অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

স্বছ ভারত মিসন

স্বছ ভারত মিসন অসি ইং 2019 ফাউবগী মনুংদা ক্লিন ইন্দিয়া অমা লৈহন্নবা পান্দম থম্লিবা মাস মুভমেন্ট অমনি। জাতিগী মপা মহাত্মা গান্ধীনা মতম পুম্বদা স্বছতাদা অহেনবা মীৎয়েং থমখি মরমদি স্বছতা হায়বসিনা হকশেল ফবা অমসুং চাউখৎপা পুন্সি অমা ফংবা ঙমহল্লি। ৱাখল্লোন অসিগী মখাদা, ভারত সরকারনা ইং 2014গী ওক্টোবরগী তাং 2দা স্বছ ভারত মিসন অসি হৌদোক্নবা ফিরেপ লৌখি। মিসন অসিনা রুরেল অমসুং অর্বান এরিয়া পুম্নমকপু কোনশিনগনি। মিসন অসিগী অর্বান কম্পোনেন্ট অসি মিনিষ্ট্রি ওফ অর্বান দিভেলপমেন্টনা অমসুং রুরেল কম্পোনেন্ট অসিনা মিনিষ্ট্রি ওফ দ্রিঙ্কিং ৱাটর এন্ড সেনিটেসননা ইমপ্লিমেন্ট তৌগনি।

অর্বান এরিয়াদা পায়খৎলিবা স্বছ ভারত মিসন

প্রোগ্রাম অসিগী মনুংদা অহাংবদা খোং হাম্বা তোকহনবা, হকশেল ফরোইদবা মওংগী তোইলেটশীং ঈশীংনা চেন্থখিগদবা তোইলেটশীংদা ওন্থোকপা, খুৎনা অমাং-অশোয় শেংবা তোকহনবা, ম্যুনিসিপাল সোলিদ ৱেষ্ট মেনেজমেন্ট অমসুং হকশেল ফবা সেনিটরিগী থৌওংশীংগা মরি লৈননা মীয়াম্না তৌথোরকপা থবক্তা অহোংবা পুরকপা অসি য়াউরি।

মিসন অসিনা য়ুমথোং ক্রোর 1.04বু কোনশীন্নবা, কম্যুনিটি তোইলেট লাখ 2.5, পব্লিক তোইলেট লাখ 2.6 পীনবা অমসুং টাউন খুদিংমক্তা সোলিদ ৱেষ্ট মেনেজমেন্ট ফেসিলিটি অমমম লৈহন্নবা পান্দম থম্লি। প্রোগ্রাম অসিগী মখাদা, কম্যুনিটি তোইলেটশীং অসি য়ুমথোং অমমমগী তোইলেটশীং শাবদা খুদোং চারোইদবা রেসিদেন্সিএল এরিয়াশীংদা শাগনি। পব্লিক তোইলেটশীং অসিসু টুরিষ্টকী মফমশীং, কৈথেলশীং, বস ষ্টেসনশীং, রেলৱে ষ্টেসনশীং অসিনচিংবগুম্বা মফমশিংদা শাগনি। প্রোগ্রাম অসি টাউন 4,401 দা চহি মঙাগী মনুংদা ইমপ্লিমেন্ট তৌগনি।

ইন্দিভিজুএল তোইলেট অমা শাবগী পীগদবা অপুনবা মতেং অসি সেন্ত্রেল গবর্নমেন্টতগী লুপা 4000/- অমসুং ষ্টেট গবর্ণমেন্টতগী য়ামদ্রবদা লুপা 1333/-নি। অদুম ওইনমক, অৱাং নোংপোক ষ্টেটশীংগী মতাংদদি, ষ্টেটশীং অসিনা ইন্দিভিজুএল টোইলেট অমগী ওইনা শুপ্নগী লুপা 400/-খক পুথোকপা মথৌ তাই। অদুম ওইনমক,  ULB/ ষ্টেট গবর্নমেন্টনা এদিসনেল রিসোর্সেসকী খুত্থাংদা অহেনবা ফন্দশীং ষ্টেজ অমহেক্তদা থাদোকপদা অথীংবা লৈতে।

