টিকা থাবা

• চহি খুদিংগী অঙাং মিলিয়ন 1.4গী মথক্তা, কোম্না ফংলিবা ভেক্সিনশীংনা থীংবা ঙম্বা লায়নাশীংনা নাদুনা শিরি।
• লায়নাশিং অসিগী মনুংদা মিজলস, হেমোফিলস ইনফ্লুএঞ্জা তাইপ B (Hib)না থোকহনবা মেনিনজাইটিস, দিপথেরিয়া, টিতানস, পরতুসিস (হুপিং কফ), য়েল্লো ফিভর, পোলিও অমসুং হেপাটাইটিস B অসি য়াউরি। রোতাভাইরসনা থোকহনবা ন্যুমোনিয়া অমসুং দাইরিয়াগুম্বা অতৈ অনাবশীং থীংনবা অনৌবা ভেক্সিনশীং শেমগৎলে অমসুং হৌজিক্কী হেন্না পাক শন্না শিজিন্নরে।
• টিকা থারবা অঙাংশীং অসি, মখোয়বু শোয়নাইহনবা নত্ত্রগা শিহনবা ঙম্বা অসিগুম্বা শাথীরবা লায়নাশীং অসিদগী ঙাকথোক্লে। অঙাং পুম্নমক্না প্রোতেক্সন অসি ফংনবগী হক লৈ।
• নুপীমচা অমসুং নুপামচা খুদিংমকপু মপুং ফানা টিকা থাবা মথৌ তাই। ঙন্না ঙাকথোকহৌবা হায়বসি য়াম্না মরুওই। অঙাং অদুগী অহানবা অমসুং অনিশুবা চহিগী টিকাশীং অসি অখন্ননা মরুওই। মীরোনবী নুপীশীংনা মখোয় মশামকপু অমসুং মখোয়গী নৌনা পোক্লিবশীংবু ঙাকথোক্নবা টেতানসকী টিকা থাদোকপা হায়বসি মরুওই।
• হৌখিবা চহিশিং অসিদা অঙাংশীংবু টিকা থাবগী প্রোগ্রেস লৈজরবসু, ইং 2008দা অঙাং মিলিয়ন 24গী ময়া নক্না হায়বদি চহি খুদিংগী পোক্লিবা অঙাংগী 20% লোম অসি পুন্সিগী অহানবা চহিদা পীগদবা রুটিন টিকাশীং ফংখিদে।
• মমা মপা নত্ত্রগা অতৈ শেন্নরিবশীংনা করিগীদমক্তা টিকা থাবা অসি মরুওইরিবনো হায়বা, রেকমেন্দ তৌরবা টিকা থাবগী সেদ্যুল, অমসুং মখোয়গী অঙাংশীং অদু মফম কদাইদা টিকা থাগনি হায়বদু খংজিনবা মথৌ তাই।
• অপিকপা অনাবা নত্ত্রগা মীমান্নদবা নত্ত্রগা মালন্যুত্রিসন লৈবা অঙাংশীংদা টিকা থাবা হায়বসি শাফৈ হায়বসি মমা মপা নত্ত্রগা অতৈ শেন্নরিবশীংনা খংবা মথৌ তাই।

মরুওইবা ৱাফমশীং:

1. টিকা থাবা অসি য়াম্না মরুওইবনি। রেকমেন্দ তৌরিবা টিকা থাবগী সিরিজ অসি অঙাং খুদিংমক্না মপুং ফানা ফংবা তাই। ঙন্না ঙাকথোকহৌবা হায়বসি মরুওই; অহানবা চহি অমসুং অনিশুবা চহিগী টিকাশীং অসি খ্বাইদগী মরুওই। মমা মপা নত্ত্রগা অতৈ শেন্নরিবা মীওই পুম্নমক্না করম্বা মতমদা মথৌ তারিবা টিকাশীং অদু মপুং ফাহনগদগে হায়বদু ত্রেন তৌরবা হেলথ ৱার্কর অমগী পাউতাক ইন্দুনা চৎপা তাই।
2. টিকা থাবনা শাথীরবা লায়না কয়াদগী ঙাকথোকই। টিকা থাদবা অঙাং অমনা নারকপা, মতম চুপ্পগী ওইনা মীমান্নদবা নত্ত্রগা মচি কাদবা, অমসুং শিবফাউবা য়াউরকপা য়াই।
3. অপিকপা অনাবা নত্ত্রগা শোয়নাইবা অমা নত্ত্রগা মচি কাদবা অঙাং অমবু টিকা থাবদা খুদোংথীবা লৈতে।
4. মীরোনবী নুপী অমসুং মখোয়গী নৌনা পোক্লিবা অঙাং পুম্নমক টেতানসতগী ঙাকথোকপা তাই। করিগুম্বা নুপী অমা ঙল্লিঙৈদা টিকা থাখিবা ওইরবফাউবদা মহাক্না টেতানস তোক্সোইদ টিকাগী মতাংদা ত্রেন তৌরবা হেলথ ৱার্কর অমগা তান্নবা চংই।
5. টিকা থারিবা মীওই খুদিংগী অনৌবা সিরিঞ্জ অমা শিজিন্নগদবনি। ভেক্সিন পীবা খুদিংগী অনৌবা সিরিঞ্জ অমা শীজিন্ননবা মীয়াম্না হায়গদবনি।
6. মীয়াম্না কুংনা লৈরবা মতমদা লায়নানা থুনা শন্দোকপা ঙম্মী। চগুংননা লৈবা অঙাং পুম্নমক, মরুওইনা রিফ্যুজি নত্ত্রগা উপদ্রবকী ফিভমশীংদা, মরুওইনা মিজলস ঙাকথোক্নবা খুদক্তা টিকা থাগদবনি।
7. টিকা থাদ্রিঙৈ মমাং খুদিংদা অঙাং অমগী (নহা অমগী) ভেক্সিনেসন কার্ড অদু হেলথ ৱার্কর অদুদা উৎকদবনি।

সপোর্ট তৌরিবা ইনফোর্মেসন

টিকা থাবা হায়বসি য়াম্না মরুওই। রেকমেন্দ তৌরিবা টিকাগী সিরিজ অসি অঙাং খুদিংমক্না মপুং ফানা ফংবা তাই। ঙন্না ঙাকথোকহৌবা হায়বসি মরুওই; অহানবা চহি অমসুং অনিশুবা চহিগী টিকাশীং অসি খ্বাইদগী মরুওই। মমা মপা নত্ত্রগা অতৈ শেন্নরিবা মীওই পুম্নমক্না করম্বা মতমদা মথৌ তারিবা টিকাশীং অদু মপুং ফাহনগদগে হায়বদু ত্রেন তৌরবা হেলথ ৱার্কর অমগী পাউতাক ইন্দুনা চৎপা তাই।

অঙাংশিংবু পুন্সিগী ঙল্লিঙৈদা টিকা থাদোকপীগদবনি। নুপীমচা অমসুং নুপামচা অনিমক্না রেকমেন্দ তৌরবা ভেক্সি পুম্নমক মতম চানা লৌবা হায়বসি মরুওই। ভেক্সিন খরদি মপুং ফাবা প্রোটেক্সনগীদমক মল্টিপল দোজ মথৌ তাই। টিকা খুদিংমক অসি মশীং শুনা অঙাং খুদিংমক্তা পীবা মথৌ তাই।

পুন্সিগী অহানবা চহি অমসুং মসিগী মতুংদা অঙাংশীংবু ঙাক-শেন্নবগীদমক মমা মপা অমসুং হেলথ ৱার্করশীংনা মফম অদুগী টিকা থাবগী সেদ্যুল অদু ইনবা তাই।

করিগুম্বা অঙাং অমনা পুন্সিগী অহানবা অমসুং অনিশুবা চহিদা টিকা থাবগী মপুং ফাবা সিরিজ অদু লোয়হৌদ্রবদি অঙাং অদুবু য়ারিবমখৈ থুনা টিকা থাদোকপীবা হায়বসি খ্বাইদগী মরুওই। মসি অখন্নবা কেম্পেইনশীংগী মনুংদা পাংথোকপা য়াই।

