দ এপরেন্টিসেস এক্ট, 1961 অসি ইন্দষ্ট্রিদা লৈরিবা এপরেন্টিসশিংগী ত্রেনিংগী প্রোগ্রাম্বু, মদুদা ফংলিবা ওন-দ-জোব ত্রেনিং পীনবগী ফেসিলিটিশিং শিজিন্নদুনা রেগ্যুলেট তৌনবগী পান্দমগা লোয়ননা চৎনহনখিবনি। এক্ট অসিনা, ইন্দষ্ট্রিগীদমক্তা স্কিল লৈবা মেনপাৱর দিভলপ তৌনবগীদমক্তা নহারোলশিং অমদি নেসনেল কাউন্সিল ফোর ভোকেসনেল ত্রেনিং (এন.সি.ভি.টি)না ইসু তৌবা নেসনেল ত্রেদ সর্টিফিকেট পাইরবা মীওইশিংদা, অকক্নবা ইন্দষ্ট্রিশিংদা লৈরিবা এমপ্লোয়রশিংনা ইন্দষ্ট্রিদা জোবকী এপরেন্টিসশিপ ত্রেনিং পীনবগীদমক্তা, দেজিগনেটেদ ত্রেদশিংদা এপরেন্টিসশিং এনগেজ তৌবসি তঙাইফদবা ওইহল্লি। এপরেন্টিস অমসুং এপরেন্টিসশিপ ত্রেনিং এপরেন্টিস অমা হায়বসি এপরেন্টিসশিপ ত্রেনিং চত্থরিবা মীওই অমবুনি। এপরেন্টিসশিপ ত্রেনিং হায়বসিনা ইন্দষ্ট্রি নত্ত্রগা ইষ্টাব্লিশমেন্ট অমহেক্তদা পীরিবা ত্রেনিংগী কোর্স অমবু খঙহল্লি। এপরেন্টিসশিপ ত্রেনিংগী মনুংদা, তশেংবা থবক মফমদা পাংথোকপা জোব ত্রেনিংগী মতাংদা বেসিক ত্রেনিং (থিওরিটিকেল ইনষ্ট্রক্সনশিং) অমসুং প্রাক্টিকেল য়াউই। মশাগী চহি 14 শুরবা, ফিজিকেল্লি ফিট ওইবা অমসুং ত্রেদ অমগীদমক্তা প্রেস্ক্রাইব তৌবা মিনিমম এজুকেসনেল ক্বালিফিকেসন লৈবা মীওই অমনা এপরেন্টিসশিপ ত্রেনিং য়াউবা য়াই। এপরেন্টিসশিপ ত্রেনিংগী কান্নবশিং এপরেন্টিসশিংনা ‘ওন দ জোব’ ত্রেনিং চত্থনবগী অমসুং তশেংবা ৱাৰ্কিং কন্দিসনশিংদা এক্সপোজ তৌনবগী তঞ্জা অমা ফংই। মখোয়না এদভান্স ওইরবা মেছিনশিং অমসুং ইক্বুইপমেন্টশিংদা, ইন্দষ্ট্রি স্পেসিফিক ওইবা খ্বাইদগী ফবা প্রাক্টিসশিংদা থবক শুবা অমসুং মখোয়গী ফিল্ডগী মতাংদা হেন্না খঙজিন-তমশিন্নবগী খুদোংচাবা অমা ফংই। এপরেন্টিসশিংনা অমুকপু ত্রেদ নত্ত্রগা শিনফম অমদা নোলেজ অমসুং স্কিলশিং তান্সিনখ্রবদি মখোয় অসি স্কিল লৈরবা শীন্মীশিং ওইরে অমদি মসিনা মখোয়বু খুৎশুমল ফংবা নত্ত্রগা মশানা মশাবু থবক পীজবা ঙমহল্লি। মসিগী মথক্তা এপরেন্টিসশিংনা ত্রেনিংগী মনুংদা প্রেস্ক্রাইব তৌরবা রেটকী মতুংইন্না ষ্টাইপেন্দ ফংই। মীওই অমহেক্তনা, এপরেন্টিসশিপ সিটশিং লৈরিবা সেন্ত্রেল/ষ্টেট পব্লিক সেক্টর নত্ত্রগা প্রাইভেট সেক্টরদা লৈরিবা ইন্দষ্ট্রি/ইষ্টাব্লিশমেন্ট অমহেক্তদা এপরেন্টিসশিপ ত্রেনিং লৌবা য়াই। এপরেন্টিসশিংগী কেটেগোরিশিং এপরেন্টিসশিংগী কেটেগোরি মরি লৈ, মখোয় অদুদি ত্রেদ এপরেন্টিস মসি দেজিগনেটেদ ত্রেদ অমহেক্তদা এপরেন্টিসশিপ ত্রেনিং লৌরিবা মীওই অমবুনি। দেজিগনেটেদ ত্রেদ হায়বসিনা গবর্ণমেন্টনা নোটিফাই তৌবা এঞ্জিনিয়রিং/ নন-এঞ্জিনিয়রিং/ টেক্নোলোজি/ ভোকেসনেল কোর্স অমহেক্তগী ত্রেদ/ শিনফম/ সবজেক্ট ফিল্ড অমহেক্তবু খঙহল্লি। 8শুবা, 10শুবা, 12শুবা ষ্টেন্দর্দ অমসুং আই.টি.