কম্যুনিটি তোইলেটশীং শানবগীদমক্তা ফংবা য়াবা মতেং – সেন্ত্রেল গবর্ণমেন্টনা VGF/ আউটরাইট গ্রান্ট অমা ওইনা কম্যুনিটি তোইলেট শানবগী চংগদবা শেনফম অদুগী 40% ফাউবা পুথোক্কনি। SBM গাইদলাইনশীংগী মতুংইন্না, ষ্টেটশীং/UTশীংনা কম্পোনেন্ট অসিগী ওইনা অহেনবা 13.33% অমা পুথোক্কনি। NE অমসুং স্পেসিএল কেটেগোরিগী ষ্টেটশীংদি শুপ্নগী 4%খক্তমক পুথোকপা মথৌ তাগনি। ৱাৎহৌরিবা অদুনা অর্বান লোকেল বোদি অদুনা ইনোভেটিভ মেকানিজমশীংগী খুত্থাংদা পুথোক্নবা তৌবা তাই। কম্যুনিটি তোইলেট অমগী সিট অমদা চংগদবা চাউরাকপা শেনফম অসি লুপা 65,000/-নি।

স্বছ ভারত মিসন (গ্রামিন)

নির্মল ভারত অভিয়ান অসি স্বছ ভারত মিসন (গ্রামিন) ওইনা অমুক হন্না শেমদোকখ্রে। মিসন অসিনা ভারত অসি চহি মঙাগী মনুংদা অহাংবদা মখোঙ হাম্বা লৈহন্দবা লৈবাক (open defecation free) অমা ওইহন্নবা পান্দম থম্লি। মসিনা সোলিদ এন্ড লিক্যুইদ ৱেষ্ট মেনেজমেন্ট এক্টিভিটিশীংগী খুত্থাংদা রুরেল এরিয়াশীংদা লু-নানবগী থাক অসি হেনগৎহন্নবা অমসুং গ্রাম পঞ্চায়টশীং অসি ওপন দিফেকেসন ফ্রি (ODF) ওইরবা, লু-নানবা অমসুং সেনিটাইজ তৌরবা মফম ওইনা শেমগৎনবা পান্দম থম্লি।

মিসন অসিগী মখাদা, লুপা ক্রোর লাখ অমগা লিশিং কুনথ্রামরি অসি লৈবাক অসিদা তোইলেট ক্রোর 11গা লাখ 11 রোম শাবদা থাদগনি। খুঙ্গংগী লমদা অমাং-অশোয় অদু বাইও-ফর্টিলাইজর অমসুং এনর্জিগী অতৈ মওংশীংদা লন (wealth) ওইনা ওন্থোক্নবগীদমক টেক্নোলোজি অসি পাক-শন্না শিজিন্নগনি। মিসন অসি খুঙ্গংদা লৈরিবা মীশীং অমসুং স্কুলগী ওজাশীং অমদি ছাত্রশীংগী মথক্তা, লৈবাক অসিদা লৈরিবা গ্রাম পঞ্চায়ট, পঞ্চায়ট সমিটি অমসুং জিলা পরিষদ খুদিংমকপু খোংজং অসিদা য়াউহন্দুনা খোংজেল য়াংনা (war footing) পায়খৎকনি।

ইন্দিভিজুএল হাউসহোল্ড লেত্রিন (IHHL) শানবগীদমক্তা মিসন অসিগী মখাদা পিরিবা ইন্সেন্টিভ অসি SCশীং/STশীং, অপিকপা লৌমীশীং, লম লৈজদবা য়ুমদি লৈবা শীন্মীশীং, নামা শোয়নায়রবা মীওইশীং অমসুং নুপীনা য়ুম্বূরেনবী ওইবা য়ুমথোংশীং য়াউদনা বিলো পোভর্টি লাইন (BPL) হাউসহোল্ড অমসুং অবব পোভর্টি লাইন (APL) হাউসহোল্ড পুম্নমক্তা ফংগনি। SBM(G)গী মখাদা বিলো পোভর্টি লাইন (BPL) / মশক খংদোক্লবা APLশীংদা পীগদবা ইন্সেন্টিভ অসি,   IHHLগী য়ুনিট অমা শানবা অমসুং খুৎ-শা হাম্নবা অমসুং তোইলেট অদু শেংদোক্নবা ঈশীং থমজিনবা য়াউনা ঈশীং ফংহন্নবগীদমক লুপা 12,000 ফাউবা পীগনি। IHHLশীংগীদমক্তা পীরিবা ইন্সেন্টিভ অসিগী সেন্ত্রেল শেয়র অসি স্বছ ভারত মিসন (গ্রামিন)দগী লুপা 9,000/- (75%) ওইগনি। ষ্টেট শেয়র অসি লুপা 3,000/-(25%) ওইগনি।  অৱাং-নোংপোক ষ্টেটশীং অমসুং স্পেসিএল কেটেগোরি ষ্টেটশীংগী ওইনদি, সেন্ত্রেল শেয়র অসি লুপা 10,800/- অমসুং ষ্টেট শেয়র অসি লুপা 1,200/- (90% : 10%) ওইগনি। ওনরশিপ (ownership) প্রোমোট তৌনবগীদমক্তা বেনিফিসরি অদুবু মহাক্কী IHHL শাবদা হেন্না কন্ত্রিব্যুট তৌনবা পুক্নিং থৌগৎকদবনি।