টিকা থাবনা শাথীরবা লায়না কয়াদগী ঙাকথোকই। টিকা থাদবা অঙাং অমনা নারকপা, মতম চুপ্পগী ওইনা মীমান্নদবা নত্ত্রগা মচি কাদবা, অমসুং শিবফাউবা য়াউরকপা য়াই।

টিকা থাবনা অঙাংশীংবু খ্বাইদগী শাথীবা অঙাং ওইরিঙৈগি লায়না অয়াম্বদগী ঙাকথোকই। মীমান্নদ্রবা অঙাংশীং য়াউনা অঙাং পুম্নমকপু ভেক্সিন পীবা মথৌ তাই। অঙাং অমবু ভেক্সিন কাপ্তুনা নত্ত্রগা পীথক্তুনা টিকা থাই। ভেক্সিনশীং অদুনা অঙাংদুগী দিফেন্সশীং শাগত্তুনা লায়নাশীংদগী ঙাকথোকই। লায়না অদুনা চংলক্ত্রিঙৈদা টিকা থাবখক্তনা মদুগী কান্নবা ফংবা ঙম্মী।

টিকা থাদোক্তবা অঙাং অমদা মিজলস, হুপিং কফ অমসুং শীবা য়াবা অতৈ লায়নাশীং নারকপা য়াই। লায়নাশীং অসিদগী হিংহৌবা অঙাংশীং অদু শোল্লি অমসুং চাউজন থী। মখোয়দু মতম চুপ্পগী ওইনা শোয়নাইবা য়াই। মখোয় অদু কোন্না মালন্যুত্রিসন অমসুং অতৈ অনাবশীংদগী শিরকপা য়াই।

অঙাং পুম্নমকপু ট্যুবরক্যুলোসিস অমসুং লেপ্রোসিগী মওং খরদগী শরুক খরদা ঙাকথোকপা ঙম্বা BCG (Bacille Calmette-Guérin) ভেক্সিন টিকা থাদোক্কদবনি।

অঙাং পুম্নমক দিপথেরিয়া, টেতানস অমসুং পরটুসিসতগী ঙাকথোক্নবা DTP ভেক্সিন (DPT ভেক্সিন হায়নসু খংনবা) টিকা থাদোকপা মথৌ তাই। দিপথেরিয়ানা মথক থংবা রেস্পিরেটরি ত্রেক্কী ইনফেক্সন থোকহল্লি অমসুং মসিগী কেস অয়াম্বদা শ্বর হোনবা নুংঙাইতবা অমসুং শিহনবসু য়াউই। টেতানসনা মসলশীং কনশিলহল্লি অমসুং মসল ফাজিনবনা অনাবা ফাউহন্দুনা শিহনবসু য়াই। পরটুসিস নত্ত্রগা হুপিং কফনা রেস্পিরেটরি ত্রেক শোকহল্লি অমসুং চয়োল মরিদগী নিপাল ফাউবা লোক খুহল্লি। লায়না অসি পিক্লিবা অঙাংদা য়াম্না খুদোংথীনিঙাই ওই।

মীরোনবী নুপী অমসুং অঙাং পুম্নমক টেতানসতগী ঙাকথোক্নবা টিকা থাদোক্কদবনি।

• নুপী নত্ত্রগা ইনখৎলক্লিবী অমা মীরোন্দ্রিঙৈগী মমাং অমসুং মনুংদা য়ামদ্রবদা টেতানস টোক্সোইদ দোজ অনিগী টিকা থাদোকপনা নৌনা পোক্লিবা অঙাং অদুগী পুন্সিগী অহানবা চয়োল অনিদু ঙাকথোকই অমসুং মমা অদুবুসু ঙাকথোকই।
• চয়োল 6 শুরবা মতমদা, অঙাং অমদা মমাদা পীখিবা টেতানসকী প্রোটেক্সন অদু শাংদোকহন্ননবা টেতানস টোক্সোইদকী (DTP (DPT) ভেক্সিনগী টেতানস কম্পোনেন্ট অদু) অহানবা দোজ অদু পীবা মথৌ তাই।

