108 এমর্জেন্সি রেসপোন্স সর্ভিস

108 সর্ভিসশীং

1-0-8 এমর্জেন্সি রেসপোন্স সর্ভিস অসি মেদিকেল, পুলিস অমসুং ফায়র (মৈহৌ-লাংপোক) এমর্জেন্সিশীংগী 24X7 এমর্জেন্সি সর্ভিস অমনি। সর্ভিস অসি অন্ধ্র প্রদেশ, গুজরাট, উত্তরাখন্দ, গোৱা, টামিল নাডু, কর্নাটকা, আসাম, মেঘালয়া, মধ্য প্রদেশ, হিমাচল প্রদেশ, ছটিসগর, উত্তর প্রদেশ, রাজস্থান, কেরলা ষ্টেটশীং অমসুং দাদ্রা অমদি নগর হাবেলি অমসুং দামন অমদি দিউ হায়রিবা য়ুনিয়ন টেরিটোরি 2সিদা ফংই। মসিগী মপুং ওইবা শক্তমদি, মসিনা 24x7 এমর্জেন্সি সর্ভিস অমা পীবসিনি। লেন্দলাইন নত্ত্রগা মোবাইল এমর্জেন্সিদগী এক্সেস তৌবা য়াবা টোল ফ্রি নম্বরনা চাংচত্তা মিনট 18গী মনুংদা নঙোন্দা এমর্জেন্সি হেল্প ফংহনগনি।

1-0-8 অসি মখাদা পিরিবা হিরমশীং অসিগীদমক্তা দাইল তৌবা য়াই:

• পুন্সি অমা কন্নবা।
• চত্থরিবা ক্রাইম অমগী রিপোর্ট পীনবা।
• মৈহৌ-লাংপোক অমগী পাউ পীনবা।

এমর্জেন্সিশীংগী মখলশীং

করিগুম্বা ‘মীয়ামগী ওইবা সিরিয়স এমর্জেন্সি’ লৈত্রবদি 1-0-8দা কোল তৌবীগনু। মসি ঈ-পাউ লৌনবা নত্ত্রগা খোমজিন্নবা নম্বর অমা নত্তে। 1-0-8দা দাইল তৌদুনা ফাগি অমগুম্না শান্নবীগনু। মদুনা তশেংনা থোকপা এমর্জেন্সি অমগী কোল অদু ব্লোক তৌহন্দুনা পুন্সি অমা মাংহনবা য়াই। করিগুম্বা নহাক্না শোয়খিদুনা 1-0-8দা কোল তৌখিবা তারবদি, পাইরক্লিবা ওফিসর অদুনা থম্নবা হায়রক্ত্রিবফাউবা ফোন ককথৎলোইদবনি।

GVK - EMRI

GVK EMRI (এমর্জেন্সি মেনেজমেন্ট এন্ড রিসর্চ ইনষ্টিট্যুট) হায়বসি ভারত্তা লৈরিবা এমর্জেন্সি মেনেজমেন্ট সর্ভিসশীংগী মাংজিন থারিবা (pioneer) অমনি। পব্লিক প্রাইভেট পার্টনরশিপ (PPP) মোডতা নোট-ফোর-প্রোফিট প্রোফেসনেল ওর্গানাইজেসন অমা ওইনা চলাইরিবা, GVK EMRI অসি ঙসিদি ভারত্তা লৈবা খ্বাইদগী চাউবা প্রোফেসনেল এমর্জেন্সি প্রোভাইদর ওইরে।

GVK EMRI না মেদিকেল, পুলিস অমসুং ফায়র এমর্জেন্সিশীং “1-0-8 এমর্জেন্সি সর্ভিস"গী খুত্থাংদা হেন্দল তৌই। মসি ষ্টেট-ওফ-আর্ট এমর্জেন্সি কোল রেসপোন্স সেন্টরশীং খুত্থাংদা পীরিবা ফ্রি সর্ভিস অমনি অমসুং অন্ধ্র প্রদেশ, গুজরাট, উত্তরাখন্দ, গোৱা, টামিল নাডু, কর্নাটকা, আসাম, মেঘালয়া, মধ্য প্রদেশ, হিমাচল প্রদেশ, ছটিসগর, উত্তর প্রদেশ, রাজস্থান, কেরলা ষ্টেটশীং অসিদা অমসুং দাদ্রা অমদি নগর হাবেলি অমসুং দামন অমদি দিউ হায়রিবা য়ুনিয়ন টেরিটোরি 2সিদা, দ্রোপ বেক এম্বুলেন্স 996 য়াউনা এম্বুলেন্স 7016তগী হেনবা শিজিন্নরি। চহি অমদা এমর্জেসিন মিলিয়ন 30 দা পাউখুম পীদুনা মীওই মিলিয়ন 1 গী পুন্সি কন্নবা ভিজন অমগা লোয়ননা, GVK EMRIনা অহেনবা ষ্টেট কয়াদসু মসিগী গারি অমসুং সর্ভিসশীং হেনগৎহন্নবা পান্দম থম্লি।

রিসর্চ অমসুং এনালাইটিক্সতা অহেনবা মীৎয়েং থমদুনা, GVK EMRIনা ওভরওল এমর্জেন্সি মেনেজমেন্ট সিনারিও অসি হেনগৎহন্দুনা মীওই কয়ানা অৱা-অনা নংলিবসি হন্থহন্নবা প্লান তৌরি।