ODFকী খুঙ্গংশীং/ দিষ্ট্রিক্টশীং/ ষ্টেটশীংগী হৌজিক্কী ষ্টেটশশীং খংনবগীদমক, মফমসিদা ক্লিক তৌ।

সোর্স: স্বছ ভারত মিসন - রুরেল

স্বছ বিদ্যালয়া অভিয়ান

মিনিষ্ট্রি ওফ হ্যুমেন রিসোর্স দিভেলপমেন্টনা স্বছ বিদ্যালয়া প্রোগ্রাম অসি স্বছ ভারত মিসনগী মখাদা, চহি অমগী মনুংদা সরকারগী স্কুল পুম্নমক্তা নুপামচা অমসুং নুপীমচাশীংগী তোখায়বা তোইলেটশীং পীনবা পান্দমগা লোয়ননা হৌদোকখি। প্রোগ্রাম অসিনা লৈবাক অসিদা লৈবা স্কুল পুম্নমক্তা অফবা ঈশীংগী, সেনিটেসনগী অমসুং হায়জিন প্রোগ্রামগী টেক্নিকেল অমসুং হ্যুমেন দিভেলপমেন্ট অনিমক্কী এস্পেক্টশীংগা মরি লৈনবা তঙাইফদবা ইন্টরভেন্সনশীংগী সেট অমা শোয়দনা লৈহন্নবা পান্দম থম্লি।

মিনিষ্ট্রি অসিনা সর্ব সিক্ষা অভিয়ান (SSA) অমসুং রাষ্ট্রিয় মাধ্যমিক সিক্ষা অভিয়ান (RMSA)গী মখাদা লৈবা স্কুলশীংদা তম্লিবা নুপীমচা অমসুং নুপামচাশীংদা তোইলেটশীং ফংহন্নবগীদমক ষ্টেটশীং/ য়ুনিয়ন টেরিটোরিশীংদা শেল-থুমগী মতেং পীরি।

সোর্স: স্বছ ভারত-স্বছ বিদ্যালয়া

রাষ্ট্রিয় স্বছতা কোশ

স্বছ ভারত কোশ (SBK) অসি ইং 2019 ফাউবগী মনুংদা ক্লিন ইন্দিয়া (স্বছ ভারত)কী পান্দম অসি ফংনবগীদমক্তা ইন্দিভিজুএল ফিলান্ত্রোপিক কন্ত্র্যিব্যুসনশীং অমসুং কোরপোরেট সোসিএল রেস্পোন্সিবিলিটি (CSR) ফন্দশীং ফেসিলিটেট অমসুং চেনেলাইজ তৌনবা লিংখৎখিবনি। কোশ অসি স্কুলশীং য়াউনা রুরেল অমসুং অর্বানগী এরিয়াশীংদা লু-নানবগী থাক অসি ফগৎহন্নবা পান্দম ফংনবা হোৎনবদা শিজিন্নগনি। কোশতগী লাকপা এলোকেসন অসি অসিগুম্বা এক্টিভিটিশীংগী দিপার্টমেন্টেল রিসোর্সশীং সপ্লিমেন্ট অমসুং কমপ্লিমেন্ট তৌবদা শিজিন্নগনি। ইন্দিভিজুএল অমসুং কোরপোরেটশীংদগী লাকপা কন্ত্রিব্যুসনশীং ইন্সন্টিভাইজ তৌনবগীদমক্তা, টেক্স রিবেট পীবা য়াবা মফমদা পীনবা মোদেলিটিশীং খন্নরি। মপুংফাবা ওপরেসনেল গাইদলাইনশীংগীদমক্তা, মফমসিদা ক্লিক তৌবীয়ু

অকোনবা শেমদোকখিবা : 6/10/2020



© C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate