অঙাংশিংবু ঙাক-শেনবা

অঙাংশিংবু ঙাকপী শেনবীবা হায়বসি মখোয়গী হকনি। মখোয়না হিংবগী, শাফনা লৈবগী, মপু ওইবগী, তাবীবগী, মতিক চানা য়েংশিনবীবগী অমসুং শাফবা অকোয়রোন অমদা হিংবগী হক লৈ।

ইমুং অমা হায়বসি অঙাংশিংবু ঙাক শেনবগী অহানবা পলনি। মমা মপা অমসুং অতৈ শেন্নরিবা মীওইশিংনা শাফবা অমসুং অফবা য়ুমগী অকোয়রোণ অমা শেমগৎনবগী দায়ত্ব লৌগদবনি। অঙাং অদুগী য়ুমগী মপান্দনা শাফবা অমসুং অঙাংশিংগা চান্নগদবা অকোয়রোন অমা শেম্নবগী দায়ত্ব অসি স্কুল অমসুং কম্যুনিতিশিংগীনি। অঙাংশিং অদুনা হিংবা, চাউখৎপা, তম্বা অমসুং মখোয়গী তৌবা ঙম্বদু মপুং ফানা দিভেলপ তৌনবগীদমক ইমুং, স্কুল অমসুং কম্যুনিতিদা মখোয়বু মপুংফানা ঙাকপী শেনবীগদবনি।

অঙাং মিলিয়ন কয়াদি মপুংফানা ঙাকপী শেনবীদে। মখোয় কয়াদি হিংদা, ফুবী-চৈবীবা, থৌশাবীদবা, তুহৎপীবা, তোঙান্না তাহনবা অমসুং/নত্ত্রগা হন্থনা য়েংবা অসি নুমিৎ খুদিংগী থেংনরি। অসিগুম্বা হিংসাশিং অসিনা মখোয়বু হিংবগী, চাউখৎপগী, দিভেলপ তৌবগী অমসুং মখোয়গী মংলানশিং অদুবু মপুং ফাহনবদা ঙমখৈ লৈহল্লি।

অঙাং অমহেক্তনা, য়ুমদসু য়াউনা মফম কয়াদা হিংসাগী খুদোংথীবা মায়োক্নরি। সরকারশিং, কম্যুনিতিশিং, লোকেল ওথোরিটিশিং অমসুং ধর্মদা য়ুম্ফম ওইবা অমসুং কম্যুনিতিদা য়ুম্ফম ওইবা ওর্গানাইজেসনশিং য়াউনা, নন-গবর্নমেন্টেল ওর্গানাইজেসনশিং অসিনা অঙাংশিংবু ইমুংগী অকোয়রোন অমদা শোয়দনা চাউখৎহনগদবনি। মখোয়না স্কুল অমসুং কম্যুনিতিশিংনা অঙাং পুম্নমকপু ঙাক শেনগদবনি অমসুং অঙাংশিংবু তুহৎপীবদগী ঙাকথোক্কদবনি। মখোয়না নুপামচা অমসুং নুপীমচাশিংবু, মাং-তাক্নিংঙাই ওইবা ফিভমশিং অমসুং অঙাং লুহোংবা য়াউনা মাং-তাক্নিংঙাই ওইবা প্রাক্টিসশিং য়াউনা ফু-চৈবা, সেক্সুএল এক্সপ্লোইতেসন, লল্লোনবনচিংবদগী ঙাকথোকপীগদবনি।

নুপীমচা অমসুং নুপামচাশিংবু অঙাংশিংগী হকশিংগী মতাংদা ঙাংনবা অমসুং ফু-চৈবা, হিংসা, তুহৎপীবা অমসুং হন্থনা য়েংবগী মায়োক্তা এক্টিভ ওইবা থৌদাং লৌনবগীদমক পুক্নিং থৌগৎকদবনি অমসুং সপোর্ট তৌবীগদবনি।

মরুওইবা ৱাফমশীং:

• অঙাং খুদিংমক্না ইমুং অমদা চাউখৎনবগী তঞ্জা পীগদবনি। করিগুম্বা ইমুং অমনা অঙাং অদুবু য়েংশিনবীবা ঙমদ্রবদি, মরমশিং অদু কোকহন্নবা অমসুং ইমুং অদুবু পুন্না লৈনবা হোৎননবগী মতিক চাবা খোংথাংশিং অদু ওথোরিতিশিংনা লৌখৎকদবনি।
• অঙাং খুদিংমক্কী মমীং অমসুং জাতি অমা লৈনবগী হক লৈ। অঙাং অমগী পোকপা রেজিষ্টর তৌবনা অঙাং অমগী মহৈ-মশিংগী, হেলথ কেয়রগী অমসুং লিগেল অমসুং সোসিএল সর্ভিসশিংগী হক ফংহল্লি। পোকপগী রেজিষ্ট্রেসন তৌবা হায়বসি ফু-চৈবা অমসুং ওৎ-নৈবদগী ঙাকথোক্নবগী মরুওবা খোংথাং অমনি।
• নুপীমচাশিং অমসুং নুপামচাশিংবু হিংসা অমসুং ওৎ-নৈবগী মওং পুম্নমক্তগী ঙাকথোক্কদবনি। মসিগী মনুংদা ফিজিকেল, সেক্সুএল অমসুং ইমোসনেলগি ওইবা ওৎ-নৈবা, থৌশাবীদবা অমসুং নুপীমচাশিং অঙাং ওইনা লুহোংবা অমসুং জেনাইতেল ককপসিসু য়াউরি। ইমুং-মনুং, কম্যুনিতিশিং অমসুং ওথোরিতিশিং অসিনা মসিবু ঙাকথোকপগী দায়ত্বনি।
• অঙাংশিংবু মাং-তাক্নিংঙাই ওইবা থবক পুম্নমক্তগী ঙাকথোক্কদবনি। থবক্না মরম ওইদুনা মখোয়বু স্কুল চৎহন্দবা তৌরোইদবনি। অঙাংশিংবু মীনাই ওইহনবা, নমদুনা থবক শূহনবা, দ্রগ পুথোক-পূশিন তৌহনবা অমসুং পুথোকপনচিংবা মাং-তাক্নিংঙাই ওইবা মওংদা অঙাংশিংবু থবক শূহনবগী খ্বাইদগী হেন্না ফত্তবা থৌওংশিং অসিদা য়াউহল্লোইদবনি।
• নুপীমচাশিং অমসুং নুপামচাশিং অসি মখোয়গী ময়ুম, স্কুল, থবক মফম নত্ত্রগা কম্যুনিতিদা সেক্সুএল এব্যুজ অমসুং তুহৎপীবগী রিস্ক লৈবা য়াই। সেক্সুএল এব্যুজ অমসুং তুহৎপীবদগী ঙাকথোক্নবা খোংথাংশিং লৌখৎকদবনি। সেক্সুএলি এব্যুজ তৌবীরবা অমসুং তুহৎপীরবা অঙাংশিংদা অসিগুম্বা ওৎ-নৈবসি লেপহন্নবা খুদক্কী ওইবা মতেং মথৌ তাই।
• অঙাংশিং ফজনা ঙাক-শেন্দবা নত্ত্রগা ঙাক-শেনবীদ্রবা অঙাংশিং অসি লল্লোনবগী খুদোংথীবা লৈ। সরকার, সিভিল সোসাইটি অমসুং ইমুং মনুং অসি লল্লোনবা থীংনবগী দায়ত্ব লৈ অমসুং ভিক্টিম ওইরবা অঙাংশিং অদু মখোয়গী ইমুং-মনুংশীংগা লোয়ননা পুন্সিনহন্নবগীদমক মতেং পাংবীগদবনি।
• অঙাংশিংদা অচুম্বা ৱায়েন ফংহনবা হায়বসি অঙাংশিংগী হকতা য়ূম্ফম ওইগদবনি। অঙাংশীংবু মখোয়গী লিবর্টি লৈহন্দবা (ফাজিন্দুনা থম্বা) হায়বসিনা অরোয়বা উপাই ওইগদবনি। ক্রাইমগী ভিক্টিম নত্ত্রগা ৱিটনেস ওইবা অঙাংশিংগীদমক অঙাংশীংদা সেন্সিটিভ ওইবা প্রোসিদ্যুওরশিং অদু মফম চানা থমগদবনি।
• ইনকম সপোর্ট অমসুং সোসিএল ৱেলফেয়র সর্ভিসশিংনা ইমুং মনুংশিংবু পুন্না অমসুং অঙাংশিংবু স্কুলদা পুন্না লৈমীন্নহনবদা মতেং পাংই অমসুং হেলথ কেয়র ফংহল্লি।
• অঙাং পুম্নমক্না চহি মতাং চানা ইনফোর্মেসন ফংনবা, তাবীনবা অমসুং মখোয়গী ওইবা ফিরেপশিং লৌবদা শরুক য়ানবগী হক লৈ। হক অসি মপুং ফাহনবনা অঙাংশীংবু ওৎ-নৈবা, হিংসা অমসুং তুহৎপীবগী মায়োক্তা এক্টিভ ওইবা রোল লৌবা, অমসুং এক্টিভ ওইবা নাগরিকশিং ওইবা ঙমহল্লি।

সপোর্ট তৌরিবা ইনফোর্মেসন

অঙাং খুদিংমক্না ইমুং অমদা চাউখৎনবগী তঞ্জা পীগদবনি। করিগুম্বা ইমুং অমনা অঙাং অদুবু য়েংশিনবীবা ঙমদ্রবদি, মরমশিং অদু কোকহন্নবা অমসুং ইমুং অদুবু পুন্না লৈনবা হোৎননবগী মতিক চাবা খোংথাংশিং অদু ওথোরিতিশিংনা লৌখৎকদবনি।

অঙাংশিংনা মখোয়গী ইন্তরেষ্টশীংবু মতম চুপ্পদা ঙাকপা নুংশিনবগী অকোয়রোন লৈবা ইমুংদা খ্বাইদগী ফনা চাউখৎলি।

করিগুম্বা অঙাং অমনা মমা মপা নত্ত্রগা অতৈ শেন্নরিবা মীওই অমা য়াউদনা হিংলবদি ওথোরিতিশিংনা অঙাং অদুবু মহাক মশাগী ইমুং মনুং নত্ত্রগা মরি মতাশীংগা পুন্সিনন্নবা খুদক্তা এক্সন লৌখৎকদবনি। অদুবু করিগুম্বা অমুক পুন্সিন্নবা অদুনা খ্বাইদগী ফবা ওপশন ওইদ্রবদি অতোপ্পা পর্মেনেন্ট ওইবা ইমুং মনুংগী ফিভম অমা লৈহনগদবনি। মচিন মনাওশিং পুন্না থম্নবা লৌখৎপা য়াবা থবক লৌখৎকদবনি।

সরকারশিংনা সিভিল সোসাইটিগী মতেংগা লোয়ননা, ইমুং মনুংগা লৈমিন্নদ্রবা অঙাংশিংগীদমক চুনবা অমসুং ফজনা মোনিতর তৌরবা অলটরনেটিভ অমা পীনবগী দায়ত্ব লৈ। ওপশনশীংগী মনুংদা:

• মরি মতা ওইবা ইমুং মনুংদা থম্বা।
• মাংজৌননা স্ক্রিন তৌরবা ফোষ্টর ফেমিলি।
• কম্যুনিতি মনুংদা পুন্সিল্লবা, অঙাং অমসুং মহাক্কী ইমুং মনুংগা অমুক হন্না পুন্সিন্নবগী পান্দমগা লোয়ননা, ইমুং মনুংগা মান্নবা কেয়র অমসুং সপোর্ত তৌবা রেসিদেন্সিএল ফেসিলিতি অমা।

অঙাংশিংবু অতোপ্পা লৈনবগী ফিভমশীংদা থম্বা তারবদি, মখোয়বু ফিরেপ লৌবদা য়াউহনগদবনি।

য়াম্না তোইনা, ইনষ্টিত্যুসনশীংদা থম্বা অঙাংশিং অসি ইমুং অমদা মওং চুম্বা সোসিএল সপোর্ট অমগা লোয়ননা থম্বা য়াই। মমা মপা লৈজদ্রবশীংগী থম্ফম খরদি ফজনা মেনেজ তৌরবসু, ইনষ্টিত্যুসনগী পুন্সি অসি অঙাংশিংগী দিভেলপমেন্টদা শোকহনবসু য়াই। মসিনা মখোয়বু ইমুং মনুং অমসুং কম্যুনিতিদগী তোখায়হল্লি অমসুং ওৎ-নৈবা অমসুং তুহৎপদগী ফজনা ঙাকথোকপীদে।

ইনষ্টিত্যুতকী কেয়রগী মওং অমহেক্তবু অরোয়বা উপাই অমসুং মতম খরগী ওইবা সোল্যুসননি হায়না লৌগদবনি।

অঙাং খুদিংমক্কী মমীং অমসুং জাতি অমা লৈনবগী হক লৈ। অঙাং অমগী পোকপা রেজিষ্টর তৌবনা অঙাং অমগী মহৈ-মশিংগী, হেলথ কেয়রগী অমসুং লিগেল অমসুং সোসিএল সর্ভিসশিংগী হক ফংহল্লি। পোকপগী রেজিষ্ট্রেসন তৌবা হায়বসি ফু-চৈবা অমসুং ওৎ-নৈবদগী ঙাকথোক্নবগী মরুওবা খোংথাং অমনি।

• পোকপা রেজিষ্টর তৌবনা অঙাং অমগী হিংবগী অমসুং জাতিগী ওফিসিএল ওইবা রেকোর্দ অমা পী। মসি ফন্দমেন্টেল হ্যুমেন রাইট অমা ওইনা লৌই। পোকপগী সর্টিফিকেট য়াউদবা অঙাং অমবু হেলথ কেয়র, লিগেল সর্ভিসশীং, স্কুল কাহনবা অমসুং মপুং মরৈ ফারবা মতুংদা ভোট থাদবগী হক পীদবা য়াই।
• অঙাং অমগী পোকপগী রেজিষ্টর তৌবা হায়বসি মহাকপু ঙাক শেনবগী মরুওইবা খোংথাং অমনি। পোকপগী সর্টিফিকেট লৈবা চহি 5গী মখাদা লৈবা অঙাংশীং অসিনা হেন্না ইমুনাইজ তৌই অমসুং মখোয়বু পুন্সিদা ফজনা হৌবা ঙমহন্নবা, অঙাং ওইরিঙৈগী লায়নাগী হেলথ কেয়র ফংই।
• চহি লেপ্পগী আইন চৎনহনবা হায়বসি অঙাং অমগী চহিগী ওফিসিএল ওইবা রেকোর্দ অমগী মখা পোল্লি। খুদম ওইনা, পোকপগী সর্টিফিকেট অমবু অঙাং অমবূ আর্মি নত্ত্রগা খুৎলাই পায়বা গ্রুপশীংদা নিয়ম লান্না থবক চংহনবদগী, অঙাং ওইনা লুহোংবদা নত্ত্রগা মাং তাক্নিংঙাই ওইবা থবকশীংদা শিজিন্নবদগী ঙাকথোকপদা শীজিন্নবা য়াই।
• পোকপা রেজিষ্টর তৌবা হায়বসি শেল চংলোইদবনি অমসুং অঙাং খুদিংমক্তা ফংবা ঙমহনগদবনি। মসি লৈত্রবদি, সিভিল সোসাইটি ওর্গানাইজেসনশীংনা করিগুম্বা মতমদা ইমুং মনুংশীংবু মখোয়গী অঙাংশীং রেজিষ্টর তৌবদা মতেং পাংবীবা য়াই।
• পোকপা রেজিষ্টর তৌবগী প্রোসেস অসি হেলথ কেয়র অমসুং এজুকেসনগুম্বা সোসিএল সর্ভিসশীংনা সপোর্ট তৌবা য়াই। হেলথ সেন্টর অমসুং হোস্পিতালশীংদা, করিগুম্বা মতমদা মফমদুমক্তদা অঙাং অমা পোকপা মতমদা নত্ত্রগা হেলথ কেয়র ভিজিট অমগী মতমদা অঙাংদু পোকপগী সর্টিফিকেট পীবা ঙম্বা সিভিল রেজিষ্ট্রারশীং লৈবা য়াউই। রেজিষ্ট্রেসন অসি করিগুম্বা মতমদা, অঙানশীংগী অঙনবা মতমগী এজুকেসন প্রোগ্রামশীংগী মতমদা তৌবসু য়াউই।

নুপীমচাশিং অমসুং নুপামচাশিংবু হিংসা অমসুং ওৎ-নৈবগী মওং পুম্নমক্তগী ঙাকথোক্কদবনি। মসিগী মনুংদা ফিজিকেল, সেক্সুএল অমসুং ইমোসনেলগি ওইবা ওৎ-নৈবা, থৌশাবীদবা অমসুং নুপীমচাশিং অঙাং ওইনা লুহোংবা অমসুং জেনাইতেল ককপসিসু য়াউরি। ইমুং-মনুং, কম্যুনিতিশিং অমসুং ওথোরিতিশিং অসিনা মসিবু ঙাকথোকপগী দায়ত্বনি।

নুপীমচাশীং অমসুং নুপামচাশিংনা হিংসা, ওৎ-নৈবা অমসুং/নত্ত্রগা ফত্তবা থৌওংশীং অসি সেটিং কয়াদা থেংনবসু য়াই:

ইমুং মনুং অমসুং য়ুমদা:

• মপান্থোংগী হিংসা
• পুক্নিং-ৱাখলগী ওইবা হিংসা
• সেক্সুএল ভাইওলেন্স অমসুং ওৎ-নৈবা
• ফু-চৈবগী (ফিজিকেল) চৈরাক
• থৌশাবীদবা অমসুং হুন্দোক্তুনা থম্বা
• অঙাং ওইরিঙৈদা লুহোংবা
• ফিমেল জেনাইতেল ম্যুতিলিএসন/কতিংনচিংবা (FGM/C) মাং-তাক্নিংঙাই ওইবা প্রাক্টিসশীং

স্কুলশীং অমসুং অতৈ এজুকেসনগী এক্টিভিটীশীংদা:

• ফু-চৈদুনা ৱারকপা
• পুক্নিং-ৱাখলগী চৈরাক
• সেক্সুএল অমসুং নুপা-নুপীদা য়ুম্ফম ওইবা হিংসা
• চিনগী অমসুং মপান্থোংগী ওইনা করেম-কথাইনবা
• ফুনবা

কেয়র অমসুং জষ্টিসকী ইন্সটিত্যুসনশীংদা (খুদম ওইনা, ওর্ফানেজশীং, চিল্ড্রেন হোমশীং অমসুং দিটেন্সন ফেসিলীটিশীং):

• দিসিপ্লিন তম্বীবগী মমিংদা মপান্থোংগী অমসুং পুক্নিং-ৱাখলগী ওইবা হিংসা
• থৌশাবিদবা
• অঙাংনা অঙাংদা চত্থবা হিংসা
• সেক্সুএল এব্যুজ অমসুং হিংসা

থবক মফমদা:

• মপান্থোংগী অমসুং পুক্নিং-ৱাখলগী ওইবা চৈরাক
• ইকাইবা পীবা
• সেক্সুএল হরাসমেন্ট অমসুং এব্যুজ

কম্যুনিতিদা (লেংমান্নবশীংগী মরক্তা, গেংশীংগী মনুংদা, পুলিসনা অমসুং ত্রাফিকরশীংনা):

• মপান্থোংগী হিংসা।
• খুৎলায় পায়বগী হিংসা।
• সেক্সুএলগী হিংসা।

হিংসা তৌবীরবা নত্ত্রগা উরুরবা অঙাংশীংনা অয়াম্বা মতমদা কিবদগী, ইকাইবদগী নত্ত্রগা ইকাইবা পীবদগী, তুমিন্না লৈগল্লি। মখোয় খরনদি মসিবু পুন্সিগী শরুক অমগূম্না লৌই। হিংসা খরদি মশক খংদবা মীতোপ্না চত্থরবসু অয়াম্বদি মখোয়না মশক খংবা, থাজবা থম্বা অমসুং মখোয়বু ঙাকপী-শেনবীগনি খনবা মীওইশীংনা পাংথোকই। মখোয়দুগী মনুংদা মমা-মপাশীং, পোক্তবা মমা-মপাশীং নত্ত্রগা মমা নত্ত্রগা মপাগী পার্টনর, মরি-মতাশীং, শেন্নরিবা মীওইশীং, নুংশিনবা নুপা অমসুং নুপীশীং, স্কুলদা তমিন্নবশীং, ওজাশীং, ধর্মগী লুচিংবশীং অমসুং থবক পীরিবা মীওইশীং অসি চল্লি।

নুপীমচা অমসুং নুপামচাশীং অসিদা তুহৎপীবা য়াই। মহৌশানা, নুপামচাশীংনা মপান্থোংগী অমসুং খুৎলায় শিজিন্নবা হিংসাগী, অমসুং নুপীমচাশীংনা থৌশাবীদবা অমসুং সেক্সুএল ভাইওলেন্স অমসুং ওৎ-নৈবগী অচৌবা রিস্ক লৈ।

অঙাংশীংগী অকক্নবা গ্রুপ খরদি মরুওইনা হিংসাগী খুদোংথীনিঙাই লৈ। মখোয়দুগী মনুংদা শোয়নাইরবা অঙাংশীং, মীশীং য়ামদবা কাংবুগী অঙাংশিং, লম্বী-শোরোক্তা হিংলিবা নত্ত্রগা থবক শুরিবা অঙাংশীং, আইনগী ওইবা কনফ্লিক্টশীংগী অঙাংশীং, অমসুং রেফ্যুজি ওইরবা, লৈফম লৈত্রবা নত্ত্রগা য়ূমহোংলিবা অঙাংশীং অসি চল্লি।

অঙাংশীং অমসুং চহি নৌরিবা অঙাংশীং অসি করিগুম্বা মতমদা, মরুওইনা মখোয়না কপ্পা লেপ্তবা মতমদা, মমা-মপা নত্ত্রগা অতৈ শেন্নরিবা মীওইশীংগী অশাউবা নত্ত্রগা খোয়রাং-খোইশাউনবগী তায়নফম ওই। শেন্নরিবা মীওই অদুনা অঙাং নত্ত্রগা চহি নৌরিবা অঙাং অদুবু মহাক্কী ব্রেনদা শোকহন্দুনা মতম চুপ্পগী ওইনা অশোকপা লৈহনবা নত্ত্রগা শিহনবা য়াবা মওংদা কন্না নিকপা য়াই। অঙাং পায়রগা নিকপা হায়বসি য়াম্না ফত্তবা থৌওংনি। কন্না নিকপগী লাইওংশীংগী মনুংদা শাউগনবা, মীৎ পাংদুনা লৈবদা অরুবা ওইবা, শ্বর হোনবা ৱাবা, মশা নিকপা, ওবা, কোমা অসি চল্লি। লাইওংশীং অসি খুদক্কী ওইবা মেদিকেল কেয়র মথৌ তাই।

অয়াম্বা কেসশীংদা, ফোকস অসি অঙাং অদুদা ওৎপী-নৈবীরবা মতুংদা খুৎ থাবসি থোক্কল্লি। প্রোব্লেম অদুগী মরুওইবদু য়েংদুনা, কম্যুনিতিশীংনা অঙাংদা হিংসা তৌবা, ওৎ-নৈবা, থৌশাদবা অমসুং মাং-তাক্নিংঙাই ওইবা থৌওংশীং থীংনবরোমদা হেন্না পুক্নিং চংবা হায়বসি য়াম্না মরুওই।

কম্যুনিতি খুদিংমক্না অঙাংশীংগী মায়োক্তা চত্থরিবা হিংসা মুত্থৎনবা এক্সনগী প্লান অমা শেম্বা অমসুং চৎনহনবা মথৌ তাই।

মরুওইবা এক্সন খরগী মনুংদা মখাদা পীরিবশীংসি চনবা য়াই:

• অঙাংশীংনা হিংলিবা, স্কুল চৎলিবা, শান্নরিবা অমসুং থবক তৌরিবা সেটিংশিংদা লৈবা হিংসাগী মওং খুদিংমক্কী মায়োক্তা কোদ ওফ কন্দক্টশীং শেমগৎপা অমসুং পাক-চাউনা কম্যুনিকেট তৌবা
• অঙাংগী পর্সপেক্টিভ ইকাইখুম্ননবা, পোজিটিভ অমসুং নন-ভাইওলেন্ট দিসিপ্লিন কমদৌনা শিজিন্নগদগে অমসুং অঙাং অমবু মহাক্না শাউরিঙৈদা দিসিপ্লিন তম্বীদনবা খংহন্নবা মমা-মপা অমসুং শেন্নরিবশীংবু তম্বীবা
• হিংসাবু লৌদনবা অমসুং অহিংসাগী মতেংনা ৱাখৈবদু প্রোমোট তৌনবা এটিত্যুদশীং শেমগৎনবা স্কুলশীং সপোর্ট তৌবা। মসিনা ক্লাসরুম মেনেজমেন্ট (অকিবা, কীহনবা, ইকাইবা পীবা অমসুং ফিজিকেল পনিসমেন্টদা য়ুম্ফম ওইবা) অদু তুহত্তবা অমসুং কো-ওপরেটিভ লর্নিং ওইবা অঙাংশীংগা হেন্না চানগদবা এপ্রোচ অমদা হোংদোকপা।
• ফু-চৈদুনা চৈরাক পীবা, ওৎ-নৈবা অমসুং অঙাং লুহোংবা অমসুং জেনাইতেল ম্যুতিলিএসন/কতিংগুম্বা মাং-তাক্নিংঙাই ওইবা থৌওংশীং অসি লেপহন্নবা পব্লিক কেম্পেইনশীং স্পোন্সর তৌবা।
• হকশেল অমসুং সোসিএল সর্ভিসকা কোন্নবা হিংসানা শোকহল্লবা অঙাংশীংবু মখোয়গী ইমুং মনুং অমসুং কম্যুনিতিশীংগা পুন্সিন্নহনবদা মতেং পাংবা
• তেলেফোন হোটলাইনশীং নত্ত্রগা কোম্না ফংবা য়াবা সোসিএল প্রোটেক্সন সেন্টরশীংগুম্বা অঙাংশীংনা মখোয়গী মায়োক্তা চত্থরকপা হিংসাবু রিপোর্ট তৌনবগী শাফবা লম্বীশীং শেম্বা।

অঙাংশিংবু মাং-তাক্নিংঙাই ওইবা থবক পুম্নমক্তগী ঙাকথোক্কদবনি। থবক্না মরম ওইদুনা মখোয়বু স্কুল চৎহন্দবা তৌরোইদবনি। অঙাংশিংবু মীনাই ওইহনবা, নমদুনা থবক শূহনবা, দ্রগ পুথোক-পূশিন তৌহনবা অমসুং পুথোকপনচিংবা মাং-তাক্নিংঙাই ওইবা মওংদা অঙাংশিংবু থবক শূহনবগী খ্বাইদগী হেন্না ফত্তবা থৌওংশিং অসিদা য়াউহল্লোইদবনি।

• অঙাংশীংনা মখোয়গী ইমুং মনুংশীংগী হিংনবগীদমক অমদি মখোয়গী চান-থক্নবা অমসুং মথৌ তাবশীং ফংনবগীদমক থবক তোইনা শুই। অঙাং কয়ানা চহি নৌরিঙৈদা, চহি 4 শুবদং ঙাইরিবশীংনসু থবক শুবা হৌই। কেস কয়ামুক্তদি, মসি স্কুলগী মমাং নত্ত্রগা মতুংদা মতম শাংনা থবক তৌবা, নত্ত্রগা অয়ুক-নুংথীল চুপ্পা থবক তৌরগা স্কুল শুংচৎ চত্তবসি নোর্মেল ওইনা খন্নৈ।
• অঙাংশীং অসি লৌউ-শিংউদা, লল্লোন-ঈতিক্তা, ফেক্টরিশীংদা, ঙা ফাবদা, কৈথেলশীংদা, য়ুম কৈ নান্না থম্বদা, অঙাং শেন্নবদা, খুৎ-শা হৈবগী থবকশীংদা, রেষ্টুরেন্টশীংদা, অমোৎ-অকাই হুন্দোকপদা অমসুং লম্বী-শোরোক্তা থবক শুবা থেংনৈ।
• থবক শুবা অঙাংশীংগী চাদা 70দি লৌউ-শিংউগী থবক শুই অমসুং মসি কা-হেন্না হকচাং শোক্নিংঙাইনি। মসিদা অৱাবা থবক, মতম শাংনা শুবা, অমসুং তিলহাৎ হিদাক অমসুং খুদোংথীনিঙাই ওইবা খুৎশু-খুৎলাইশীং শিজিন্নবা অসি য়াউরি। অঙাংশীংদা, মরুওইনা মহৈ-মরোং লোকপা মতমদা (মখোয়না তোইনা অহেনবা মতমদা থবক শুবা) অমসুং মহৈ-মরোং থাবা মতমদা সেক্সুএল এব্যুজ অমসুং ওৎ-নৈবগী খুদোংথীবা লৈবা য়াই।
• অঙাং খরদি, অঙাংবু মীনাই ওইহনবা, শেল তোনবগা মরি লৈননা থবক শিজিন্নবা, নমদুনা থবক শিজিন্নবা, দ্রগ পুথোকপা অমসুং পুথোক-পুশীন্দা শীজিন্নবগুম্বা অঙাংশীংবু শিজিন্নবগী খ্বাইদগী ফত্তবা মওংসিদা থবক তৌহল্লি। মসি আইন্না য়াদে। অসিগুম্বা ফিভমশীংদগী অঙাংশিংবু খুদক্তা লৌথোক্কদবনি অমসুং, করিগুম্বা মখোয়গী অপাম্বা ওইরবদি, মখোয়গী ইমুং মনুং অমসুং কম্যুনিতিশীংগা পুন্সিনগদবনি।
• অঙাংশীংনা শুরিবা থবক অদু মখোয়গী হকশেল নত্ত্রগা ফনা লৈবদা অমাংবা ওইহল্লোইদবনি। মসিনা অঙাংশীংবু স্কুল চৎপদা অথীংবা পীরোইদবনি।

সরকার অমসুং লোকেল ওথোরিতিশীংনা, ইমুং মনুংশীং অমসুং সিভিল সোসাইটিশীংগী সপোর্টকা লোয়ননা মখাদা পীরিবশীং অসিগুম্বা, অঙাং মাং-তাক্নিংঙাই ওইবা থবক শুহনবগী থৌওংশীং লৈহন্দনবা পাম্বৈশীং পায়খৎকদবনি:

• কম্যুনিতিদা লৈরিবা মাং-তাক্নিংঙাই ওইবা মওংগী চাইল্ড লেবর অমসুং করিগুম্বা অঙাংশীংনা য়ুমহোংলবদি মখোয়না থেংনরকপা য়াবা থৌওংশীং অদু মশক খংদোকপা অমসুং মীয়ামদা খংহনবা।
• মাং-তাক্নিংঙাই ওইবা চাইল্ড লেবর মশক খংদোকপা অমসুং অঙাংশীং লৌথোকপা।
• মাং-তাক্নিংঙাই ওইবা চাইল্ড লেবরদগী অঙাংশীংবু লৌথোকপদা মতেং পাংবা, করিগুম্বা মখোয়গী কান্নগদবা ওইরবদি, ইমুং মনুংদগী লাপ্না লৈবশীংবু মখোয়গী ইমুং মনুং অমসুং কম্যুনিটিশীংগা লোয়না পুন্সিনবা।
• কম্যুনিতিদা লৈরিবা অঙাং পুম্নমকপু অঙাংগা চুনবা স্কুল অমদা ফুল-তাইম ওইনা স্কুল চৎহনবা অমসুং অফবা ক্বালিটি লৈবা, অঙাং পুম্নমক্কী ওইনা চপ মান্নবা অমসুং হিংসা য়াউদবা এজুকেসন অমা ফংহনবা।
• ইনকম সপোর্ত অমসুং/নত্ত্রগা সোসিএল ৱেলফেয়র সর্ভিসশীংগী মথৌ তারিবা ইমুংশীংদা, মখোয়গী অঙাংশীংগী ইনকমগী মখা পোন্দনবা অমসুং মখোয়বু স্কুলশীংদা থাননবগীদমক, মসিগী মতেং পীবা।

ইমুং মনুংশীংনা মখোয়গী অঙাংশীং ইমুং মনুংগী অমসুং লৌউ-শিংউগী থবক্কুম্বা থবকশীং তৌনবগীদমক থাদোকপগা কোন্নরিবা রিস্কশীং অদু খংবা মথৌ তাই।

অঙাংশীং অমসুং ইনখৎলক্লিবশীংবু য়ুম থাদোক্তুনা থবক তৌবনা ওক্তবীগী শিনফম অমসুং দ্রগ পুথোক-পুশিননচিংবা খুদোংথিনিঙাই ওইবা ফিভমদা লৈহল্লকপা য়াই হায়বগী মতাংদা ফজনা খংহনগদবনি।

নুপীমচাশিং অমসুং নুপামচাশিং অসি মখোয়গী ময়ুম, স্কুল, থবক মফম নত্ত্রগা কম্যুনিতিদা সেক্সুএল এব্যুজ অমসুং তুহৎপীবগী রিস্ক লৈবা য়াই। সেক্সুএল এব্যুজ অমসুং তুহৎপীবদগী ঙাকথোক্নবা খোংথাংশিং লৌখৎকদবনি। সেক্সুএলি এব্যুজ তৌবীরবা অমসুং তুহৎপীরবা অঙাংশিংদা অসিগুম্বা ওৎ-নৈবসি লেপহন্নবা খুদক্কী ওইবা মতেং মথৌ তাই।

• অঙাংশীংবু সেক্সুলে এব্যুজ অমসুং সেক্সুএল এক্সপ্লোইটেসনগী মওং পুম্নমক্তগী ঙাকথোকপা মথৌ তাই।
• সেক্সুএল্লি এব্যুজ তৌবীরবা অঙাং অয়াম্বনা মখোয়দা মদু তৌবীরিবা মীওইশীংদু খংগল্লি। মসি তৌরিবা মী অয়াম্বদি অঙাং অদুগী মরি-মতা নত্ত্রগা লোয়নরিবশীং ওইগল্লি। ক্রাইম অসি তৌরিবা মীওইগী পর্সেন্টেজ খজিক্তংদি মশক খংনদবা মী ওই। অঙাংগী সেক্সুএল এব্যুজ অয়াম্বদি নুপাশীংনা পাংথোকই। ওইনিংবা থৌদোক ওইজরবসু, সেক্সুএল এব্যুজ নত্ত্রগা এক্সপ্লোইতেসন অসি কৈদৌঙৈদা অঙাং অদুগী মরাল ওইদে। দায়ত্ব অসি মতম চুপ্পদা ফত্তবা থবক অদুবু তৌরিবা মীওইদুগীনি।
• সেক্সুএল এব্যুজ নত্ত্রগা সেক্সুএল এক্সপ্লোইতেসন অদুগী মখল, চাং নত্ত্রগা মতমগী মখা পোন্দনা, মীওই খুদিংমক্কী অখন্নবা রিএক্সন অমা লৈ। ভিক্টিমশীংনা ঈংনা লৈবা, শাউবা, করিমত্তা তৌদবগী মওং নত্ত্রগা থাজদবগী মওংগুম্বা পুক্নিংগী ওইবা ঈহুলশীংগী মশক অমা উৎলকপা য়াই।
• অঙাং খরদি পুন্সি মাংহনবা য়াবা থৌওংশীং হায়বদি HIV য়াউনা, সেক্সুএল্লি ত্রান্সমিটেদ ইনফেক্সনশীং অসিদা এক্সপোজ তৌবা য়াই। নুপীমচাশীংদা মখোয়গী পুন্সিবু খুদোংথীহনবা য়াবা অমসুং হন্থনা য়েংবা অমসুং তোখায়না তাহনবা য়াবা, ঙন্না অমসুং পামদবা মীরোনবশীং থোকহল্লকপগী রিস্ক লৈ।
• অঙাংশীংনা ‘অফবা’ শোকপগী মওং অমসুং ‘ফত্তবা’ শোকপগী মওং অসি ঙন্না খংজিনবা হৌবা য়াই। অঙাংশিংবু, করিগুম্বা মখোয়না ‘ফত্তবা’ শোকপগী মওং অমা লৈরক্লবদি মখোয়না থাজবা মপুং মরৈ ফারবা মীওই অমদা হায়নবা তাকপীবসু য়াই। করিগুম্বা অঙাং অমনা মপুং মরৈ ফারবা মীওই অমদা অসিগুম্বা ইনফোর্মেসন অসি পীরবদি, মপুং মরৈ ফারবা মীওই অদুনা অঙাং অদুনা হায়রিবদু পুক্নিং চংনা তাবীগদবনি অমসুং খুদক্তা মদু লেপহন্নবা হোৎনগদবনি। এব্যুজ অদু ওথোরিটিশীংদা খংহনগদবনি, অমসুং অঙাং অদুবু ঙাক-শেনবগী সর্ভিসশীং ফংহনগদবনি।
• সেক্সুএল এব্যুজ নত্ত্রগা এক্সপ্লোইতেসনগী ভিক্টিমশীং ওইরবা অঙাং অমসুং নহা ওইরিবা মীওই কয়াদি কাউথোক্তুনা ফবা ঙম্মী অমসুং নোর্মেল ওইবা পুন্সিশীং হিংই। অঙাং ওইরিঙৈদা সেক্সুএল এব্যুজ লৈখিবনা অঙাং অদুবু মশা মথন্তনা সেক্সুএল ওইনা শাথীবা লমচৎ-শাজৎ লৈহল্লক্তে। সেক্সুএল ওফেন্দর অয়াম্বনা অঙাংশিংগুম্না সেক্সুএলি এব্যুজ থেংনখিবা ওইদে, অমসুং সেক্সুএল্লি এব্যুজ তৌবীরবা অঙাং অয়াম্বনা অতোপ্পদা এব্যুজ তৌদে।

মখাদা পীরিবা সিষ্টেমশীং অমসুং অকক্নবা থৌরাংশীং অসি শোয়দনা ফংহনবদা সরকারগী দায়ত্ব লৈ:

• চাইল্ড এব্যুজ, ভাইওলেন্স অমসুং এক্সপ্লোইতেসন থীংবদা।
• এব্যুজ অমসুং এক্সপ্লোইতেসন অদু রিপোর্ট তৌবা ঙমহনবদা।
• সেক্সুএল এব্যুজ অমসুং এক্সপ্লোইতেসন তৌরিবা মীওইশীং অদুবু আইনগী ওইবা থবক লৌখৎপদা।
• এব্যুজ অমসুং এক্সপ্লোইট তৌবীরবা অঙাংশীংদা হেলথ কেয়র, সাইকোলোজিকেল সপোর্ট, তেম্পোরেরি কেয়র, এজুকেসন অমসুং আইনগী মতেংনচিংবা সোসিএল সর্ভিসশীং অসি মতম চানা ফংহনবদা।

অঙাংশিং ফজনা ঙাক-শেন্দবা নত্ত্রগা ঙাক-শেনবীদ্রবা অঙাংশিং অসি লল্লোনবগী খুদোংথীবা লৈ। সরকার, সিভিল সোসাইটি অমসুং ইমুং মনুং অসি লল্লোনবা থীংনবগী দায়ত্ব লৈ অমসুং ভিক্টিম ওইরবা অঙাংশিং অদু মখোয়গী ইমুং-মনুংশীংগা লোয়ননা পুন্সিনহন্নবগীদমক মতেং পাংবীগদবনি।

অঙাং লল্লোনবা হায়বসি খ্বাইদগী য়াংনা, লৈবাক্কী মনুং অমসুং মপান্দা তৌনরক্লিবা ক্রাইম অমনি। মী লল্লোনবদগী ফংবা শেন্দোং অসি চহিদা চাউরাক্না য়ুএস বিলিয়ন $9.5নি হায়না পানৈ।

লল্লোনখিবা অঙাংশিং অদুদা:

• লল্লোনপোৎকুম্না লোইনৈ।
• হিংসা, এব্যুজ, থৌশাদবা, ওৎ-নৈবীবা অমসুং HIV ইনফেক্সনগী খুদোংথীবা থেংনবা য়াই।

চহি খুদিংগী লল্লোনখিবা অঙাংশীংগী অয়াম্বদি সেক্সুএল্লি এক্সপ্লোইট তৌবীবা নুপীমচাশীংনি হায়না পানৈ।

লায়রবগী পোৎলুম থেংনরিবা অমসুং ইনফোর্মেসন ফজনা লৌবা ঙমদবা অঙাংশিং অমসুং ইমুং মনুংশীং অদুনা মখোয়গী কম্যুনিতিশীং অদু থাদোক্তুনা চৎখি মরমদি মখোয়গীদমক মফম অমদা হেন্না ফবা খুদোংচাবশীংনা ঙাইদুনা লৈ হায়না খল্লি। করিগুম্বা মতমদা অঙাংশীংদা অফবা এজুকেসন, শেল ফজনা পীবা থবক নত্ত্রগা হেন্না ফবা পুন্সি অমা ফংহনগনি হায়না থাজবা পী। মদুগী মহুত্তা মখোয় মশামকপু লল্লোন্দুনা নত্ত্রগা লৈবাক্কী ঙমখৈ ৱাংমদা নত্ত্রগা মখোয়গী লৈবাক মনুংমক্তদা পুথোকখি অমসুং খুদোংথীবা ফিভমশীংদা নমদুনা থবক তৌহল্লি। মখোয়দুগী মনুংদা য়ুমদা থবক শুহনবা, ওক্তবী ওইহনবা, নমদুনা লুহোংবীবা নত্ত্রগা নিবগী থবক তৌহনবসি য়াউই।

অঙাংশিং অমসুং ইমুং মনুংশীংনা মখোয়না করিগিদমক্তা মখোয়গী কম্যুনিতিশীং থাদোক্তুনা চৎলিবনো হায়বদু খংবা মরুওই। মখোয়না খংগদবদি:

• মখোয়না করি আশা তৌবা য়াই।
• চৎপা মতমদা অমসুং পন্থুং অদু য়ৌরবা মতমদা লৈবা য়াবা রিস্কশীং।
• করিগুম্বা মখোয়না লল্লোনখিবা য়াবা ফিভম অমা থেংনরবদি করি তৌগদগে

সরকারনা লোকেল ওথোরিতিশীং অমসুং সিভিল সোসাইটিশীংবু মখাগী থবকশীং অসি পাংথোকহন্নবা সপোর্ট তৌবা য়াই:

• য়ুম হোংবগী অমসুং অঙাংশীংবু থবক শুনবা থাদোকপগী রিস্কশীং অদুগী মতাংদা মমা মপা অমসুং অঙাংশীংদা ইনফোর্মেসন পীবা।
• য়ুমহোংলকপা অঙাংশীংদা নেগেতিভ ওইবা এটিট্যুদ উৎপনা অঙাং লল্লোনবদা য়াবা নত্ত্রগা মদুদা থৌশাদবা উৎপা ওইনা থোক্লকপা য়াই হায়বগী ইনফোর্মেসন অসি কম্যুনিতিশীংদা পীবা।
• অঙাংশীং স্কুলদা থম্নবগী মমা-মপাগী ওইবা সপোর্ট ফংনবা অমসুং মখোয়বু থবক শুনবগীদমক্তা স্কুল তম্বা তোক্তনবা হোৎনবা।
• মমা-মপাশীংনা মখোয়গী অঙাংশীংগী ইনকম নত্ত্রগা থবক্কী মখা পোনবা হন্থহন্নবা মথৌ তাবা সোসিএল সর্ভিসশীং পীবা।
• অঙাং অমবু য়ুম থাদোকপগী ফিরেপ লৌহনবদা ঈথীল পীরিবা দোমেষ্টিক ভাইওলেন্স কোকহনবা অমসুং হন্থহনবা।
• অঙাংশীংবু ক্রিমিনেলগুম্না লৌবগী মহুত্তা ক্রাইমগী ভিক্টিম ওইনা লৌবা, অমসুং মখোয়গী ইমুং-মনুং অমসুং কম্যুনিতিশীং নত্ত্রগা অতোপ্পা কেয়র অমদা হলহন্দ্রিঙৈগী মমাংদা মখোয়না মথৌ তারিবা সপোর্ট অদু পীবীবা।
• অঙাং লল্লোনবশীংবু দন্দি পীগদবা আইনশীং শেম্বা অমসুং চৎনহনবা।

অঙাংশিংদা অচুম্বা ৱায়েন ফংহনবা হায়বসি অঙাংশিংগী হকতা য়ূম্ফম ওইগদবনি। অঙাংশীংবু মখোয়গী লিবর্টি লৈহন্দবা (ফাজিন্দুনা থম্বা) হায়বসিনা অরোয়বা উপাই ওইগদবনি। ক্রাইমগী ভিক্টিম নত্ত্রগা ৱিটনেস ওইবা অঙাংশিংগীদমক অঙাংশীংদা সেন্সিটিভ ওইবা প্রোসিদ্যুওরশিং অদু মফম চানা থমগদবনি।

ক্রাইমশীং পাংথোক্লুরবা নত্ত্রগা ক্রাইমশীং পাংথোক্লুরে হায়না মরাল শিরবা অঙাংশীংবু দিতেন্সন সেন্টর, জেল নত্ত্রগা রিফোর্ম স্কুল নত্ত্রগা ফাজিনবা য়াবা সেটিং অমহেক্তদা থম্বা হায়বসিনা খ্বাইদগী অরোইবা পাম্বৈ ওইনা লৌগদবনি। ফাজিন্দুনা থম্বনা অঙাংশীংগী দিভেলপমেন্টদা শোত্থহনবা য়াই অমসুং সমাজদা অমুক হন্না তিনবদা হেন্না অরুবা ওইহনবা য়াই।

মেদিএসন, কম্যুনিতি সর্ভিস অমসুং কাউন্সেলিংনচিংবনা মহুৎ শিনবনা অঙাংশীং অমসুং মখোয়গী ইমুং-মনুং অমসুং কম্যুনিতিশীংগীদমক হেন্না ফবা ফল পী। অসিগুম্বা অলটরনেটিভশীং অসিনা মহৌশানা অঙাংশীংগী হকশিংবু হেন্না ইকাই খুম্নৈ অমসুং কমদৌনা সমাজদা হেন্না কনষ্ট্রক্টিভ ওইবা শক্লোন অমা লৌবা ঙমহনগনি হায়বদু অঙাংশীংদা খংহনবদা মতেং পাংই। মসিনা অঙাংশীংগা মরি লৈনবা অচুম্বা ৱায়েল পীনবগী থৌরাং পুম্নমক্কী পান্দম ওইগদবনি।

দিতেন্সনদা থম্লিবা অঙাং অয়াম্বদি শাথীবা ওফেন্স অমত্তা তৌদে। মখোয়দি অয়াম্বা মতমদা মখোয়দি স্কুলদগী তোকপগী, য়ুমদগী চেন্থোরকপশিং, য়ু শিজিন্নবা, শেল নিবা নত্ত্রগা কোয়চৎ চৎলগা লৈবগীনি। অঙাং খরদি মখোয়বু মপুং-মরৈ ফারবা মীওইশীংনা ওক্তবীগী শিনফমদা খোংদাহন্দুনা নত্ত্রগা দ্রগ লল্লোনবদা শিজিন্নদুনা তুহৎপীবনা মরম ওইদুনা দিতেন্সনদা লৈ।

অঙাংশীংনা মখোয়গী কেস অদুগী রিভিয়ু ঙাইদুনা থা নত্ত্রগা চহি কয়া ঙাইদুনা লৈবা য়াউই। অঙাংশীং অসিদা হিংসাগি, দ্রগ শিজিন্নবগী, HIV ইনফেক্সনগি অমসুং অতৈ হকশেলগী প্রোব্লেম কয়াগী হেন্না ৱাংবা রিস্ক লৈ। দিটেন্সননা মখোয়গী স্কুল তম্বদা শরক শিহনবা অমসুং ইমুং-মনুংদগী লাপথোকহনবা য়াই। দিতেন্সন্দা লৈরিবা অঙাংশীংনা মরুওইনা, জুদিসিএলগী নত্তবা, সোসিএল প্রোতেক্সন রেস্পোন্স অমগী মথৌ তাই।

দিতেন্সনদা লৈরিবা অঙাংশিংবু:

• মপুং-মরৈ ফারবা ওফেন্দরশীংদগী তোখায়না থম্বীগদবনি।
• মখোয়গী কেসশীং অদু অতেনবা মতমগী শরুক অমদা লোইশিনগদবনি।
• নুপা অমসুং নুপী তোখায়না থম্বীগদবনি।
• দিতেন্সন্দা লৈরিঙৈদা মখোয়গী মায়োক্তা চত্থখিবা ভাইওলেন্স রিপোর্ট তৌনবগী চুনবা পাম্বৈ লৈগদবনি।

মীরোনবী নুপীশীং অমসুং অঙাং চেল্লিবা মমাশীংগী অখন্নবা প্রোতেক্সন, কেয়র অমসুং সপোর্ট মথৌ তাই। অসিগুম্বা ফিভম অসিদা অঙাং পুম্নমক্না, হেলথ কেয়র অমসুং এজুকেসনগুম্বা, মখোয়গী হকশীং ঙাকচনবগী খুদোংচাবা ফংহনগদবনি।

চাইল্ড ভিক্টিমশীং অমসুং ক্রাইমগী শাক্ষীশীংগীদমক, নুপামচা অমসুং নুপীমচাশীংগী চাইল্ড-সেন্সিতিভ ওইবা প্রোসিদ্যুওরশীং মফম চানা লৈগদবনি। অসিগুম্বা প্রোসিদ্যুওরশীংগী অসিনা:

• অঙাং অমসুং ক্রাইম অদু পাংথোক্লিবা মীশক অদুগগী (ক্রাইম অদু পাংথোকখি হায়না মরাল শিরিবা মীওই অদু) মরক্তা কন্তেক্ট লৈহনবা থীংবা তাই।
• অচুম্বা ৱায়েন পীনবগী প্রোসেস অদুদা অঙাংদুবু মপুংফানা শরুক য়াবা য়াহনগদবনি।
• অঙাং অদু ইজৎ লৈনা অমসুং মীনুংশী য়াউনা লোয়ননবা শোয়দনা শীনগদবনি।

ইনকম সপোর্ট অমসুং সোসিএল ৱেলফেয়র সর্ভিসশিংনা ইমুং মনুংশিংবু পুন্না অমসুং অঙাংশিংবু স্কুলদা পুন্না লৈমীন্নহনবদা মতেং পাংই অমসুং হেলথ কেয়র ফংহল্লি।

ইনকম সপোর্ট অমসুং সোসিএল ৱেলফেয়র সর্ভিসশীং মথৌ তাবা ইমুংশীং অদু অহল ওইরবা, লুখ্রাবীশীং, অঙাংশীং নত্ত্রগা নারবা নত্ত্রগা শোয়নায়রবা মীওইশীংনা মকোক ওইনা লৈরম্বা য়াই। মসিগী মনুংদা HIVনা শোকহল্লবা ইমুং-মনুংশীং অসি চনবা য়াই।

ইনকম সপোর্ট অমসুং সোসিএল ৱেলফেয়র সর্ভিসশীংনা অঙাংশীং অমসুং ইমুং মনুংশীংদা:

• চিঞ্জাক লৈনবগী মতেং পীবা য়াই।
• হেলথ কেয়র অমসুং এজুকেসনগী শেলগী মতেং পীবা য়াই।
• ইমুং-মনুং পুনশীন্দুনা থম্নবা হোৎনবা য়াই।
• অঙাংশীংবু ইনষ্টিত্যুসনগী কেয়রগী ৱাংমদা নত্ত্রগা থবক শুহন্দনবগী নত্ত্রগা লম্বী-শোরোক্তা লৈহন্দনবগী মতেং পীবা য়াই।
• ইমুং-মনুংশীংবু লায়রবগী পলদগী লান্থোকহল্লক্নবা মতেং পাংবীবা য়াই।

অঙাং পুম্নমক্না চহি মতাং চানা ইনফোর্মেসন ফংনবা, তাবীনবা অমসুং মখোয়গী ওইবা ফিরেপশিং লৌবদা শরুক য়ানবগী হক লৈ। হক অসি মপুং ফাহনবনা অঙাংশীংবু ওৎ-নৈবা, হিংসা অমসুং তুহৎপীবগী মায়োক্তা এক্টিভ ওইবা রোল লৌবা, অমসুং এক্টিভ ওইবা নাগরিকশিং ওইবা ঙমহল্লি।

য়াম্না অঙাং ওইরিঙৈগী মতম য়াউনা, অঙনবা চহিদগী, নুপীমচা অমসুং নুপামচাশীংনা মখোয়গী মীৎয়েং অমসুং অপাম্বশীং শেম্মী অমসুং ফোংদোকই। মখোয়না চাউখৎলকপগা লোয়ননা মখোয় অমসুং মখোয়গী ইমুং-মনুং অমসুং কম্যুনিতিশীংগা লোয়নবা ফিরেপশীংদা শরুক য়াবা ঙম্নবগী পাঙ্গলসু লাকই।

অঙাংশীং অমসুং মপুং-মরৈ ফারবশীংনা অমনা অমদা লেপ্তনা ৱারি-ৱাতাই তৌগদবনি, ইনফোর্মেন অমসুং আইদিয়াশীং য়ুমদা, স্কুলদা অমসুং কম্যুনিতিদা পীথোক-পীশিন তৌনগদবনি। পীথোক-পীশিন তৌনবা অদু অমনা-অমবু ইকাইখুম্নবা হায়বসিদা য়ুম্ফম ওইগদবনি। অঙাংশীংগী মীৎয়েং অদু অঙাংদুগী চহি অমসুং ৱাখল তাবগী মতুংইন্না পুক্নিং চংনা তাবীগদবনি অমসুং লৌবীগদবনি।

মখোয়গী মতশীং মনিং তম্না ফোংদোকপা নুপীমচাশীং অমসুং নুপামচাশীংনা, মখোয়না চাউখৎলকপা মতমদা দায়ত্বশীং, কুপ্না খনবগী অমসুং পাউ ফাউবগী স্কিলশীং হেন্না লৌবগী ওইথোকপা লৈ। মখোয়না অয়াম্বা মতমদা

• স্কুলদা হেন্না খং-হৈবা অমসুং ফজনা পাংথোকপা ঙম্মী।
• মখোয়গী এজুকেসন অমসুং হেলথকী মরমদা দায়ত্ব লৈবা ফিরেপশীং লৌবদা মতেং পাংবা ঙম্মী।
• মখোয় মশামকপু HIV য়াউনা, সেক্সুএল্লি ত্রান্সমিতেদ ইনফেক্সনশীং, পামদবা মীরোনবশীং, করেম-কথাইনবশীং, মান্ননা য়েংদবা, তুহৎপা, হরাসমেন্ট, হিংসা, এব্যুজ অমসুং এক্সপ্লোইতেসন্দগী ঙাকথোকচবা ঙম্মী।
• এক্টিভ সিতিজেনশিপ ওই অমসুং চৎলি অমসুং মখোয়গী হকশীং অমসুং দায়ত্বশীং শীজিন্ননবা শেম-শারবা মপুং-মরৈ ফারবা মীওই ওইনা হৌবা ঙম্মী।

অঙাংশীং অসি, অঙাংশীংগী মরক্তা মত অমসুং ভাবনা শাবশীংগী মপাঙ্গল কল্লবা সোর্স অমা ওইরিবা মিদিয়াবু খ্বাইদগী পাম্না শিজিন্নরিবা, পুথোক্লিবা অমসুং বিষয়শীংনি। মিদিয়াগী তোঙান-তোঙানবা মওংশীং অসি অঙাংশীংগী লৌশিং পাক-চাউথোকহনবদা, মখোয় মশাবু কমদৌনা ঙাকথোক্কদগে হায়বা খংহনবদা অমসুং মখোয়গী নাগরিক ওইবগী স্কিলশীং হেনগৎহনবদা দায়ত্ব লৈনা শিজিন্নবা য়াই।

অঙাংশিংনা লুচিংবা এসোসিএসনশীং নত্ত্রগা ক্লবশীংনা নুপীমচা অমসুং নুপামচাশীংদা মখোয়গী আইদিয়াশীং, মীৎয়েংশীং অমসুং অপাম্বশীং ফোংদোক্নবগী মফম অমা পীবা য়াই। অসিগুম্বা ক্লবশীংনা মখোয়গীদমক্তা সোসিএলাইজ তৌনবা অমসুং মখোয়গী ইন্টরেষ্টশীং অমসুং লুচিংবা ওইবগী স্কিলশীং শেমগৎনবগী তঞ্জা অমা পী।

সোর্স: UNICEF