লায়নাশীং ঙাকথোক্নবগী হকশেলগী ওইবা তৌগদবশীং

নহাক্না থক্লিবা ঈশীং অমসুং নহাক্না ঈরুজবদা শিজিন্নরিবা ঈশীং অদু চেকশীনবা ফৈ মরমদি ঈশীংনা লায়না কয়াবু পুথোক-পুশিন তৌই।

থক্নবা ঈশীং – নিংশীংগদবা পোইন্টশীং

• ঈশীং অদু ফি নত্ত্রগা লৈখোমগী চফু নত্ত্রগা কেন্দল ফিল্টরনা চুমথোকউ (Filter)।
• ঈশিং অদু মিনট 10 দগী 15 ফাউবা 100°C তা শৌহল্লু।
• থোং-থাকপদা শীজিন্নরোইদবা উহৈ-ৱাহৈ অমসুং মনা-মশীং অদু অরুম্বা ঈশীংদা তিংলবা মতুংদা মকু খোক্তোক্কদবনি।
• লম্বীগী ভেন্দরশীংনা য়োনবা আইস ক্রিমশীং, দ্রিঙ্কশীং, অসিনচিংবা চা-থক্লোইদবনি।
• হন্দক্তা পাংথোকখিবা ষ্টদিশীংনা উৎলি মদুদি বোটলদা হাপ্পা ঈশীংগী ব্রান্দ কয়াদা পোৎয়ান কয়া য়াউই। সর্ভেশীংনা উৎলি মদুদি শেংলবনি হায়না প্রোমোট তৌরবা ঈশীং কয়া ইচম-চম্বা লেবেল তৌদুনা অমুক হন্না ফিল্টর অমসুং পেকেজ তৌরবা ঈশীং ওইরম্বা য়াউরি। করিগুম্বা নহাক্না বোটলগী ঈশীং চাং নাইনা শিজিন্নবা ওইরবদি, বোটল অদু নিংথীজনা সিল তৌরবা, নমাংদা মখুম হাংদোক্লবা ওইহল্লু অমসুং অমুক হন্না শিজিন্নবা অমসুং পোৎয়ান তৌবা (বোটলশীং অসি PVCনা শেম্বনি) থীংনবগীদমক মওং চুম্না থুগাইদুনা মাংহনখো।
• নহাক্কী য়া অদু য়ারিবমখৈ চুমথোক্লবা ঈশীংনা শেংদোকউ।

ঈরুজনবা ঈশীং – নিংশীংগদবা পোইন্টশীং

ঈরুজবা মতমদা হকচাং অসি মরুওইনা বিলহারজিয়া (bilharzia), লেপ্টোস্পিরোসিস অমসুং দাইরিয়াগা মরি লৈনবা লায়না অসিনচিংবা চংলকপা য়াবগী ওইথোকপা লৈ। লৈখোম অমসুং লৈঙোইদা পেরাসাইট মরুম য়াউবা য়াই। মসি থীংনবা পাম্বৈ খরদি মখাদা পীরি।

• খোংদা করিমত্তা তোংদনা চৎলোইদবনি।
• চুমথোক্তবা ঈশীংনা ঈরুজরোইদবনি।
• শাফবা মওংগী ঈশীং সপ্লাই লৈহল্লু – খুঙ্গংগী লমশীংদদি মসি ঈশীংদা ক্লোরিন হাপ্তুনা অমসুং অথেনবা গুহাশীং অসি সেনিটরি গুহাশীংনা শীন্দোক্তুনা পাংথোকপা য়াই।

সেনিটেসনগী পাম্বৈশীং

মসিনা অমাং-অশোয়শীং ঈশীং, লৈহাউ, শঙ্গোম, চানবা চিঞ্জাক নত্ত্রগা হয়িংশীংগা শম্নদনবগীদমক মওং চুম্না মাংহনখিনবা খংহল্লি। সেনিটেসন অমসুং পর্সোনেল হায়জিন ফগৎহন্নবগীদমক মীয়াম্বু তাকপী-তম্বীবা তঙাইফদে।

কাংদগী ঙাকথোকপা

মরুম কোকফম লৈহন্দবা

• কাংগী মরুম অসি ঈশীংদা কোক্তুনা চাউখৎলকই; মরম অদুনা চোৎ-চোৎ লাউবা অমসুং ঈশীং তুংবা মফম লৈহল্লোইদবনি।
• ঈরম-নালা অমসুং কুত্থবা মফমশীংদা ঈশীং তুংদুনা লৈহল্লোইদবনি।
• ঈশীং লৈহৌগনবা পোৎশকশীং হায়বদি টিনগী কৌটা, বালটিন, বাথরুমগী তেঙ্কি, বেরেল, মখুম খুমদবা তেঙ্কি, অসিনচিংবসি মরুওইনা কন্ত্রোল তৌগদবনি।
• য়ারিবমখৈ, মরুম কোকফমশীংদু ফুনজিনবা ফৈ।

মরুম অমসুং কাং-মচাশীং মাংহনবা

• মরুম চাবা ঙাশীং হায়বদি ষ্টিকলবেক, মিনো, ত্রাউট, অসিনচিংবসি লৈতেংগী ওইবা ঈশীং চাইবী, কোম, পুখ্রি, পাৎ, কেনেল, তেঙ্কিনচিংবদা থাদবা য়াই।
• পাৎ, রিজার্ভর অমসুং ঈশীং ঈচেলশীংদা ঈশীংদা হৌবা নাপী-শীংনা অমসুং অতৈ অতাউবা পাম্বী-শীংনাশীং লৈহন্দবনা ঈশীং মথক্তা চাগনবা মিনোশীংনা (গম্বুসিয়া) কাং মরুম অমসুং মচাশীং চাথোকপদা হেন্না মতেং ওই।
• কাংগী মহৌশাগী ওইবা য়েক্নবা ওইরিবা ঈশীংদা লৈবা কৌজেং (Aquatic nymphs) অমসুং মপুং-মরৈ ফারবা তিন-কাংশীং (dragonflies) অসি তান্থোক্লোইদবনি।

কাংনা চিকপদগী ঙাকথোকপা

• কাং লৈগনবা য়ুমশীংদা থোং অমসুং থোংনাউশীং কাংখল খন্দুনা কাং চংহল্লোইদবনি।
• তুম্বা মতমদা কাংনা চিক্তনবগীদমক কাংখল শীজিন্নগদবনি।
• ফিনা কুপ্তবা হকচাংগী শরুকশীং অদু মোজা, বুট নত্ত্রগা মনা-মশীংদগী শুংবা কাংগী ক্রিম, নিম থাউ, হঙ্গাম থাউ, জাভা সাইত্রোনেলা অমসুং নাসিক পাম্বীগী থাউ অসিনচিংবা কাং হিদাকশীং অসি শিজিন্নদুনা ঙাকথোকপা য়াই।
• করিগুম্বা নহাক্কী থোং-থোংনাউদু কাংখল হাপ্তবা ওইরবদি মদু নোংঙাল্লকপা অমসুং নুমিৎ তারকপা মতমদা থীংজিন্দুনা থম্মু। কাংশীংনা মতম অসিদা মচিঞ্জাক থীবা অমসুং হেন্না নুঙাইগদবা এনভাইরোনমেন্ট অমা থীবা চত্থোক-চৎশিন তৌই।

সোর্স: CPR এনভাইরনমেন্টেল এজুকেসন সেন্টর, চেন্নাই