয়েংবসু ঙম্মী।

টাইফোইদকী লাইহৌ অসি করম্না শন্দোকপগে?

সালমোনেলা টাইফি অসি মীওইবখক্তদা লৈ। টাইফোইদকি লাইহৌনা নারবা মীওইশীংদা মখোয়গী ঈগী খোংজেল অমসুং ইন্টেষ্টাইনগী ত্রেক্টতা বেক্টেরিয়া অসি পুই। মসিগী মথক্তা, কেরিয়র (carriers) হায়না খংনবা মীওই খরদদি টাইফোইদকী লাইহৌদগীদি রিকোভর তৌরগসু বেক্টেরিয়া অসিদি অদুম পুদুনা লৈ। অনাবা মীওইশীং অমসুং কেরিয়রশীং অনিমক্তা সালমোনেলা টাইফি অসি মখোয়গী অমাংবদা (stool) থাদোকই।

করিগুম্বা নহাক্না সালমোনেলা টাইফি চেনবা মীওই অমনা পায়বা চানবা চিঞ্জাক নত্ত্রগা থক্নবা মহি-মনাইশীং চারুরবা নত্ত্রগা করিগুম্বা সালমোনেলা টাইফি বেক্টেরিয়া চেল্লবা অমোৎ-অকায়না নহাক্না থকপা নত্ত্রগা চানবা চিঞ্জাক চাম্বদা শিজিন্নবা ঈশীংদুদা চংখ্রবদি নঙোন্দা টাইফোইদ ফিবর চেল্লকপা য়াই। মরম অদুনা, টাইফোইদ ফিবর অসি খুৎ হাম্বা তোয়দবা অমসুং অমোৎ-অকায় চেল্লবা ঈশীং শিজিন্নবা পৃথীবীগী মফমশীংদনা হেন্না কমন ওই।

অমুকপু সালমোনেলা টাইফি বেক্টেরিয়া অসি চাখ্রবা নত্ত্রগা থকখিবা তারবদি মখোয়সি মল্টিপ্লাই তৌই অমসুং ঈগী খোংজেলদা শন্দোকখি। হকচাংনা লাইহৌ হৌরকই অমসুং অতৈ খুদম অমসুং লাইওংশীং উৎলকই।

টাইফোইদ ফিবরগী খুদম অমসুং লাইওংশীং অদু করি করিনো?

টাইফোইদ ফিবরনা নাবা মীওইশীংদা মহৌশানা 103° দগী 104° F ফাউবগী (39° to 40° C) লাইহৌ হৌগল্লি। মখোয়দা শোন্থবা ফাউবসু য়াই, নত্ত্রগা পুক নাবা, কোক চিকপা, নত্ত্রগা চানিং-থক্নিংবা পোকপা য়াই। করিগুম্বা কেস খরদদি, পেসেন্টশীংদা উনশা তৎপা, ঙাংলৈনবা মচুগী মফমশীং উৎলকপা য়াই। টাইফোইদ ফিবর লৈরে হায়বসি শুংশোয় শোয়দনা খংগদবা ফিভম অমদি সালমোনেলা টাইফি য়াউব্রা য়েংনবা অমাংবা নত্ত্রগা ঈগী টেষ্ট তৌবসিনি।

মতৌ করম্না নহাক্না টাইফোইদ ফিবরদগী ঙাকথোকপা য়াগদগে?

মরুওইবা থৌওং অনিনা নহাকপু টাইফোইদ ফিবরদগী ঙাকথোকপা ঙমগনি:

  1. রিস্ক লৈবা চিঞ্জাক অমসুং মহি-মনাইশীং চা-থক্লোইদবনি।
  2. টাইফোইদ ফিবর চংদনবা ভেক্সিন লৌগদবনি।

নহাক্না ঈশীং থক্ত্রিঙৈদা মদু মিনট 1দি ফজনা শৌহনগদবনি।

দ্রিঙ্ক লৌবা মতমদা উন য়াউদনা, করিগুম্বা উন অদু বোটল নত্ত্রগা শৌহল্লবা ঈশীংদগী শেম্বা নত্ত্রগদি মদু য়াউদনা থকউ। অতোপ্পা মহাউ হাপচিল্লবা উনদি য়ারিবমখৈ শিজিন্নরোইদবনি মরমদি মদু পোৎয়ান য়াউরবা ঈশীং শিজিন্নরম্বা য়াই।

মুন্না থোংলবা অমসুং ফোং-ফোং শারিবা চিঞ্জাকশীং চাগদবনি।

মকু খোকপা য়াদবা মনা-মশীং অমসুং উহৈশীংদি চারোইদবনি। কোবীফুল (lettuce)গুম্বা মনা-মশীংদি লায়না মোৎকল্লি অমসুং শেংনা চাম্বদসু লুনা থোকই।

নহাক্না মকু খোকপা য়াবা উহৈ নত্ত্রগা মনা-মশীং চাবা মতমদা, নশামক্না মকুদু খোকউ। (নখুত্তু সাপোন্না হান্না হামদোকউ)। মকুদু চারোইদবনি।

চানবা চিঞ্জাক লু-নান্না থমদবা দুকানশীংদগী চানবা পোৎ-চৈ অমসুং থক্নবা মহি-মনাইশীং লৈরোইদবনি।

নহাক্না ভেক্সিন কাপথোক্কদবনি হায়বসি মতম পুম্নমক্তা নিংশীংগদবনি। টাইফোইদ ভেক্সিনশীং অসি চহি কয়াগী মতুংদদি মহি-ময়াই চম্লকই; করিগুম্বা মমাংনা নহাক্না ভেক্সিন লৌখিবা তারবদি, হৌজিক বুষ্টর ভেক্সিন অমা লৌবা মথৌ তারব্রা হায়বদু নহাক্কী দোক্টরগা তান্নৌ। এন্টিবাইওটিক্স চাবনা টাইফোইদ ফিবর থীংবা ঙম্লোই; মখোয়না শূপ্নগী মদু লাইয়েংবদা মতেং পাংবখক্তনি।


ভেক্সিন মমীং

মতৌ করম্না পীবগে

মথৌ তাবা দোজগী মশীং

দোজশীংগী মরক্তা কান্নগদবা মতম

ভেক্সিন কাপ্পদা চংগদবা অপুনবা মতম

ভেক্সিন কাপ্পা য়াবগী মিনিমম ওইবা চহি

বুষ্টরগী মথৌ তাবা মতম

Ty21a (ভিভোটিফ বরনা, স্বিস সিরম এন্ড ভেক্সিন ইনষ্টিট্যুট)

চিন্না কেপসুল 1 চাবা

4

নুমিৎ 2

চয়োল 2

চহি 6

চহি 5

ViCPS (টাইফিম ভি, পাষ্টর মেরিইউক্স)

ইঞ্জেক্সন

1

N/A

চয়োল 2

চহি 2

চহি 2

সোর্স: পোর্টেল কন্টেন্ট টিম



© 2006–2019 C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate