হেলথ মিনিষ্ট্রিগী eVIN প্রোজেক্ট

ৱাহৌদোক

সপ্লাইশীং অসি হেন্না মথৌ তারকপা মতমদা কদাইদা, অমসুং মরুওইনা রিমোট হেলথকেয়র ক্লিনিকশীংদা ভেক্সিনশীং অপন-অরাক য়াউদনা ফংহনবা হায়বসি লোজিষ্টিক সিষ্টেম অমগী মরুওইবা মথৌ তাবা অমনি। ইনফোর্মেসন অসি লৈতবনা সপ্লাইশীং লোয়থোকখিবা, কা-হেন্না লৈবা, নত্ত্রগা মাংহনবা থোকহনগনি।

eVIN (ইলেক্ট্রোনিক ভেক্সিন ইন্টেলিজেন্স নেটৱার্ক) অসিনা ভারত্তা ভেক্সিন দেলিভরি তৌবা, লৌশিনবা অমসুং অনৌবা এন্টিজেনশীংগী প্লান তৌনবগী হেন্না ফবা পোলিসি শেম্বদা মপাঙ্গল কনখৎহনগনি। eVINনা ষ্টেট গবর্ণমেন্টশীংবু ষ্টোরেজশীংদা ষ্টোক হেন্না পৈশিনবা অমসুং ষ্টোক্তা ভেক্সিন লৈতবনচিংবা খুদোংচাদবা কয়া ইনফ্রাষ্ট্রকচর, মোনিটরিং অমসুং মেনেজমেন্ট ইনফোর্মেসন সিষ্টেমশীংগী খুদোংচাদবা কয়া কোকহন্দুনা ভেক্সিন কোভরেজগী থোং মান্নদবশীং অদু কোকহন্নবা ইন্টিগ্রেটেদ সোল্যুসন অমা পীরি।

টেক্নোলোজিকেল ইনোভেসন অসি য়ুনাইটেদ নেসন্স দিভেলপমেন্ট প্রোগ্রাম (UNDP)না ভারত সরকারগা খুৎশম্নদুনা ইমপ্লিমেন্ট তৌই।

e-VINগী মতাংদা

eVIN (ইলেক্ট্রোনিক ভেক্সিন ইন্টেলিজেন্স নেটৱার্ক) হায়বসি ভারত্তা লৈবাক অসিনা শেমগৎচবা, স্মার্টফোন এপ্লিকেসন অমগী খুত্থাংদা ভেক্সিন ষ্টোকশীং দিজিটাইজ তৌবা অমসুং কোল্ড চেন (cold chain)গী টেম্পরেচর মোনিটর তৌবা টেক্নোলোজি সিষ্টেম অমনি। ইনোভেটিভ eVIN অসি হৌজিক্কী ওইনদি ভারতকী ষ্টেট তরানিথোইদা ইমপ্লিমেন্ট তৌরি। eVINনা, ভেক্সিন ষ্টোক অমসুং ফ্লোশীংগী, অমসুং ষ্টেটশীং অসিদা লৈবা কোল্ড চেন পোইন্ট পুম্নমক্কী ষ্টোরেজ টেম্পেরেচরশীংগী খুদক্কী ওইবা (real-time) ইনফোর্মেসন পীদুনা  ভারত সরকারগী য়ুনিভর্সেল ইম্যুনাইজেসন প্রোগ্রাম অসিবু সপোর্ট তৌনবা পান্দম থম্লি।

ইন্টিগ্রেটেদ সোল্যুসন অসিগা মখাদা পীরিবশীং অসিগা পুন্সিন্নৈ:

• টেক্নোলোজি : eVIN এপ্লিকেসন সোফ্টৱায়র অমসুং টেম্পেরেচর লোগরশীংগী খুত্থাংদা ভেক্সিন ষ্টোক অমসুং ষ্টোরেজ টেম্পেরেচরগী ওনলাইন রিএল-টাইম ইনফোর্মেসন ফংহন্দুনা প্রমাণদা য়ুম্ফম ওইবা ফিরেপ লৌনবগী খুদোংচাবা পীবা;
• গবর্ণান্স: ষ্টোক অমসুং দিষ্ট্রিব্যুসন রেজিষ্টরশীং ষ্টেন্দর্দাইজ তৌদুনা রেকোর্দ থমজিনবগী থবকপু সিষ্টেমাইজ তৌদুনা ইফিসিএন্ট ওইবা ভেক্সিন লোজিষ্টিক্স মেনেজমেন্ট লৈহনবা; ভেক্সিন কোল্ড চেন নেটৱার্ক হেন্না ময়েক শেংহনবা অমসুং মরক্তা লৈবা অহোবশীং মশক খংদোকপা; ইনফ্রাষ্ট্রকচর অপগ্রেদশীংদা পুক্নিং চিংশিনবা; ষ্টেন্দর্দ ওপরেটিং প্রোসিদ্যুওরশীং শেমগৎপা; অমসুং থবক ফজনা তৌববু পুক্নিং থৌগৎপা;
• হ্যুমেন রিসোর্সশীং: গবর্ণমেন্ট কোল্ড চেন হেন্দলরশীংগী কেপাসিটিশীং শেমগত্তুনা ষ্টেট কোল্ড চেন নেটৱার্কতা হেন্না মপাঙ্গল পীবা; অমসুং ভেক্সিনগী মথৌ তাবশীংগী চাং লেপ্পা, কোল্ড চেন হেন্দলরশীং সুপরভাইজ তৌবা অমসুং দিষ্ট্রিক্ট লান্না কোল্ড চেন টেক্নিসিয়নশীংগা কোওর্দিনেট তৌবদা লেপ্তনা মতেং পাংনবগীদমক দিষ্ট্রিক্ট খুদিংমক্তা ভেক্সিন অমসুং কোল্ড চেন মেনেজরশীং পীবা।

eVINনা মতৌ করম্না থবক পাংথোকপগে?

ইনভেন্টরিশীং দিজিটাইজ তৌবা য়াহন্নবা কোল্ড চেন হেন্দলর পুম্নমক্তা ভেক্সিন eVIN এপ্লিকেসন য়াউবা স্মার্ট ফোনশীং পী। নোংমগী তৌগদবা থবক অমা ওইনা, কোল্ড চেন হেন্দলর খুদিংমক্না ভেক্সিন খুদিংমক্কী নেট য়ুটিলাইজেসন অদু ইম্যুনাইজেসন নুমিৎ খুদিংগী লোয়শিল্লকপদা ষ্টেন্দর্দাইজ তৌরবা রেজিষ্টরশীংদা ইশিনগনি। মসি মতমদুমক্তদা eVIN এপ্লিকেসনদা অপদেট তৌই অমসুং ওনলাইন দাসবোর্দকী খুত্থাংদা দিষ্ট্রিক্ট, ষ্টেট অমসুং নেসনেল লেভেলদা লৈবা প্রোগ্রাম মেনেজরশীংনা য়েংবা য়াগদবা ক্লাউদ সর্ভর অমদা অপলোদ তৌই। ভেক্সিন ষ্টোককী মতাংদা রিএল-টাইম ইনফোর্মেসন পীবগী মথক্তা, সিষ্টেম অসিনা ভেক্সিনশীংগী ষ্টোরেজ টেম্পেরেচর অদু ত্রেক তৌবদসু মতেং পাংই। কোল্ড চেন ইক্যুইপমেন্টদা এটেচ তৌবা SIM-এনেবল টেম্পেরেচর লোগরশীংনসু রেফ্রিজরেটরদা থম্লিবা দিজিটেল সেন্সর অমগী খুত্থাংদা টেম্পেরেচর ইনফোর্মেসন অদু কেপচর তৌই। টেম্পেরেচর দেটা অদু মিনট তরা খুদিংগী রেকোর্দ তৌই অমসুং জেনেরেল পেকেট রেদিও সর্ভিস (GPRS)গী খুত্থাংদা মিনট হুম্ফু খুদিংগী সর্ভরদা অপদেট তৌই। টেম্পেরেচর কায়রকপা মতমদা (breach), লোগরনা এলার্ম পীরকই অমসুং মরি লৈনবা কোল্ড চেন টেক্নিসিয়নশীং অমসুং মেনেজরশীংদা ই-মেইল অমসুং SMS এলর্টশীং থাই।

eVINনা ভেক্সিন অমুক পীশিন্নবগী (replenishment) মতম, সপ্লাই অমসুং কঞ্জ্যুম্পসনগী মওং-মতৌশীংগী মপুংফাবা ওভরভিয়ু অমগী খুত্থাংদা কোল্ড চেন মেনেজরশীংগীদমক টেক্নিকেল কেপাসিটিশীং শেমগত্তুনা অমসুং মপাঙ্গল লৈবা দিসিজন-মেকিং তুল অমা পীদুনা কোল্ড চেন হেন্দলরশীং অসিগী মপাঙ্গল হাপ্লি।

eVIN অসি ভেক্সিন ফ্লো নেটৱার্ক ষ্ট্রিমলাইন তৌদুনা, অঙাং পুম্নমক্তা ভেক্সিনশীং মতম চানা অমসুং কোম্না ফংহন্দুনা থোং মান্নবা (equity) লৈহন্নবা অমসুং হেলথ সিষ্টেমশীং মপাঙ্গল কনখৎহন্নবা মপাঙ্গল কল্লবা কন্ত্রিব্যুসন অমনি।

e-VINগী কান্নবা

ওক্টোবর 2015দগী হৌদুনা, eVIN অসি আসাম, বিহার, ছটিশগর, গুজরাট, হিমাচল প্রদেশ, ঝারখন্দ, মধ্য প্রদেশ, মণিপুর, নাগালেন্দ, ওদিশা, রাজস্থান অমসুং উত্তর প্রদেশকী দিষ্ট্রিক্ট 371দা চৎনহনখ্রে। মসিগা লোয়ননা,

eVINনা কোল্ড চেন পোইন্ট 10,400 হেনবদা হেন্না ফবা ভেক্সিন লোজিষ্টিক্স মেনেজমেন্ট সপোর্ট তৌদুনা লৈবাক অসিদা লৈবা চহি অনিগী মখাদা লৈবা অঙাংশীংগী চাদা 60 রোমদা য়ৌহনগনি। ভেক্সিন ষ্টোর মেনেজরশীং অমসুং কোল্ড চেন হেন্দলরশীং য়াউনা গবর্ণমেন্টগী ষ্টাফ 17,000 মুক্তা মোবাইল অমসুং ৱেবতা য়ুম্ফম ওইবা eVIN এপ্লিকেসনগী মতাংদা ত্রেন তৌখ্রে অমসুং টেম্পেরেচর লোগর 6,700গী মথক্তা ইনষ্টোল তৌখ্রে। প্রোগ্রাম অসি লৈবাক অসিদা লৈবা ষ্টেট অমসুং UT পুম্নমক কোনশিন্নবা হেন্না পাক-চাউনা পাইখৎকনি।

সোর্স: UNDP