অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

অশোক-অপন থীংবা

অশোক-অপন থীংবা

  1. মরুওইবা ৱাফমশীং:
  2. সপোর্ট তৌরিবা ইনফোর্মেসন
    1. করিগুম্বা মমা-মপাশীং অমসুং শেন্নরিবা মীওইশীংনা অঙাংশীংবু চেক্সিন্না শেন্নরবদি অমসুং মখোয়গী অকোয়রোন অদু শাফনা থম্লবদি শাথীনা শোক-পনবা কয়া থীংবা ঙম্মী।
    2. চহি নৌরিবা অঙাংশীংদি শোরোক্তা নত্ত্রগা শোরোক্কী মনাক্তা রিস্ক লৈ। মখোয়না শোরোক্তা নত্ত্রগা শোরোক্কী মনাক্তা শান্নরোইদবনি অমসুং মখোয়না শোরোক লানবা মতমদা মতম চুপ্পদা অহন অমা লোয়নগদবনি। মখোয়না বাইসাইকল নত্ত্রগা মোতোরসাইকল অমা থৌবা মতমদা হেলমেট অমা উপকদবনি অমসুং গারিদা তোংহনবা মতমদা চহিগা চান্নবা ফানবা মরি অমনা ফাজিনগদবনি।
    3. অঙাংশীংদি মিনট অনিদগী হেন্না তাথবা মতমদা অমসুং ঈশীং য়ামদবা মফম অমদসু হায়বদি, ঈরুজনবা অচৌবা খুদেংদফাউবা ঈরাক্নবা ঙম্মী। মখোয়বু মথন্তা নত্ত্রগা ঈশীং মনাক্তা থাদোক্লোইদবনি।
    4. অঙাংশীংবু মৈ, থোংনবা ষ্টোবশীং, অশাবা মহি অমসুং চিঞ্জাকশীং, অমসুং মকু য়াউদবা ৱায়রশীংদগী লাপ্না থমদুনা মৈ চাকপদগী থীংবা য়াই।
    5. মথক্তগী তাবা হায়বসি চহি নৌরিবা অঙাংশিংগীদমক্তদি শোক-পনবা থোকহন্নবগী খ্বাইদগী অচৌবা মরম্নি। কৈরাক, বেলকোনি, য়ুমথক, থোংনাউ, শান্ননবা অমসুং তুম্নবগী মফমশীং অসি ভর্টিকেল ওইবা বারশীং অমসুং পলশীং শিজিন্নদুনা শাফবা ওইহন্দুনা অঙাংশীংবু তাবদগী ঙাকথোকপা য়াই।
    6. মেদিসিনশীং, পোইজনশীং, তিলহাৎ হিদাকশীং, শুনু, এসিদ অমসুং হারশীং অমসুং পেরাফিনগুম্বা (কেরোসিন) ফুএলশীং অসি অঙাংশিংনা উরোইদবা অমসুং ফংলোইদবা মফমশীংদা চেক্সিন্না থমগদবনি। খুদোংথীবা য়াবা পোৎ-চৈশীং, ময়েক শেংনা মমীং থারবা পাত্রশীংদা থমগদবনি অমসুং কৈদৌঙৈদা থক্নবা বোতলশীংদা থম্লোইদবনি। পোইজন চেনবা পোৎ-চৈগীদমক্তদি, অঙাংশীংনা চংলোইদবা মফমদা থমগদবনি।
    7. ছুরিশীং, কাতিশীং, অথৌবা নত্ত্রগা অতুম্বা পোৎ-চৈশীং অমসুং অকায়বা গ্লাসশীংনা শাথীবা অশোক অপনশীং থোকহনবা য়াই। পোৎ-চৈশীং অসি অঙাংশীংনা ফংলোইদবা মফমদা থমগদবনি। শ্বর ফুলহনবা য়াবা প্লাষ্টিক খাউশীং অসি চহি নৌরিবা অঙাংশীংদগী লাপ্না থমগদবনি।
    8. চহি নৌরিবা অঙাংশীংদি পোৎ-চৈশীং অসি মখোয়গী মচিন্না হুকচিল্লি। খৌনাউদা পনবা থোক্তনবা, শেলয়েক, হৱাই মরু অমসুং কুদামশীংনচিংবা অপীকপা পোৎ-চৈশীং অসি মখোয়না ফংলোইদবা মফমদা থমগদবনি। অঙাংশিংগী চানবশীং অদু লায়না শায়বা অমসুং য়োৎপা য়ানবা পীক্না শোইগদবনি।
  • অশোক-অপনশিংনা চহি পুম্নমক্কী অঙাংশীংবু শোকহল্লি। চহি 5গী মখাদা লৈবা নুপীমচা অমসুং নুপামচাশীং অসি মরুওইনা রিস্ক লৈ। নুপীমচাশীংদগী নুপামচাশীংনা হেন্না অশোক-অপনশীংদগী শি।
  • খ্বাইদগী তোইনা থোকপা শোক-পনবশীং অদুদি গারি থৌবদা শোক-পনবা, শীবা য়াবা নত্তনা ঈরাক্নবা (করিগুম্বা মতমদা ঈরাক্নগে তৌবা হায়নসু কৌনবা), মৈনা চাকপা, তাবা অমসুং পোইজনিং অসিনি।
  • গারি থৌবদা শোক-পনবা অমসুং ঈরাক্নবা অসি শোক-পনবনা থোকহনবা শিবগী মরুওইবা মরমশীংনি।
  • অঙাংশীংনা শোক-পনগনবা খ্বাইদগী কমন ওইবা মফম অসি মখোয়গী ময়ুমগী অকোইবসিনি।
  • শোক-পনবা অয়াম্বশীংদি থীংবা ঙম্মী।