আই পাস তৌরবশিংনা ত্রেদ এপরেন্টিসশিংগী ওইবা দেজিগনেটেদ ত্রেটশিংদা এপরেন্টিসশিপ তৌনবা ইলিজিবল ওই। অকক্নবা ত্রেদশিংদদি, বি.সাইন্স অসিসু প্রেসক্রাইব তৌরবা ক্বালিফিকেসন অমা ওই। গ্রেজুএট এপরেন্টিস – মসি এঞ্জিনিয়রিং/ নন-এঞ্জিনিয়রিংগী দিগ্রি অমা পায়রবা অমসুং দেজিগনেটেদ ত্রেদতা এপরেন্টিসশিপ ত্রেনিং তৌরিবা মীওই অমবুনি। টেক্নিসিয়ন এপরেন্টিস - মসি এঞ্জিনিয়রিং/ নন-এঞ্জিনিয়রিংগী দিগ্রি অমা পায়রবা অমসুং দেজিগনেটেদ ত্রেদতা এপরেন্টিসশিপ ত্রেনিং তৌরিবা মীওই অমবুনি। টেক্নিসিয়ন (ভোকেসনেল) এপরেন্টিস – ওল ইন্দিয়া কাউন্সিলনা মশক খঙলবা স্কুল এজুকেসনগী সেকেন্দরি থাক লোয়রবা মতুংদা ভোকেসনেল কোর্সতা সর্টিফিকেট পায়রবা মীওই অমবুনি। এপরেন্টিসশিপতা ষ্টাইপেন্দ পীবা ত্রেদ এপরেন্টিসশিং য়াউনা এপরেন্টিসশিংগী কেটেগোরি পুম্নমক্তা পীগদবা ষ্টাইপেন্দগী মিনিমম রেট রিভাইস তৌখ্রে অমসুং সেপ্টেম্বর তাং 25, 2019গী এক্সত্রা ওর্দিনরি গেজেট ওফ ইন্দিয়াদা ফোঙখ্রে। মিনিমম ষ্টাইপেন্দ অসি মরি লৈবা ত্রেদশিংগী করিকুলাদা পীরিবা এজুকেসনেল অমসুং তেক্নিকেল ক্বালিফিকেসন রিক্বাইরমেন্টতা য়ুম্ফম ওই। সেপ্টেম্বর 2019 ফাউবদা এমেন্দ তৌখিবা দ এপরেন্টিসশিপ রুল, 1992 না খঙহল্লি মদুদি, এপরেন্টিসশিপ ত্রেনিংগী অনিশুবা চহিদা, প্রেস্ক্রাইব তৌবা মিনিমম ষ্টাইপেন্দ এমাউন্টদা চাদা 10 হেনগৎকনি অমদি এপরেন্টিসশিপ ত্রেনিংগী অহুমশুবা চহিদা মখাতানা চাদা 15 হেনগৎকনি। কেটেগোরি পুম্নমক্কী এপরেন্টিসশিপশিংদা থাগী ওইনা পীগদবা মিনিমম ষ্টাইপেন্দ অদু মখাগী অসুম্না ওইগনি : কেটেগোরি ত্রেনিংগী অহানবা চহিগী প্রেস্ক্রাইব তৌরিবা মিনিমম বেজ ষ্টাইপেন্দ এমাউন্ট স্কুল পাস-আউটশিং (ক্লাস 5 – ক্লাস 9 ) থাদা লুপা 5000 স্কুল পাস-আউটশিং (ক্লাস 10) থাদা লুপা 6000 স্কুল পাস-আউটশিং (ক্লাস 12) থাদা লুপা 7000 নেসনেল নত্ত্রগা ষ্টেট সর্টিফিকেট হোল্ডর থাদা লুপা 7000 টেক্নিসিয়ন (ভোকেসনেল) এপরেন্টিস নত্ত্রগা ভোকেসনেল সর্টিফিকেট হোল্ডর নত্ত্রগা সেন্দৱিচ কোৰ্স (দিপ্লোমা ইনষ্টিট্যুসনশিংদগী লাকপা মহৈরোইশিং) থাদা লুপা 7000 ষ্ট্রিম নত্ত্রগা সেন্দৱিচ কোৰ্স অমহেক্তগী টেক্নিসিয়ন এপরেন্টিসশিং নত্ত্রগা দিপ্লোমা পায়রবা (দিগ্রি ইনষ্টিট্যুসনশিংদগী লাকপা মহৈরোইশিং থাদা লুপা 8000 গ্রেজুএট এপরেন্টিসশিং নত্ত্রগা দিগ্রি এপরেন্টিসশিপ নত্ত্রগা ষ্ট্রিম অমহেক্তদা দিগ্রি পায়রবশিং থাদা লুপা 8000 স্কিল সর্টিফিকেট পায়রবশিং মথক্কী টেবলদা পীরবগুম্না মহাক্কী এজুকেসনেল ক্বালিফিকেসনগী মতুংইন্না ষ্টাইপেন্দ পীগনি। করিগুম্বা মহাক অদু মথক্কী কেটেগোরি অমত্তদা চন্দ্রবদি, মহাক্না থাদা লুপা 5000/- গী মিনিমম ষ্টাইপেন্দ অমা ফংগনি। সোর্স : মিনিষ্ট্রি ওফ স্কিল দিভলপমেন্ট এন্ড ওন্ট্রপ্রেনরশিপ