ভারত্তা GVK EMRI-108গী এক্সেসিবিলিটি

ওগষ্ট 15, 2005দা হায়দ্রাবাদতা 108 এমর্জেন্সি রেসপোন্স সর্ভিস হৌদোকখিবদগী, GVK EMRIনা হৌজিক্কী ওইনা, অন্ধ্র প্রদেশ ষ্টেট শিনবা থুংনা নোংমদা এমর্জেন্সি 3500গী মথক্তা লৌখৎপগা লোয়ননা এম্বুলেন্স 802গা লোয়ননা ইন্টিগ্রেটেদ এমর্জেন্সি সর্ভিস অমা পীরি।

GVK EMRI অসি হৌজিক্কী ওইনদি অন্ধ্র প্রদেশ, গুজরাট, উত্তরাখন্দ, গোৱা, টামিল নাডু, কর্নাটকা, আসাম, মেঘালয়া, মধ্য প্রদেশ, হিমাচল প্রদেশ, ছটিসগর, উত্তর প্রদেশ, রাজস্থান, কেরলা হায়রিবা ষ্টেট 14 অমসুং দাদ্রা অমদি নগর হাবেলি অমসুং দামন অমদি দিউ হায়রিবা য়ুনিয়ন টেরিটোরি 2সিদা চলাইরি।

তোঙান-তোঙানবা ষ্টেটশীংদা য়েন্থোক্লিবা এম্বুলেন্সশীং

1. অন্ধ্র প্রদেশ - 802
2. গুজরাট - 671
3. উত্তরাখন্দ - 245
4. গোৱা - 33
5. টামিল নাডু - 638
6. কর্নাটকা - 517
7. আসাম - 899
8. মেঘালয়া - 47
9. মধ্য প্রদেশ - 604
10. হিমাচল প্রদেশ - 174
11. ছটিসগর - 540
12. উত্তর প্রদেশ - 1194
13. রাজস্থান - 592
14. কেরলা - 43
15. দাদ্রা & নগর হাবেলি অমসুং দিউ & দামন  - 13 (বোট এম্বুলেন্স য়াউনা)

ভলুন্টিয়রস ইন কেস ওফ এমর্জেন্সি (VoICE)

ভলুন্টিয়রিজম (Volunteerism) হায়বসি এমর্জেন্সি অমত্তা রিপোর্ট ফংদবা (unreported) অমসুং পাউ ফংদবা (unattended) হায়বসি লৈহন্দনবগীদমক GVK EMRIনা পায়খৎপা অচৌবা খোংথাং অমনি। 1-0-8 সর্ভিসশীংগী মতাংদা নোলেজ অমসুং ইনফোর্মেসন মীয়ামদা পাক-শন্না খংহন্নবগীদমক ভলুন্টিয়রশীংগী লিষ্ট অমা শেম্নবা GVK EMRI না থৌরাং তৌরি। ভলুন্টিয়রশীংনা মখাদা পিরিবা এরিয়াশীং অসিদা মতেং পাংবা য়াই:

• টেলিফোনগী খুদোংচাবা লৈতবা মীওইশীংদা মতেং পাংনবগীদমক এমর্জেন্সিশীং রিপোর্ট তৌবা।
• এম্বুলেন্স য়ৌরক্তিবফাউবা ভিক্টিম অদুদা মতেং পাংবা।
• ভিক্টিমশীং হোস্পিটালদা লোয়নদুনা চৎপা অমসুং মশক খংদবা ভিক্টিমশীংগী রিফরেল (referral) ওইনা থবক তৌবা।
• করিগুম্বা এম্বুলেন্স অদু মথৌ চিল্লবা নত্ত্রগা ফংদ্রবদি, ভিক্টিম অদুবু এম্বুলেন্সনা লৌখৎখিগদবা উনফম পোইন্ট অদুফাউবা পুবা নত্ত্রগা ভিক্টিম অদুবু হোস্পিটালদা চুমদ্রিংনা পুবা।

GVK EMRIগী এক্সপেক্টেসনশীং (expectations)

অহানবা রেস্পোন্দেন্ট ওইনা: ভিক্টিম অদুদা প্রি-হোস্পিটাল কেয়র পীবা। খুদম ওইনা, করিগুম্বা ভলুন্টিয়র অমনা দোক্টর ওইরবদি, মেদিকেল এমর্জেন্সি থোরকপদা, এম্বুলেন্স অদুনা মফম অদুদা য়ৌরক্ত্রিঙৈদা মহাক্না প্রি-হোস্পিটাল কেয়র পীবা য়াই।

এটেন্দি (খোংলোই/ সেবারি) অমা ওইনা: ভলুন্টিয়র অদুনা ভিক্টিম অদুবু এম্বুলেন্স/ হোস্পিটালদা লোয়নবীবা য়াই।

পাইলোট (দ্রাইভর) ওইনা: খুদক্কী ওইবা অনাবনচিংবা নান্থোকপা য়াদবা ফিভম্না মরম ওইদুনা করিগুম্বা এম্বুলেন্সকী GVK EMRIগী ফিল্ড ষ্টাফ অদু ফংদ্রবদি ভলুন্টিয়র অদুনা গারি থৌদুনা ভিক্টিম অদুবু হোস্পিটালদা পুদুনা মতেং পাংবা য়াই।

ভেহিকল মেকানিক ওইনা: ফিল্ড ওপরেসনশীংদা অপন-অরাক থোকহন্দনবগীদমক GVK EMRI নেটৱার্ক ভেহিকলশীংগী মাইনর/ মেজর রিপিয়ার অমসুং সর্ভিসিংদা মতেং পাংবা য়াই।

সোর্স: GVK EMRI