মালন্যুত্রিসন, ফত্তবা মেন্টেল দিভেলপমেন্ট অমসুং তাবা অমসুং উবগী অশোয়বশীং লৈহন্নবগী মরম অমা ওইরিবা মিজলসতগী ঙাকথোক্নবা টিকা থাদোকপা মথৌ তাই। অরুম হৌবা অমসুং উনশাদা ঙাংবা, মসিগা লোয়ননা লোক খুবা, নপ মহি চেনবা নত্ত্রগা মমিৎ ঙাংলবদি অঙাং অদুদা মিজলস লৈরে হায়বগী খুদম্নি। মিজলসনা অঙাং অমা শিহনবা য়াই।

অঙাং পুম্নমকপু পোলিওদগী ঙাকথোক্নবা টিকা থাদোকপীগদবনি। খোং-খুৎ থরেক থরেক তৌবা নত্ত্রগা লেংবা ঙমদবা হায়বসি পোলিওগী খুদম্নি।

DTP (DPT), হেপাটাইটিস B অমসুং Hib A ভেক্সিনশীং পুন্সিনবা পেন্টাভেলেন্ট ভেক্সিন অমা (ভেক্সিন মঙা অমত্তা ওইনা পুন্সিনবা) নেসনেল ইমুনাইজেসন প্রোগ্রামশীংদা শিজিন্নরক্লি।

রোতাভাইরসনা থোকহনবা দাইরিয়া অসি কমন ওই অমসুং য়াম্না খুদোংথীনিঙাই ওইবা য়াই। মসিনা চহি 5গী মখাদা লৈবা অঙাং অয়াম্বা শোকহল্লি। শাথীবা রোতাভাইরস দাইরিয়া অসি হেলথ কেয়র এক্সেস তৌবদা লুবা চাউখৎলক্লিবা লৈবাকশীংদনা হেন্না কমন ওই। মসিনা চহি 5গী মখাদা লৈবা, মরুওইনা চহি 2গী মখাদা লৈবা অঙাংশিং য়াম্না শিহল্লি। রোতাভাইরস ঙাকথোক্নবা ভেক্সিন পীবনা ভাইরস অসিনা থোকহনবা দাইরিয়াদগী ঙাকথোকই। অদুম ওইনমক, রোতাভাইরস ভেক্সিন লৌরবা অঙাংশীংদা অতৈ বেক্টেরিয়া নত্ত্রগা ভাইরসনা থোকহনবা দাইরিয়াদি অদুমক লৈরকপা য়াই।

জাপানিজ এন্সেফেলাইটিস ভাইরস অসি মরুওইনা এসিয়া লৈবাক্কী খুঙ্গংগী লমশীংদা কাংনা শন্দোকই। মসিনা নাহল্লবা অনাবশীংগী শরুক অহুম থোকপগী অমা শিহনবা শাথীবা অনাবা অমনি। হিংহৌবা অয়াম্বশীংদা ব্রেইন শোকহল্লি। ভেক্সিন অসি শিজিন্ননবগী নেসনেল গাইদলাইনশীংগী মতাংদা পাউতাক অমসুং ইনফোর্মেসন লৌনবগীদমক ত্রেন তৌরবা হেলথ ৱার্কর অমা তান্নগদবনি।

খোম্লাং অমসুং নুপী অমনা অঙাং পোক্লবা মতুং অহানবা নুমিৎ খরনিদা পুথোকপা অনংবা নাপু মচুগী খোম্লাং কোলোষ্ট্রম অসিনা দাইরিয়া, ন্যুমোনিয়া অমসুং অতৈ লায়নাশীংদগী ঙাকথোকই। করিগুম্বা মতমদা কোলোষ্ট্রম অসি অঙাংশীংদা লায়না চংহন্দনবা ইম্যুনিটি শেমগৎপদা মতেং পাংবা নৌনা পোকপা অঙাং অমগী ‘অহানবা ভেক্সিন’ ওইনা লৌনৈ।

ভিটামিন A ৱাৎপসি কমন ওইবা মফমদা, থা মরিদগী তরুক খুদিংগী থা 6 তগী চহি 5 ফাউবগী অঙাং খুদিংদা দোজ ৱাংবা ভিটামিন A (নত্ত্রগা সিরপ) অসি পীজৈ। ভিটামিন A অসি রুতিন ইমুনাইজেসন (থা 9 শুবা মতমদা কাপ্পা মিজলস ভেক্সিনগুম্বা) অমসুং অখন্নবা ইমুনাইজেসন কেম্পেইনশীংদা য়েন্থোকই। ভিটামিন A অসিসু মিজলস লায়েংবগী মরুওইবা শরুক অমনি।

অপিকপা অনাবা নত্ত্রগা শোয়নাইবা অমা নত্ত্রগা মচি কাদবা অঙাং অমবু টিকা থাবদা খুদোংথীবা লৈতে।

অপিকপা অনাবা নত্ত্রগা শোয়নাইবা অমা নত্ত্রগা মচি কাদবা অঙাং অমবু টিকা থাবদা খুদোংথীবা লৈতে।

• মমা-মপাশীংনা মখোয়গী অঙাং অদু অরুম লাইহৌ, লোক খুবা, লোক থুংবা, দাইরিয়া নত্ত্রগা অতোপ্পা অনাবা খরনা নাই হায়দুনা অঙাং অদুবু টিকা থাদোক্নবা তৌদে। অদুম ওইনমক য়াম্না কন্না নাবা নত্ত্রবদি অঙাং অমবু টিকা থাদোকপীবদা করিসু কাইদে।
• নামা শোয়রবা নত্ত্রগা মচি কাদবা অঙাং অমা টিকা থাদোকপদা অকাইবা লৈতে। করিগুম্বা অঙাং অমা HIV-পোজিটিভ ওইরবদি নত্ত্রগা HIV-পোজিটিভ ওইরে হায়না চিংনরবদি অঙাং অদুদা করম্বা ভেক্সিন পীগদগে হায়বগী মতাংদা ত্রেন তৌরবা হেলথ ৱার্কর অমগা তান্নগদবনি।
• ইঞ্জেক্সন অমগী মতুংদা, অঙাং অদু কপ্পা য়াই নত্ত্রগা লাইহৌ, উনশাদা ঙাংবা নত্ত্রগা উনশা খজিক্তং চাথৎপা য়াই। মসি নোর্মেলনি অমসুং মসিনা ভেক্সিন অদু মথৌ তৌরি হায়বা উৎলি। থা 6কী মখাদা লৈবা অঙাংশীংদি খোম্লাং তোইনা পীথক্কদবনি; খরা চাউরবা অঙাংশীংনা মহি-মনাই অমসুং মপং মরাং কায়না পীজ-পীথক্কদবনি। করিগুম্বা অঙাং অমদা লাইহৌ কন্না হৌরবদি (সেলসিয়স দিগ্রি 38গী মথক্তা) অঙাং অদুবু ত্রেন তৌরবা হেলথ ৱার্কর নত্ত্রগা হেলথ সেন্টর অমদা পুগদবনি।
• মিজলস অসি মচি কাদবা অঙাংশীংগীদমক্তদি খ্বাইদগী খুদোংথীনিঙাই ওই, মরম অদুনা করিগুম্বা মালন্যুত্রিসন অদু শাথীরবদি মখোয়বু মিজলসতগী ঙাকথোক্নবা টিকা থাদোক্কদবনি।

মীরোনবী নুপী অমসুং মখোয়গী নৌনা পোক্লিবা অঙাং পুম্নমক টেতানসতগী ঙাকথোকপা তাই। করিগুম্বা নুপী অমা ঙল্লিঙৈদা টিকা থাখিবা ওইরবফাউবদা মহাক্না টেতানস তোক্সোইদ টিকাগী মতাংদা ত্রেন তৌরবা হেলথ ৱার্কর অমগা তান্নবা চংই।

• মফম কয়াদা লৈরিবা মমাশীংনা হায়জেনিক ওইদবা ফিভমশীংদা অঙাং উনরি। মসিনা নৌনা পোক্লিবা অঙাংশীংবু মরুওইনা শীহল্লিবা টেতানস অসি মমা অমসুং অঙাং অদুদা চংলকপগী খুদোংথীবা লৈহল্লি।
• করিগুম্বা মীরোনবী নুপী অমা টেতানস ঙাকথোক্নবা টিকা থাদোক্ত্রবা, অমসুং টেতানস বেক্টেরিয়া নত্ত্রগা স্পোরশীংনা নুপী অদুগী হকচাংদা চংলকই অমসুং মহাক্কী হকচাং অদুসু রিস্ক লৈরকই।
• টেতানস বেক্টেরিয়া নত্ত্রগা স্পোরশীং অসি অমোৎপা অশোকপশীংদা হৌই। করিগুম্বা নাউফম মরি (umbilical cord) অদু অমোৎপা থাংনা কক্লবা নত্ত্রগা করিগুম্বা অমোৎপা অমহেক্তনা মরি (cord) অদুগী মতোন অদুদা থেংলুরবদি বেক্টেরিয়া অসি শেম্লকপা ঙম্মী। মরি অদু ককপদা শিজিন্নবা খুৎলায় অদু চামথোক্কদবনি, ফুত্তোক্কদবনি নত্ত্রগা মৈরি অমদা শাহনগদবনি অমসুং ঈংথহনগদবনি। পোক্লবা মতুং চয়োল অমগী ওইনা, অঙাং অদুগি নাউফম মরি অদু তরু-তনান্না থমগদবনি। পোৎশক অমত্তা ষ্টম্প (stump) অদুগী মথক্তা থম্লোইদবনি।
• মীরোনবী নুপী পুম্নমক টেতানসতগী ঙাকথোক্নবা টিকা শোয়দনা থাদোক্কদবনি। মসিনা মমা অমসুং নৌনা পোক্লিবা অঙাং অনিমক ঙাকথোকই।

মীরোনবী নুপী অমা টিকা থাদোকপদা অকাইবা লৈতে। মহাকপু মখা সেদ্যুলশীগী মতুংইন্না টিকা থাদোক্কদবনি:

মওং চুম্না মতম কান্নরগা কাপ্পা দোজ মঙাগী মতুংদদি, মমা অদু পুন্সিগী ওইনা শাফরে অমসুং মহাক্কী অঙাংশীং অদুগী পুন্সিগী অহানবা চয়োল খরদি শাফরে।

টিকা থারিবা মীওই খুদিংগী অনৌবা সিরিঞ্জ অমা শিজিন্নগদবনি। ভেক্সিন পীবা খুদিংগী অনৌবা সিরিঞ্জ অমা শীজিন্ননবা মীয়াম্না হায়গদবনি।

• সিরিঞ্জ অমসুং য়েত্তুমশীং পুন্না, ইমুং অমগী মীওশীংদা ওইরবসু, শিজিন্নমিন্নবনা, থৱাই মাংবা য়াবা লায়না কয়া শন্দোকহল্লকপা ঙম্মী। মীওই খুদিংগী অনৌবা সিরিঞ্জ অমা শিজিন্নগদবনি।
• এমর্জেন্সি য়াউনা সেটিং অমহেক্তদা, ইমুনাইজেসন পুম্নমক্তা অমুক্তমক শিজিন্নবা য়াবা সিরিঞ্জ হায়বদি ওটো-দিসএবল সিরিঞ্জ অসি শিজিন্নগদবনি।
• ভেক্সিন পীবা খুদিংগী মমা মপা অমসুং অতৈ শেন্নরিবশীংনা অনৌবা সিরিঞ্জ অমা পীনবা হায়গদবনি। হেলথ ৱার্করশীংনা সিরিঞ্জ অমসুং অতৈ কান্নদবা অরেম-অপাশীং শাফবা মওংদা মাংহনগদবনি।

মীয়াম্না কুংনা লৈরবা মতমদা লায়নানা থুনা শন্দোকপা ঙম্মী। চগুংননা লৈবা অঙাং পুম্নমক, মরুওইনা রিফ্যুজি নত্ত্রগা উপদ্রবকী ফিভমশীংদা, মরুওইনা মিজলস ঙাকথোক্নবা খুদক্তা টিকা থাগদবনি।

মীয়াম্না মখোয়গী য়ুম থাদোক্তুনা চেলহনগদবা এমর্জেন্সিশীং থোক্লকপনা লৌনগনবা লায়না তোয়না শন্দোকহল্লি। মরম অদুনা, ময়ুম মকৈ লৈজদ্রবা চহি 15গী মখাদা লৈবা অঙাং পুম্নমকপু মখোয়না হেক খুন্দা লৈতাবগা হায়বদি খুদক্তা, মরুওইনা মিজলসকী টিকা থাদোক্কদবনি।

অঙাংশীং অদু মচি কাদ্রবা নত্ত্রগা ফত্তবা সেনিটেসনগী ফিভমদা হিংলবদি মিজলস অসি হেন্না শাথীবা ওই।

• মিজলসকুম্বা লায়নাশীং অসি য়াম্না থুনা শন্দোকই। মিজলসকা লোয়নরবা অঙাং অমবু অতৈ অঙাংশিংদগী লাপথোক্না থম্বীবা, ত্রেন তৌরবা হেলথ ‍ৱার্কর অমনা য়েংথোকহনবা অমসুং ভিটামিন Aগী দোজ ৱাংনা পীবা মথৌ তাই।
• মফম অমদা মিজলস থোরক্লবদি অঙাংশীং অদু টিকা থাদোকপীগদবনি। থংনবা মফমদসু পাউ পীদুনা অঙাংশীংবু টিকা থাদোকহনগদবনি।

করিগুম্বা রুটিন ওইবা অঙাংগী ইমুনাইজেসন অসি পাংথোকখিদবা তারবদি, নেসনেল গাইদলাইন্সকী মতুংইন্না ইমুনাইজেসনশীং অদু মপুং ফাহন্নবা ত্রেন তৌরবা হেলথ ৱার্কর অমগা তান্নবীগদবনি। করিগুম্বা অঙাংগী ভেক্সিন পীবগী রেকোর্দ অদু মাংখিবা তারবা অমসুং অঙাং অদুদা করম্বা ভেক্সিন পীখ্রে হায়বদু মমা মপা অদুনা নিংশিংদ্রবদি, দোজশীং অদু অমুক হন্না পীবনা হেন্না ফগনি।

টিকা থাদ্রিঙৈ মমাং খুদিংদা অঙাং অমগী (নহা অমগী) ভেক্সিনেসন কার্ড অদু হেলথ ৱার্কর অদুদা উৎকদবনি।

• ভেক্সিন পীবগী সেদ্যুল অদু নেসনেল গাইদলাইন্সকী মতুংইন্না পীবা হায়বসি মরুওই। অঙাংশীংবু রেকমেন্দ তৌরবা চহিশীংদা টিকা থাদোকপীগদবনি অমসুং রেকমেন্দ তৌবা মতুংইন্না মতম খন্নহন্দুনা মথংগী দোজ অদু পীগদবনি।
• অঙাং অমা টিকা থাবা মতমদা, হেলথ ৱার্কর অদুনা ভেক্সিন, করম্বা দোজনো (অহানবা, অনিশুবা, অসিনচিংবা) অমসুং তাং অদু ইমুনাইজেসন নত্ত্রগা হেলথ কার্দ অদুদা রেকোর্দ তৌশিন্দুনা মমা মপা নত্ত্রগা শেন্নরিবা মীওইদুদা পীগদবনি। টিকা থাবশীংদু রেকোর্দ তৌগদবনি অমসুং হেলথ ক্লিনিক অদুদা থমজিনগদবনি। মমা মপা নত্ত্রগা অতৈ শেন্নরিবা মীওইশীং অদুনা ইমুনাইজেসন কার্দ অদু থমজিনবা অমসুং মদু অঙাংদুগী মথংগী ভেক্সিন কাপ্পা মতমদা পুরকপা হায়বসি য়াম্না মরুওই। মদুগা লোয়ননা, হেলথ ৱার্কর অদুনা চিত্থহৌবা নত্ত্রগা লেমহৌরিবা ভেক্সিনশীং অদুগী মরমদা মমা মপা নত্ত্রগা অতৈ শেন্নরিবা মীওইশীং অদুদা ইনফোর্মেসন পীবিবসু য়াই।

সোর্স: UNICEF