মরুওইবা ৱাফমশীং:

  1. করিগুম্বা মমা-মপাশীং অমসুং শেন্নরিবা মীওইশীংনা অঙাংশীংবু চেক্সিন্না শেন্নরবদি অমসুং মখোয়গী অকোয়রোন অদু শাফনা থম্লবদি শাথীনা শোক-পনবা কয়া থীংবা ঙম্মী।
  2. চহি নৌরিবা অঙাংশীংদি শোরোক্তা নত্ত্রগা শোরোক্কী মনাক্তা রিস্ক লৈ। মখোয়না শোরোক্তা নত্ত্রগা শোরোক্কী মনাক্তা শান্নরোইদবনি অমসুং মখোয়না শোরোক লানবা মতমদা মতম চুপ্পদা অহন অমা লোয়নগদবনি। মখোয়না বাইসাইকল নত্ত্রগা মোতোরসাইকল অমা থৌবা মতমদা হেলমেট অমা উপকদবনি অমসুং গারিদা তোংহনবা মতমদা চহিগা চান্নবা ফানবা মরি অমনা ফাজিনগদবনি।
  3. অঙাংশীংদি মিনট অনিদগী হেন্না তাথবা মতমদা অমসুং ঈশীং য়ামদবা মফম অমদসু হায়বদি, ঈরুজনবা অচৌবা খুদেংদফাউবা ঈরাক্নবা ঙম্মী। মখোয়বু মথন্তা নত্ত্রগা ঈশীং মনাক্তা থাদোক্লোইদবনি।
  4. অঙাংশীংবু মৈ, থোংনবা ষ্টোবশীং, অশাবা মহি অমসুং চিঞ্জাকশীং, অমসুং মকু য়াউদবা ৱায়রশীংদগী লাপ্না থমদুনা মৈ চাকপদগী থীংবা য়াই।
  5. মথক্তগী তাবা হায়বসি চহি নৌরিবা অঙাংশিংগীদমক্তদি শোক-পনবা থোকহন্নবগী খ্বাইদগী অচৌবা মরম্নি। কৈরাক, বেলকোনি, য়ুমথক, থোংনাউ, শান্ননবা অমসুং তুম্নবগী মফমশীং অসি ভর্টিকেল ওইবা বারশীং অমসুং পলশীং শিজিন্নদুনা শাফবা ওইহন্দুনা অঙাংশীংবু তাবদগী ঙাকথোকপা য়াই।
  6. মেদিসিনশীং, পোইজনশীং, তিলহাৎ হিদাকশীং, ব্লিচ, এসিদ অমসুং হারশীং অমসুং পেরাফিনগুম্বা (কেরোসিন) ফুএলশীং অসি অঙাংশিংনা উরোইদবা অমসুং ফংলোইদবা মফমশীংদা চেক্সিন্না থমগদবনি। খুদোংথীবা য়াবা পোৎ-চৈশীং, ময়েক শেংনা মমীং থারবা পাত্রশীংদা থমগদবনি অমসুং কৈদৌঙৈদা থক্নবা বোতলশীংদা থম্লোইদবনি। পোইজন চেনবা পোৎ-চৈগীদমক্তদি, অঙাংশীংনা চংলোইদবা মফমদা থমগদবনি।
  7. ছুরিশীং, কাতিশীং, অথৌবা নত্ত্রগা অতুম্বা পোৎ-চৈশীং অমসুং অকায়বা গ্লাসশীংনা শাথীবা অশোক অপনশীং থোকহনবা য়াই। পোৎ-চৈশীং অসি অঙাংশীংনা ফংলোইদবা মফমদা থমগদবনি। শ্বর ফুলহনবা য়াবা প্লাষ্টিক খাউশীং অসি চহি নৌরিবা অঙাংশীংদগী লাপ্না থমগদবনি।
  8. চহি নৌরিবা অঙাংশীংদি পোৎ-চৈশীং অসি মখোয়গী মচিন্না হুকচিল্লি। খৌনাউদা পনবা থোক্তনবা, শেলয়েক, হৱাই মরু অমসুং কুদামশীংনচিংবা অপীকপা পোৎ-চৈশীং অসি মখোয়না ফংলোইদবা মফমদা থমগদবনি। অঙাংশিংগী চানবশীং অদু লায়না শায়বা অমসুং য়োৎপা য়ানবা পীক্না শোইগদবনি।

সপোর্ট তৌরিবা ইনফোর্মেসন

করিগুম্বা মমা-মপাশীং অমসুং শেন্নরিবা মীওইশীংনা অঙাংশীংবু চেক্সিন্না শেন্নরবদি অমসুং মখোয়গী অকোয়রোন অদু শাফনা থম্লবদি শাথীনা শোক-পনবা কয়া থীংবা ঙম্মী।

চহি নৌরিবা অঙাংশীংনা, মরুওইনা মখোয় মশানা চেন-চোংবা ঙম্লকপা থা 12দগী চহি 4গী মরক্তা লৈবা মতমদা মখোয়গী য়ুম মনাক্তা অশোক-অপন থোকপগী রিস্ক য়াম্না ৱাংই। অশোক-অপন অয়াম্বদি থোকহন্দবা য়াই। অঙাংশীংবু চেক্সিন্না য়েংশীনবীবা অমসুং মখোয়বু থোং-থাকপগী মৈশিং, ঈশীংগী সোর্সশীং, মখোয়না তাবা য়াবা মফমশীং, লম্বীশীং, অমসুং হু চেনবা, খৌনাউদা পনবা নত্ত্রগা শোকহনবা য়াবা খুদোংথীবশীংদগী লাপ্না লৈহন্দুনা থম্বা হায়বসি মরুওই।

চহি নৌরিবা অঙাংশীংদি শোরোক্তা নত্ত্রগা শোরোক্কী মনাক্তা রিস্ক লৈ। মখোয়না শোরোক্তা নত্ত্রগা শোরোক্কী মনাক্তা শান্নরোইদবনি অমসুং মখোয়না শোরোক লানবা মতমদা মতম চুপ্পদা অহন অমা লোয়নগদবনি। মখোয়না বাইসাইকল নত্ত্রগা মোতোরসাইকল অমা থৌবা মতমদা হেলমেট অমা উপকদবনি অমসুং গারিদা তোংহনবা মতমদা চহিগা চান্নবা ফানবা মরি অমনা ফাজিনগদবনি।

অঙাংশীংনা লম্বীদা লান্থোকপা নত্ত্রগা চৎপা মতমদা, নত্ত্রগা করিগুম্বা মখোয়না লম্বী মনাক নক্না শান্নবা মতমদা শোকপা য়াই। চহি নৌরিবা অঙাংশীংদি মখোয়না লম্বীদা চেন্দ্রিঙৈদা তুং-মাং য়েংদে।

ইমুং-মনুংশীংনা:

  • অঙাংশীংবু চেক্সিন্না য়েংবা মথৌ তাই।
  • অঙাংশীংবু লম্বীদা চেনখিদনবা য়ুম অদু খাজিনবা অমসুং গেট অদু লোনশীনবা তাই।
  • অহল নত্ত্রগা চহি হনবা অঙাং অমগা লোয়নদনা লম্বী লান্থোক্তনবা নত্ত্রগা লম্বীদা চত্তনবা চহি নৌরিবা অঙাংশীংবু তাকপীবা মথৌ তাই।
  • অঙাংশিংবু লম্বী মনাক নক্না শান্নবা থীংবা মথৌ তাই।
  • লম্বীদা নত্ত্রগা লম্বীগী মনাক্তা চেনখিবা বোলশীং, অচেনবা শান্নপোৎশীং নত্ত্রগা তেলঙ্গানচিংবা তান্নদনবা অঙাংশিংবু তাকপীবা মথৌ তাই।
  • অঙাংশীংবু লম্বীদা চেল্লিবা গারিশীংগা মায়োক্ননা লম্বীগী মতাইদা চৎনবা তাকপী-তম্বীবা মথৌ তাই।
  • করিগুম্বা মতাইদা চৎনবা লম্বীগী শরুক লৈরবদি, অঙাংশীংবু শোরোক্তা চৎপগী মহুত্তা মদুদা চৎনবা তাকপী-তম্বীবা মথৌ তাই।

শোরোক লান্থোকপা মতমদা, চহি নৌরিবা অঙাংশীংবু:

  • শোরোক্কী নাকলদা লেপ্নবা তাকপীগদবনি।
  • নাকল অনিমক য়েংনবা তাকপীগদবনি।
  • লান্থোক্ত্রিঙৈগী মমাংদা কার নত্ত্রগা অতোপ্পা গারিশীংগী মখোল তানবা তাকপীগদবনি।
  • অতোপ্পা মীওই অমগী মখুত্তা শম্নবা তাকপীগদবনি।
  • চৎকদবনি অমসুং চেল্লোইদবনি হায়বা তম্বীগদবনি।
  • সহরগী মফমশীংদা, খোংলম্বী শীজিন্ননবা তাকপীগদবনি।
  • অকোনবা নত্ত্রগা খামদুনা থম্বা কারগী মরক্তা শোরোক লান্দনবা তাকপীগদবনি।
  • গারি কন্না থৌরিবা শোরোকশীংদা লান্থোক্তনবা তাকপীগদবনি।

অঙাংশীংনা করিগুম্বা কারগী মমাংগী সিত্তা তোংদুনা চৎলবা, ত্রক নত্ত্রগা লৌউ-শিংউগী মেছিনশীংগী ফম্ফমদা য়েংশিন্দনা তোংহল্লবা নত্ত্রগা মোতোরসাইকল অমদা তোংহল্লবদি শাথীনা শোক-পনবগী অহেনবা রিস্ক লৈ।

কার অমদা, অঙাংশীংনা সেন্টিমিটর 150 ৱাংলবা নত্ত্রগা চহি 10 শুদুনা এদল্টকী সিট বেল্ট অমা শিজিন্নবা ঙমদ্রিফাউবা, মখোয়না চহিগা চুনবা চাইল্ড রেষ্ট্রেন্ট নত্ত্রগা বুষ্টর সিট অমা শীজিন্নগদবনি।

মোটোরবাইক অমদা মমা-মপা নত্ত্রগা অতৈ শেন্নরিবশীংগা চৎমীন্নবা মতমদা, অঙাং য়াউনা তোংলিবা মীওই খুদিংমক্না, এক্সিদেন্ট থোক্লবসু নান্থোক্তনবা মওংদা, খদাংদা ফজনা ফাজিল্লবা হেলমেট অমা উপকদবনি।

বাইসাইকল এক্সিদেন্টশীং অসিনা অঙাংশীংবু শোক-পলহনবগী অমসুং শিহনবগী তোইনা থোকপা মরম অমা ওইরি। অঙাং পুম্নমক্না রোদ সেফটিগী মরমদা খংজিনগদবনি অমসুং বাইক অমা থৌবা মতমদা বাইসাইকল হেলমেট অমা উপকদবনি।

অঙাংশীংদি মিনট অনিদগী হেন্না তাথবা মতমদা অমসুং ঈশীং য়ামদবা মফম অমদসু হায়বদি, ঈরুজনবা অচৌবা খুদেংদফাউবা ঈরাক্নবা ঙম্মী। মখোয়বু মথন্তা নত্ত্রগা ঈশীং মনাক্তা থাদোক্লোইদবনি।

ঈরাক্নবনা ব্রেন শোক-পনবা নত্ত্রগা শিহনবা য়াই। অঙাংশীংবু ঈরাক্নবদগী ঙাকথোক্নবা, মমা-মপা অমসুং অতৈ শেন্নরিবশীংনা ঈশীং মনাক্তা নত্ত্রগা ঈশীংদা লৈরিবা অঙাংশিংবু মতম চুপ্পদা কুপ্না শেন্নগদবনি।

ঈশীং লৈবা মফমদা, মখাগীসি পাংথোকপা মরুওই:

  • অঙাংশীংনা হাংদোকপা ঙমদনবা গুহা অমসুং ঈশীংগী তেঙ্কিশীং মখুম কুপশীনবা।
  • শিজিন্নদবা মতমদা খুদেং অমসুং বাল্টিনশীং উপশীন্দনা থম্বা, অমসুং ঈরুজরিবা অঙাংশিংবু মতম চুপ্পদা য়েংশিনবীবা।
  • অঙাংশীংবু খোং অমসুং কেনেলশীংদগী লাপ্না লৈনবা তাকপীবা।
  • অঙাংশীংবু ঈশীং মনাক্তা চৎপা থীংনবা, পুখ্রি-তুরেলগী মনাক নক্না লৈবা ইমুংশিঙনা য়ুমগী অকোয়বদা শম্বল খাজিনবা অমসুং গেট লোন্সিনবা।
  • অঙাংশীংনা ঈশিংদা চত্তনবা পুখ্রিশীং অয়ুংবা রেলশীংনা কুংনা খাজিনবা।
  • ঈশিংদা লৈবা ইমুংশীংগী অঙাংশীংবু ঈশীংদা তাবা থীংনবা বেরন্দা, থোংনাউশীং অমসুং থোংশীংদা বারনা য়ুংনা খাজিনবা।
  • ঈশীংদা নত্ত্রগা হি অমদা শান্নবা মতমদা ঈরোইবা হৈত্রিবা অঙাংশিং অমসুং চহি নৌরিবা অঙাংশীংবু এপ্রুভ তৌরবা তাউখৎনবা দিভাইস (লাইফ জেকেট) অমা লিৎপা।
  • ঈরোইরিবা অঙাং পুম্নমকপু কুপ্না শেন্নবীবা।
  • অঙাংশীংবু অকনবা ঈচেল লৈরিবা তুরেলশীংদা ঈরোইদনবা অমসুং কৈদৌঙৈদা মথন্তা ঈরোইদনবা তাকপী-তম্বীবা।
  • ঈচাউ থোক্কনবা মফমশীংদা, ঈশীং হেনগৎলকপা মতমদা অঙাংশীংবু চেক্সিন্না য়েংবা; লৌশিং তারবা অঙাংশিং য়াউনা ইমুংগী মীওই পুম্নমকপু, করিগুম্বা য়ুম অদু থুনা থাদোক্কদবা ওইরবদি করম্বা শাফবা মফমদা চৎকদগে হায়বদু তাকপীবা।

অঙাংশীংবু মৈ, থোংনবা ষ্টোবশীং, অশাবা মহি অমসুং চিঞ্জাকশীং, অমসুং মকু য়াউদবা ৱায়রশীংদগী লাপ্না থমদুনা মৈ চাকপদগী থীংবা য়াই।

মৈনা চাকপা অমসুং পোকপা হায়বসি চহি নৌরিবা অঙাংশীংদা শাথীবা অশোক-অপন থোকহনবগী খ্বাইদগী তোইনা থেংনবা মরমশিংনি। মৈনা চাকপনা মতম পুম্বগী ওইনা দাকফম লৈহল্লি, অমসুং খরদি শিবফাউবা য়াই। মখোয় অসিগী মনুংদা অয়াম্বদি থোকহন্দবা য়াবা ওই।

খ্বাইদগী কমন ওইবা মৈনা চাকপগী থৌওং অসি মৈ নত্ত্রগা মৈরিগা হকথেংননা শোক্নবা নত্ত্রগা অশাবা পোৎ পায়রুবসিনি। অসিগুম্বা মখলগী মৈনা চাকপসি থীংনবগীদমক্তা:

  • চহি নৌরিবা অঙাংশীংবু চাক থোংলিবা মৈ, মৈখেৎ, কেরোসিনগী থাউমৈ, কেন্দল অমসুং পেরাফিন অমসুং কেরোসিনগুম্বা মৈ হৌগনবা মহিশীংদগী লাপ্না থম্বীগদবনি।
  • ষ্টোবশীংবু অপাকপা, অঙাংশিংনা ফংলোইদবা ৱাংখৎপা ফম্বাক অমদা থমগদবনি।
  • করিগুম্বা ওপন ওইবা চাকথোংবগী মৈ অমা শিজিন্নরবদি, মদু হকথেংননা লৈমায়দা মৈ হৌগনু, মদুগী মহুত্তা লৈবাক্না শেম্বা লৈরং অমদা হৌ। লৈখোম, ৱা নত্ত্রগা অতোপ্পা পোৎশক্কী নত্ত্রগা প্লেপেন অমনা খাজিন্দুনা অপিকপা অঙাংশীংবু চাক থোংলিবা মফম অদু ফংহন্দবা য়াই।
  • অপিকপা অঙাংশীংবু মৈ নত্ত্রগা থোং-থাক্লিবা মফমদা মথন্তা থাদোক্লোইদবনি।
  • অঙাংশীংবু হিতর, অশাবা ইষ্ট্রি অমসুং অতৈ অশাবা খুৎলাঈশীংদগী লাপ্না থমগদবনি।
  • কেন্দল অমা থাল্লিবা নত্ত্রগা মৈ হৌরিবা কা অমদা অঙাং অমবু কৈদৌঙৈদা মথন্তা থাদোক্লোইদবনি।

মৈ চাকপগী অতোপ্পা মরুওইবা মরম অমদি অশাবা মহি নত্ত্রগা চিঞ্জাকশীংনা মৈ চাকহনবসিনি। মসি থোকহন্দনবা:

  • থোং-থাক্নবা কোলশীংগী পাইনবা হেন্দলশীং অদু অঙাংশিংনা ফংলোইদবা মফমদা থমগদবনি।
  • অশাবা চিঞ্জাক অমসুং মহিশীং শাফবা মফম অমদা অমসুং অঙাংশীংনা ফংলোইদবা মফমদা থমগদবনি।
  • অঙাংশীংনা ইরুজবা নত্ত্রগা ঈশীং চাইথবা মতমদা অশাবা ঈশীংগী কোঞ্জিন অদু মশা মথন্তনা লৈথোকহল্লোইদবনি।
  • করিগুম্বা অঙাংনা অশাবা ঈশিং অদু থারবদি মৈনা পোকপদগী থীংনবা, ঈশীংগী হিটরশীংগী তেম্পেরেচর অদু মেদিয়ম ওইবা সেটিং অমদা থমগদবনি।
  • অশাবা থক্নবশীং পায়রিবা মীগী নত্ত্রগা চাক শেম-শারিবা চাকশংগী অকোয়বদা অঙাংশীং চেন-চোংদুনা শান্নহল্লোইদবনি।
  • অশাবা মহি নত্ত্রগা মপংশীং চারিঙৈদা অঙাং অমবু কৈদৌঙৈদা পায়রোইদবনি।

অঙাংশীংনা করিগুম্বা ইলেক্ত্রিসিতিগা শোক্নরুরবদি শাথীনা শোক চৎহনবা নত্ত্রগা মৈনা চাকহনবা য়াই। শোক চৎপা অমসুং মৈনা চাকপা থীংনবা:

