অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

ফ্রোষ্টবাইট

করিগুম্বা নহাক্না মতম শাংনা য়াম্না ঈংবা টেম্পেরেচরদা এক্সপোজ তৌরবদি, উনশা অমসুং উনশাগী মখাদা লৈবা টিসুশীংদি ফমজিনখিদুনা ফোর্ষ্টবাইট থোকহনবা য়াই। ফ্রোষ্টবাইট অমা লৈবা মতমদা খ্বাইদগী হেন্না কমন ওইনা শোকহনবা মফমশীংদি খুৎশা, খোংশা, নাতোন, নাকোং, খজাই অমসুং খদাংনি।

সিম্পটমশীং (লাইওংশীং)

  • ফ্রোষ্টবাইটকী খ্বাইদগী হেন্না কিনিঙাই ওইদবা অমসুং শাথীদবা (mildest and least serious) মওংবু ফ্রোষ্টনিপ (Frostnip) কৌই। মসি নাবা ফাউবা, উনশাদা মুশিনবা মফমশীং লৈবা, নত্ত্রগা উনশা ঙাংবগী থৌওংনা মশক তাকই। অদুম ওইনমক, মসিদি মহৌশানা উনশানা প্রেসর পীদুনা মশাগী হান্নগী ফিভম হঞ্জিনহল্লি।
  • উনশাগী অশোকপা শরুক অদু অঙৌবা নত্ত্রগা মুরিনবা-নাপু (greyish-yellow) মচু ওল্লকই।
  • অশোকপা শরুক অদু কনশিল্লকই অমসুং ঈংই।
  • অশোকপা মফম অদু থেংবদা করিমত্তা ফাউদে নত্ত্রগা মদু হাক্কচরকই অমসুং শাবা ফাউরকই। উনশাগী শরুক অদু ঙাংশিল্লকই অমসুং নারকই।

লৌগদবা কেয়র (Care to be taken)

য়ারিবমখৈ থুনা দোক্টর অমগা তান্নৌ। মখাদা পীরিবা ফার্ষ্ট এইদ অসিসু লৌবা য়াই।

  • উনশা অদু মখা তানা ঈংনা থমগনু।
  • এরিয়া অদু অশাবা ফি-রোলশীংনা কুপশিল্লু।
  • অশোকপা মফমদু তক্কনু (rub)।
  • ফ্রোষ্টবাইট তৌরবা খোংশা নত্ত্রগা খোংপাক্না চৎকনু।
  • ষ্টোভ, হিটিং পেদ, মৈ হৌফম অসিনচিংবদগী হকথেংননা লাকপা মৈশা (direct heat) শিজিন্নগনু, মরমদি মসিনা উনশা অদু চাকথেকহনবা য়াই।
  • অশোকপা মফমদু শাবুং-শাবুং তৌবা ঈশীংদা (টেম্পেরেচর 40oCমুক্কী ময়াদা) থম্মু। কা-হেন্না শাবা ঈশিং শীজিন্নবনা টিসুশীং অদুদা শোকহনগনি।
  • উনশাদা থেংবদা করিমত্তা ফাউদনা অমসুং নাদুনা লৈরবদি দোক্টর অমা তান্নবা মথৌ তাই।

ফ্রোষ্টবাইট অমা রিৱার্ম তৌবা (Rewarming of Frostbite)

  • অশোকপা শরুক অদু সেলসিয়স দিগ্রি 40 – 42গী ওইবা ঈশীংদা লুপশীন্দুনা রিৱার্ম তৌবা য়াই। হেন্না শাবা ঈশীং ওইরবদি অহেনবা অমাং-অতা থোক্কনি। মসি নহাক্কী উনশাদা শাফম থোকপা টেম্পেরেচর অদুনি। অশোকপা শরুক অদু ঈশীংদা থম্মু অমসুং ঈশীংগী টেম্পেরেচর অদু য়েংউ। টেম্পেরেচর অসি তাথরক্কনি মরম অদুনা টেম্পেরেচর অদু লেংদনা থম্নবগীদমক অহেনবা অশাবা ঈশীং হাপচিনবা মথৌ তাই। অশাবা ঈশিঙ অসি অশোকপদুদা হকথেংননা হাপকনু। ঈশীং অদুদা টেম্পেরেচর চাং মান্ননা লৈহন্নবগীদমক মওং চুম্না সর্ক্যুলেট তৌবা মথৌ তাই। অশোকপা শরুক অদু মিনট 25-40 লুপশিন্দুনা থমগদবনি। শরুক অদু থেক্তোক-থেকচিন (pliable) য়ারবা অমসুং কুচু অমসুং সেন্সেসন (উনশাদা থেংবদা খংলবা) লাক্লবদি থোত্তোকহনবদু (Thawing) মপুং ফারে। মফম অদু অমুকপু রি-ৱার্ম তৌখ্রবদি, মফমদুদা নাবা ফাউরকপা য়াই। থোত্তোকহনবদু মপুং ফারবদি অশাবা ঈশীংদা মখা তানা থম্লনু।
  • রি-ৱার্ম তৌনবগীদমক অচাকপা মৈশা (dry heat) শিজিন্নগনু। মদুনা মথৌ তাবা টেম্পেরেচর অদু লেংদনা থম্বা ঙম্লোই অমসুং মদুনা টিসুশীংদা মখা তানা শোকহনগদবা মওংদা চাকথেকহনবা য়াই।
  • রি-ৱার্মিং মপুং ফারবা মতুংদদি অশোকপা মফম অদু ষ্টেরাইল গোজ (sterile gauze)না য়োমশিনগদবনি অমসুং লেং-ওৎপদগী অমদি মখা তানা ঈংহনবদগী ঙাকথোক্কদবনি।
  • বোডি পার্ট অমা অমুকপু রি-ৱার্ম তৌখ্রবদি, পার্ট অদু রিফ্রিজ (refreezing) তৌহল্লোইদবনি। রি-ৱার্মিং তৌখ্রবা মতুংদা রিফ্রিজিং তৌরবদি টিসুশীংদা পাক-শন্না অমাং-অতা থোকহল্লি অমসুং মদুনা টিসু শিহনখিবা য়াই। করিগুম্বা টিসু অদু শানা থম্বা ঙম্বগী গেরেন্টি লৈত্রবদি, মদু রি-ৱার্ম তৌরোইদবনি। টিসু অসি অমুকপু ফ্রোজন (ফমজিনবা) তৌখ্রবদি, য়াম্না চাউনা শোকপা লৈখ্রবনি। মদু মখা তানা ফ্রোজন তৌদুনা থম্বদা অহেনবা অমাং-অতাদি থোক্লোই।

মরি লৈনবা রিসোর্সশীং



© 2006–2019 C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate