কোবিদ-19 পান্দেমিক্না শোকহল্লবা অপিকপা বিজিনেসশিংবু ঙাক্লৌ পীনবগীদমক্তা ইন্টরেষ্ট সবভেন্সনগী স্কিম অমনি। স্কিম অসি আত্মা নির্ভর ভারত অভিয়ানগী মখাদা লাউথোকখিবা এম.এস.এম.ইশিংগা মরি লৈনবা থৌরাংশিংগী মনুংদগী অমা ইমপ্লিমেন্ট তৌনবগীদমক্তনি। কান্নবশিং ইলিজিবল বোরোৱর পুম্নমক্তা থা 12 গী ওইবা 2% গী ইন্টরেষ্ট সবভেন্সন অমা, প্রধান মন্ত্রী মুদ্রা যোজনা (পি.এম.এম.ৱাই)গী মখাদা লৈরিবা শিশু লোন একাউন্ট পুম্নমক্তা পীরি। ‘কোবিদ-19 রেগ্যুলেটরি পেকেজ’ গী মখাদা আর.বি.আইনা অয়াবা পীবা মতুংইন্না, মরি লৈনবা লেন্দরশিংনা মোরেটোরিয়ম অমা ফংহল্লবা বোরোৱরশিংগী ওইনদি, স্কিম অসি মোরেটোরিয়ম পেরিয়দ লোইরবা মতুংদগী হৌরগা থা 12 গী মতম অমা, হায়বদি সেপ্টেম্বর তাং 01, 2020 দগী ওগষ্ট তাং 31, 2021 ফাউবা ওইগনি। অতৈ বোরোৱরশিংগী ওইনদি, স্কিম অসি জুনগী তাং 01, 2020 দগী হৌরগা মে 31, 2021 ফাউবা ওইগনি। পি.এম.এম.ৱাইগী মখাদা, লুপা 50,000 ফাউবগী ইনকম জেনেরেটিং এক্টিভিটিশিংগীদমক্তা পীরিবা লোনশিংবু শিশু লোন কৌই। পি.এম.এম.ৱাই লোনশিং অসি মেম্বর লেন্দিং ইনষ্টিট্যুসনশিং, হায়বদি সেদ্যুল্ড কমর্সিএল বেঙ্কশিং, নন-বেঙ্কিং ফাইনান্স কম্পনিশিং অমসুং মুদ্রা লিমিটেদতা রেজিষ্টর তৌরবা মাইক্রো ফাইনান্সিএল ইনষ্টিট্যুসনশিংনা পী। ইলিজিবিলিটি স্কিম অসিগী কান্নবসি মখাগী ক্রাইটেরিয়া লৈরবা লোনশিংদা ফংহনগনি, হায়বদি ইং 2020 গী মার্চ 31 ফাউবদা লৈখিবা আউটষ্টেন্দিংদা চৎনগনি; অমসুং রিজর্ব বেঙ্ক ওফ ইন্দিয়াগী (আর.বি.আই) গাইদলাইন্স মতুংইন্না, ইং 2020 গী মার্চ 31 ফাউবদা অমসুং স্কিম অসি চৎনরিঙৈ মনুংদা নন-পর্ফোর্মিং এসেট (এন.পি.এ) কেটেগোরিদা লৈখিবশিংদদি স্কিম অসি চৎনরোই। ইন্টরেষ্ট সবভেন্সন অসি একাউন্টশিং অদুনা এন.পি.এ কেটেগোরিদা লৈখিদবা থাশিংদুগী ওইনা, হায়বদি একাউন্ট অদুনা এন.পি.এ তারুরবা মতুংদগী অমুকহন্না পর্ফোর্মিং এসেট ওইরক্লবা থাশিং অদুসু য়াউনা পীগনি। স্কিম অসিনা লোনশিংবু চাং নাইনা শিংলিবা মীওইশিংদা ইন্সেন্টিব পীগনি। ইমপ্লিমেন্টিং এজেন্সি স্কিম অসি স্মোল ইন্দষ্ট্রিজ দিভলপমেন্ট বেঙ্ক ওফ ইন্দিয়া (এস.আই.দি.বি.আই) গী খুত্থাংদা ইমপ্লিমেন্ট তৌগনি অমসুং থা 12 গী ওইনা চৎনগনি। কনাদা কন্টেক্ট তৌগনি ইলিজিবল য়ুজরশিংনা মখোয়গী শিশু লোন একাউন্টশিং লৈরিবা মখোয়গী বেঙ্কশিংদা কন্টেক্ট তৌবা য়াই। অহেনবা খঙনবগীদমক্তা, মফমসিদা ক্লিক তৌবীয়ু।