  • অঙাংশিংবু মখোয়গী খুৎশাশীং নত্ত্রগা অতৈ পোৎশকশীং ইলেক্ত্রিক্কী সোকেটশীংদা থীংজিন্দনবা তাকপীবা তাই।
  • মৈগী সোকেটশীং শিজিন্নদনবা কুপশিনবীবা তাই।
  • ইলেক্ত্রিক্কী ৱায়রশীং অঙাংশীংনা ফংদনবা মওংদা থম্বীগদবনি।
  • য়াম্না খুদোংথীবা থোকহনবা য়াবা, মকু য়াউদবা ইলেক্ত্রিক্কী ৱায়রশীং ইন্সুলেটিং তেপ শীজিন্নদুনা কুপশীনগদবনি।

মথক্তগী তাবা হায়বসি চহি নৌরিবা অঙাংশিংগীদমক্তদি শোক-পনবা থোকহন্নবগী খ্বাইদগী অচৌবা মরম্নি। কৈরাক, বেলকোনি, য়ুমথক, থোংনাউ, শান্ননবা অমসুং তুম্নবগী মফমশীং অসি ভর্টিকেল ওইবা বারশীং অমসুং পলশীং শিজিন্নদুনা শাফবা ওইহন্দুনা অঙাংশীংবু তাবদগী ঙাকথোকপা য়াই।

অঙাংশীংনা চৎপা, চেনবা অমসুং চোংবা তম্বদা তোইনা তুশিল্লি। অসিগুম্বা তুশিনবশীংসিনা খেত্তৎহল্লি নত্ত্রগা খোত্তৎহল্লি। করিগুম্বা মতমদা তুশীনবনা শরু তেকহনবা, কোক শোকহনবা নত্ত্রগা শিবা য়াউনা অতৈ শাথীনা শোক-পনবশীং থোকহল্লি।

য়েংশিন্দনা থম্বা অঙাংশীংনা ফমুং নত্ত্রগা চারপাইদগী ওন্থবা য়াই। অপীকপা অঙাংশীংনা কৈরাক্কী মখারোমদা নত্ত্রগা থোংনাউদগী নত্ত্রগা বেলকোনিদগী তারকপা য়াই।

অঙাংশিংনা কাবা পাম্মী। করিগুম্বা মখোয়না অৱাংবা মফমদগী তারক্লবা নত্ত্রগা অরুম্বা ফর্নিচরগী মতোন্দা কাখৎনবা হোৎনবদা মখোয়গী মথক্তা তাশিল্লক্লবদি মখোয়দা শাথীনা শোকহনবা য়াই।

য়েংশিনবীবগী মথক্তা, অঙাংশীংনা শাথীনা তারকপদগী থীংনবা খোংথাং খরগী মনুংদা মখাগীসি চল্লি:

  • শাফদবা মফমশীংদা অঙাংশীংনা কাখত্তনবা হায়বা অমসুং থীংবা
  • অঙাংশীংবু কৈরাক অমসুং বেলকোনিশীংদা শান্নহন্দবা, অমসুং করিগুম্বা মখোয়না শান্নবা তারবদি, মখোয়বু চেক্সিন্না য়েংবীগদবনি।
  • কৈরাকশীং, থোংনাউশীং নত্ত্রগা বেলকোনিশীংদা চানবা মরাক অমসুং অৱাংবগী ওইবা বারগী রেলিং শিজিন্নবা।
  • য়ুমবু তরু-তনান্না, ঙালহন্দুনা অমসুং অথৌবা পোৎশকশীং অমসুং মচিনশীং লৈহন্দবা।
  • অৱাংবা চৌক্রিশীংদা অঙাংশীংনা ফম্বা মতমদা ফজনা য়েংশিনবা।
  • পীক্লিবা অঙাংশীংবু ফমুং, চারপাই নত্ত্রগা ৱাল্কর নত্ত্রগা অঙাংশীংগী অতৈ পোৎ-চৈশীংদা শেন্নদনা থাদোক্তবা।
  • ফমুং, চৌক্রি অমসুং অঙাংগী ফমুং মচানচিংবা ফর্নিচরশীংবু থোংনাউশীংদগী লাপ্না থম্বা।
  • অপীকপা অঙাংশীংগী পুক্নিং চিংশিনগদবা মওংদা শান্নপোৎ নত্ত্রগা অতোপ্পা আইতেমশীং অৱাংবা উপুগী থাকশীংদা থম্লোইদবনি, অমসুং কেবিনেট নত্ত্রগা পোৎ-চৈ থম্নবা উপুগী থাকশীং ফক্লাংদা ফাজিন্দুনা থম্লোইদবনি।

মেদিসিনশীং, পোইজনশীং, তিলহাৎ হিদাকশীং, শুনু, এসিদ অমসুং হারশীং অমসুং পেরাফিনগুম্বা (কেরোসিন) ফুএলশীং অসি অঙাংশিংনা উরোইদবা অমসুং ফংলোইদবা মফমশীংদা চেক্সিন্না থমগদবনি। খুদোংথীবা য়াবা পোৎ-চৈশীং, ময়েক শেংনা মমীং থারবা পাত্রশীংদা থমগদবনি অমসুং কৈদৌঙৈদা থক্নবা বোতলশীংদা থম্লোইদবনি। পোইজন চেনবা পোৎ-চৈগীদমক্তদি, অঙাংশীংনা চংলোইদবা মফমদা থমগদবনি।

পোইজনিং অসি অপিকপা অঙাংশীংদা শাথীনা খুদোংথীনিঙাই ওই। ব্লিচ, তিন অমসুং উচিগী পোইজন, পেরাফিন (কেরোসিন) অমসুং য়ুমগী দিটরজেন্টশীংনা অঙাং অমবু হাৎপা নত্ত্রগা মতম পুম্বগী ওইনা শোকহনবা য়াই।

পোইজন কয়ানা হাৎপা, ব্রেন মাং-তাকহনবা, মীৎ তাংহনবা নত্ত্রগা মতম পুম্বগী ওইনা শোকহনবা ঙম্মি, করিগুম্বা মখোয় অসি:

  • য়োৎশিল্লুরবা মতমদা
  • শ্বর হোঞ্জিল্লুরবা মতমদা
  • উনশাদা থেংলুরবা মতমদা
  • মিৎ মনুংদা চংখ্রবা মতমদা

পোইজনিং থীংবগী মরুওইবা থৌরাংদি মাং-তাক্নিংঙাই ওইবা পোৎশকশীং অদু অঙাংশীংনা ফংলোইদবা মফমদা থম্বসিনি।

  • পোইজনশীং অসি সোফট দ্রিঙ্ক নত্ত্রগা বিয়র বোটলশীং, জারশীং নত্ত্রগা কপশীংদা থম্লোইদবনি, মরমদি মখোয়দু অঙাংশীংনা শোয়দুনা থক্লুবা য়াই। হিদাক, কেমিকেল অমসুং পোইজন পুম্নমক মশাগী ওরিজিনেলগী পাত্রশীংদা, কন্না লৈশীন্দুনা অমসুং অঙাংশীংনা ফংলোইদবা মওংদা থমগদবনি।
  • দিটরজেন্ট, ব্লিচ, কেমিকেল অমসুং হিদাকশীং অসি অঙাংশীংনা ফংলোইদবা মফমদা থমগদবনি। মখোয় অদু কন্না লৈশিন্দুনা অমসুং মমিং থাদুনা থমগদবনি। মখোয় অদু উপু নত্ত্রগা ত্রঙ্ক নত্ত্রগা অৱাংবা পোৎ-চৈ থম্ফমশীংদা, অঙাংশীংনা উরোইদবা নত্ত্রগা ফংলোইদবা মওংদা থমগদবনি।
  • অহলশীংদা শীজিন্ননবা হিদাকশীং অসিনা অপিকপা অঙাংশীংবু শোক-পলহনবা নত্ত্রগা শিহনবা য়াই। হিদাক অসি করিগুম্বা অঙাংদুগীদমক প্রেস্ক্রাইব তৌরবা মতমদতা অঙাংদুদা পীজগদবনি। করিগুম্বা মদু অহল অমগী নত্ত্রগা অতোপ্পা অঙাং অমগীদমক প্রেস্ক্রাইব তৌরবদি মদু অঙাং অমদা পীজবীরোইদবনি। অঙাং অমনা মশানা নত্ত্রগা মশামক্কী হিদাক অদু কৈদৌঙৈদা চারোইদবনি। হিদাক অদু মথৌ তারকপা মতমদা মমা-মপা নত্ত্রগা অতৈ শেন্নরিবা মীওই অমনা মদু পীজগদবনি। হিদাক-লাংথকশীং অসি অঙাংশীংনা ফংলোইদবা নত্ত্রগা উরোইদবা মফমদা থমগদবনি।
  • পোইজন ওইবা পোৎ-চৈশীং থম্বা কন্তেনরশীংদা, করিগুম্বা ফংলবদি চাইল্ড-রেসিষ্টেন্ট ক্লোজরশীং শিজিন্নগদবনি।

ছুরিশীং, কাতিশীং, অথৌবা নত্ত্রগা অতুম্বা পোৎ-চৈশীং অমসুং অকায়বা গ্লাসশীংনা শাথীবা অশোক অপনশীং থোকহনবা য়াই। পোৎ-চৈশীং অসি অঙাংশীংনা ফংলোইদবা মফমদা থমগদবনি। শ্বর ফুলহনবা য়াবা প্লাষ্টিক খাউশীং অসি চহি নৌরিবা অঙাংশীংদগী লাপ্না থমগদবনি।

অকাইবা গ্লাসনা শাথীনা শোকহনবা, ঈ থোকহনবা অমসুং ইনফেক্সন থোকপা অশোকপশীং ওইহনবা য়াই। অথৌবা ধাতুগী পোৎ-চৈশীং, মেছিনরি অমসুং কোলহিং কাবা কৌতাশীংনা শাথীনা ইনফেক্সন থোকহনবা য়াবা অশোকপশীং লৈহনবা য়াই।

ইমুং মনুংশীংনা করিগুম্বা মখাগী থৌওংশীং অসি পাংথোক্লবদি গ্লাস অমসুং অথৌবা পোৎ-চৈশীংনা অঙাংশীংবু শোকহনবগী রিস্কশীং হন্থহনবা য়াই:

  • গ্লাস বোটলশীং অসি অপিকপা অঙাংশীংনা য়ৌরোইদবা মফমদা থম্বীবা অমসুং য়ুম অমসুং শান্নফম এরিয়া অদু অকায়বা গ্লাস অমসুং অকায়-অতোইশিং থম্বীদবা
  • থাং, রেজর অমসুং কাতিশীং অসি অঙাংশীংনা ফংলোইদবা মওংদা, দ্রাৱরশীং নত্ত্রগা লোনশিল্লবা কেবিনেটশীংদা থম্বা
  • অকায়বা বোটলশীং অমসুং শীজিন্নখ্রবা কৌতাশীং য়াউনা য়ুমগী অকায়-অতোইশীং শাফবা মওংদা হুন্দোকখিবা

য়ুমগী অকোয়বদা থোকপা অতৈ অশোক-অপনশীংদি অঙাংশীংদা, নুং নত্ত্রগা অতৈ অথৌবা পোৎ-চৈশীং লংবগী অমসুং থাং নত্ত্রগা কাতিনা শান্নবগী খুদোংথীবশীং অদু তাকপীদুনা থীংবা য়াই।

শ্বর ফুনবা থোকহন্দনবা, প্লাষ্টিক খাউশীং অসি অপীকপা অঙাংশীংনা ফংলোইদবা মওংদা লাপ্না থমগদবনি।

চহি নৌরিবা অঙাংশীংদি পোৎ-চৈশীং অসি মখোয়গী মচিন্না হুকচিল্লি। খৌনাউদা পনবা থোক্তনবা, শেলয়েক, হৱাই মরু অমসুং কুদামশীংনচিংবা অপীকপা পোৎ-চৈশীং অসি মখোয়না ফংলোইদবা মফমদা থমগদবনি। অঙাংশিংগী চানবশীং অদু লায়না শায়বা অমসুং য়োৎপা য়ানবা পীক্না শোইগদবনি।

অপিকপা অঙাংশীংনা মখোয়গী অকোয়রোন অসি খংদোক্নবগী লম্বী অমদি মখোয়গী মচিন্দা পোৎ-চৈশীং চাশিনবসিনি। মসিনা মখনাউদা ফুলহনবা য়াই। মসিদসু নত্তনা, অপিকপা অঙাংশীংনা অকনবা মিথাইগুম্বা চানবা খরদি শায়বা অমসুং য়োৎপদা অরুবা ওইনা থোকই। মসিনসু মখোয়বু মখনাউদা ফুলহনবা য়াই।

মমা মপা নত্ত্রগা অতৈ শেন্নরিবা মীওইশীংনা:

  • শান্ননবা অমসুং তুম্ননবা মফমশীং অদুদা কুদাম, বিদ, বেলুন, কলম মখুম, শেলয়েক, মরু-মরাংশীং অসি লৈহল্লোইদবনি।
  • অনৌবা শান্নপোৎশীংবু অঙাংশীংদা শান্ননবা পীদ্রিঙৈ মমাংদা অঙাংশীংনা য়োৎশিনখিবা নত্ত্রগা শোকপা য়াবা, তেকপা য়াবা অথৌবা নত্ত্রগা অকোম্বা মচেকশীং লৈব্রা হায়বদু কুপ্না য়েংবা।
  • অঙাংশীংদা মখনাউদা ফুলহনবা য়াবা লৈবাক হৱাই, অপিকপা মশীং নত্ত্রগা মরুশীং য়াউবা অকনবা অথুম্বা চানবশীং অপিকপা অঙাংশীংদা কৈদৌঙৈদা পীরোইদবনি।
  • অপিকপা অঙাংশীংনা চারিঙৈদা মতম পুম্বদা য়েংশিনবীগদবনি, অমসুং অঙাংশীংগী চিঞ্জাকশীং অদু কোম্না শায়বা নত্ত্রগা য়োৎপা ঙম্নবা পীক্না ককপীগদবনি।

লোক খুবা, মচিন্দা নমশিনবা অমসুং মখোল থোক্না শ্বর হোনবা নত্ত্রগা খোঞ্জেল অমত্তা থোকহনবা ঙম্লক্তবনা শ্বর হোনবা ৱাবা অমসুং মখনাউদা ফুনবগী খুদম পী। করিগুম্বা কনাগুম্বা অমত্তনা অঙাং অদুনা মচিন্দা করিমত্তা হাপচিনবা উখিদবা তারবফাউবদা, অঙাং অদুনা শ্বর হোনবা ৱাবগী মতৌ উৎলক্লবদি, মমা-মপা অমসুং অতৈ শেন্নরিবশীংনা অঙাং অদু শ্বর ফুল্লে হায়বগী চিংনবা লৈবীগদবনি।

সোর্স: UNICEF

অকোনবা শেমদোকখিবা : 6/11/2020



© C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate